الزوجة تصرف على الزوج :-$

[بنت قطريه]

صبحكم الله بالخير ........

موضوع يطرح نفسه وبداخلي تساؤال كبييييييييييييييييير ..... وباقولكم مثال .....
مريم مدرسه في مدرسه مستقله وعندها بنتين وزوجها يشتغل بالداخليه ... وطبعا مريم راتبها اعلى من زوجها وتحاول قد ماتقدر تصرف على نفسها وبناتها علشان ماتضايق زوجها لان دايما اذا طلبت من زوجها يقولها (((((((((((((((ماعندي باعطيج الشهر الجاي))))))))) وتنتظر وتمر شهور وماخذت من زوجها حتى مصروف عياله .... بس تطور الامر الزوج صار اول اسبوع من الشهر ماعنده ريال يعني طاااار الراتب .... فيرجع حق مريم زوجته ..... يا أم فلان : تصدقين ماعندي الا 50 ريال ...... ومريم تقوله : شدعوه يابوفلان لا لا من عيوني خذ ه2000 لين اخر الشهر .... ويمر الاسبوع ... ونفس الموضوع وترجع زوجته تعطيه بالالاف ..... بس مريم قعدت مع نفسها وسألت نفسها هل في الشرع ان الزوجة تصرف على بيتها وعيالها وزوجها ؟؟؟؟؟ واذا كان زوجها مبذر لدرجة انه مايفكر في بيته وعياله ..... واللي يقهر أكثر .... أن مريم طلعت مع زوجها مشوار وقالها زوجها انه بيمر ياخذ له غرض ومر معاها وكالة سيارات .................. وتفاجأت مريم وتشوف بوفلان مايبيها تنزل معاها بس اصرت وقالت له ماتبي تقعد بروحها والمسكينه انصدمت ان الزوج المحترم مطلع له سيارة جديده من الوكاله شلووووووووووووووووون وهو ماعنده فلوس؟؟؟؟؟ :eek5: ......

مريم تضايقت وتبي حل حق الموضوع ؟؟:weeping::anger1:


((((( القصه من واقع الخيال بس موجوده في مجتمعنا ))))
ودي اعرف رايكم في الموضوع ؟؟؟؟؟
هل الشرع الزم المرأه تصرف على نفسها وبيتها وزوجها ؟؟؟؟؟
ليش الزوج ياخذ من زوجته ؟؟؟؟
وشلون الزوجة تقنع الزوج انه يبتدي يصرف بدون ماتتهاوش معاه وتشتكي عليه في المحاكم ؟؟؟
اقتراح الحلول للموضوع ؟؟؟؟؟

[a7med0_0]

احسن حل لهرجاجيل ان زوجته تشتري لها ارض او فله على حسب استطاعتها
وتحط الرجال امام الامر الواقع وتخليه يتصرف
امحق رجاجيل والله

[كــرت احمــر]

شكراً اختي الفاضلة على هذا الموضوع ، الحياة الزوجية حياة لقبت بشريك الحياة اي المشاركة في هذه الدنيا من صغيرها حتى كبيرها من ناحية تربية الابناء واعباء الدنيا التي لا تنتهي من حيث المصرف والمسكن ، ولكن في حدود اما الزوجة فهي ليسة مجبرة على تحمل اعباء الأسرة طالما الرجل مقتدر مادياً او حتى مديناً لأحد وكرماً منها مساعدته في محنته اذا تطلب منها الأمر ولكن في حدود والله المستعان وشكرا لكِ .

[قطريه ماركه]

ممكن أن تساعد الزوجة بجزء من راتبها لمساعدة الزوج ...

أما أنها تصرف على البيت بأكمله فهذا الشيء لا تستحمله المرأة .. فالرجل له القوامه في كل شيء !!!

و المرأة هي الأقرب للزوج فلابد أن تعرف حالته الاقتصادية و المالية و تأخذ بيده و تساعده إذا كان محتاجاً ...

أما إذا كان مقتدراً فلابد أن يوفر لعائلته الحياة الكريمة دون طلب من الزوجة ....

[bo_hamad]

ممكن أن تساعد الزوجة بجزء من راتبها لمساعدة الزوج ...

أما أنها تصرف على البيت بأكمله فهذا الشيء لا تستحمله المرأة .. فالرجل له القوامه في كل شيء !!!

و المرأة هي الأقرب للزوج فلابد أن تعرف حالته الاقتصادية و المالية و تأخذ بيده و تساعده إذا كان محتاجاً ...

أما إذا كان مقتدراً فلابد أن يوفر لعائلته الحياة الكريمة دون طلب من الزوجة ....

:app2::app2::app2:

[برااق]

من صوبي اشوف الامر عادي ماعندكم وحدة من هل حريم لسنافيات ترانا حاضرين وحنا ما نرضا تصرف علي تصرف على البيت وعلى لعيال مهب مشكلة لاكن علي ياحيفي على ارجال الا اذا من طيبها عادددددددددددددي احم

[بـــــــنت النوخـّــــذه]

ماشاء الله الحريم بعضهم وايد طيبين

تخيلو لو الرجال اهو الي معاشه قوي على طول كان حط فوق راسها مره وخذ الثانيه :nice:

بدل السيارة escape


عموما باختصار مهب زين التبذير باشياء ماتسوى 000ومظاهر ومن هالكلام 000

[al-buainain]

ودي اعرف رايكم في الموضوع ؟؟؟؟؟

المتعارف ان الرجل هو الي يصرف على حرمته واعياله هذا حق وواجب عليه وانا مادري عن اظروفه او ليش هو صار جذيه يمكن و يمكن ويمكن و يمكن........

والحرمه تشوف بيتها واعيالها وزوجها مهب الخدم الي يشوفون الاعيال والزوج في فرق كبير

هل الشرع الزم المرأه تصرف على نفسها وبيتها وزوجها ؟؟؟؟؟

لا

ولاكن الشرع يجيز للمرأه ان تساعد زوجها بحدود المعقول وبموافقتها وهذا الشي يدل على معدنها واصلها .. بس مهب تصرف عليه هو وعياله.

ليش الزوج ياخذ من زوجته ؟؟؟؟

هو في بداية الزواج كان ياخذ منها ؟؟؟؟ ولا كان يعطيها ؟؟؟ وشنهي هي ظروفه المالية ؟؟
بعدين اقدر اجاوب

وشلون الزوجة تقنع الزوج انه يبتدي يصرف بدون ماتتهاوش معاه وتشتكي عليه في المحاكم ؟؟؟
اقتراح الحلول للموضوع ؟؟؟؟؟

اعتقد هذا يعتمد على الحرمه هي الي تقدر اترغبه في البيت والاعيال والصرف عليهم
( مثال )
قبل او في بدايته الزواج الحرمه تبي ادريول اوديها وايجيبها ليش ؟؟؟؟ عشان اتحس انها مستقله وعندها سياره وسايق تحت امرها يمكن ويمكن قالوا لها قولي جذيه في بداية الزواج يمكن
وعقب فترة من الزمن عقب ما الله رزقهم بالاعيال وصار الزوج يطلع بروحه ويرد بروحه وعلى هواه والزوجه على هواها عندها ادريول وسيارة اتسير على ذي واتوجب ذي واتروح حق ذي ... الحين اتشكى ليش ما يوديني زوجي ليش ما يودي الاعيال المدرسة ليش ما يوديهم الالعاب ..... وليش وليش وليش

[/color]

تحياتي للجميع

[رذاذ]

راي صراحه

الحياة مشاركه .. والفلوس احنا الى نجيبها رايحه راده

ولا نخلي نقاش بينا بسبب مبلغ صرفته على نفسي او صرفته على بيتي ..

