كم وصل مهر الزوجات هذه الأيام ..؟ [الأرشيف] - الصفحة 2

الدمعه

30-01-2011, 10:37 AM

70- 80 الف ر.ق

والزوج يتكفل بالباقي :telephone:

صدمتوني بالردووود.. طلعت انا اقل وحدة حاطة قيمة المهر..!!:(

صديقاتي مهورهم ما يتعدى ال100 الف .. بشرط يتكفل الزوج ببقية الاشياء...:nice:

والله صج حسسوني ان احنا رخاص ... اشدعوه ليش هالمبالغه مهر 150 اشدعوه ..

عسى ماشر .. من جيه الرياييل مايبون يعرسون ..

احنا بناتنا كلهم 80 الف ماتتعدى والخطوبه والحنه عليها الااذا يبون شي زايد عن الحد

هم يتكلفون به .. والعرس من تكاليفه طبعا عليهم واللهم لك الحمدوالشكر بدون مبالغه وتبذير ..

nouar

30-01-2011, 10:43 AM

عندنا 30 الف ..وماخذه بنتين يعني 60 الثنيني ومب عاجب ام المعرس حالفه يمين تطلق البنات

Nojoom

30-01-2011, 10:51 AM

انا الصراحه مع قانون الهند

الي بتزوجها لازم اهي تدفع مهري :)

البنات عنسوااااا في بيوت اهلهم

BeN QaTaR

30-01-2011, 10:53 AM

صدقني اكثر القطريات يراكضون في المجمعات يدورون واحد بس يتقدم لهم يتزوجهم هههههه لكن خلاص الشباب افهمو الطبخه كلها اغلى تكاليف زواج في الخليج في دولتنا الحبيبه وصل سعر حجز الصالات الى اكثر

من 40 الف غير المتطلبات الاخرى شبكه وصباحيه ومهر وسيارة وبيت وخدامه ووووووو ... انا اقول

اشتر لك شي ينفعك حق مستقبلك اما الزواج ماوراه الا خسارة الروح والمال واخر شي تطلع الزوجه

مالت مظاهر وماركات وبتكرهك عيشتك انصحك تزوج من السعوديه او الامارات انفذ بجلدك من القطريه

بتخليك تشوف نجوم الليل في عز الصبح والظهر واعرف واحد من الربع متزوج بحرينيه ومتزوج قطريه يقولي البحرينيه اي شي اجيبه لها يبين في عينها

اما القطريه اشتري لها اكثر من البحرينيه بس مايبين في عينها وتقوله الماركه الفلانيه احلى وارقى من هالماركه بعض القطريات وليس الكل ....

هههههههههههههههه

يخي إنته عجيب

بس جد آعرفلي وآحد مآآخذ سعوديه

كل بين فتره وفتره يطق فيهآآآ طريق لأهلهآآآ وتقعد عندهم بآلشهرين وآلثلآث

ومب عآآجبهآآآ عيشته لأنهآآآ سآآكنه معآآه في بيته ومع إمه

إتقولك إحنآآ مآآعندنآآ كذآ بآلسعودية وآلله مدري وش تقصد شكلهآآ تبي شقه هذآ وهي كبيره ونآضجه

وآلله وآآجد بنآآت توهم على 19 و20 و25 إقطريآت وعآآيشين في بيت آهل آزوآآجهم لآآآ وعآآيله كآمله حول آل8 و10 سنوآت ينطرون بيت آلعمر وإختنآآ 3 سنوآت مآآكملت وهي قآآعده مع إمه آلمسكينه بس وبدآل آلخدآمة 4عيشه مآتحلم فيهآآآ ومب عآجبهآآ

يعني إخونآآ إمفكر يتزوج عليهآآ

صدقني وآنآآ إخوك حلآة آلثوب رقعتة منه وفيه

وآلكلآآم آلي إتقوله خطير

إنك إتشوف بنآت ديرتك يدورون آلمعرس إدوآره

ترآآ آلديره فيهآآ بنآآت قبآيل وحمولة ولآتنسى بنآآآت قطر منهم هلك وجمآعتك ومن يعز عليك فلآآ إتقول آكثر آلقطريآآت كذآ

khalid-qtr

30-01-2011, 10:53 AM

انا الصراحه مع قانون الهند

الي بتزوجها لازم اهي تدفع مهري :)

البنات عنسوااااا في بيوت اهلهم

ههههههههههههههههههههه

انا مهري 300 الف الله وناسة :)

دااانة قطر

30-01-2011, 10:56 AM

انا الصراحه مع قانون الهند
الي بتزوجها لازم اهي تدفع مهري :)
البنات عنسوااااا في بيوت اهلهم

والله لو تااخذ لك هنديه هي اللي بتطلب منك اقل شي 10.000 قطري
ضحكني ردك الشرع يقول المهر على الزوجه

مسااكين البناات الله يستر عليهم

موضي قطر

30-01-2011, 11:01 AM

والله صج حسسوني ان احنا رخاص ... اشدعوه ليش هالمبالغه مهر 150 اشدعوه ..

عسى ماشر .. من جيه الرياييل مايبون يعرسون ..

احنا بناتنا كلهم 80 الف ماتتعدى والخطوبه والحنه عليها الااذا يبون شي زايد عن الحد

هم يتكلفون به .. والعرس من تكاليفه طبعا عليهم واللهم لك الحمدوالشكر بدون مبالغه وتبذير ..

محشومين كل البنات الي مهورهم معقوله وترضي الله سبحانه .. انا اقول اللي رخيص هو اللي يقدر نفسه بكم يدفع له ؟!!

انتي ومن على شاكلتك غاااااالين حيييييل :shy:

be cool

30-01-2011, 11:06 AM

المهر 100 الف ,,,

الاسلام عزنا الحمد الله وخلى القوامه ع الرياييل ,,, هم يتعبون ويشتغلون عشان يصرفون علينا احم احم...

الـقـاسـي

30-01-2011, 11:08 AM

اخوي صحيح خذتني الحمية لأن شباب بلادي ماخلوا شي في القطرية الا ما انتقدوه !!

وكأن غير القطرية نازله من السماء بسلسلة والقطرية تافهه ومايهما الا المظاهر وبالرغم من ذلك قلت ماتفكر في " قصب الرجال بالمهر " الا وحده رضت على نفسها تكون على قدم المساواة مع اي " سلعة " تذهب لمن يدفع اكثر :(

هلا وغلا بالأصيلة

اختي انا ما وجهت الكلام للخليجية الشباب كل كلامهم موجه لبنات

" العقيد ابو شهاب " اللــي " شكلين مابيحكي " :(

فحبيت ارد على الجزئية والقطرية والخليجة واحد :)

أدري عزيزتي
وأنا الكلام أوجهه للأخ القاسي...بالنسبة للخليجيات...

جزاكم الله خير ياموضي والاصيله على تحاوركم بعقلانيه في هالموضوع وتحملكم للي يحاول يشوه سمعه بنات قطر بكلمات مايلقي لها بال ..
عموما ترى اغلب اللي يتكلمون يقولون كلامهم من واقع المجمتع القريب منهم واللي عايشين فيه فاللي ينتقد او مش عاجبه يمكن من شي منه وفيه شايفه ..

انا وجهة نظري في هالموضوع ثابته ماتغيرت ولاراح تتغير باذن الله ما أأيد الزواج من الخارج الا في حدود ضيقة جدا جدا جدا ..

كلامي في ردي السابق يمكن انا ماوفقت اني اشرحة عدل لكن اللي ابي اوصله لكم انه مثل ما احنا نشوف نفسنا الافظل ترى باقي الناس يشوفون انهم الافظل بعد والأدب والاخلاق والتربية مش محصورة لبنات قطر فقط ,, وأن كنت أرى بنات قطر انهم في الغالبيه الافظل في المحافظة على العادات والتقاليد ..

واخوانا الخليجيين مافي فرق ابدا بينا وبينهم هم منا واحنا منهم ..

