استفسار : مسافر الكويت والامارات وأبغي فزعتكم ..

[Abdullah_89]

صـبـحكم/ مـساكم اللــــه بالـخـــيـــر :whistling:

.


.



إن شاء الله بغيت أسافر في شهر فبراير إلى الكويت والامارات ( تغيير جو والإستجمام ) :fight:

بيكون جدول السفرة كالتالي:

من تاريخ 19/02/2011 إلى 22/02/2011 ( 3 ليآلي) في الكويت :pardon:
ومن تاريخ 22/02/2011 إلى 26/02/2011 ( 4 ليالي ) في دبي :thumbup1:

بغيت أستفسر عن الفنادق في الكويت بالتحديد في العاصمة السالمية ويكون قريب من المقاهي والمجمعات والاسواق ( فنادق 4 او 5 نجوم ) :thumbup:

وبالنسبة لدبي انا حاط فبالي فندق ميتروبيلتان بالاس ( 5 نجوم) ، إذا في اقتراحات أخرى ممكن أغير :victory:

أتمنـى تـفـيـدونـي :(

[رُفق المجنّا]

بنصحك بـ بودل وهو في شارع المطاعم ( عمرو بن العاص ) ع ما أعتقد

السعر : متوسط لـ غالي بعض الشئ ( جناح بـ 65 دينار )

الخدمة : جيدة جداً , انترنت + فطور + تنظيف بالطبع )

الموقع : ممتاز وقريب من مجمعات السالمية وفي قلب المجمعات تقريباً ( المارينا وسوق شرق والمركز العلمي والمباركية )

أتمنى أكون أفدتك

[Abdullah_89]

يعطيك الف عافيه اخوي

بادخل موقعهم الحين وباشوف الفندق

[ROCK]

حياك الكويت يالغالي

في فنادق كثيرة مثلا في السالمية

عندك شقق سارا الفندقيه ممتازه بالسالميه

تلفون الحجز ( 009655755304)

واذا مالقيت حياك المجلس مالي ;) في اليرموك لول

[البحار00]

تبي النصيحه

الكويت مافيها شيء بتملل فيها

واذا على سوق المباركيه والله سوق واقف شيخ عليه

وبالنسبه لدبي ترى ياخوي المتروبيلتان صار الله بالخير ومغبر وفوق ذيه كله المصخرة فيه عيني عينك


تبي النصيحه اسكن في تاج بالاس 5 نجوم ونظيف والخدمه 10 على 10 والسعر بحدود 600 ريال

والي يميز هالفندق ان مافيه مشروبات كحوليه لافي الغرف ولا حتى المطاعم

[Abdullah_89]

يعطيكم ألف عافيه وماقصرتوا

اللي عندة اي فندق فالكويت ياريت يفيدني وراح اكون شاكر له

[ROCK]

راجع هالموقع
واختار الكويت

http://www.fendeq.com/

[Abdullah_89]

انا جربت هالموقع واقدر اختار فيه الفندق اللي ابيه وبالسعر اللي يناسبني

لكن ابي فندق حد مجربه فالكويت لان اول مرة اروح ورايح يروحي

[al_lord]

اخوي عبدالله


فندق الرايه حلو وجميل وقريب من الاسواق

خاصة سوق شرق مجمع الافنيوز وقريب من الكورنيش او شارع الخليج كما يطلق عليه
وايضا يوجد تحته مجمع لا اعرف اسمه

فندق جميل وهادئ

وبالتوفيق

[Q8JP]

حياك الله يا الحبيب

اذا تبي تشق المخبه و تسردها فندق ( المرينا ) الفندق الوحيد ألي على البحر وشارع الكورنيش
شارع الخليج العربي .. طبعا بقرب شارع سالم المبارك و اهو اشهر شوارع الكويت ألي يصير
فيه افتتاح هلا فبراير و في اكثر من 10 مولات يقع في السالمية بس وايد غالي

