المزح الثقيل

[قطرة مسك]

بسم الله الرحمن الرحيم


السلام عليكم ورحمة الله وبركاته ...



هذا موقف جداً في قمة السخف والسذاجه

تخيل نفسكـ في هذا الموقف ...
وهذا الموقف حصل لي قبل حوالي 2 شهر أو أكثر الله أعلم::

اتصلت علي وحده من صديقاتي قالت .. صديقتنا فلانه ماتت صار لها حادث وصارت تبكي..

طبعاً ليش أنا ضحية الموقف .. لأني دايم أقول لهم أنا من النوع اللي يتأثر بسرعه ويمكن أقعد أيام ما أتكلم مع احد .. وهم حبوا يشوفون اذا كنت صادقه ولا لا


نرجع للسالفه...

أنا ماتكلمت ولا كلمه سكرت السماعه ودقيت على جوال صديقتي (اللي ماتت) لقيته مغلق.. بأتصل على البيت تذكرت إن ماعندهم ثابت..

اتصلت على وحده ثانيه ردت وهي تبكي وما أدري وش تقول وسكرت..

أنا بدت حالتي قعدت حوالي 3 أيام ما أتكلم ... بس أبكي


والحمد لله مرت الأيام على خير ...

وقبل اسبوعين أتفاجأء برساله على البريد من صديقتي اللي ماتت تقول وش رايكـ بالمقلب انتِ يا حساسه..

أنا انصدمت ما أدري وش أسوي.

دقيت عليها وردت وهي تضحكـ سكرت كنت أبي أتأكد انها هي..

0

0



/

هذي سالفتي

وانتوا وش راح تسوون ..

[ام عبدالعزيز]

ماعندها سالفه

احط على الشله اكس كبير بالاحمر...


ومايستاهلون معنى الصداقه..

[MyHighness]

اطقها واعلم ابوها

[sara jsm]

سوي لهم طاف :) ,, لان مافي غشمره بالموت ,,
صادني موقف مثل ذي ,,بس كان المقلب في حد ثاني ,,
وانا تاثرت رغم اني مااعرف الشخص اللي مات ,,
صج حركة يهالوووه

[qatar1111]

ملاغه مكس ثقل دم مكس سخافه

[مشتاقة لقطر]

حراااااااااام اصلا المفروض تفارقين هالشلة موو ثقل دم بس

الا تشكيك بمصداقيتج ويبون يختبرونج


خليهم يولون

[أمير المحبه]

زييين

افرضي صادج شي

ولا الله لايقوله وقف قلبج

ساعتها شبيسوون

شلون بيتصرفون

حتى الندم مابيفيد والله :(

انا ماعتبرها غشمره الصراحه اعتبرها سخافه

[boamir]

اما هالمزح ماله دااعي كللش<< صج غشمرة بنات ههههه

الصراحه لو انا مكاانج اطقع لهم على طوول
مالهم حق يخلونج تصيحين تكونين مهمومه طول هالوقت

يازينا احنا الشباب مزحنا عبط وضحك بس

[حـ ن ـيـ ن]

ومن المزح ماقتل

شفت باليوتيوب رجال و بنت بيسوون مقلب في بنت ثانية داخله بيتها وهي تتكلم بالجوال والرجال ورا الباب والبنت

تصور المشهد

اول ماصرخ الرجال تروعت وطلعت برى البيت على الشارع ومسكينه دعمتها سيارة

بدايته ضحك ولعب ونهايته حسرة وندامة

[Only Me]

غشمره حلوه بين البنات
المفروض ماتسوين لهم اكس

[حورية البحر]

المقلب سخيف ومرة سوها فينا 3 مرات لكن وووالله عيب لانة كل مرة يصادف انة انا والاهل بمكان فية احراج لنا لو يطلع كذب
تخيلو مرة بوقت عيد وزحمة وبسوق انهارت الوالدة علينا
ومرة بوقت مجلة نفس الشي انهارت الوالدة وانقلب الفرح حزن للناس ووبيتهم على همنا
والثالثة بغيت ارواح فيها وافقد حياتي بسبب الفاجعه بلحضة ووقت لا يصدق لهذا الامر وبالنهاية موقف بايخ وثقل دم فيها عيب بصراحة وبلاوي مثل

[@north_star@]

بصراحة موقف بقمة السخافة وانا لو منج بصراحة اقطع علاقتي معاهم لانه اللي مثلهم الكذب عنده شي سهل وما رح تقدرين تثقين فيهم او تصدقينهم بالمستقبل لانه الثقه انعدمت

[.:: القيصر ::.]

السلام عليكم

صراحه الحمدلله والشكر على نعمة العقل

معليش استحملي غالباً وليس دائماً تحصلين الاشياء الطفوليه والغبيه تطلع من البنات :victory:

الله يعزج و يعز السامعين

انا مكانج اسحب سيفون

بس عربي لان اقوى من الافرنجي :nice:.


:shy:

وبعدين شدعوه رفيجتج ماتعزين على اهلها ولا ماتروحين البيت لهم

ههههههههههههههههههههههههههه

بعد صراحه انتي ههههههههههه لا تعليق :eek5:

[بو الجوري]

يعني إنتي على طول تضايقتي وتميتي 3 ايام :..:eek5:
ما كلمتيهم تتأكدين :.. ولا رجعتي تتصلين على اللي قالتلج الخبر :.. !!!:telephone:
و لا سألتي وين العزا :..:rolleyes2:

أنا أقول إشربي Dew و قوي قلبج :..:p

[яέέⓜ]

والله هالمزح ماله داعي
ويدل على سطحية تفكيرهم
اعتقد هالنوعيه تنقص ما تزيد

الله ياجرج فيهم خير

[قطر love]

وليش مارحتي العزا تتاكدين :eek5:

صج ماعندكم سالفه يالبنات

وانتي من صوبك عطيهم احلى

x

[نوفا91]

في ناس دمها ثقييييييييييييل لهدرجه ..!!

انا اقول اسحبي عليهم ..شدعوه يختبرونج ..عسى بس عطوج ّa ..فالاختبار !!

ماقول غير الله يعينهم ع نفسهم ..:)

[كازانوفا]

ايش ما كان تفكيرهم بعمل المقالب بس ما توصل معهم انهم يخبروكي بموت فلانه
لانو ممكن بالفعل نفس البنت تموت بفتره قصيره وانتى ما راح تصدقيهم
ايش بيستفيدو بوقتها
والرسول عليه الصلاة والسلام نهانا عن تخويف المسلم وين احنا من هالتحذير
بس بالفعل كلمة سخيف قليله عليه

[رذاذ]

والله اكس عليهم كلهم ..
شالربع ربع مصايب .

[نمـر]

امحق غشمره

[لافوشيا]

لاحول الله يارب

[الكلدي]

عادي غشمره مافيها شي

خذي الامور ببساطه

مصيرها بتموت اليوم او بكره

عادي ...عادي

[@ بوفيصل@]

امحق ربع