لا تبيع

30-01-2011, 11:16 AM

السلام عليكم ورحمة الله وبركاته
باختصار شديد...
كلفني عرسي من ام العيال التالي:
مهر 60000
خيمة الرياجيل 37000 ملكية(النص بالنص مع أخوي المعرس الثاني) اللي دفع النص الثاني
طقاقات وكوشة وخيمة حريم ( 22500) النص والنص الثاني على أخوي
عشاء الحفلين 25000
هذا في 2009
هذا والله أعلم

bos3eed

30-01-2011, 11:22 AM

ياشباب الخير الله يهديكم من صجكم حد يتزوج الي 100 الف او 300 الف او 600 الف شنو الزايد فيهم بنات مفوشر ولا تعرف تتصرف ولا ثقافة

يبة يقول لكم المثل اسئل مجرب ولا تسئل طبيب في بنات والله مهورهم معقولة في قطر يمكن قليل لكن في دول مجاورة تقريبا كلهم و ازيدكم من الشعر بيت تشيل البيت شيل وتحطك على راسها
لا تفكر بموضة ولا بخرابيط و اسواق كل يوم زيارات الا فلانة صديقتي رجعة من سفر الا فلانة طايحة في الحمام الا فلانة ديايتهم بايضة :)

والله اكثر ربعي الي تزوجوا بمهور فوق 100 الف عايشين بهم وغم ابتلشوا الله يعينهم

هههههههههههههههههههههههههههه ديايتهم بايضة

بـــــــنت النوخـّــــذه

30-01-2011, 11:23 AM

بشرو

كم واحد عزّم يتزوج ؟؟؟؟؟؟؟؟؟؟؟؟؟؟؟

وماهي مواصفات البنت الي يبغيها ؟؟؟؟؟؟؟؟؟؟؟؟؟؟؟

وماهي مواصفاتك انت وامكانياتك ايها الرجل ؟؟؟؟؟؟؟؟؟؟؟؟؟؟

وكيف ستقدم على الخطبه ماذا ستقول وستبرهن لاهل العروس هل انك قادر على التكاليف ؟؟ ام تثبت لهم انك رجل قادر على صون بنتهم والحفاظ عليها والقيام بكل حقوقها وفقا" لشرع الله ؟؟؟

يلا همتكم ابغي الخلاصه من الموضوع لان يطول ويرد يقصر وهذا احنا اندور بدوامه لي وصلنا بالاتهام ووضع اللوم على فئات :)

صراحه يسمحولي شباب قطر اغلبهم شباب مهزوز الثقه اغلبهم يقطون اذنهم لتجارب فاشله ويوقف مكانه يتحندى ومهب مقدم اساسا" على خطوه او تجربه بس يتحندى على تجارب فاشله او تجارب مر بها ناس :nice: ماعندكم غير التحندي وبس حتى صار البعض جبناء يخاف يقول لاهل البنت انا لا املك الا مبلغ على قدي ولكن املك قلب كبير وهمه عاليه واملك دين وخلق اقدر اعيش بنتكم العمر كله 00 :whistling:

الشباب يفتقدون لاسلوب اقناع اهل البنت بس داخلين على طول كم مهر بنتكم انزين اقنعوهم انكم وكفو وصارحوهم 00والله دنيا غريبه

سلام (ن) عليكم
:)

chillis

30-01-2011, 11:25 AM

بشرو

كم واحد عزّم يتزوج ؟؟؟؟؟؟؟؟؟؟؟؟؟؟؟

وماهي مواصفات البنت الي يبغيها ؟؟؟؟؟؟؟؟؟؟؟؟؟؟؟

وماهي مواصفاتك انت وامكانياتك ايها الرجل ؟؟؟؟؟؟؟؟؟؟؟؟؟؟

وكيف ستقدم على الخطبه ماذا ستقول وستبرهن لاهل العروس هل انك قادر على التكاليف ؟؟ ام تثبت لهم انك رجل قادر على صون بنتهم والحفاظ عليها والقيام بكل حقوقها وفقا" لشرع الله ؟؟؟

يلا همتكم ابغي الخلاصه من الموضوع لان يطول ويرد يقصر وهذا احنا اندور بدوامه لي وصلنا بالاتهام ووضع اللوم على فئات :)

صراحه يسمحولي شباب قطر اغلبهم شباب مهزوز الثقه اغلبهم يقطون اذنهم لتجارب فاشله ويوقف مكانه يتحندى ومهب مقدم اساسا" على خطوه او تجربه بس يتحندى على تجارب فاشله او تجارب مر بها ناس :nice: ماعندكم غير التحندي وبس :whistling:

سلام (ن) عليكم
:)

والله كلامج ميه ميه وصح يبون يتزوجون بلوشي بدون اي شي وعقب الزواج وايد منهم يلعب بالفلوس بالسفرات والخرابيط مع ربعه البعض مهب الكل :nice::nice::nice:

nouar

30-01-2011, 11:25 AM

انا الصراحه مع قانون الهند

الي بتزوجها لازم اهي تدفع مهري :)

البنات عنسوااااا في بيوت اهلهم

اذا العروس دفعت وتكلفت بكل شي بعدين تتعزز عليها وتقول انها ما ما بنفع ...

ما خلصنا معاكم الشباب وامهاتكم اخرتها معاكم ارسوا على بر

G0LD

30-01-2011, 11:25 AM

أيسرهن مهرًا أكثرهن بركة

وبنات قطر فيهم البركه ان شاء الله

العقل الحر

30-01-2011, 11:27 AM

بـــــــنت النوخـّــــذه

30-01-2011, 11:33 AM

[QUOTE=بــــــــــــنت النوخـّـــــــــــــذه;6871304]بشرو

كم واحد عزّم يتزوج ؟؟؟؟؟؟؟؟؟؟؟؟؟؟؟

وماهي مواصفات البنت الي يبغيها ؟؟؟؟؟؟؟؟؟؟؟؟؟؟؟

وماهي [COLOR="Olive"]مواصفاتك انت وامكانياتك ايها الرجل ؟؟؟؟؟؟؟؟؟؟؟؟؟؟

[SIZE="5"]الحين البنات يدورن العريس دواره ..... واخرتها ماهي مواصفاته

اقصد مهب مواصفات مخابيك اقصد انت شعنك من اخلاق من قيم من مواقف تقدر اتخلي اهل العروس يتقاضون عن الماده 000

سبحان الله انا قلتها كلمه واتضحتلي من خلال الردود الشباب ثقتهم مهزوزه بنفسهم كل شي عبالهم ينشرى بالمهر 000

والبنات اذا يدورون الشباب يلا همتكم الحقو عليهم قبل لايخلصون بعد زين الله مسهلها لكم :nice:

العقل الحر

30-01-2011, 11:39 AM

[quote=العقل الحر;6871339]

اقصد مهب مواصفات مخابيك اقصد انت شعنك من اخلاق من قيم من مواقف تقدر اتخلي اهل العروس يتقاضون عن الماده 000

سبحان الله انا قلتها كلمه واتضحتلي من خلال الردود الشباب ثقتهم مهزوزه بنفسهم كل شي عبالهم ينشرى بالمهر 000

والبنات اذا يدورون الشباب يلا همتكم الحقو عليهم قبل لايخلصون بعد زين الله مسهلها لكم :nice:

ما كان تفكيري في الماده بتاتا وابدا لما احتجيت على المواصفات

ولكن بان الامر ووضح انه البنات ماهمهم الى المادة

وكان قصدي المواصفات هي الشكل والابعاد والاخلاق فقط

وانتي جبتي طاري الفلوووووووس

بـــــــنت النوخـّــــذه

30-01-2011, 11:40 AM

والله كلامج ميه ميه وصح يبون يتزوجون بلوشي بدون اي شي وعقب الزواج وايد منهم يلعب بالفلوس بالسفرات والخرابيط مع ربعه البعض مهب الكل :nice::nice::nice:

شيلز حبيبتي والله انا معاشره كل الطبقات تقريبا "

ناس اعرفهم اغنيا حيل دخل عليهم واحد على قد حاله قال لهم هذي امكانياتي ولكن بنتكم ان شاء الله مهب مقصر عليها بشي اسئلو عني اذا شفتو فيني عيب في اخلاقي انا اكرر اسفي اني طقيت بيتكم 00يعني شوفي اشلون دخل عليهم بالقيم والاخلاق وان بنتكم في عيوني ومهب مقصر 0000

بذمتج كم واحد يدخل يعرف بنفسه بكل ثقه ويقدر يقنع اهل العروس اغلبهم بس فالحين كم المهر وكم بياخذون مني 000انت يا رجل اشلون بتقنعهم انك مابتقصر على بنتهم 000

مازال البعض ثقتهم مهزوزه ولا يتقنون فن الاقناع 000

يعني انا اذا بدخل علي واحد بيخطب بنتي ويقو لي اول شي بيقولي كم مهركم ولا امه بتسئل كم مهر بنتكم على طول بقول له بنتي هونت على العرس 000 المفروض يدخلون يتكلمون عن الاخلاق في زمن قلت فيه الاخلاق النا س يشترون الاخلاق والقيم يدورونها دواره وانتو كم المهر اههههههههه