الحياه اخذ وعطى

والرجل مسؤول عن بيته ومصروف هله .

راتب الزوجه قد يساعد بامور لكن ليس دائما .

ولو الزوج شرا سياره اكيد له ولهله ولبيته ..

ولو انا شريت لها سياره اكيد لي وللبيت وللعيال .

الحلال واحد والجيب وحده وكل مكمل الثاني

.. اعرف ناس ماسكين بطاقة الصراف الخاصه بالزوجه وما فيها مشاكل ..
مبسوطين وامورهم تمام التمام بتفاهم وبإقناع.

اعرف زوج وزوجه فاتحين حساب مشترك توفير .. كل شهر تحط ويحط مبلغ وللضروره يصرفون منه او لتخطيط لسفررره.شالمشكله !!

بعض النساء يصرف راتبهم ويخلص من 10 الشهر .. مدمنه شراء تكون الى لازم ومب لازم
ونفس الشي الرجال .
بس في امور لازمه

[s500]

هذا رجال مافيه خير لو المره هي الي تصرف عليه

[سوق واقف]

الرجل مجبر للصرف على زوجته وأولاده وتوفير حياة كريمة

والزوجة غير مجبرة للصرف على زوجها حتى بريال واحد



ولكن ما يحدث هذه الأيام وللأسف بعض الحريم وليس الكل تاخذ سلفة كبيرة حق زوجها وتسكته طول عمره عن كل شيء سواء بطلعاتها أو سفراتها بروحها أو غيره . . .

[بلوتنيوم]

الرجل مجبر للصرف على زوجته وأولاده وتوفير حياة كريمة

والزوجة غير مجبرة للصرف على زوجها حتى بريال واحد



ولكن ما يحدث هذه الأيام وللأسف بعض الحريم وليس الكل تاخذ سلفة كبيرة حق زوجها وتسكته طول عمره عن كل شيء سواء بطلعاتها أو سفراتها بروحها أو غيره . . .

هههههههههههههه
اطعم الفم تستحي العين :tease:

من وين بتصرف اصلا للطلعات والسفرات اذا ماخذه سلفة كبيرة :omen2:

[نور الزين]

والله لو طلبه الطلاق
بصرف على البيت + الخدمه + سائق++++++الخ
و بعلمونه السنع
و اظن ان معاش الثانويه رجل اكثر من الجامعيه امراه في الدوله
بس الله خلق العقل فقو القلب
و الدينا ما انسانيه
اللزم المراه اكيون قلبه شوي قاسي
لان لو فرضا انت صار لك شي في صحتك
بي طلاقك ودور وحده ثانيه تونسه؟؟؟ اين المحبه ؟؟
وعارف الرجل :
مثنى و ثلاث و ربعا
والله من الاحسن
ديون في البنك؟؟ دين واحد و اثنين و ثالث وربع
او زوجه ثانيه وثالثه ورابعه ؟ يمكن خامسه اذا بطلقك ليش؟؟!!!
عن الرومنسيه و مهند ونور؟؟؟

[Nojoom]

الاخت بنت قطريه

القصة الي طرحتيها 100% ضد الرجل

دور الرجل في القصه ليس فقط المحتاج بل النصاب

وبناء على هالقصه تطلبين منا المشاركه بقتراحات وحلول

بين قوسين ( سالفه شخصيه وحاله نادره )

كنتي تقدرين تطرحين الموضوع بطريقه احسن واشمل وهو السؤال

هل يحق لرجل مطالبة زوجته بالمشاركه في النقه على المنزل والاطفال ؟

ودام سالفتج من الخيال

في سوالف من الواقع زوجه تشتغل وراتبها اكثر من راتب زوجها وهو مايسمح لها انها تشاركه او تصرف ريال واحد على بيته

وفي سوالف اقدر اطلع البنت فيها غلطانه

اقول في واحد محتاج ومديون والناس تطالبه وزوجته تشتغل بس ترفض تساعده وتقوله هذي مسؤلياتك انت وانا ماهو واجب علي انفق


امحق زوجه :(

[مريومة]

اقول في واحد محتاج ومديون والناس تطالبه وزوجته تشتغل بس ترفض تساعده وتقوله هذي مسؤلياتك انت وانا ماهو واجب علي انفق


امحق زوجه :(

فعلا

هذه مسؤوليته .. ولا يطلب منها اتساعده

بس ممكن يمنعها من العمل .. لان هذا حقه

الحق حق

امحق ريال :)

[AbdullA-Qtr]

المسؤل الاول والاخير عن البيت ولزومه ... هو :

الرجل

الرجل

الرجل

الرجل

الرجل

الرجل

لاخير في رجل تصرف عليه زوجته ...

[Nojoom]

فعلا

هذه مسؤوليته .. ولا يطلب منها اتساعده

بس ممكن يمنعها من العمل .. لان هذا حقه

الحق حق

امحق ريال :)


جعلني ماناسب عقاب :nop:

[بلوتنيوم]

ماله حق الزوج
مسئولية الانفاق مهمة جدا في العلاقة الزوجية
لو تخلى عنها
بيتخلى عن صنع القرار في البيت :)

[هبوب الكوس]

خلها تساعدة وش فيها يمكن الرجل عنده ديون وبما انه راتبها اعلا من راتب الزوج

طبعاً برضاها مب اجباري

وطباً في الشرع على الزوج ان يصرف على الزوجه والبيت

[مريومة]

خلها تساعدة وش فيها يمكن الرجل عنده ديون وبما انه راتبها اعلا من راتب الزوج

طبعاً برضاها مب اجباري

وطباً في الشرع على الزوج ان يصرف على الزوجه والبيت

صدقني الحرمة تقيس الرجال

لو شايفة ان يستاهل .. ما راح اتقصر

الحرمة مستحيل اتشوف زوجها محتاج وماتساعده ..

الا اذا كانت قليلة اصل .. او هو قليل اصل

وهذيله زوجين واحنا مالنا غير الظاهر

هو ادرى بها وهي ادرى به

[دااانة قطر]

الرجل مجبر للصرف على زوجته وأولاده وتوفير حياة كريمة

والزوجة غير مجبرة للصرف على زوجها حتى بريال واحد



ولكن ما يحدث هذه الأيام وللأسف بعض الحريم وليس الكل تاخذ سلفة كبيرة حق زوجها وتسكته طول عمره عن كل شيء سواء بطلعاتها أو سفراتها بروحها أو غيره . . .



مدري الرجال اللي مايحط ولا رياال من راااتبه في البيت ويعتمد على راتب زوجته في الصرف سوااء على البيت او العياال شلون يحس او يقول عن نفسه رجاال ؟؟؟

[khalid-qtr]

بنت قطر !!!!

