استفسار ضروري عن البيسمنت (القبو)

[q-a-t-a-r]

صارلي 6 شهور وانا اسال عن البنيان ومجهز الخرايط وفالاخير اكتشفت ان المساحات
اللي عندي مب كافيه حبيت استفسر عن البيسمنت من حيث
1- التكلفه في سعر المتر
2- شتنصحون فيه يكون خرسانه ولا طابوق
3- استشاري صاحب ضمير مايهم اذا كان مصنف او لا
4- حاليا كم وصل سعر المتر بلاستر
5 - من المهندس اللي ممكن يفيدني في تصميم الخارطه
6- في خرايطي السابقه كان مساحة الدور 270*2
قالولي 6 شهور يسلموني بلاستر لو سويت نفس الحجم بيسمنت من عنده خلفيه
كم ياخذ وقت

[naklan]

صارلي 6 شهور وانا اسال عن البنيان ومجهز الخرايط وفالاخير اكتشفت ان المساحات
اللي عندي مب كافيه حبيت استفسر عن البيسمنت من حيث

ابشر وان شاء الله اقدر افيدك


1- التكلفه في سعر المتر


التكلفه تحسب على اساس حديد وخرسانه فقط ولن السعر

متغير سيسعر لك المقاول بالمترالمربع +سعر العازل المائي


2-شتنصحون فيه يكون خرسانه ولا طابوق


طبعاً خرسانه وتعمل عوازل قار مانعه للتسرب والرطوبه

3- استشاري صاحب ضمير مايهم اذا كان مصنف او لا


اذا كان يفهم وعنده خبره لا مانع


4- حاليا كم وصل سعر المتر بلاستر


سعر تقريبي داخلي حوالي 15 ريال للمتر وخارجي 10 ريال للمتر


5 - من المهندس اللي ممكن يفيدني في تصميم الخارطه


جميع مكاتب الاستشارييين بيعملون لك خرايط على طلبك ومزاجك

اختر النموذج ويعمل لك اسكتش وتعدل الي تبيه ويعمل لك خرايط وافضل

انك تروح لاستشاري مجرب من قبل احد اقاربك او ربعك ويكون فنان

والتعامل معه سهل واسعاره مناسبه


6- في خرايطي السابقه كان مساحة الدور 270*2
قالولي 6 شهور يسلموني بلاستر لو سويت نفس الحجم بيسمنت من عنده خلفيه
كم ياخذ وقت


المفروض الفتره ما تزيد عن الشهر للمساحه المذكوره

و6 شهور تبني فيها فله كامله


بالتوفيق اخوي

اخوك/naklan

:)

[رحّال]

هذا رقم مهندس بيفيدك حاولت ابعث لك رقمه خاص بس مشاركاتك ما تسمح لك الظاهر
ويسمحون لي المراقبين و هو جداًً امين ٦٦٠٨٨٤٩١ / أسامه *

[q-a-t-a-r]

الله يجزاك خير وفي ميزان حسناتك

بس اخوي هو مهندس للخرايط ولا للبناء ؟؟

اخوي naklan
مشكور وماقصرت بيض الله وجهك عالافاده

[koko33]

عندك مكتب التصميم للاستشارات الهندسية مقابل سباير من جهة الغرب

[sweety]

صارلي 6 شهور وانا اسال عن البنيان ومجهز الخرايط وفالاخير اكتشفت ان المساحات
اللي عندي مب كافيه حبيت استفسر عن البيسمنت من حيث
1- التكلفه في سعر المتر
2- شتنصحون فيه يكون خرسانه ولا طابوق
3- استشاري صاحب ضمير مايهم اذا كان مصنف او لا
4- حاليا كم وصل سعر المتر بلاستر
5 - من المهندس اللي ممكن يفيدني في تصميم الخارطه
6- في خرايطي السابقه كان مساحة الدور 270*2
قالولي 6 شهور يسلموني بلاستر لو سويت نفس الحجم بيسمنت من عنده خلفيه
كم ياخذ وقت
هلا اخوي qatar انا مسوية بيسمنت كامل والمقاول نصحني بالخرسانة
اما بخصوص التكلفة فانا بانتظار كشف الاسعار الاسبوع القادم ان شاء الله

[q-a-t-a-r]

تسلمون جميع
اختي sweety لاتنسيني الله يجزاج خير ابي اعرف كم الاسعار
وهل الحسبه بالمتر؟..