وبنفس هل الشارع اقصد سالم المبارك - السالمية
في فندق 3 او 4 نجوم وايد زين و جديد و موقعه حلو اسمه ( ايبيس )
سعرة يتراوح بين 23 الى 30 دينار بالليله .. تتمشى بنفس الشارع فيه كافيهات و مولات
واغلب المطاعم و بالقرب منه مول المرينا

[Abdullah_89]

يعطيكم ألف عافيه انا حاليا اخترت فندق بودل

فندق ايبيس حلو لكن اقتصادي والغرفة ضيقة ومادري شلون صايرة حده 10 دينار وبعد وايد عليه

المارينا وايد غالي

موفنبيك نفس الشي

فندق بودل ب 480 ريال تقريبا ومع الفطور الكل مدحلي الفندق وموقعه في شارع المطاعم

نبي نحضر حفلة فهد الكبيسي ونوال الكويتية :)

[Q8JP]

موفق خير ان شاء الله

اذا تأمر بشي حاضرين اب اي وقت 24 ساعه

[Abdullah_89]

Q8jp يعطيك الف عافيه وماقصرت ورايتك بيضة اخوي

وانت لو بغيت شي من قطر ترى حاضر و فالخدمة :)

[خشوف]

الكويت مافيها شي حلو غير الاسواق حلوه :(

الفنادق عندك موفبينك روعه ونظيف من تجربتي:nice:
وعندك فندق المارينا عدال المجمع بالظبط روعه بس غالي

واذا تبي شاليهات عندك منتجع جليعه بس قريبه الحدود

[ذيب الريان]

انصحك بفندق موفنبيك البدع حلو وقريب من السالميه وجنبة ستار بوكس وكذا مطعم
وعن دبي عن تجربتي الشخصية اسكن فندق دبي مول ذا ادرس (العنوان) داون تاون عجيب وقريب من النافورة ودبي مول راقي صراحه ويستاهل سعره..............

[Abdullah_89]

ذيب الريان

يعطيك العافيه اخوي

تقريبا محتار بين فندق العنوان دبي مول وفندق المروج روتانا مقابل دبي مول (دقيقتين مشي )

[سواعد111]

فندق روتانا المنشر في السالمية بجانب المجمعات

[الشقيان]

فديت الكويت

[Kuwaiti88]

فندق روتانا المنشر في السالمية بجانب المجمعات


إختي روتانا المنشر بمنطقة الفحيحيل وبعيده حيل عن السالميه ...

:)

[Emarati]

وعن دبي عن تجربتي الشخصية اسكن فندق دبي مول ذا ادرس (العنوان) داون تاون عجيب وقريب من النافورة ودبي مول راقي صراحه ويستاهل سعره..............

100 %

http://www.theaddress.com/media/thumbnail/media-thumb-370-342-style/db9b895f81bf5091f96faa8bce96420b/20091001_square-hotel-fountain.jpg

من أروع فنادق دبي في الفترة الأخيرة وموقعه ممتاز لك اذا حاب تستمع بكل لحظة

بجانبك برج خليفة ، دبي مول ، نافورة دبي ، سوق البحار و شارع الشيخ زايد :)

وحياك الله مقدما في دار الحي

[Abdullah_89]

يعطيكم الف عافيه

[ولد المنصور]

اسكن في السالميه شقق وايد وقريب شارع الخليج وانا رايح انشالله يوم الاربعاء ولا رجعت بعطيك الاخبار انشالله

[Abdullah_89]

تروح وترجع بالسلامة وانا اجلت السفرة للاسبوع الجاي او اللي بعده لظروف خاصه

[مـــحـــمــد]

مرحبا اخوي

بخصوص الكويت
فندق بودل اسعاره حلوه واايد
ومكانه في شارع المطاعم بسالميه
وكل شي قريب منك شارع الخليج و شارع الـحب
ومجمع مارينا مول ومجمع شرق وسوق المباركيه
ومجمع الافنيوز .

وبخصوص الامارات
الافضل تسكن في مرسى دبي مكان شرح
والفنادق كلها جديده ونظيفه والجوو حلوو حق التمشي
عندك المطاعم والقهاوي كلها على البحر وقريب من عندك
اتلانتس .

[انا حره]

ماريوت كورت يارد يمدحووونه