غريب نكج بنت قطر ولا تعرفين رجال قطر
أول شي موضوعج هذا نادر ولا قد سمعت عنة الا في المسلسلات والظاهر انتي وايد تابعين مسلسلات او متأثرة بناس من دول اخرى الي نسمع هذي البلوي عندهم
الحمدلله أنا متزوج ثنتين وكلهم يشتغلن ولا عمري خليت وحدة منهم تحط ريال واحد في البيت
بالعكس ماقصرت معهم بشي الي عند الاولة عند الثانية وعايشين ومستانسين موفر لهم كل سبل الراحة
وايد من ربعي نفس حالتي متزوجين وحريمهم يشتغلون وعيب عندهم يفكرون بس تفكير انة مراءة تصرف عليهم لو مافي جيبهم شي
هذي الاصول الي تعلمنها من اهلنا ودينا...

[هبوب الكوس]

صدقني الحرمة تقيس الرجال

لو شايفة ان يستاهل .. ما راح اتقصر

الحرمة مستحيل اتشوف زوجها محتاج وماتساعده ..

الا اذا كانت قليلة اصل .. او هو قليل اصل

وهذيله زوجين واحنا مالنا غير الظاهر

هو ادرى بها وهي ادرى به

نعم في ازوج يستغل الزوجه وراتبها وياخذ سلفه من راتب الزوجه وهي مستحيه وتقول زوجي

[بنت قطريه]

الاخت بنت قطريه

القصة الي طرحتيها 100% ضد الرجل

دور الرجل في القصه ليس فقط المحتاج بل النصاب

وبناء على هالقصه تطلبين منا المشاركه بقتراحات وحلول

بين قوسين ( سالفه شخصيه وحاله نادره )

كنتي تقدرين تطرحين الموضوع بطريقه احسن واشمل وهو السؤال

هل يحق لرجل مطالبة زوجته بالمشاركه في النقه على المنزل والاطفال ؟

ودام سالفتج من الخيال

في سوالف من الواقع زوجه تشتغل وراتبها اكثر من راتب زوجها وهو مايسمح لها انها تشاركه او تصرف ريال واحد على بيته

وفي سوالف اقدر اطلع البنت فيها غلطانه

اقول في واحد محتاج ومديون والناس تطالبه وزوجته تشتغل بس ترفض تساعده وتقوله هذي مسؤلياتك انت وانا ماهو واجب علي انفق


امحق زوجه :(




ليش تقول ان القصه ضد الرجل 100% وانا قلت معظم الحالات في مجتمعنا ومن قال انها سالفه شخصيه وحالة نادرة ...... والله غلطان بالجمله لانها مب حاله نادرة وشي من الواقع ولا سالفه شخصيه وانا مب متحامله بس انت مادري شفيك معصب .... واذا انت شفت انها سالفه نادرة ليش مهتم انا طرحت الموضوع للحوار والنقاش وبس لا غلطت بحق حد ولا قلت شي غلط وليش الزوجة تستحمل وتدفع حق زوجها اذا عليه سلفه ؟؟؟؟؟؟ ليش هو خذ السلفه علشانها ..

[بنت قطريه]

بنت قطر !!!!

غريب نكج بنت قطر ولا تعرفين رجال قطر
أول شي موضوعج هذا نادر ولا قد سمعت عنة الا في المسلسلات والظاهر انتي وايد تابعين مسلسلات او متأثرة بناس من دول اخرى الي نسمع هذي البلوي عندهم
الحمدلله أنا متزوج ثنتين وكلهم يشتغلن ولا عمري خليت وحدة منهم تحط ريال واحد في البيت
بالعكس ماقصرت معهم بشي الي عند الاولة عند الثانية وعايشين ومستانسين موفر لهم كل سبل الراحة
وايد من ربعي نفس حالتي متزوجين وحريمهم يشتغلون وعيب عندهم يفكرون بس تفكير انة مراءة تصرف عليهم لو مافي جيبهم شي
هذي الاصول الي تعلمنها من اهلنا ودينا...





لا والله أخوي اعرف رجال قطر .... والقصه اللي قلتها مب من مسلسل .... وليش هالاسلوب أخوي انا مثل مااحترمتكم لازم تحترومني والحمد لله انا ما اتبع مسلسلات واذا انت هالشي ماصار معاك صار مع غيرك .... واخوي لاتتوقع رفيجك بيقولك والله انا اخذ من زوجتي واعتقد انت ماتشوف الا الظاهر ..... والاحترام واجب واذا انت تعرف الاصول وتلعمتها غيرك مايعرف هالاصول

[شبح الصمت]

بسم الله الرحمن الرحيم

أختي بنت قطرية الحضور الكرام ,,,

عندي وجهة نـظر وبأذن الله تقبلونها بروح رياضية ,, :victory:

من وجهة نظري إذا المرأة والرجال تعاونوا مع بعض لمصروف البيت مهب عيب ولا شيء اهي زوجتي وأنا زوجها اهي حلالي وأنا حلالها ,,

الزوجه لا تعمل إلا لظروف الزوج حتى يتم التعاون بينهم وبناء مستقبل لاطفالهم صح ولا خطأ ,,

الزوج يعمل ويكدح يمكن يكون مستواه التعليمي ضعيف لا يؤهله وزوجته تعمل ومؤهلها الدراسي أقوى منه وبالتالي يتم التعاون ,,,

في ناس زوجاتهم يعملون وما يصرفون على البيت وأن أصرفوا أصرفوا على أشياء تافه ,,

وفي حريم ماشاء الله عليهم يجمعون ويسون جمعيات مع صديقاتهم حتى يوفرون مبلغ ينفعهم في شيء ما ,,

المرأة تستقطع جزء من راتبها لعيالها والزوج أيضا كذلك ,,

الرجل يساعد في بناء بيت والمرأة تساعد في فرش البيت ,,

دام اهم مع بعض وقلب واحد وروح وحده ليش ما يكون في تعاون ,,

المهم زبدة كلامي أنه مب عيب لو تعاونوا ,,,

وأغلب الحريم الحين يشتغلون لدعم زوجها بمصروف البيت وإلا لو مالي حاجه في دعمها لي ابرك لها البيت معززه مكرمه ,,

بس تسمحون لي يالوجيه الطيبـه كلكم من شباب وبنات ,,,

الحين البنات يحبون العمل لأسباب ,,,

البنت ما صارت نفس قبل تحب تعتمد على والدها الحين قامت تفكر أنها عبء مب بالمعنى عبء لا تبي تساعد نفسها تشيل نفسها ,,

على فكره قلب البنت أرحم أرحم أرحم أرحم أرحم بمليون مره من الشباب ,,,

وتحياتي قبل ما اطير فليساتي

بو خالد ياخوك لا تزعل مني ترى بقت هرجك ,,

:victory:

[بنت قطريه]

أنا اشكر اللي شاركوا الموضوع برأي صريح وكان ردهم بذوق واحترام وانا طرحت الموضوع لان في حالات كثيرة في مجتمعنا والغريب اللي يقول مافي في قطر .... ورجال قطر .... للعلم في ريايل من احسن مايكون والنعم فيهم وفي ريايل للاسف اخس من اللي قلته ..... واذا كان ممكن اللي بيشارك بالموضوع تكون مشاركه ايجابيه واتمنى يبتعد عن الردوج الشخصيه لي لان طرحت مشكله موجوده ولا احد يقول مافي لان مافي حد كامل الا الله سبحانه وتعالى ..... فأرجو يكون رأي خاص بالمشكله وغيره ماله داعي .....