[sweety]

تسلمون جميع
اختي sweety لاتنسيني الله يجزاج خير ابي اعرف كم الاسعار
وهل الحسبه بالمتر؟..

اتوقع يكون البيسمنت مكلف لان المقاول يقول لازم يركب لي عازل للرطوبة واذا حبيت تبني حمامات في البيسمنت لازم تشتري مضخات رافعة للمجاري

[q-a-t-a-r]

انا بعد اتوقع بس حاب اعرف المتر على كم يحسبون لاني ببلش بالخرايط ويقولون البيسمنت لما تبنيه ماتقدر تغير

[مستثمر_]

السعر التقريبي للبيسمنت اتوقع دبل سعر المتر في الدور العادي

[q-a-t-a-r]

:omg:
لاتقولها :anger1:

[ليث المعاني]

انا خلصت ولله الحمد فيلتي حاليا وهي عظم وبادي في التشطيب والفيلا مكونة من بيسمنت دور ارضي دور اول بنت هاوس كبير وملاحق والله اني مرتاح البيسمنت صج روعة ولافيه مشاكل مثل مايعتقدون اغلب الناس !! لكن مكلف لأني سويته خرسانات كامل مع واتر بروف كامل والمساحة الاجمالية بحدود 380 م واحس انه كبير
وروعة لكن اتصدق لو كنت باني قبل 3 او 4 سنوات كان بيطلع علي بحدود 600 الف ريال بس عظم لكن حاليا اقدر اقولك كلفني تقريبا مابين 350 - 400 الف لكن والله يستاهل كفاية يوفر لك مساحات للمستقبل وللحفلات او صالات رياضة او للضيوف مب خسارة والله وعلى فكرة وااايد ناس كانوا يقولون لي اشتبي بالبيسمنت ماوراه الا عوار راس !! يوم بنيته وشافوه غيروا رايهم وخاصة انه مشاكل الصرف الصحي ماعاد لها وجود حاليا وصدقني مهما تاخرت في البنيان او اقصرت افلوس معليه اصبر بس لازم تكمل البيسمنت وعقب بتتذكر كلامي والاسعار اللحين نقدر نقول مقبولة مع انها بدت في الارتفاع وانا البيسمنت عندي كبير يعني قاعة سينما وجلسة وبانتري قريب مكان السينما والباقي خمس غرف نوم !! اثنين للضيوف بكامل ملاحقها وثلاث وحدة غرفة العاب للاطفال ووحدة مكتبة لكتب الاطفال والاخيرة ممكن غرفة رياضة او مكتب للمدام وفي مساحة صغيرة خليتها مثل مصلى للصلاة وفيه على الاطراف مثل خشب حواجز علشان يبين انه مكان للصلاة وفيه سجاد نفس اللي في المساجد !! والقاعة الكبيرة للسينما المقصود فيه مكان مشاهدة التلفزيون مع نظام مسرح متكامل من البيت الحديث وحاليا انتظر منهم التلفزيون الكبير اللي قالوا لي بينزل هذي السنة 80 بوصة تقريبا علشان يكون سينما صج :shy: .... المهم اللي اقصده من كلامي انك مع الايام بتشوف البيت يقصر عليك ودك فيه مساحة اكبر وخاصة لو تزوجوا العيال واكبروا تدري كل بنت او ولد محتاج غرف زيادة او محتاج قسم او جناح كبير له فلو انت فكرت للمستقبل من الان ماراح تندم حتى لو تاخرت في البنيان .. واتصدق لو اقولك ان عدد الغرف في البيت عندي 15غرفة :tease:طبعا من مااذكر لك المطعم والمجلس او الصالات او الاستور ... ماعليك من الاستشاري اللي يصمم لك ..يبه هو ماخذ افلوسه ... ماعليك منه كده كد :omg:انا يوم كنت اصمم فلتي كان يقول لي هذي بتكلفك وايد وهذا بيفلسك ...ماعليك منه طنش له ... هو يبي يخلص منك ويسوي لك كوبي بيست ..لكن انا والله يعلم كنت اجلس معاه واغير وفي الاخير انا اللي صممتها بذوقي وجلست مع الاستشاريين 3 سنوات لين خلصت !! كل مرة نغير انا والمدام
لين وصلنا للقناعة الاخيرة وتلافيني كل الاخطاء في الفلل السابقة بنسبة 99% اتصدق !!!
وهذا انا قاعد اشطب واحس اني ماغلطت يوم تأخرت لأني يوم تأخرت كانت خيرة لي من الله!