بـــــــنت النوخـّــــذه

30-01-2011, 11:43 AM

[quote=بــــــــــــنت النوخـّـــــــــــــذه;6871385]

ما كان تفكيري في الماده بتاتا وابدا لما احتجيت على المواصفات

ولكن بان الامر ووضح انه البنات ماهمهم الى المادة

وكان قصدي المواصفات هي الشكل والابعاد والاخلاق فقط

وانتي جبتي طاري الفلوووووووس

والله اغلب الردود الشباب يحاتون المهر 0000000000 مع ان عمر المهر ماكان مقياس للشخص

المهم

سؤال اخوي بارك الله فيك 00لنفترض انك رجل على قد حالك ولكن قادر اتعيش بنت الناس معك وشاري البنت واهلها كيف بتدخل عليهم وشنهو بتقول لهم 000؟؟؟

هذا الي بغيت اعرفه وواوصل له من خلال تعليق الكثير من الشباب ؟؟

العقل الحر

30-01-2011, 12:09 PM

[quote=العقل الحر;6871433]

والله اغلب الردود الشباب يحاتون المهر 0000000000 مع ان عمر المهر ماكان مقياس للشخص

المهم

سؤال اخوي بارك الله فيك 00لنفترض انك رجل على قد حالك ولكن قادر اتعيش بنت الناس معك وشاري البنت واهلها كيف بتدخل عليهم وشنهو بتقول لهم 000؟؟؟

هذا الي بغيت اعرفه وواوصل له من خلال تعليق الكثير من الشباب ؟؟

انتي سألتي عن التقديم للخطبه

العريس او المتقدم مايتكلم الى على قد السؤال فقط مع شويه بهارات :nice:

الي يتكلم هو ابو المعرس او عمانه والكبار في السن

هذا هو العرف وعادات العرب

والمعرس يكون مستعد بأي شي ولا حد يتكلم عن المهر

ابو العروس يقول المهر ريال والمعرس او ابوه يقول 100 الف

هذا المتعارف عندنا

واول مره اسمع في حياتي عن انه فلان يطلب المهر الفلاني او يكونون طلابه !

الى الحين بين الاعضاء والنقاش بينهم

S350

30-01-2011, 12:10 PM

اقول يابنت النوخذة الرجال اذا تقدم حق حد معروف ان مش هو الي يقيم نفسة للناس اللي متقدم لهم وهاذا معروف عند عوائل قطر الاصيلة يمكن المجنسين وضعهم مختلف الله اعلم بس عند العرب معروف ان الرجال ايتقدم وعقب يسئلون عنة واذا كان الرجال كفوء وافقو علية والعكس صحيح هاذا الشي متعارف علية من زمان مش من احين وثاني شي عند العوائل الي يعرفون السنع ماينذكر مهر او غيرة انت وشيمتك بس بعد مب تعيش بنت الناس بفقر تكون قادر على العرس ومصاريفة بعدين رجاءا لاتعممين وتقولين شباب قطر ايتحندون فية ناس يبون النسب الطيب ويبون الناس الطيبين وهاذا من حقهم عيل ياخذ ناس مالهم اصل ولا فصل ولا ماعندهم دين قوي

الي ابي اقولة كلن ياخذ الناس اللي من مستواة من جميع النواحي وهاذا الافضل

ام السعف

30-01-2011, 12:19 PM

بشرو

كم واحد عزّم يتزوج ؟؟؟؟؟؟؟؟؟؟؟؟؟؟؟

وماهي مواصفات البنت الي يبغيها ؟؟؟؟؟؟؟؟؟؟؟؟؟؟؟

وماهي [COLOR="Olive"]مواصفاتك انت وامكانياتك ايها الرجل ؟؟؟؟؟؟؟؟؟؟؟؟؟؟

[SIZE="5"]الحين البنات يدورون العريس دواره ..... واخرتها ماهي مواصفاته

100 الف كثيرة على شباب هالأيام،، وتكاليف العرس تكسر الظهر
غير حفلة الخطوبة + الشبكة + اللزم منه

احنا بحاجة الى النفتاضة تغيير هالمفاهيم في عقول الناس
اكثر من حاجتنا الى اقناع الشباب للزواج ،،

ما في شب يصك 20 سنة ما وده يفتح بيت
بس المشكلة في التكاليف الباهضة الى مالها حل :telephone:

STAR

30-01-2011, 12:24 PM

[quote=بــــــــــــنت النوخـّـــــــــــــذه;6871385]

ما كان تفكيري في الماده بتاتا وابدا لما احتجيت على المواصفات

ولكن بان الامر ووضح انه البنات ماهمهم الى المادة

وكان قصدي المواصفات هي الشكل والابعاد والاخلاق فقط

وانتي جبتي طاري الفلوووووووس

ماعتقد بنت النوخذة قالت شي غلط...

يعني مو من الحق البنت يكون لها مواصفات معينة لشريك حياتها مثل ما الشباب لهم الحق في تحديد مواصفات شريكة حياتهم.. ؟؟!!!

والا لازم تاخذ اي حد مني والطريج؟؟؟!!

يعني اللحين الشباب يبون مواصفات معينة لشريكة الحياة وبالمقابل الفتاة لازم مايكون عندها مواصفات معينة وغصبن عليها ترضى بأي حد...!!!

bos3eed

30-01-2011, 12:26 PM

تكاليف عرسي

50 الف مهر
40 الف عرس الحريم بالطاولات والبوفيه والكوشة والزفة (200) راس القاعة الملكية - معيذر
8000 حفلة الملجة
20 الف عرس الرجال بالخيمة والذبايح والتصوير بعد

الفرش من الرياض كامل للصالحة وغرفة النوم والمطبخ 10000 مع التوصيل

اللهم بنيت الملحق في بيت الوالد 112 الف

وكان الله غفورا رحيم

تكلفة الزواج = 118000
مع السكن = 230000

والله الموفق

الله يجزاك خير, شجعتني والله, شكلي بعرس قريب

ام السعف

30-01-2011, 12:27 PM

بو خليفه 123

30-01-2011, 12:34 PM

برأيي المواصفات ماتبين الا يوم الراسين يجتمعون تحت سقف واحد

ولا ايام الخطوبه كلها زبو و هياط ..

هو رامبو و محرر الخفجي

وهي سندريلا الريان ..

العقل الحر

30-01-2011, 12:37 PM

[quote=العقل الحر;6871433]

ماعتقد بنت النوخذة قالت شي غلط...

يعني مو من الحق البنت يكون لها مواصفات معينة لشريك حياتها مثل ما الشباب لهم الحق في تحديد مواصفات شريكة حياتهم.. ؟؟!!!

والا لازم تاخذ اي حد مني والطريج؟؟؟!!

يعني اللحين الشباب يبون مواصفات معينة لشريكة الحياة وبالمقابل الفتاة لازم مايكون عندها مواصفات معينة وغصبن عليها ترضى بأي حد...!!!

لا تفهميني غلط اختي العزيزة ستار

ولا علشان صادتك الحميه وتدافعين بحق وبدون حق عن بنات جنسك

المعروف عن البنات انهم يدورون العريس بأي طريقه والدليل ان عجزوا تزوجوا اي حد حتى درويل البيت وفي حالات كذا واستغربت عن طلب مواصفاته

ولكن هي معاها حق في ذلك

وانا سألت عن المواصفات وكانت نيتي غير وحصل سوء فهم من اختي بنت النوخذة واعتقدت عن الفلوس اسأل فقط لا غير

ولا تأخذك الحميه علي لاني رجل ( ورفقن بي )

وانا في صف النساء ولكن استغرب طلباتهم للعريس وهم المتحمسين للعرس الا يعقلون ويتفكرون ماهو مستقبلهم بعد كثرة الطلبات

وشكرا لك

الرويـس

30-01-2011, 12:38 PM

عطونا واحد
وااقف على بابكم
:(

الأصيلة

30-01-2011, 12:45 PM

شيلز حبيبتي والله انا معاشره كل الطبقات تقريبا "

ناس اعرفهم اغنيا حيل دخل عليهم واحد على قد حاله قال لهم هذي امكانياتي ولكن بنتكم ان شاء الله مهب مقصر عليها بشي اسئلو عني اذا شفتو فيني عيب في اخلاقي انا اكرر اسفي اني طقيت بيتكم 00يعني شوفي اشلون دخل عليهم بالقيم والاخلاق وان بنتكم في عيوني ومهب مقصر 0000

بذمتج كم واحد يدخل يعرف بنفسه بكل ثقه ويقدر يقنع اهل العروس اغلبهم بس فالحين كم المهر وكم بياخذون مني 000انت يا رجل اشلون بتقنعهم انك مابتقصر على بنتهم 000