[بنت قطريه]

بسم الله الرحمن الرحيم

أختي بنت قطرية الحضور الكرام ,,,

عندي وجهة نـظر وبأذن الله تقبلونها بروح رياضية ,, :victory:

من وجهة نظري إذا المرأة والرجال تعاونوا مع بعض لمصروف البيت مهب عيب ولا شيء اهي زوجتي وأنا زوجها اهي حلالي وأنا حلالها ,,

الزوجه لا تعمل إلا لظروف الزوج حتى يتم التعاون بينهم وبناء مستقبل لاطفالهم صح ولا خطأ ,,

الزوج يعمل ويكدح يمكن يكون مستواه التعليمي ضعيف لا يؤهله وزوجته تعمل ومؤهلها الدراسي أقوى منه وبالتالي يتم التعاون ,,,

في ناس زوجاتهم يعملون وما يصرفون على البيت وأن أصرفوا أصرفوا على أشياء تافه ,,

وفي حريم ماشاء الله عليهم يجمعون ويسون جمعيات مع صديقاتهم حتى يوفرون مبلغ ينفعهم في شيء ما ,,

المرأة تستقطع جزء من راتبها لعيالها والزوج أيضا كذلك ,,

الرجل يساعد في بناء بيت والمرأة تساعد في فرش البيت ,,

دام اهم مع بعض وقلب واحد وروح وحده ليش ما يكون في تعاون ,,

المهم زبدة كلامي أنه مب عيب لو تعاونوا ,,,

وأغلب الحريم الحين يشتغلون لدعم زوجها بمصروف البيت وإلا لو مالي حاجه في دعمها لي ابرك لها البيت معززه مكرمه ,,

بس تسمحون لي يالوجيه الطيبـه كلكم من شباب وبنات ,,,

الحين البنات يحبون العمل لأسباب ,,,

البنت ما صارت نفس قبل تحب تعتمد على والدها الحين قامت تفكر أنها عبء مب بالمعنى عبء لا تبي تساعد نفسها تشيل نفسها ,,

على فكره قلب البنت أرحم أرحم أرحم أرحم أرحم بمليون مره من الشباب ,,,

وتحياتي قبل ما اطير فليساتي

بو خالد ياخوك لا تزعل مني ترى بقت هرجك ,,

:victory:



عجبني ردك واشكرك على اسلوبك الراقي .... وكلامك صح .... واكيد الحياة مشاركة بين الزوجين ......بس اللي قلته في حالات مب الكل والله مب الكل ..... على فكرة ليش باكون ضد الرجال ..... ليش باتحامل على أبوي واخوي وزوجي كل مرة مالها غنى عنهم ..... بس طرحت الموضوع لان في حالات وفي متزوجات يمرون بنفس هالظروف وبس

[مريومة]

على فكره قلب البنت أرحم أرحم أرحم أرحم أرحم بمليون مره من الشباب ,,,
:victory:

وانت صح :victory:

ويقولون ما تساعد

اذا امها احتاجت ما تقصر

اذا اخوها بيعرس ما تقصر

اذا زوجها المحترم ماشي سيده هم ما تقصر بعد

[حسن]

نصيحه حق مريم ان تحط زوجها في كيس زباله الله يعزكم وترميه برع حق البلديه يشلونه

[درع الوطن]

خلونا نتكلم بالمنطق والعقل ياأهل العقول الرجيحه

ليش المرأه تشتغل أصلاً ؟؟؟؟؟؟
المرأه تشتغل تحت ظروف معينه ,, وهي الحااااااااااااااااااااااااااااااااااااااااجه فقط
إذا ماكان فيه حاجه لعمل المرأه فلا يجوز لها العمل وترك مملكتها الصغيره (بيتها وأبنائها وزوجها)
وفي هذه الحاله فإن الرجل هو المسؤول الأول والأخير عن تمويل بيته بالكامل .. ولا توجد أعذار.
أما إذا كان فيه حاجه .. مثل قلة موارد الرزق فيجب أن تساهم في الصرف على البيت مثلها مثل الرجل
والمشكله التي تحدث الآن هي أن المرأه خرجت من بيتها وتوظفت بغير حاجه وأستقلت بذاتها عن حكم زوجها وأصبح الزوج مجرد قطعة ديكور لا يهش ولا ينش ....:eek5:
وهو ماشجع الرجل على مخالفة القوامه وإنفاق أمواله خارج البيت والإعتماد على الزوجه في تزويد البيت بكل مايحتاجه طالما هي تعمل وتقبض راتب أعلى من راتبه .....
أما الزوج اللي ياخذ من زوجته بغير وجه حق ويصرف على نفسه وعلى وناسته فهو أمعه أمعه أمعه :anger1:

المشكله ظاهره إجتماعيه خطيره بكل معاني الكلمه والكل فيها خسران (الزوج الزوجه الأبناء)

والله يستر علينا من بلاوي اخر الزمان

[بـــــــنت النوخـّــــذه]

نصيحه حق مريم ان تحط زوجها في كيس زباله الله يعزكم وترميه برع حق البلديه يشلونه

:eek2:


معذوره البنت هذي مشكله الزوجه لي حبت من قلب تنسى كل شي حتى لو قال لها بيعي كليتج بتبيع :telephone:


000يضرب الحب شو بيزل:(

[عزتي سمو ذاتي]

أنا برأيي الحياة مشاركة أخذ وعطاء وتعاون وكل هذا لأجل الواحد يبني حياة سعيدة متوفر فيها كل شي

مافيها شي لوالزوجة ساعدت زوجها هي أقرب الناس له وتعرف الحاله المادية اللي هو فيها وتعرف متى يقدر يعطيها ومتى مايقدر

وحتى لوماكان يعطيها ماتبين لأحد بالعكس تظهره قدام الناس بأحسن صوره ان هو يعمل ويسوي ويعطي ومايقصر بشي ابد

بس طبعاً بشرط إذا بالمقابل الزوج يساعد ويساهم في البيت لأن بصراحة موكل زوج يستاهل ولاكل زوجة تستاهل هالأيام .. ومع العشرة الواحد يعرف الطرف الثاني

في حريم كثار يقصرون على اعمارهم ويساعدون ازواجهم ولايفتكرون بالفلوس لأن راحه الرجال وسعادتها معاه ماتتقدر بمال نفس مالرجال يقصر على نفسه بس لأجل بيته

وفي بنات الحين الله يهديهم مايفكرون غير بأنفسهم راتبها كله لها وغير تطلب من زوجها مصروف لها ومصروف للبيت ومصروف للعيال كأن الرجال قاعد على كنز

وغير كل مااطلعت مكان تخليه هو يدفع وفي كل مناسبة هدية سواء يقدر أو مايقدر وكل جهاز جديد ينزل لازم يأخذ لها وكل وكل وكل .....الخ

لاأحد يقول اني بالغت بهالشي لا ناس كثيرة مرت علي وشفتهم بعيني وفي بنات من فترة الخطبة ماتخلي شي ماتطلبة اللي تحب زوجها من قلب ماتعاملت معه بهالطريقة



الله يوفق الجميع يارب ويسعدهم والمال فاني يروح ويجي غيره اهم شي راحه البال والسعادة

[بوصلووح]

من ناحية شرعية طبعاً الزوجة ماتصرف على الزوج و البيت
لكن من باب المحبه ينفعون بعضهم و يتشاركون عشان مايكون العبء كله على الزوج .
اممـ من رايي ان يكون في شفافية بين الزوجين اذا كانت تبي منه فلوس
و لازم تعرف الزوجة ريلها وين يودي فلوسه عشان لين قالها ماعندي تعذره
اما بس جي ماعندي ماعندي مب كل مره بتصدقه و بيدخل الشك و و و .. باب مايتصكر .
اعرف حريم يصرفون على رياييلهم بس برضاهم , و الرياييل مب مقصرين في خدمتهم بعد .

