حفلات الزواج وتوفير المال

[جوال 11]

دُعيت الى حفل زواج شاب أفغاني مقيم في الدوحة وسررت عندما سمعت منهم عن عاداتهم في مراسم الزواج عصر ليلة الزفاف يذهب الزوج ويحضر زوجته الى بيت أهله مع مرافق من أهلها وتبدأ حفلة النساء في بيت الزوج والعريس يذهب الى خيمة العرس لأستقبال المعزومين وتبدا فرقهم الشعبية في العزف والغناء وبعد العِشاء يتناول الجميع العَشاء وبعد أنتهاء الحفل يذهب الزوج الى عروسه في بيته وخلال أقامة العروسين في بيت الزوج يبعث أهل الزوجة الفطور والغداء والعشاء للزوجين لمدة عشرة أيام مهما بعُدت المسافة .
فهل نعود بعاداتنا الى حفلات النساء في المنازل بدلاً من القاعات والفنادق وتوفير معظم الأموال التي تنفق على الزوج ولا يستفيد منها الزوجان دعوة للنقاش.

[simsim1963]

قطر هاللون اول بس من كثرت البيزات صار التفشخر على الفاضي الله يرحم الحال

[قطريه ماركه]

يمكن الناس يفضلووون القاعات على البيوت عشان التنظيفااات و جي ..

يعني يردون البيت الا بيتهم نظيف و مرتب ...

فالأفضل الواحد يبتعد عن التكلف في كل شي و يخلي البساطه عنوان زواجه ...

[عزتي سمو ذاتي]

أنابصراحة ضد حفلات الزواج لآن خسايرها عل الفاضي

حلاته الزوج والزوجة يسون حفل عشاء عائلي بسيط وراقي ويسافرون شهر العسل احلى سفرة

حرام الواحد يدفع كل هالمبالغ لخمس او ست ساعات واتم الديون على رأسه كم سنة ماتسوى عليه

وسبحان الله الإنسان القنوع رب العالمين يبارك له في زواجه وحياته .. الله يسعد الجميع يارب ويهنيهم

[بـــــــنت النوخـّــــذه]

الي علق وقال تفشخر 00انزين واذا البيت الحوش صغير والبيت ماخذ مساحه الحوش يحطون المعازيم فوق السطح مثلا والبوفيه بالمطبخ 000


انا مع الذكاء في تنظيم حفلات الزواج وبعقل

[نور الزين]

والله الاحسن و المناسبه تدخل الدوله في تنزيل اسعار القاعات
للمتزوجيين
ام في حاله العيد ميلاد وغيرها من المناسبات التافه
الاسعار غاليه
و الذي عنده فلوس يشتري حمام و طيره

[simsim1963]

الي علق وقال تفشخر 00انزين واذا البيت الحوش صغير والبيت ماخذ مساحه الحوش يحطون المعازيم فوق السطح مثلا والبوفيه بالمطبخ 000


انا مع الذكاء في تنظيم حفلات الزواج وبعقل

اولا . المثل يقول ما هان تبارك ثانيا . ابرككم اقلكم مهرا . انتي ليش تعزمين الدنيا كلهم انتي عندك بيت صغير اعمل عزومه صغيرة واعزم اقرب الاهل وبس وليش تعزمين اهل قطر مقيمين ومواطنين ؟ خلو منكم الاسراف . والمشكله كلها ثلاثه شهور وطلاق مصيبه

[BuNooR]

انا ما اعرف ليش قضية الزواج والاسراف والحفلات للحين صايره مشكلة

كلن ابخص بحالته .
يعني ان كنت قادر على تكاليف القاعه سو عرسك في قاعة

وان كنت ما تقدر سوه في البيت او بيت الجيران او بيت احد من الأهل أو في خيمه او نادي رياضي او حتى لو تاخذ تصريح من البلدية وتسكر الشارع