مازال البعض ثقتهم مهزوزه ولا يتقنون فن الاقناع 000

يعني انا اذا بدخل علي واحد بيخطب بنتي ويقو لي اول شي بيقولي كم مهركم ولا امه بتسئل كم مهر بنتكم على طول بقول له بنتي هونت على العرس 000 المفروض يدخلون يتكلمون عن الاخلاق في زمن قلت فيه الاخلاق النا س يشترون الاخلاق والقيم يدورونها دواره وانتو كم المهر اههههههههه

أنا اللي بيخطب بنتي وبيسألني كم تبغين مهر لها..
بقوله أبغيك ترجع بسيارتك من وين ماجيت...
وادور بضاعة ثانية...
العاقل مايفكر بالفلوس ...
هذا آخر شي ينطرى عند العوائل اللي عارفه السنع...
وانا والله لين الحين ماشفت عندنا من يساوم ويخّير أهل العروس في المهر
بس مجرد عند الملجة يسألون الأب على كم تملج؟
طبعا دائما عندنا يحددون مبلغ زهيد جدا( ريال واحد ) مبلغ مايـ نذكر
كـ تعبير إنه شاري رجال ...
وبعدين المعرس هو وماتجود به نفسه بدون مساومة أبدا...
هذي سلومنا وسلوم أهلنا وعوايدهم...

بـــــــنت النوخـّــــذه

30-01-2011, 12:49 PM

[quote=بــــــــــــنت النوخـّـــــــــــــذه;6871385]

ما كان تفكيري في الماده بتاتا وابدا لما احتجيت على المواصفات

ولكن بان الامر ووضح انه البنات ماهمهم الى المادة

وكان قصدي المواصفات هي الشكل والابعاد والاخلاق فقط

وانتي جبتي طاري الفلوووووووس

[quote=star;6871688]

لا تفهميني غلط اختي العزيزة ستار

ولا علشان صادتك الحميه وتدافعين بحق وبدون حق عن بنات جنسك

المعروف عن البنات انهم يدورون العريس بأي طريقه والدليل ان عجزوا تزوجوا اي حد حتى درويل البيت وفي حالات كذا واستغربت عن طلب مواصفاته

ولكن هي معاها حق في ذلك

وانا سألت عن المواصفات وكانت نيتي غير وحصل سوء فهم من اختي بنت النوخذة واعتقدت عن الفلوس اسأل فقط لا غير

ولا تأخذك الحميه علي لاني رجل ( ورفقن بي )

وانا في صف النساء ولكن استغرب طلباتهم للعريس وهم المتحمسين للعرس الا يعقلون ويتفكرون ماهو مستقبلهم بعد كثرة الطلبات

وشكرا لك

بذمتك اخوي العقل المدمر وليسمحلي اخوي فارس هل اتشوف طريقه عرض الموضوع صحيحه 00حسسني يسئل كم وصل راس الخروف 0000000000000000

مازلت اقول اغلب شباب قطر شخصيتهم مهزوزه وماعندهم ثقه بنفسهم ولا بامكانياتهم 00انت اشعندك عشان تستاهل اهل العروس يشترونك يا رجل

يبغون بس يدخلون على ناس ويوافقون واهو يدفع المهر الي يبغيه 0000

الي ابغي اوصله لما اي شاب يروح يخطب يكون واثق من نفسه مهب حافظ كمن كلمه وينطر تخفيضات 0000
اذا عنده وظيفه وعنده اخلاق عليه وولد ناس وقدر يدخل عليهم باسلوب واثق من نفسه يشتريهم بعذوبه السانه وبمواقفه الي يشهد لها الكثير 000

اغلب الشباب مهزوزين شوف بس الردود اول شي يسئلون عنه كم المهر 00طيب انت يالي تسئل كم المهر انت اشعندك من قيم من اخلاق من مواقف تقدر اتخلي هل العروس يتقاضون عن الماده 0000
بعطيك مثال اخر من الواق عشان تقرب لك الصوره :

ناس مهب عندهم خير بل اقدر اقول الحمد الله مدخولهم متوسط طق بابهم واحد يخطب دخل عليهم بكلمتين مهر 80 الف هذا مقدوري وانا شخص بنيت مستقبلي بنفسي ودرست واجتهد وكاف عاف لاسفرات للمهيته ومصلي وخايف ربي وشايف في بنتكم البنت المتربيه الي تقدر اتعيين على الدنيا بخيرها وشرها 000

شتتوقع هل بيرفضونه وشخص بنى مستقبله بنفسه ما اعتمد على ابوه ولا خسر فلوسه بسفرات واخرتها يبغي مهر ارخيص 000

وافقو عليه واخو العروس تكفل من الالف ا لي الياء حتى بطاقه عرس الرجاجيل سواها له 000

ليش لان الريال شال عمره بعمره 00ويستاهل لما اسئلو عنه 0

وين هل فيه رجل شجاع مثله 0000000يقول مكانياته بصراحه ويدخل يطق الباب وهو واثق 00

صحيح تكاليف العرس باهضه بس لاتاخذونها شماعه
وبعدين الي اتقول عنهم مكودين بالبيوت ويبغون يعرسون يلا همتكم روحو اخطبوهم 00

XP.Qatar

30-01-2011, 12:52 PM

والله يعتمـد بالذات عالأب ..

أنا ملكت سنـة 2002 .. الأب وهو شخص معـروف ولـه وزنـه في قـطـر طـلـب ( 10 آلاف ريال ) .. وكلمته كانت ( ليه الخساير وكسرة الظهر ) .. طبعا أنا رفضـت وحـطيــت المهـر 100 ألف ..

المقصود ياجمـاعـة ,, لا تتماشـون مع الكلام الفاضي ان الكل إستغلالي او ان الكل يطالب بمبالغ خيالية .. بعضهم يدور الرجال السنع مب الجيب المليان ..

وبالنسبة للأخ إلي يقول بنات البدو من 20 لـ 50 .. أولا ينقال لهـم بنات القبايـل بشكل عام , ثانيا مهـورهم حول الـ 80 لـ 100 ألف .. ناس مالها بالطمـع وتبي الستـر لبنــاتـهم .. ويشترون الرجال مب هو إلي يشتريهم :] .

موضي قطر

30-01-2011, 12:54 PM

أنا اللي بيخطب بنتي وبيسألني كم تبغين مهر لها..
بقوله أبغيك ترجع بسيارتك من وين ماجيت...
وادور بضاعة ثانية...
العاقل مايفكر بالفلوس ...
هذا آخر شي ينطرى عند العوائل اللي عارفه السنع...
وانا والله لين الحين ماشفت عندنا من يساوم ويخّير أهل العروس في المهر
بس مجرد عند الملجة يسألون الأب على كم تملج؟طبعا دائما عندنا يحددون مبلغ زهيد جدا( ريال واحد ) مبلغ مايـ نذكر
كـ تعبير إنه شاري رجال ...
وبعدين المعرس هو وماتجود به نفسه بدون مساومة أبدا...
هذي سلومنا وسلوم أهلنا وعوايدهم...

اختي الأصلية جزاك الله خير وفرتي على كتابة رد وش طوله ... اللي بالأحمر هو هدفي ومرادي ؟!!

المغزى الأبو شاري رجال لبنته يحفظها ويصونها ويعزها .. نجي للمهم الزوج يقول الحقيقة يقول وش يقدر يعطي بنت الناس مهر لا يستحي يكون واثق بنفسه وانه مخباه مهوب اساس لكفائته للزواج من بنتهم المهم دينه وسمعته وطارية عند العرب اذا ذكروه واذا نشدوا عنه هذا اللي يهمني اكثر البنات تبي رجاااااااال فيه خير طاريه ينومسها الا اذا كانت وحده نظرتها ماتبعد اكثر من راس " خشمها ":(

كأن ردي طويل :shy:

كورديليا

30-01-2011, 12:58 PM

بصراحه الله يعين الشباب

بـــــــنت النوخـّــــذه

30-01-2011, 01:00 PM

ام السعف

30-01-2011, 01:01 PM

برأيي المواصفات ماتبين الا يوم الراسين يجتمعون تحت سقف واحد

ولا ايام الخطوبه كلها زبو و هياط ..

هو رامبو و محرر الخفجي

وهي سندريلا الريان ..

اوبيه
سندريلا الريان ؟:telephone:

ام السعف

30-01-2011, 01:02 PM

اختي الأصلية جزاك الله خير وفرتي على كتابة رد وش طوله ... اللي بالأحمر هو هدفي ومرادي ؟!!