[al-sahia]

مرحبا اخوي ليث المعاني
بغيت اسال ايش اسم الشركة اللي بنت لك البيت لو تكرمت لاني نفسك مسويه خرايط بيتي من ثلاث ادوار (بيسمنت ودور ارضي ودور اول )بس الشركات عطتني اسعار خياليه للبيت عضم

[ليث المعاني]

اسف على التاخير في الرد لظروف العمل اسم الشركة التويم للتجارة والمقاولات ناس محترمين جدا وفي منها
طلعت شركة ثانية تتعتبر فرع لهم اسمها شركة حسن الكعبي بس الزين تعاملي مع الباكستانيين وبس ناس خايفين ربهم وابوهم اصلا رجل متدين جدا ... ورقم المكتب 44861534 واطلبي عبد الوهاب او اخوه زايد طبعا هم باكستانيين بس ان شاء الله شغلهم بيعجبك وايد اسعارهم مناسبة يعني سعر السوق بس اهتمام وعدم
غش في البناء ... وعقب قولي لي كم السعر وانا باقولج مناسب ولا لا طبعا بعد مايتم الاتفاق معاهم وشكرا..

[BoFahed]

انا خلصت ولله الحمد فيلتي حاليا وهي عظم وبادي في التشطيب والفيلا مكونة من بيسمنت دور ارضي دور اول بنت هاوس كبير وملاحق والله اني مرتاح البيسمنت صج روعة ولافيه مشاكل مثل مايعتقدون اغلب الناس !! لكن مكلف لأني سويته خرسانات كامل مع واتر بروف كامل والمساحة الاجمالية بحدود 380 م واحس انه كبير
وروعة لكن اتصدق لو كنت باني قبل 3 او 4 سنوات كان بيطلع علي بحدود 600 الف ريال بس عظم لكن حاليا اقدر اقولك كلفني تقريبا مابين 350 - 400 الف لكن والله يستاهل كفاية يوفر لك مساحات للمستقبل وللحفلات او صالات رياضة او للضيوف مب خسارة والله وعلى فكرة وااايد ناس كانوا يقولون لي اشتبي بالبيسمنت ماوراه الا عوار راس !! يوم بنيته وشافوه غيروا رايهم وخاصة انه مشاكل الصرف الصحي ماعاد لها وجود حاليا وصدقني مهما تاخرت في البنيان او اقصرت افلوس معليه اصبر بس لازم تكمل البيسمنت وعقب بتتذكر كلامي والاسعار اللحين نقدر نقول مقبولة مع انها بدت في الارتفاع وانا البيسمنت عندي كبير يعني قاعة سينما وجلسة وبانتري قريب مكان السينما والباقي خمس غرف نوم !! اثنين للضيوف بكامل ملاحقها وثلاث وحدة غرفة العاب للاطفال ووحدة مكتبة لكتب الاطفال والاخيرة ممكن غرفة رياضة او مكتب للمدام وفي مساحة صغيرة خليتها مثل مصلى للصلاة وفيه على الاطراف مثل خشب حواجز علشان يبين انه مكان للصلاة وفيه سجاد نفس اللي في المساجد !! والقاعة الكبيرة للسينما المقصود فيه مكان مشاهدة التلفزيون مع نظام مسرح متكامل من البيت الحديث وحاليا انتظر منهم التلفزيون الكبير اللي قالوا لي بينزل هذي السنة 80 بوصة تقريبا علشان يكون سينما صج :shy: .... المهم اللي اقصده من كلامي انك مع الايام بتشوف البيت يقصر عليك ودك فيه مساحة اكبر وخاصة لو تزوجوا العيال واكبروا تدري كل بنت او ولد محتاج غرف زيادة او محتاج قسم او جناح كبير له فلو انت فكرت للمستقبل من الان ماراح تندم حتى لو تاخرت في البنيان .. واتصدق لو اقولك ان عدد الغرف في البيت عندي 15غرفة :tease:طبعا من مااذكر لك المطعم والمجلس او الصالات او الاستور ... ماعليك من الاستشاري اللي يصمم لك ..يبه هو ماخذ افلوسه ... ماعليك منه كده كد :omg:انا يوم كنت اصمم فلتي كان يقول لي هذي بتكلفك وايد وهذا بيفلسك ...ماعليك منه طنش له ... هو يبي يخلص منك ويسوي لك كوبي بيست ..لكن انا والله يعلم كنت اجلس معاه واغير وفي الاخير انا اللي صممتها بذوقي وجلست مع الاستشاريين 3 سنوات لين خلصت !! كل مرة نغير انا والمدام
لين وصلنا للقناعة الاخيرة وتلافيني كل الاخطاء في الفلل السابقة بنسبة 99% اتصدق !!!
وهذا انا قاعد اشطب واحس اني ماغلطت يوم تأخرت لأني يوم تأخرت كانت خيرة لي من الله!