الله يسعد كل زوجين من المسلمين =)

[Nojoom]

ليش تقول ان القصه ضد الرجل 100% وانا قلت معظم الحالات في مجتمعنا ومن قال انها سالفه شخصيه وحالة نادرة ...... والله غلطان بالجمله لانها مب حاله نادرة وشي من الواقع ولا سالفه شخصيه وانا مب متحامله بس انت مادري شفيك معصب .... واذا انت شفت انها سالفه نادرة ليش مهتم انا طرحت الموضوع للحوار والنقاش وبس لا غلطت بحق حد ولا قلت شي غلط وليش الزوجة تستحمل وتدفع حق زوجها اذا عليه سلفه ؟؟؟؟؟؟ ليش هو خذ السلفه علشانها ..


الاخت بنت قطر

انتي طرحتي موضوع في المنتدى العام

وبصفتي عضو في منتدى شبكة الاسهم لي الحق في المشاركه

ردي ماكان فيه اي تعصب بل هو توجيه لج في طرح المواضيع وقصتج الي طرحتيها وبكلامج انتي انها من واقع الخيال مثل ما وصفتيها

من الغلط انج تبنين موضوع على واقعه شاذه في المجتمع وليست متفشيه و اكثر الاعضاء استنكر هذا الشي لانه بالفعل غير متفشي

المنتدى يستحق مواضيع اكثر واقعيه وقضايا اهم

اما النقطه الثانيه في روايتج الي من نسج الخيال وصفتي الرجل ( بالبخيل + النصاب + الاناني ) والزوجيه هي المسكينه المغلوب على امرها


انحياز واضح في الطرح اتمنى في المرات القادمه ان تتأني في طرح المواضيع ليحقق الاستفادة المرجوه منه


وتأكدي للمره الثانيه ان ردي هذا ليس بتعصب بقدر ماهو نصيحة وتوجيه

[ANONYMOUS]

موضوع ذو شجون

لو كل فرد .. زوج و زوجه لعب دوره الحقيقي في الحياه ماكان شفتي هالقصص والدراما

الحين الزوجه برع البيت.. والزوج لاهي في الدنيا.. وضاعوا لعيال

طبعا .. هذي مش قاعده.. في كثير من الناس عايشين بخير الله يثبتهم

ويصلح الجميع

[نور الحور]

موضوع اجتماعي مميز .. :)

بالنسبة لي أشوف إن الرجل هو الملزوم بالصرف ... لكن ممكن تساعده زوجته وبكل جدية ولو براتبها كله في حالتين متلازمتين بس ..

1.إذا كان الصرف على أساس ميزانية محددة ومرتبة من قبل الطرفين ..

2.إذا الزوج قاعد يسعى فعلياً لتحسين وضعه ، يعني قاعد يدور له على مصدر دخل ثاني أو يسعى لتغيير وظيفته .. مو قاعد على نفس الوضع ويتبرم ..

أما إن يكون الصرف عشوائي من قبل الزوج اللي ما يسعى لتحسين وضعه المادي وبعدين يقول ماعندي فهذا اللي يعود الرجال على الاعتمادية وقلة تحمل المسؤولية

[**هـتــــــان**]

مشكوررة اختي على طرح هالموضوع

((((( القصه من واقع الخيال بس موجوده في مجتمعنا ))))


وهاللي تقولينه مب من واقع الخيال الا واقع وشايفته بعيوني :secret: واعرف وحدة طول فترة زواجها وهي المتكفلة بكل شي من الكبيرة لاتفة شي تخيلي لاتفة شي ...





طبعا قريت بعض الردود والاراء بعضها ردود عقلانية وبعضها مبالغ فيها وبعضها مقنعة لكن عندي سؤال وبغيت اسئال وياليت الاعضاء يجاوبونة واسمحي لي بما انه يخص هالموضوع اطرح السؤال بموضوعج :

بعض الاخوان قايلين الحياة شراكه الحياة تشارك بين الاثنين واذا اهو على قد حاله تاخذ بيدة الزوجة وهالشي انة اايدة من مبدى رسولنا صلى الله عليه وسلم وخديجة رضي الله عنها ...لكن مالعمل في حاله ان الزوجة على طول من يوم تزوجته وهي اللي تصرف على بيتها وعيالها والسبب الزوج ماعندة طموح يحسن ظروفة المادة وطول عمرة يقول ماعندي ماعندي مهب نفس ماقالت راعيه الموضوع الشهر الجاي باعطيج لا ...اهو صج ماعندة وقدرتة المادية على قدة ولا من النوع اللي يشغل مخة لتحسين حالتة ... يعني غاسلة يدها منه ومن بداية الشهر وهو ماعندة ويصرف من الائتمانيه :weeping: هذا شالحل معاة ..
وطبعا راتبها اقوى منة وطموحة ودايما تحاول تامن لعيالها مستقبلهم عكسة عايش يومة وبس :(

وش الوضع في سالفة القوامة ؟؟

اللي اعرفة ان القوامة تكفل الرجل من والى (السكن والصرف الاساسي وغيرة وغيرة بغض النظر عن تساعدهم في امور معينة )طيب اذا فقد القدرة على الصرف وعدم القدرة على فتح مسكن وغيرة الكثير هل تسقط عنة القوامة وهل مفروض انها تنجبر تكمل حياتها مع رجال ماوفر لها الامان لدرجة ماتقدر تاخذ اجازة من دوامها ..ولا تقدر تقدم استقالة حتى لو امرضت عشان مايختل توازن الاسرة المادي ويتبهدلون عيالها ...لان سي السيد ماعندة وضروفة هالشكل وماعندة طموووووووووووح ....مسكينة يافلانة اجر وعافيه ياقلبي عسى الله يعوضج بالاخرةوبالزوج اللي يعرف قيمتج :(:weeping: :weeping:

[latty]

صبحكم الله بالخير ........