المغزى الأبو شاري رجال لبنته يحفظها ويصونها ويعزها .. نجي للمهم الزوج يقول الحقيقة يقول وش يقدر يعطي بنت الناس مهر لا يستحي يكون واثق بنفسه وانه مخباه مهوب اساس لكفائته للزواج من بنتهم المهم دينه وسمعته وطارية عند العرب اذا ذكروه واذا نشدوا عنه هذا اللي يهمني اكثر البنات تبي رجاااااااال فيه خير طاريه ينومسها الا اذا كانت وحده نظرتها ماتبعد اكثر من راس " خشمها ":(

كأن ردي طويل :shy:

المشكلة يا موضي مثل هالكلام تسمعينه حزة دق الباب
اما ما بعد الملجة تدخل قائمة طووووووووويلة لاول لها ولا تالي،،
طبعا ما اشمل الكل بس الغالب هذي تصرفاته ،،
بما تجود به نفس الرجل والعرس يبونه في القاعة الفلانية
وان كانت ظروفه ما تسمح يسوي عرس في قاعات :telephone:

الأصيلة

30-01-2011, 01:03 PM

اختي الأصلية جزاك الله خير وفرتي على كتابة رد وش طوله ... اللي بالأحمر هو هدفي ومرادي ؟!!

المغزى الأبو شاري رجال لبنته يحفظها ويصونها ويعزها .. نجي للمهم الزوج يقول الحقيقة يقول وش يقدر يعطي بنت الناس مهر لا يستحي يكون واثق بنفسه وانه مخباه مهوب اساس لكفائته للزواج من بنتهم المهم دينه وسمعته وطارية عند العرب اذا ذكروه واذا نشدوا عنه هذا اللي يهمني اكثر البنات تبي رجاااااااال فيه خير طاريه ينومسها الا اذا كانت وحده نظرتها ماتبعد اكثر من راس " خشمها ":(

كأن ردي طويل :shy:

بس مستوى الرجل المادي اكيد أهل العروس يعرفونه من خلال السؤال عنه
أيام الخطبة مافيه داعي يعلمهم عنه..
فيه إحراج شوي يقعد يسرد لهم ممتلكاته ...
وبعدين الأهم من هذا التكافؤ الإجتماعي مطلوب لإنجاح الحياة الزوجية...
فالبنت المفروض ماتاخذ أقل بكثير من المستوى اللي كانت تعيشه عند ابوها ...
من ناحية المسكن والملبس والمأكل...
حتى ماتصطدم بالواقع...
ومهما قلنا وكتبنا الواقع يحتم علينا مجاراته...
يعني مو معقول تعيش في فلة وبعدين تاخذ واحد عايش بخيمة ولا بـعريش...
هو مش حرام لكن حتى تستمر الحياة وماتغلب المادة على العاطفة...

ام السعف

30-01-2011, 01:04 PM

بـــــــنت النوخـّــــذه

30-01-2011, 01:04 PM

[
والله يعتمـد بالذات عالأب ..

أنا ملكت سنـة 2002 .. الأب وهو شخص معـروف ولـه وزنـه في قـطـر طـلـب ( 10 آلاف ريال ) .. وكلمته كانت ( ليه الخساير وكسرة الظهر ) .. طبعا أنا رفضـت وحـطيــت المهـر 100 ألف ..

المقصود ياجمـاعـة ,, لا تتماشـون مع الكلام الفاضي ان الكل إستغلالي او ان الكل يطالب بمبالغ خيالية .. بعضهم يدور الرجال السنع مب الجيب المليان ..

وبالنسبة للأخ إلي يقول بنات البدو من 20 لـ 50 .. أولا ينقال لهـم بنات القبايـل بشكل عام , ثانيا مهـورهم حول الـ 80 لـ 100 ألف .. ناس مالها بالطمـع وتبي الستـر لبنــاتـهم .. ويشترون الرجال مب هو إلي يشتريهم :] .

كثر من مداخلاتك العقلانيه

وعلى فكره ابو العروس ماطلب منك هالشي الا لانه شاف فيك الرجل المناسب ودخلت عليهم وانت واثق من نفسك 0000

لكن السؤال :

كم شاب واثق من نفسه يقدر يدخل على اهل العروس ويفهمهم ؟؟؟؟؟

اغلب الشباب يرددون اسطوانه وحده المهر عالي طيب انت اشعندك بديل للمهر من اخلاقك مواقفك 000؟؟
الاغلب ينتظر التخفيضات 000ولا ينظر للامور المهمه 0

ام السعف

30-01-2011, 01:05 PM

عطونا واحد
وااقف على بابكم
:(

اوبيه
من متى وانت واقف اخبر خذت بضاعتك ورحت ؟

لا تكون ناوي اتعدد ؟:telephone:

الأصيلة

30-01-2011, 01:05 PM

انزين صح وهذا الكلام الي قلته الحين وين الغلط 000؟؟؟؟؟؟؟؟؟؟؟:)؟

أنا ماغالطت اللي ذكرتيه أختي بنت النوخذه
مشاركتي مجرد تعقيب وتاكيد لكلامج...

ام السعف

30-01-2011, 01:08 PM

[

كثر من مداخلاتك العقلانيه

وعلى فكره ابو العروس ماطلب منك هالشي الا لانه شاف فيك الرجل المناسب ودخلت عليهم وانت واثق من نفسك 0000

لكن السؤال :

كم شاب واثق من نفسه يقدر يدخل على اهل العروس ويفهمهم ؟؟؟؟؟

اغلب الشباب يرددون اسطوانه وحده المهر عالي طيب انت اشعندك بديل للمهر من اخلاقك مواقفك 000؟؟
الاغلب ينتظر التخفيضات 000ولا ينظر للامور المهمه 0

كثيرين من الشباب على خلق ودين مب قايلين ملائكة بس ما يقلون
عن اللي فلوسهم تقول نحن هنا ،، ومع هذا يتم رفضهم
حقائق مرت جدام عيوني ،،

وعطوني واحد
Because_We_Believe

بو خليفه 123

30-01-2011, 01:08 PM

الأصيلة

30-01-2011, 01:10 PM

[

كثر من مداخلاتك العقلانيه

وعلى فكره ابو العروس ماطلب منك هالشي الا لانه شاف فيك الرجل المناسب ودخلت عليهم وانت واثق من نفسك 0000

لكن السؤال :

كم شاب واثق من نفسه يقدر يدخل على اهل العروس ويفهمهم ؟؟؟؟؟

اغلب الشباب يرددون اسطوانه وحده المهر عالي طيب انت اشعندك بديل للمهر من اخلاقك مواقفك 000؟؟
الاغلب ينتظر التخفيضات 000ولا ينظر للامور المهمه 0

صار المهر شماعة يعلقون عليها الشباب
تأخرهم في الزواج وعدم رغبتهم فيه..
عشاق الحرية مثل مايسمون نفسهم...

بـــــــنت النوخـّــــذه

30-01-2011, 01:10 PM

المهم

اهههههههههههههههههههه شكلي ولعت الموضوع:D:D كانو الاعضاء هاديين :nice:

انزين الحين مانبغي كلام نبغي تطبيق يلا الي راح وخطب ينقل تجربته لنا 00

واتمنى بعد يتم التجاوب على السؤال :

لما اتروح تخطب شنهو الي بتقدمه لاهل البنت غير المهر ؟؟؟؟؟؟ يعني غير الماديات بحيث تقدر اتخليهم يتقاضون عن بعض التكاليف انك تستاهل كل خير والنعم فيك ؟؟؟؟

ملاحظه : انا اتكلم عن العوائل الي تفكيرهم عقلاني ومنطقي مهب حد يحسب اتكلم عن الي ماشافو خير او ماعندهم اهتمام كبير باخلاق الرجل واخلاق البنت 0لان مهب كل باب ينطق ولا كل بيت يندخل 0<<وجب التنويه
سلام (ن) عليكم

بروح اتغدى 00راجعيــــــــــــــــــــــــــن اوعو اتغيرو القناه
:)

الرويـس

30-01-2011, 01:13 PM

اوبيه
من متى وانت واقف اخبر خذت بضاعتك ورحت ؟

لا تكون ناوي اتعدد ؟:telephone:

أحداث مصر مسنتره تركيزنا على النتائج القادمة
يا يكونون او لا يكونون
:(
فرصة وجتهم

