استفسار: لخبراء المانيا ماهي افضل وسيله للوصول الى كولون من فرانكفورت

[قطري طموح]

السلام عليكم .

اخواني الكرام اول شي شكرا لكم مقدما على مروركم ,عندي سفره عاجله الى كولون عن طريق مطار فرانكفورت بتاريخ 27-يناير 2011، وهذي اول مره ازور فيها هذي المدينه ، ولاني ماني عارف افضل وسيله للوصول لمدينة كولوت ، هل القطار افضل ام بالتاكسي ام الطائرة ؟ وكيف استخدم القطار وماهي اقرب محظة للقطار اما عن الطائرة فارجو منكم كيف احجز من المطار ؟
ارجو افادتي ولكم من اخوكم قطري طموح الف تحيه .

[الخفي]

(( تنزل في مطار فرانكفورت وتطلع تاخذ تاكسي للمحطه الرئيسيه في فرانكفورت للقطارات
وتاخذ تذكره لكولون بحوالي 40 يورو او اقل بعد والمسافه اعتقد ساعه ونصف

وكل ساعه فيه رحله ))

[ام خليفة]

من فرانكفورت الى كولون 192 كم تقريبا (ساعتين بالسياره )


اما بالقطار على حسب اذا كان فيه قطار يروح دايركت يمكن يكون اسرع ، بس اللي اعرفه ان كلهم يمرون محطات يعني ممكن تتوقف في 15 محطه او اكثر !!!

التاكسي من المطار يمكن ياخذ عليك فوق ال 1700 ريال ، اما بالطياره 700 ريال تقريبا

هاي موقع (اللوفتهانزا ) تقدر تشوف مواعيد رحلات الطيران من فرانكفورت الى كولون وتحجز اللي يناسبك

http://www.lufthansa.com/de/en/Homepage


رحله موفقه :)

[خالي مشاعر]

اخوي دايركت من المطار تاخذ القطار على koln hbf
القطار العادي ب 41 يورو وياخذ ساعتين

القطار السريع ب 61 يورو وياخذ اقل من ساعه

دش موقعهم اخوي bahn.com

وعقب اضغط على duetchland وبيطلع لك خيار germany بيكون الموقع بالانجليزي

اكتب frankfurt flughafen يعني مطار فرانكفورت

وعقب اكتب koln hbf يعني محطة كولن

والتاكسي غاااااااالي لاتركبه احسن