موضوع يطرح نفسه وبداخلي تساؤال كبييييييييييييييييير ..... وباقولكم مثال .....
مريم مدرسه في مدرسه مستقله وعندها بنتين وزوجها يشتغل بالداخليه ... وطبعا مريم راتبها اعلى من زوجها وتحاول قد ماتقدر تصرف على نفسها وبناتها علشان ماتضايق زوجها لان دايما اذا طلبت من زوجها يقولها (((((((((((((((ماعندي باعطيج الشهر الجاي))))))))) وتنتظر وتمر شهور وماخذت من زوجها حتى مصروف عياله .... بس تطور الامر الزوج صار اول اسبوع من الشهر ماعنده ريال يعني طاااار الراتب .... فيرجع حق مريم زوجته ..... يا أم فلان : تصدقين ماعندي الا 50 ريال ...... ومريم تقوله : شدعوه يابوفلان لا لا من عيوني خذ ه2000 لين اخر الشهر .... ويمر الاسبوع ... ونفس الموضوع وترجع زوجته تعطيه بالالاف ..... بس مريم قعدت مع نفسها وسألت نفسها هل في الشرع ان الزوجة تصرف على بيتها وعيالها وزوجها ؟؟؟؟؟ واذا كان زوجها مبذر لدرجة انه مايفكر في بيته وعياله ..... واللي يقهر أكثر .... أن مريم طلعت مع زوجها مشوار وقالها زوجها انه بيمر ياخذ له غرض ومر معاها وكالة سيارات .................. وتفاجأت مريم وتشوف بوفلان مايبيها تنزل معاها بس اصرت وقالت له ماتبي تقعد بروحها والمسكينه انصدمت ان الزوج المحترم مطلع له سيارة جديده من الوكاله شلووووووووووووووووون وهو ماعنده فلوس؟؟؟؟؟ :eek5: ......

مريم تضايقت وتبي حل حق الموضوع ؟؟:weeping::anger1:


((((( القصه من واقع الخيال بس موجوده في مجتمعنا ))))
ودي اعرف رايكم في الموضوع ؟؟؟؟؟
هل الشرع الزم المرأه تصرف على نفسها وبيتها وزوجها ؟؟؟؟؟
ليش الزوج ياخذ من زوجته ؟؟؟؟
وشلون الزوجة تقنع الزوج انه يبتدي يصرف بدون ماتتهاوش معاه وتشتكي عليه في المحاكم ؟؟؟
اقتراح الحلول للموضوع ؟؟؟؟؟

ههههههههههههههههههه شر البليه مايضحك يااااااااااااختي ماجات على السياره بس فيه ناس تزوج على المراه وشرى بيت ثاني وسافر وانجب وهي دافنه نفسها بالوظيفه والصرف على البيت والعيال

امحححححححححححححققققققققققققققققققققققق رجاجيل وليكن مب الكل حتى ما حد يزعل ذكرتيني برجال مدين دين يووووه الله يكمله بعقله وكل ماتقول له زوجته شي يقول مايصير يافلانه الدين ماقال كذا والدين ما امر بكذا وكل يوم فاتح له محل وكل يوم حاط له شي وهي في اردى حاله كل ماعندها على عيالها ولا مبين عليها شي من فلوسها بالاخير الله يثبته على دينه متزوج بالسر على سنه الله ورسوله في دوله مجاوره وشاري للجديده بيت وسياره ومهنيها ومستتها على قولة المصرييين وهي لين الحين ياغافلين لكم الله

وينه وين الدين ؟

[حيهور]

اذا هي راضية تصرف عليه كيفها هم ابخص في بعض

لكن تساعده يمكن محتاج وعليه ديون بنيان وغيرها فهي اعلم اذا الموضوع فيها مصلحه لها ولبيتها

[مسمس12]

الحياة مشاركة بس بحدود

انا مثلا لو شفت زوجي ايقصر علي وعلى بيته ماراح اساعده؟؟ اما اذا هي فترة وتعدى وظروف مر فيها الزوج يعني بنسى كل الشهور اللي ماقصر علي لا طبعا

[engalaa_qa]

موضوع جيد
و لكني مع مشاركة المرأة للمصروف طالما هي تعمل و الزوج هو الذي سمح لها بالعمل فيجب ان يتقاسما نصيبيهما بمصروف الاسرة
هذا راي

[!..فيونكه..!]

وش الوضع في سالفة القوامة ؟؟

اللي اعرفة ان القوامة تكفل الرجل من والى (السكن والصرف الاساسي وغيرة وغيرة بغض النظر عن تساعدهم في امور معينة )طيب اذا فقد القدرة على الصرف وعدم القدرة على فتح مسكن وغيرة الكثير هل تسقط عنة القوامة وهل مفروض انها تنجبر تكمل حياتها مع رجال ماوفر لها الامان لدرجة ماتقدر تاخذ اجازة من دوامها ..ولا تقدر تقدم استقالة حتى لو امرضت عشان مايختل توازن الاسرة المادي ويتبهدلون عيالها ...لان سي السيد ماعندة وضروفة هالشكل وماعندة طموووووووووووح ....مسكينة يافلانة اجر وعافيه ياقلبي عسى الله يعوضج بالاخرةوبالزوج اللي يعرف قيمتج :(:weeping: :weeping:


القوامه عند الشباب .. انه يكون ذيب وسي السيد ويأمر وينهـي :nice: .. في كل ســــالفة قالو ( الرِّجَالُ قَوَّامُونَ عَلَى النِّسَاء)

اما القوامه في سالفة الصرف والسكن ؟ لا يتنازل عنها وتكون الحياة مشـــاركــة ومايمنــع المـرأه تصـــرف على البيـــت :rolleyes2:

[intesar]

من الناحية الشرعية مو ملزومة تصرف ريال عليه آو على العيال
ومن الناحية الشرعية هم يتكفل بصرف المال عليها وعلى عيالها والبيت

[chillis]

الاخت بنت قطر

انتي طرحتي موضوع في المنتدى العام

وبصفتي عضو في منتدى شبكة الاسهم لي الحق في المشاركه

ردي ماكان فيه اي تعصب بل هو توجيه لج في طرح المواضيع وقصتج الي طرحتيها وبكلامج انتي انها من واقع الخيال مثل ما وصفتيها

من الغلط انج تبنين موضوع على واقعه شاذه في المجتمع وليست متفشيه و اكثر الاعضاء استنكر هذا الشي لانه بالفعل غير متفشي

المنتدى يستحق مواضيع اكثر واقعيه وقضايا اهم

اما النقطه الثانيه في روايتج الي من نسج الخيال وصفتي الرجل ( بالبخيل + النصاب + الاناني ) والزوجيه هي المسكينه المغلوب على امرها


انحياز واضح في الطرح اتمنى في المرات القادمه ان تتأني في طرح المواضيع ليحقق الاستفادة المرجوه منه


وتأكدي للمره الثانيه ان ردي هذا ليس بتعصب بقدر ماهو نصيحة وتوجيه

عن نفسي مرت علي كم حاله المره هي المسؤوله الاولى للصرف على البيت من الالف الى ا لياء وهم على ريلها والعدد في تزايد :) لان في بعض الرجال هداهم الله يصرف راتبه على خرابيطه ولا على ربعه وسفراته ويقول للمره تصرفي ونص الشهر يتسلف منها نجوم ترا في كذا نموذج جدامي من واقع الحياه وبالدوام

[عيون Qatar]

متابعة بصمت

[wadha-qa]

والله شكثرهم المشكله محد راضي يعترف واللي يقولون هذول مب قطريين والله ان اغلبهم عيال قبايل بعد
حاط عينه على راتب مرته وما يرتاح الا اذا شفط نصه و انا اايد رد الاخ اللي قال احسن لها تشتري ارض ولا فيلا عشان كل ما يطلب تقول له انها مديونه للبنك وما يبقى من راتبها شي روح دبر نفسك هع

[بومحمد المطاوعه]

موضوع جميل الصراحه

الزوجه تساعد زوجها مب تصرف عليه ولا على البيت

يعني تتعاون مع زوجها

لان زوجها يمكن يكون مديون لبناء منزل جديد

وعليه ديون العرس ودين السياره وغيرها

اما الزوجه تصرف على البيت وعلى الزوج

وجهه نظري مب حلوه الزوجه تصرف على كل شي

بس تساعد مب مشكله يعني شهر من الشهور تاخذ نص اغراض البيت

كمساعده للزوج

وشكرا على الموضوع

[basma222]

بنت قطر !!!!