واذا تقول اهل العروس مب راضيين اقول لك ما هي اخر بنات قطر وفي غيرها واجد


كلن يمد ريوله على قد لحافه

[إلا..إذا]

ياريت يرجع زمن اول..
اذا الحوش صغير يقطعون له من الشارع بخيمه مثل اول .. وصدق اذا زادت الفلوس مايعرفون الناس شيسون فيها.. اللي الجديد في الزواجات الحاليه تلبيس الكراسي والطاولات والكوشه مايقل عن خمسين الف .. عشنا وشفنا ..
عرسي بالحوش وصغير وبوفيه وكفا 150 بين حوش وداخل اذا القلوب وسيعه بيوسعها المكان والعكس صحيح

[BuNooR]

انتي ليش تعزمين الدنيا كلهم انتي عندك بيت صغير اعمل عزومه صغيرة واعزم اقرب الاهل وبس وليش تعزمين اهل قطر مقيمين ومواطنين ؟ خلو منكم الاسراف . والمشكله كلها ثلاثه شهور وطلاق مصيبه

يعني لازم اعزم الناس على كبر بيتي ؟؟

يا ما ناس عايشين في بيوت شعبيه ومعارفهم واهلهم يسدون عين الشمس

[بـــــــنت النوخـّــــذه]

اولا . المثل يقول ما هان تبارك ثانيا . ابرككم اقلكم مهرا . انتي ليش تعزمين الدنيا كلهم انتي عندك بيت صغير اعمل عزومه صغيرة واعزم اقرب الاهل وبس وليش تعزمين اهل قطر مقيمين ومواطنين ؟ خلو منكم الاسراف . والمشكله كلها ثلاثه شهور وطلاق مصيبه

اعوذ بالله منك يالمتشائم لااله الا الله عليكم


يعني الله يهداكم الي يبغي في البيت يسوي والي مهب مستحب كيفهم ماشوف عرس البيت اهو الي بيديم المحبه مدى العمر 0000

ترى كل شي بعقل بعقل بعقل سواء في بيت ولا فيه فندق وعلى فكره اعرف ناس سوو عرسهم في بيتهم وتكلف العرس فوق ال 500 الف ريال00

يعني انا اشوف العقل هو المسير مهب المكان 00وين عقلك وتنظيمك للمصروفات اهنيه بتقدر اتسوي بالمكان الي تبغيه 000:nice:

[مناحي السادس عشر]

خلوا الناس تستانس يا شباب
اللي حاب يتواضع له مطلق الحريه
واللي حاب يتفشخر ويهايط بعد له مطلق الحريه
ترى هي مره وحده بالعمر :nice:

[وهم قطر]

هي القناعه

اذا كان في البيت أو في قاعه المصروف واحد

في البيت تنحط كوووشه والبلاوي الي عليها والطاولات والتزيين من شراشف نفس القاعه

مافرقت من القاعات

[N7eEeS]

الي علق وقال تفشخر 00انزين واذا البيت الحوش صغير والبيت ماخذ مساحه الحوش يحطون المعازيم فوق السطح مثلا والبوفيه بالمطبخ 000


انا مع الذكاء في تنظيم حفلات الزواج وبعقل


اذكر يوم كنت صغير حضرة عرس فوق السطح :)

[جوال 11]

القصد من الموضوع توفير المال ومنع الأقتراض وبعدها المطالبة بأسقاط الديون وهذا المال قد يعين في شراء بيت مثلاً

[تغلبية]

الغريبة اللي يشكي من هالمشكلة هم الفقارى مع احترامي للكل

شوف الكبارية اللي مافوقهم فوق .. وعلى كثر الخير اللي عندهم

اعراس الحريم تستوي بمجلس الرجاجيل .. حفلة عائلية .. ولمة وجمعة وفرحة من قلب ..

والسلااااااام

عرس بسيط لا مخاسير ولاهم يحزنون .. لان القصد منه الاشهار موب الزبو والهياط !!