عطونا واحد
راجعين بقوة السلاح للست

Nojoom

30-01-2011, 01:13 PM

ام السعف

30-01-2011, 01:17 PM

أحداث مصر مسنتره تركيزنا على النتائج القادمة
يا يكونون او لا يكونون
:(
فرصة وجتهم

الاعداد قليلة يا الرويس مب اعداد هز وسط
هذي اعداد تحريك شعرات من الجسد فقط و هز الوسط
يبي له حشود محشدة :(

وليس كل ما يكتب ينفذ يا صديقي ليس كل ما يكتب ينفذ
اكتب المهر 10 ريالا والواقع يقول التكاليف 200 الف :(

وخلوني مـــع
Because We Believe

ام السعف

30-01-2011, 01:19 PM

@@

الي يشوف الردود يقول هذا الواقع صدق مع ان الواقع يختلف في اشياء كثيره

شرايكم الي يقول لكم فيه بنات خاطرهم اهم الي يدفعون المهر وتكاليف العرس بس على شان يتزوجون ويصيرون امهات ولا يعنسون

من كلام بعض الخطابات تقول في بنات مايمانعون يشاركون في مصاريف العرس

بس الظاهر في المنتدى مستحين يقولون هالكلام

وانتوا اهنيه تقولون الرجال يتهرب ويتهرب

ترى السالفه ماهي مسالة تهرب لكن الواحد مايقط شقى عمره في " حظك يانصيب "

يتسلف ويتدين لعيونها وفي الاخير سنه وتروح بيت اهلها ويقعد يدفع الديون

مثل ماهو يبي يتزوج اهي بعد تبي تتزوج

ليش تدفع تكاليف الزواج ؟
تستلم مهرها مب لازم تكاليف زيادة او طقطقة وعرس وخرابيط
وتكون فاتحة خير وقدوة لكل البنات ،،
اذا هي عندها تدفع مقابل تكاليف الزواج في بنات ما عندهم
يضغطون على الشباب علشان يصيرون مثل غيرهم ،،

الأصل نعيد ونزيد ونكرر
بسنا من هالتخلف المظاهري في تكاليف الزواج :(

الرويـس

30-01-2011, 01:19 PM

^
تبا للأعداد التي خلفها اعداد
:(

Nojoom

30-01-2011, 01:21 PM

المهم

اهههههههههههههههههههه شكلي ولعت الموضوع:d:d كانو الاعضاء هاديين :nice:

انزين الحين مانبغي كلام نبغي تطبيق يلا الي راح وخطب ينقل تجربته لنا 00

واتمنى بعد يتم التجاوب على السؤال :

لما اتروح تخطب شنهو الي بتقدمه لاهل البنت غير المهر ؟؟؟؟؟؟ يعني غير الماديات بحيث تقدر اتخليهم يتقاضون عن بعض التكاليف انك تستاهل كل خير والنعم فيك ؟؟؟؟

ملاحظه : انا اتكلم عن العوائل الي تفكيرهم عقلاني ومنطقي مهب حد يحسب اتكلم عن الي ماشافو خير او ماعندهم اهتمام كبير باخلاق الرجل واخلاق البنت 0لان مهب كل باب ينطق ولا كل بيت يندخل 0<<وجب التنويه
سلام (ن) عليكم

بروح اتغدى 00راجعيــــــــــــــــــــــــــن اوعو اتغيرو القناه
:)

اوكيه انا بجاوب

الحمدالله الي معروف اصله وساسه مايحتاج يبين لهم شي او يغطي عيوبه بالفلوس

اما الي فيه قصور فالله يعينه ويعوض بالفلوس

هذا شي

الشي مثل مانويت اتزوج وكمل ديني هذي خطوه لبداية حياه جديده وبداية مسؤليات

ليش ادخلها بديون الته عمري ولته بنت الناس معاي ادفع 700 الف مادري 500 الف وقعد

مديون لين ولدي مايصير طولي

عيالي وبيتي اهم من المفوشر بقول لبوها انا الي اقدر عليه هذا وهذا

اعجبه كان بها ماعجبه البنات تارسين البيوت ويبون الستر

50 الف مهر

وخيمه قدام البيت وعرس لرجاجيل بسيط

Nojoom

30-01-2011, 01:23 PM

ليش تدفع تكاليف الزواج ؟
تستلم مهرها مب لازم تكاليف زيادة او طقطقة وعرس وخرابيط
وتكون فاتحة خير وقدوة لكل البنات ،،
اذا هي عندها تدفع مقابل تكاليف الزواج في بنات ما عندهم
يضغطون على الشباب علشان يصيرون مثل غيرهم ،،

الأصل نعيد ونزيد ونكرر
بسنا من هالتخلف المظاهري في تكاليف الزواج :(

والله انتي عجيبه

ماعندج بنت تزوجيني ايها

كورديليا

30-01-2011, 01:32 PM

انا مهري كان 30 الف بس :)

ام السعف

30-01-2011, 01:38 PM

والله انتي عجيبه

ماعندج بنت تزوجيني ايها

والله خلني اكون صريحة معاك

بنتي راس مالي حبيبتي ،، ما اقدر اعطي كلمة للي يبونها
ابيها تختار بروحها اللي تبي تتزوجه ،، يعني ممكن ما تقبل فيك،،
فاصبر عليها لما تصير في عمر الزواج وتقدم ،،

بس عندي بنات في عمر الزواج ما اعتقد امهاتهم لهم طلبات
الا اذا البنات مضروبين على روسهم ويكسرون ظهرك هذا شي ثاني:telephone:

الأصيلة

30-01-2011, 01:40 PM

@@

الي يشوف الردود يقول هذا الواقع صدق مع ان الواقع يختلف في اشياء كثيره

شرايكم الي يقول لكم فيه بنات خاطرهم اهم الي يدفعون المهر وتكاليف العرس بس على شان يتزوجون ويصيرون امهات ولا يعنسون
من كلام بعض الخطابات تقول في بنات مايمانعون يشاركون في مصاريف العرس
بس الظاهر في المنتدى مستحين يقولون هالكلام
وانتوا اهنيه تقولون الرجال يتهرب ويتهرب
ترى السالفه ماهي مسالة تهرب لكن الواحد
مايقط شقى عمره في " حظك يانصيب "

يتسلف ويتدين لعيونها وفي الاخير سنه وتروح بيت اهلها ويقعد يدفع الديون مثل ماهو يبي يتزوج اهي بعد تبي تتزوج

عاد هنيه هو وشطارة أهله وشطارته في الإختيار والإستخارة
والتوكل على الله
والمصالحة مع نفسه وربه...
يدور زوجه من بيت طيب وأم طيبة واهل شايفين خير...
لكن وين وماصابت خابت ( اختيار عشوائي ) أكيد بيلقى اللي مايسر خاطره...
مرات أشوف بنات مافيهم اي مواصفات الزوجة الناجحة...
ومع ذلك تتزوج وبعدين يقعد يشتكي الرجال منها...
هو صدق نصيب لكن الله جعلنا مسيرين لا مخيرين...
ومرات نلقى العكس البنت واهلها قمة في الرقي والأخلاق
لكن الرجل مايستاهلها...
طبعا من باب الطيبون للطيبات والطيبات للطيبون...
فتلقى التنافر يحدث ويصير الإنفصال...
الإستخارة والتوكل على الله هو أساس كل اختيار...
والله يبارك في كل من نوى الزواج وبنيته الطيبة...