غريب نكج بنت قطر ولا تعرفين رجال قطر
أول شي موضوعج هذا نادر ولا قد سمعت عنة الا في المسلسلات والظاهر انتي وايد تابعين مسلسلات او متأثرة بناس من دول اخرى الي نسمع هذي البلوي عندهم
الحمدلله أنا متزوج ثنتين وكلهم يشتغلن ولا عمري خليت وحدة منهم تحط ريال واحد في البيت
بالعكس ماقصرت معهم بشي الي عند الاولة عند الثانية وعايشين ومستانسين موفر لهم كل سبل الراحة
وايد من ربعي نفس حالتي متزوجين وحريمهم يشتغلون وعيب عندهم يفكرون بس تفكير انة مراءة تصرف عليهم لو مافي جيبهم شي
هذي الاصول الي تعلمنها من اهلنا ودينا...

في قطر وايد حريم تصرف على البيت والعيال والزوج بعد

[Nojoom]

عن نفسي مرت علي كم حاله المره هي المسؤوله الاولى للصرف على البيت من الالف الى ا لياء وهم على ريلها والعدد في تزايد :) لان في بعض الرجال هداهم الله يصرف راتبه على خرابيطه ولا على ربعه وسفراته ويقول للمره تصرفي ونص الشهر يتسلف منها نجوم ترا في كذا نموذج جدامي من واقع الحياه وبالدوام

ممكن ليش لاء

واكيد اني ضد هذا الشي اذا كان بطريقة استغلال ونصب

اما اذا كانت من باب التعاون او ظروفهم فهم احرار وشنهو المال مقابل سعادة الاسره

الكل يتعب على شان يكون اسره ويحاول يوفر لهم حياه جيده


انا ماكانت معترض على الموضوع نفسه لكن اعتراضي على طريقة طرح الموضوع بشكل الي انطرح فيه

[chillis]

نجوم هي مهب مساعده كثر ما ان الرجال يلعب بفلوسه ويخلي المره المسؤوله الاولى والاخيره في الصرف على البيت البعض مهب الكل بالذات شباب هالايام عادي تساعده لو محتاج او مديون بس مهب تصرف كل راتبها على البيت والعيال وهو مستمتع براتبه بسفرات وشغلات لعمره

[بو خليفه 123]

نجوم هي مهب مساعده كثر ما ان الرجال يلعب بفلوسه ويخلي المره المسؤوله الاولى والاخيره في الصرف على البيت البعض مهب الكل بالذات شباب هالايام عادي تساعده لو محتاج او مديون بس مهب تصرف كل راتبها على البيت والعيال وهو مستمتع براتبه بسفرات وشغلات لعمره

هذا "طفل" غير مسؤول ولا يقدّر مسؤولية الحياه الزوجيه

فـ اتمنى ماتعدّونه مع "الرجال" الي شايلين بيت كامل على ظهرهم ..


لأني ممكن اشوف لي مسلسل تركي مثل بعض الخوات و افتح موضوع عن تبلّد الزوجه القطريه و عدم قيامها بواجباتها الزوجيه ..

[chillis]

هذا "طفل" غير مسؤول ولا يقدّر مسؤولية الحياه الزوجيه

فـ اتمنى ماتعدّونه مع "الرجال" الي شايلين بيت كامل على ظهرهم ..


لأني ممكن اشوف لي مسلسل تركي مثل بعض الخوات و افتح موضوع عن تبلّد الزوجه القطريه و عدم قيامها بواجباتها الزوجيه ..

بو خليفه شدخل المسلسل التركي ترا الحالات هذي زايده والله هاليومين خلك منصف يارجل :(

[khalid-qtr]

في قطر وايد حريم تصرف على البيت والعيال والزوج بعد

كم يعني بالنسبة 100% :eek3:

[ليــــــان]

اختي بنت قطريه فعلاااا كلامج صح 100% انا اعرف والله العظيم اكثر من موظفه
ويمكن نص بنات قطر يصرفون على البيت وعلى ازواجهم بعد واعرف وحده مقربه لي
تصرف على البيت تدفع معاش الخدامه وتدفع رسوم عيالها مدارس خاصه واقساط سيارتها
ومدرسين خصوصين لعيالها وزوجها مايدفع ويقول لها بسبة السلفيات الي ماخذها من سنين لين اليوم واعرف شكثر حريم والله تتصل وهي في المكتب تقول حق الخدامه شتبين اغراض ناقصه حق البيت المطبخ حتى الخضره واللحم والدجاج
وشباب اليوم اكثرهم مصلحه ومايبي يتزوج الا وحده تشتغل عشان تصرف على البيت
والاخ الي يقول ماتعرفين رجال قطر هذا مادري من وين طلع او انه يعرف بس انجرح لكرامة الرجاااال والله ..... والرجال وينهم نادر الواحد الي يصرف على زوجته وبيته وعياله الحين لو فيه واحد بعد زين... بعد يقول حق مرته مصروفج الخاص عليج من لبس ومكياج وعطر اهو بس بيصرف على المطبخ ههههههههه ماقصرت اهم شي بطنك
ومشكوووووره بنت قطريه ع الموضوع الي نص الشباب بسوي نفسه كرامه ومايرضى وبيزعل وبيثأر لكرامته
لان الكلام صح وجاه في الصميم
وشكرااااااا لكل رجل واكيد نادر هو المسووول الاول عن بيته ,,,,

[باسكن روبنز]

ممكن أن تساعد الزوجة بجزء من راتبها لمساعدة الزوج ...

أما أنها تصرف على البيت بأكمله فهذا الشيء لا تستحمله المرأة .. فالرجل له القوامه في كل شيء !!!

و المرأة هي الأقرب للزوج فلابد أن تعرف حالته الاقتصادية و المالية و تأخذ بيده و تساعده إذا كان محتاجاً ...

أما إذا كان مقتدراً فلابد أن يوفر لعائلته الحياة الكريمة دون طلب من الزوجة ....

:nice:

[بن جعران]

اختي بنت قطريه فعلاااا كلامج صح 100% انا اعرف والله العظيم اكثر من موظفه
ويمكن نص بنات قطر يصرفون على البيت وعلى ازواجهم بعد واعرف وحده مقربه لي
تصرف على البيت تدفع معاش الخدامه وتدفع رسوم عيالها مدارس خاصه واقساط سيارتها
ومدرسين خصوصين لعيالها وزوجها مايدفع ويقول لها بسبة السلفيات الي ماخذها من سنين لين اليوم واعرف شكثر حريم والله تتصل وهي في المكتب تقول حق الخدامه شتبين اغراض ناقصه حق البيت المطبخ حتى الخضره واللحم والدجاج
وشباب اليوم اكثرهم مصلحه ومايبي يتزوج الا وحده تشتغل عشان تصرف على البيت
والاخ الي يقول ماتعرفين رجال قطر هذا مادري من وين طلع او انه يعرف بس انجرح لكرامة الرجاااال والله ..... والرجال وينهم نادر الواحد الي يصرف على زوجته وبيته وعياله الحين لو فيه واحد بعد زين... بعد يقول حق مرته مصروفج الخاص عليج من لبس ومكياج وعطر اهو بس بيصرف على المطبخ ههههههههه ماقصرت اهم شي بطنك
ومشكوووووره بنت قطريه ع الموضوع الي نص الشباب بسوي نفسه كرامه ومايرضى وبيزعل وبيثأر لكرامته
لان الكلام صح وجاه في الصميم
وشكرااااااا لكل رجل واكيد نادر هو المسووول الاول عن بيته ,,,,

يعطيج ألف عافية.. والله ماقصرتي فيهم..