صادق اخوي القبو هم جدا خصوصا للي يبني بيت مافيه حوش مساحته صغيرة 400-500م وانصح الشباب فيه لانه بيفيد وانا تحسفت اني ما سويت قبو لاني سمعت كلام المهندسين قصوا علي وخلوني اهون


الله يوفقك و يباركلك اخوي في بيتك

[ليث المعاني]

:discuss:انت تدري انهم يقصون عليك وانا مثلك قصوا علي في البداية .. تموا يخرعوني ويقولون ماله داعي بيكلفك وبتخسر وفي مشاكل و و و بس اكتشفت انهم بس يقولون جذيه عشان مايتعب في الخارطة ويسوي طابق زيادة والفلوس هي نفسها ماخذينها ماخذينها بس والله اتصدق عقب ماشفت البيسمت او القبو حمدت ربي لدرجة ان
حتى الاخوان والربع غيروا خرايطهم وعملوا اضافة طابق البيسمت او القبو ... بس صدقوني مب خسارة حتى
لو كلف اشوي واحنا احين نقدر نقول الاسعار في المعقول والله اذكر قبل الازمة المالية يوم الغلاء كان تكلفة
البيسمنت على قياس فيلتي تقريبا من 600 الف الى 700 الف:eek5:لكن احين لو كلف
مع العوازل الممتازة ومع الصب الكامل خرسانة كامل الطابق يطلع في حدود 400 الف:shy:
طبعا كل واحد وله حسبة تختلف عن الثاني وحسب قياس ومساحة الطابق .... وشكرا

[اسباير]

أخوي ليث المعاني الله يبارك لك في منزلك وجعله منزل مبارك
وعامر بذكر الله أخوي ممكن طلب بسيط
ممكن تنزل لنا صور خرايطك ولا تهون عشان
نستفيد منها خصوصاً إنك جلست تدرسها 3 سنوات
والله يكتب أجرك إن شاء الله
وبالبركة مرة ثانية على فلتك جعله منزل السعد

[اسباير]

أخوي ليث المعاني الله يبارك لك في منزلك وجعله منزل مبارك
وعامر بذكر الله أخوي ممكن طلب بسيط
ممكن تنزل لنا صور خرايطك ولا تهون عشان
نستفيد منها خصوصاً إنك جلست تدرسها 3 سنوات
والله يكتب أجرك إن شاء الله
وبالبركة مرة ثانية على فلتك جعله منزل السعد
*

*

[ليث المعاني]

:oops:تسلم الطيب واسف على التاخير في الرد بس والله لو اعرف اشلون انزل كان نزلت من زمان من غير ماتطلب واتصدق لو اقولك اني عمري مانزلت صور او اي تصميم او حتى اي
شي في النت :eek3:على العموم حبيت اقول لك انك لازم تاخذ وقتك في الخرائط عشان ترتاح
بعدين وقت التنفيذ او البناء وشكرا:pardon:

[اعمال]

في ناس اكثير اتقول يبيلك مضخات حق حمامات ومغاسل القبو

مايحتاج مضخات بس احفر حفرة مجاري خاصة حق القبو يعني مثل حفرة المجاري الكبيرة الي في البيت بس هذي اتكون اغزر اشوي عن البيسمنت وبس ودايما الحفرة ماتتملي ولو عقب الف سنة اذا كانت اكبيرة ولاكن اذا اتملت او تبي اتنضفة نفس المجاري العادي بس هذي اتمد البيب من البسمنت وممكن يكون لاف يمين وشمال لين الحفرة الكبيرة وطبعا اتكون الحفرة تحت البيب يعني اغزر من البيسمنت

[ليث المعاني]

:victory:صح كلامك وهذا اللي سويته في بيتي وبالعكس في اشياء اكثر ضفتها

[خبير صيانة]

منزل مبارك انشاء الله