ممكن خدمة من الاخواات في المنتدى

[قطري009]

السلام عليكم

شخباركم وشعلومكم انشالله بخير

اذا ماعليكم امر ابي اسم عيادة مختصة في



( تساقط شعر الرأس )


لاني وديت الاهل اكثر من عيادة لكن مافي فيادة واتمنى من الي لها تجربة مع عيادة زينه تعطين اسمها

وجزاكم الله الف خير

[قطري009]

سبحان الله

[ziad1971]

والله انا اسمع عن الدكتور حسن عبدالله
اخصائي امراض جلدية ومشهور في قطر
وعيادته مقابل السفير عند اشارة المطار

[مريومة]

والله انا اسمع عن الدكتور حسن عبدالله
اخصائي امراض جلدية ومشهور في قطر
وعيادته مقابل السفير عند اشارة المطار

نصيحة

لا اؤيد هذا الدكتور بالكشف على النساء

اذا تواجدت دكتورة في العيادة فلا بأس

[عزيزوف]

روح الصيدليه واشتر شامبو مخصص للتخلص من القشره وبيوقف التساقط

[النجلا]

عليك بزيت جدايل من عبدالصمد القرشي ساعتين كل يومين وحتى ريحته عادية ..

وشامبو سبيد من صيدلية بوتس في فيلاجيو مقابل كارفور ..

وماعليك شر :)


واذا بغيت علاج مع دكاترة في اعتقادي مركز قطر للشعر في التاون سنتر احسن مكان

[chloe]

اخي الكريم
هناك اسباب عدة لتساقط الشعر يمكن اللي فيها غير عن وحدة غيرها فيجب معرفة السبب يجب في البداية عمل تحليل دم لبعض الفيتامينات في الجسم مثل فيتامين d ,b12 وبعدين الذهاب عند دكتور متخصص في الجلدية ومب مراكز لان المراكز تفكيرهم مجرد مادي بحت اتمنى اكون فدتك

[قطري009]

مشكووورين على مروركم وننتظر باقي الاعضاء

[طموحة]

خلها تسوي تحليل افضل شي تعرف الفيتامينات الناقصه

لان ممكن يكون لنقص من داخل الجسم

اما دكاترة الجلد الجيدين بصراحة مو موجودين بقطر

لا بالباكر ولاالعبد الله ولاعايدة وغيرهم

واايد يذمونهم ابحث بالنت

ومركز العناية بالشعر بالتاون سنتر وبنجمة زين

بس برا للغسيل والكريمات بس هم مب دكاتره

مايعرفون الاشياء الناقصه بالجسم

[sendarala]

الدكتورة عايدة الصالح سمعت انها تعالج وعلاج مفيد عن طريق ابر فيتامين للشعر


ناس استفادوا منها


ان شاء الله تلقى مرادك عندها

عيادتها مقابل مجمع المنصور الطبي على دور المرور

[wadha-qa]

الافضل عمل تحليل دم لان تساقط الشعر يمكن سببه هرموني ؟ مثلا الغده الدرقيه تسبب تساقط
و للاسف اغلب القطريين يعانون منها بس ما يكتشفونها الا متاخر وعلاجها سهل
الزبده لا تضيعون فلوسكم قبل ما تعرفون السبب الحقيقي :)
بالتوفيق

[missperfect]

إذا ماكان سبب التساقط من التغذيه لأن اغلب مشاكل الشعر من التغذيه يعني لازم تتغذى عدل

انصحك تخليها تجرب هذا اللوشنsorciere hair grower
بتلاقيه في الصيدليه وعن تجربه هو عباره عن لوشن سائل مثل الماي ريحته حلوه يدلك به فروة الراس وعلى طول راح تتشربه فروة الراس يعني ماراح يكون له اثر غير ريحته الحلوة جربوا ماراح تخسرون وراح تدعيلي هو يعالج القشره وينبت الشعر حتى لو مافي قشره
هذي دكتورة وصفته حق بنيتنا الصغيره لان شعرها خفيف جداا ،، والكبار جربوه جابلهم نتيجه والله يعافيكم

[بنت صقار]

اذا كان التساقط بسبب ريجيم وحميه غذائيه او بعد ولادة او اثناء حمل..فطبيعي..وفقط فيتامينات..
اما اذا كان غير ذلك..فأنصحك بالدكتور فهد الباكر..عالجت عنده وحده من الاهل بسبب تساقط شديد بدون سبب واضح.وتحسنت بفضل الله بعد ذلك..وفيه فيتامينات ممتازة جدا تعوض تساقط الشعر متوفره بالصيدليات اسمها ستريس ستيبس(strees steps)أعتقد..توقف التساقط وتغذي الشعر والبشرة وفي متناول الجميع ماتزيد عن الخمسين.

[قطري009]

مشكووورين وماااقصرتو وبيض الله ويهكم وانشالله بنسوي تحليل وبنعرف شنو اللي ناقص عندها