والرجال في هالزمن الي ينشد بهم الظهر قله قليلة,,

[العـوا]

الراتب من حق الزوجه وهي براحتها

تعطي ولا ماتعطي

[ضي البدر]

الراتب من حق الزوجه وهي براحتها

تعطي ولا ماتعطي



الحمدلله الدنيا لين الحين فيها خير وامان.. يمكن!!..:victory:

طبعاً اتفق مع الأخ كلام سليم 100%..

[لافوشيا]

ضي البدر كلامج دايما صحيح واثق فيه

[شمعة الدوحه]

شرعا واجب على الزوج انه يتكفل بمصاريف زوجته وعياله حتى ولو كانت موظفه
بس نادر مااحد يطبق هالشي
تلقاه يصرف عالبيت وزوجته يقول والله عندها راتب وماتحتاج ليش اعطيها
او لايصرف لا عالزوجه ولا على البيت ويخلي المسكينه اهي اللي تقوم بكل شي

انزين اذا مايصرف عليهم وين تروح فلوووسه ؟؟

ومعليه اذا الزوجه ساعدت بس برغبه منها وليس اجباري لانه موب حلوه في حق الرجل يجي المره ويقولها عطيني :secret:

[ANONYMOUS]

طبعا القاعده ان اللي يصرف ع البيت هو الرجل

احتمال يكون هناك شواذ للقاعده وفي ضروف معينه


من رأيي ان الزوجه لازم تحط يدها اذا كانت تشتغل.. على بيتها وعيالها ..

ما اقصد تتكفل بكلل شي او اغلب الاشياء.. يعني .. بالمعروف .. لان اذا الرجل رضى اب هالشي بيكون قليل حيا ومروه

ولكن تساهم في الاكسيروريس في الكماليات .. وتوجب اهلها وربعها و و و الخ

لان اذا ماحطت في البيت بتروح قروشها عالخرابيط وطبعا هذا لا يرضي الله ولا ولا رسوله

وخصوصا ان قليل من النساء حكيمات في الصرف

والله اعلم

[ابن تميم]

سبحان الله اذا كان للمرأة دخل زادت المشاكل

[بنت قطريه]

مشكوررة اختي على طرح هالموضوع


وهاللي تقولينه مب من واقع الخيال الا واقع وشايفته بعيوني :secret: واعرف وحدة طول فترة زواجها وهي المتكفلة بكل شي من الكبيرة لاتفة شي تخيلي لاتفة شي ...





طبعا قريت بعض الردود والاراء بعضها ردود عقلانية وبعضها مبالغ فيها وبعضها مقنعة لكن عندي سؤال وبغيت اسئال وياليت الاعضاء يجاوبونة واسمحي لي بما انه يخص هالموضوع اطرح السؤال بموضوعج :

بعض الاخوان قايلين الحياة شراكه الحياة تشارك بين الاثنين واذا اهو على قد حاله تاخذ بيدة الزوجة وهالشي انة اايدة من مبدى رسولنا صلى الله عليه وسلم وخديجة رضي الله عنها ...لكن مالعمل في حاله ان الزوجة على طول من يوم تزوجته وهي اللي تصرف على بيتها وعيالها والسبب الزوج ماعندة طموح يحسن ظروفة المادة وطول عمرة يقول ماعندي ماعندي مهب نفس ماقالت راعيه الموضوع الشهر الجاي باعطيج لا ...اهو صج ماعندة وقدرتة المادية على قدة ولا من النوع اللي يشغل مخة لتحسين حالتة ... يعني غاسلة يدها منه ومن بداية الشهر وهو ماعندة ويصرف من الائتمانيه :weeping: هذا شالحل معاة ..
وطبعا راتبها اقوى منة وطموحة ودايما تحاول تامن لعيالها مستقبلهم عكسة عايش يومة وبس :(

وش الوضع في سالفة القوامة ؟؟

اللي اعرفة ان القوامة تكفل الرجل من والى (السكن والصرف الاساسي وغيرة وغيرة بغض النظر عن تساعدهم في امور معينة )طيب اذا فقد القدرة على الصرف وعدم القدرة على فتح مسكن وغيرة الكثير هل تسقط عنة القوامة وهل مفروض انها تنجبر تكمل حياتها مع رجال ماوفر لها الامان لدرجة ماتقدر تاخذ اجازة من دوامها ..ولا تقدر تقدم استقالة حتى لو امرضت عشان مايختل توازن الاسرة المادي ويتبهدلون عيالها ...لان سي السيد ماعندة وضروفة هالشكل وماعندة طموووووووووووح ....مسكينة يافلانة اجر وعافيه ياقلبي عسى الله يعوضج بالاخرةوبالزوج اللي يعرف قيمتج :(:weeping: :weeping:


نــــــــــــــــــجوم اتمنى تقرى هالرد ..... وشفت القصه طلعت نادرة ..... أشكر اختي على الرد على الموضوع وعجبني كلامج لان واقع وللاسف المرأه من طبعها تستحي تقول اني اصرف على بيتي وزوجي

[بنت قطريه]

أشكر كل من شاركني بهالموضوع وعلى فكرة افكاركم .... بتوصل حق اي وحده متزوجة تكون مثل مريم .... وربي يعين كل وحده مهمومة ......................واللي كان رأيه سلبي فرأيه ماغير من الواقع شي ......

[لافوشيا]

بنت قطر !!!!

غريب نكج بنت قطر ولا تعرفين رجال قطر
أول شي موضوعج هذا نادر ولا قد سمعت عنة الا في المسلسلات والظاهر انتي وايد تابعين مسلسلات او متأثرة بناس من دول اخرى الي نسمع هذي البلوي عندهم
الحمدلله أنا متزوج ثنتين وكلهم يشتغلن ولا عمري خليت وحدة منهم تحط ريال واحد في البيت
بالعكس ماقصرت معهم بشي الي عند الاولة عند الثانية وعايشين ومستانسين موفر لهم كل سبل الراحة
وايد من ربعي نفس حالتي متزوجين وحريمهم يشتغلون وعيب عندهم يفكرون بس تفكير انة مراءة تصرف عليهم لو مافي جيبهم شي
هذي الاصول الي تعلمنها من اهلنا ودينا...
الرجال يساعد والزوجه تساعد دامهم من الاول متفقين وموافقين على المصاريف شلون تكون

[لافوشيا]

والله دام الرجال مبسوط ان مرته هي الي تصرف عليه خلاص خلوهم مبسوطين وفرحانين