ماوصيكم على ربعكم // ميحد حمد وقصيدة لول معي زايد غلاكم [الأرشيف]

Xx QATARI xX

24-01-2011, 03:24 AM

من أروع الاغاني الي غناها ميحد حمد على مر تاريخه ان لم تكن الافضل واغلبكم سمعها
وكلمات الاغنية لها قصة واقعية ومعروفه
الشاعر اسمه / مايد النعيمي ( الله يغفر له )

شاب اماراتي طموح كان يدرس في امريكا قبل 15 تقريبا ،، وكان ساكن مع ربعه في شقه
بس ربعه الله يسامحهم كانو مايعطونه ويه ودوم يتطنزون عليه ،، لانه شخصيته ضعيفه شوي
واذا اطلعو مايقولون له تعال معانا ...

وفي يوم من الايام ...
ربعه راحو السينما وما قالو له ،، وفي هالليله طفح الكيل عند مايد ،، وقعد في الشقه يكتب القصيده في ربعة وخلاها في الصاله وطلع
وفي الطريق ادعمته سيارة وتوفى ( الله يرحمه )
يوم ردو ربعه البيت قرو القصيده وقررو انهم يراضون مايد ،، ولكن
بعد فوات الاوان

وهذي قصيدة مايد في ربعه

لوَل معي زايد غلاكم ،، أفدي بروحي واشتريكم
احرب واشني من شناكم ،، ما ارتضي بالشين فيكم
وانتو تجافون اصدقاكم ،، من دون زلات(ن) تجيكم
كدرتوا الخاطر تراكم ،، وعرفت قاصي اوليكم
واليوم مالي فمعناكم ،، حشى وكلا ما عنيكم
امشو وسيرو في هواكم ،، وانا عليه مبتليكم
ضاعو الربع في ملتقاكم ،، من حين جافيتو خويكم
لو كان باغش ادعواكم ،، ان كان بشاور وليكم
لكن هذي من جداكم ،، لمسامحه مني اليكم
واقول لاني في ذراكم ،، عسى الله يهديني ويهديكم
والقلب حالاً عاف ماكم ،، يوم املحت شربت طويكم

الله يرحمك يامايد