ام السعف

30-01-2011, 01:42 PM

^
تبا للأعداد التي خلفها اعداد
:(

انت منيين جايب الحاجة اللي في صورة التوقيع ديت هااا ؟

العضو العتيج

30-01-2011, 01:47 PM

Nojoom

30-01-2011, 02:02 PM

انا عندي فكره واحاول اطبقها واقلب الموازين الاجتماعيه
وهي ان الزوجة تدفع المهر للزوج
انا شخصيا افكر تكون البدايه مني وبعدين بسعى سعي حثيث لاقناع الشباب بعدم التنازل عن المهر وبنشوف بعدين كم يدفعون

انا معاك على طول

وهذا الي مفروض البنت اهي المسؤله عن تكاليف الزواج بما انها اهي الي يهمها هذا ويهمها المفوشر خلها اهي او ابوها اهم الي يدفعون

ولما تروح بيت زوجها اهو مسؤل عنها يالله صرنا ثنين اتوقع خلال هالايام توصلنا عروض على الخاص :)

بـــــــنت النوخـّــــذه

30-01-2011, 02:04 PM

اوكيه انا بجاوب

الحمدالله الي معروف اصله وساسه مايحتاج يبين لهم شي او يغطي عيوبه بالفلوس

اما الي فيه قصور فالله يعينه ويعوض بالفلوس

هذا شي

الشي مثل مانويت اتزوج وكمل ديني هذي خطوه لبداية حياه جديده وبداية مسؤليات

ليش ادخلها بديون الته عمري ولته بنت الناس معاي ادفع 700 الف مادري 500 الف وقعد

مديون لين ولدي مايصير طولي

عيالي وبيتي اهم من المفوشر بقول لبوها انا الي اقدر عليه هذا وهذا

اعجبه كان بها ماعجبه البنات تارسين البيوت ويبون الستر

50 الف مهر

وخيمه قدام البيت وعرس لرجاجيل بسيط

اههههههه اتصدق انت بس لو اتشيل الصوره الي بتوقيعك والامور بتكون طيبه00:nice:0طالما انكم اتحطون هالصور والتشائم عمركم ماراح توصلون للطريق السليم 000

المهم نرجع لمحور حديثنا وين وصلنا 00:telephone:

قريت ردك بتمعن نفس الاسطوانه الي يرددها الشباب 000بسميها اسطوانه المهر والديون وكل سنه ينزل لها تحديث جديد

اخوي انت قبل لاتحتاي كيف بتعيش بنت الناس بديون وهالكلام 00انت لازم تسئل نفسك كيف تقدر اتقدم نفسك لاهل العروس بصوره ماتخليهم انهم يشوفونك رجل داخل تبحث عن المهر القليل والتخفيضات 000 وبنفس الوقت ما تبخس حق بنتهم بالمهر وهذا يرجع كله للرجل نفسه:)

بضنك لما رجل يعاشر رجل طيب واسلومه تشهد له وينعجب به ويقول له يافلان ليّ عزمت العرس تعال عندي 0000
اعيد السؤال كيف استطاع ذلك الرجل ان ينظر له الاخرين بنظره تقدير واحترام والتقاضي عن مستواه المادي ويكونون عون له ؟؟؟؟؟؟

والي علقو وقالو الكلام غير والفعل غير يسمحولي اقول لهم انكم نفس تفكير الشاب المتشائم الي ينتظر موسم التخفيضات ولا ينظر لمسئله كيف يقدم نفسه بكل ثقه 00

سلام (ن) عليكم :)

Nojoom

30-01-2011, 02:05 PM

والله خلني اكون صريحة معاك

بنتي راس مالي حبيبتي ،، ما اقدر اعطي كلمة للي يبونها
ابيها تختار بروحها اللي تبي تتزوجه ،، يعني ممكن ما تقبل فيك،،
فاصبر عليها لما تصير في عمر الزواج وتقدم ،،

بس عندي بنات في عمر الزواج ما اعتقد امهاتهم لهم طلبات
الا اذا البنات مضروبين على روسهم ويكسرون ظهرك هذا شي ثاني:telephone:

كم يدفعون مهري ؟؟

وعرس الرجاجيل في اي قاعة بيسون لي ؟

وترى قولي لهم ابي البشت تفصيل من سوريا

أم التفلسف

30-01-2011, 02:05 PM

يوصل قد ما يوصل

نستاهل!!

بـــــــنت النوخـّــــذه

30-01-2011, 02:06 PM

عاد هنيه هو وشطارة أهله وشطارته في الإختيار والإستخارة
والتوكل على الله
والمصالحة مع نفسه وربه...
يدور زوجه من بيت طيب وأم طيبة واهل شايفين خير...
لكن وين وماصابت خابت ( اختيار عشوائي ) أكيد بيلقى اللي مايسر خاطره...
مرات أشوف بنات مافيهم اي مواصفات الزوجة الناجحة...
ومع ذلك تتزوج وبعدين يقعد يشتكي الرجال منها...
هو صدق نصيب لكن الله جعلنا مسيرين لا مخيرين...
ومرات نلقى العكس البنت واهلها قمة في الرقي والأخلاق
لكن الرجل مايستاهلها...
طبعا من باب الطيبون للطيبات والطيبات للطيبون...
فتلقى التنافر يحدث ويصير الإنفصال...
الإستخارة والتوكل على الله هو أساس كل اختيار...
والله يبارك في كل من نوى الزواج وبنيته الطيبة...

:victory:

khalid-qtr

30-01-2011, 02:06 PM

انا معاك على طول

وهذا الي مفروض البنت اهي المسؤله عن تكاليف الزواج بما انها اهي الي يهمها هذا ويهمها المفوشر خلها اهي او ابوها اهم الي يدفعون

ولما تروح بيت زوجها اهو مسؤل عنها يالله صرنا ثنين اتوقع خلال هالايام توصلنا عروض على الخاص :)

انا عندي فكره واحاول اطبقها واقلب الموازين الاجتماعيه
وهي ان الزوجة تدفع المهر للزوج
انا شخصيا افكر تكون البدايه مني وبعدين بسعى سعي حثيث لاقناع الشباب بعدم التنازل عن المهر وبنشوف بعدين كم يدفعون

سجلوني معاكم والله خوش عرض ... :tease:

العضو العتيج

30-01-2011, 02:08 PM

انا معاك على طول

وهذا الي مفروض البنت اهي المسؤله عن تكاليف الزواج بما انها اهي الي يهمها هذا ويهمها المفوشر خلها اهي او ابوها اهم الي يدفعون

ولما تروح بيت زوجها اهو مسؤل عنها يالله صرنا ثنين اتوقع خلال هالايام توصلنا عروض على الخاص :)
انا بأسس جمعيه شبابيه ترعى الشاب العزوبي وتأسس فيه روح التضحيه والاكتفاء الذاتي والاعتماد على النفس وتعنى بتثقيف الشاب الخليجي وبحط لها اهداف ووسائل ومن اهم الاهداف الحد من تدخل ام الزوجة في الحياة الزوجية للشاب والحد من تدخل الاهل والغاء حفلات البذخ وتوحيد فساتين الزفاف للضيوف للحد من ارتفاع اسعار الفساتين خصوصا الي ماينلبس مرتين ومحاربه تحلطم عمات وخالات العروس اللي مايعجبهم شي ومحاولة تجريم انتقاد حفلات الزواج والغاء حفلات الاستقبال والهدايا
الجمعيه راح تكون تحت مسمى
((طلقها وخذ اختها للعزوبي الواعي))
معا نحو الافضل
وتقبلوا تحياتي
العضو العتيج نصير الشباب

khalid-qtr

30-01-2011, 02:10 PM

انا بأسس جمعيه شبابيه ترعى الشاب العزوبي وتأسس فيه روح التضحيه والاكتفاء الذاتي والاعتماد على النفس وتعنى بتثقيف الشاب الخليجي وبحط لها اهداف ووسائل ومن اهم الاهداف الحد من تدخل ام الزوجة في الحياة الزوجية للشاب والحد من تدخل الاهل والغاء حفلات البذخ وتوحيد فساتين الزفاف للضيوف للحد من ارتفاع اسعار الفساتين خصوصا الي ماينلبس مرتين ومحاربه تحلطم عمات وخالات العروس اللي مايعجبهم شي ومحاولة تجريم انتقاد حفلات الزواج والغاء حفلات الاستقبال والهدايا
الجمعيه راح تكون تحت مسمى
((طلقها وخذ اختها للعزوبي الواعي))
معا نحو الافضل
وتقبلوا تحياتي
العضو العتيج نصير الشباب

هههههههههههههههههههههههه

الراقيه سبشل

30-01-2011, 02:13 PM

ههههههههههههه صار في انقلاب

العضو العتيج

30-01-2011, 02:14 PM

انا هالايام مشغول بس اول مافضى بحاول اكتب ميثاق شرف الجمعيه والاهداف والوسائل وبسويها صج واللي بينضم لنا حياة الله
واهم شعار في جمعيتها
((الزواج مشروع فاشل الا اذا ثبت عكس ذلك))
وراح نسعى للضغط على مؤسسات المجتمع المدني عشان نسن قانون الاسترجاع بعد الزواج وخدمة مابعد الزواج و و و
عندي اهداف وايد بس نبي تشجيع

Nojoom

30-01-2011, 02:15 PM

اههههههه اتصدق انت بس لو اتشيل الصوره الي بتوقيعك والامور بتكون طيبه00:nice:0طالما انكم اتحطون هالصور والتشائم عمركم ماراح توصلون للطريق السليم 000

المهم نرجع لمحور حديثنا وين وصلنا 00:telephone:

قريت ردك بتمعن نفس الاسطوانه الي يرددها الشباب 000بسميها اسطوانه المهر

اخوي انت قبل لاتحتاي كيف بتعيش بنت الناس بديون وهالكلام 00انت لازم تسئل نفسك كيف تقدر اتقدم نفسك لاهل العروس بصوره ماتخليهم انهم يشوفونك رجل داخل تبحث عن المهر القليل والتخفيضات 000 وبنفس الوقت ما تبخس حق بنتهم بالمهر وهذا يرجع كله للرجل نفسه:)

بضنك لما رجل يعاشر رجل طيب واسلومه تشهد له وينعجب به ويقول له يافلان ليّ عزمت العرس تعال عندي 0000
اعيد السؤال كيف استطاع ذلك الرجل ان ينظر له الاخرين بنظره تقدير واحترام والتقاضي عن مستواه المادي ويكونون عون له ؟؟؟؟؟؟

والي علقو وقالو الكلام غير والفعل غير يسمحولي اقول لهم انكم نفس تفكير الشاب المتشائم الي ينتظر موسم التخفيضات ولا ينظر لمسئله كيف يقدم نفسه بكل ثقه 00

سلام (ن) عليكم :)

اختي بنت النوخذة اسمحيلي

شلون الرجال يقدم نفسه ويكسب ابو البنت على شان يسوي له تخفيضات

ليش كل هذا ؟؟

اهو جاي يتزوج ولا جاي يكسر خاطرهم على شان ينزلون له المهر مثل مارجال يبي يتزوج البنت بعد تبي تتزوج

وياما رجاجيل غاصين في بناتهم و قاموا يخطبون الشباب لبناتهم وامهات شكثر يعرضون بناتهم عند معارفهم ويبحثون لهم عن زوج

ولا روحي ادخلي مواقع الزواج وشفي كم قطريه فيه ومثل مارجال يبي يتزوج البنت اكثر منه

تبي تتزوج قبل لا يفوتها القطار وبعضهم الله يهديه قام يبحث عن الزوج بطرق ملتويه

وعلى قولت المثل

كلنا عيال قرية ... وكل منا يعرف أخيه

وشوف ونعرف وش الي صاير هالايام في المجتمع :)

ام السعف

30-01-2011, 02:17 PM

كم يدفعون مهري ؟؟

وعرس الرجاجيل في اي قاعة بيسون لي ؟

وترى قولي لهم ابي البشت تفصيل من سوريا

لا انت داش على طمع :(

^
تبا للأعداد التي خلفها اعداد
:(

بالفعل تبا للطمع اللي بتخلف اعداد مطموع فيها:(

ام السعف

30-01-2011, 02:18 PM

Nojoom

30-01-2011, 02:20 PM

خاطري اعرف شنهو شعور الوحدة لاعنست ؟؟

احس تتمنى ترجع الايام وتتنازل عن كل شروطها بس تشوف عيالها وزوج معاها

هذي مشكلة البنات تفكيرهم بطيء على ما يستوعبون قد عنسوا :(

hnazmy

30-01-2011, 02:23 PM

مشاء الله

بـــــــنت النوخـّــــذه

30-01-2011, 02:27 PM

اختي بنت النوخذة اسمحيلي

شلون الرجال يقدم نفسه ويكسب ابو البنت على شان يسوي له تخفيضات

ليش كل هذا ؟؟

اهو جاي يتزوج ولا جاي يكسر خاطرهم على شان ينزلون له المهر مثل مارجال يبي يتزوج البنت بعد تبي تتزوج

وياما رجاجيل غاصين في بناتهم و قاموا يخطبون الشباب لبناتهم وامهات شكثر يعرضون بناتهم عند معارفهم ويبحثون لهم عن زوج

ولا روحي ادخلي مواقع الزواج وشفي كم قطريه فيه ومثل مارجال يبي يتزوج البنت اكثر منه

تبي تتزوج قبل لا يفوتها القطار وبعضهم الله يهديه قام يبحث عن الزوج بطرق ملتويه

وعلى قولت المثل

كلنا عيال قرية ... وكل منا يعرف أخيه

وشوف ونعرف وش الي صاير هالايام في المجتمع :)

اههههههههههههههههههههههههههههه

الرجوله مواقف يا رجل مهب كسر خاطر00معقوله فهمت المقصد بهذا المعنى 00سبحان الله حتى مفاهيمكم غلط عشان جذيه اقول (بعض ) الشباب اصلا ماعندهم غير الكلام مهزوزين مهب واثقين من نفسهم 00 يبغون كل شي على الجاهز

عموما طالما فهمت كلامي انه يكسر خاطرهم معناته الله يوفقهم ويسهل عليهم وانتظرو موسم التخفبضات ولا روحو المواقع الي اتقولون عنها يعرضون بناتهم 0

واي نسيت اقول ترى مافيها شي اذا رجل يعرض بنته لرجل (قول فعل مهب بالمواقع الي اتقولها بل بمجلسهم العامر بالاخلاق الحميده ) وهذي سلوم القبائل طيبه الساس مهب تقليل من بنتهم بل اختيار رجل كفو لبنتهم الي ماعليها قصور ومهب بالضروره انه يختار لبنته ان بنت طايحه بحضه يمكن غاليه وماتقدر بثمن ويدور الي يستاهلها وحصله وقال هاك بنتي :)

اتمنى من الشباب يبتعدون عن التحندي لان الدنيا عادها بخير ولا تتركون بعض الردود اتحطمكم 00

انتهى
مهب واحد ينتظر موسم التخفيض وكم وصل المهر:nice:

شوق قلبي

30-01-2011, 02:35 PM

كل اللى اعرفهم ماتعدي مهرهم 80 الف وباقي التكاليف على الزوج:rolleyes2:

" أيسرهن مهرًا أكثرهن بركة " ...

:victory::victory::victory::victory::victory::vict ory:

ام السعف

30-01-2011, 02:38 PM

خاطري اعرف شنهو شعور الوحدة لاعنست ؟؟

احس تتمنى ترجع الايام وتتنازل عن كل شروطها بس تشوف عيالها وزوج معاها

هذي مشكلة البنات تفكيرهم بطيء على ما يستوعبون قد عنسوا :(

تبي الصراحة ،،
يقلن الحمدلله احنا احرار بلا هم الزوج وتحكماته
نقلت لك ما ورد الى مسامعي من الكثيرات منهن :shy:
والخافي في صدورهن لا يعمله الا الله ،،:shy:

متسلف وفي الاخير

30-01-2011, 02:40 PM

والله الظاهر انت تشوف الي حواليك يراكضون بالسوقه عبالك الاكثر جذي :)
حنا عندنا بالعايله يشترون الرجال ان كان على خلق ودين اي شي يقدر يدفعه يدفع

شكلج انتي طايحه في بيت هلج محد جا يخطبج قمتي طلعتي الحرة فيني

يبه روحي ردي على واحد مايفهم في هالامور اما انا صدقيني اخبر منج بهالمواضيع من يوم كنتي تلعبين في الحوش

انتي تقولين عندكم في عايلتكم تشترون الرجال اوكي بجيب لكم 3 رجاجيل عيال قبايل ويشتغلون بس عليهم ديون ويبون يكملون نص دينهم هل ياترى تقدرون تشترونهم

اذا على الكلام البنات كلامهم وايد لكن الفعل صفر على الشمال خلكم بعدين انتو مب مال زواج

انتو يبه مال موضه مال ماركات مال منتديات وبي بي وينكم ووين الزواج انصحج روحي شوفي

قناة سبيس تون او قناة طيور الجنه يمكن تفيدج اكثر من امور الزواج وخلي الزواج حق هله

واكثر بنات اليوم مثل الاطرش في الزفه ماعندكم غير العقار والحش والزبو وفلانه سوت

وفلانه حطت وفلانه سافرت وفلانه جات

ام السعف

30-01-2011, 02:46 PM

شكلج انتي طايحه في بيت هلج محد جا يخطبج قمتي طلعتي الحرة فيني

يبه روحي ردي على واحد مايفهم في هالامور اما انا صدقيني اخبر منج بهالمواضيع من يوم كنتي تلعبين في الحوش

انتي تقولين عندكم في عايلتكم تشترون الرجال اوكي بجيب لكم 3 رجاجيل عيال قبايل ويشتغلون بس عليهم ديون ويبون يكملون نص دينهم هل ياترى تقدرون تشترونهم

اذا على الكلام البنات كلامهم وايد لكن الفعل صفر على الشمال خلكم بعدين انتو مب مال زواج

انتو يبه مال موضه مال ماركات مال منتديات وبي بي وينكم ووين الزواج انصحج روحي شوفي

قناة سبيس تون او قناة طيور الجنه يمكن تفيدج اكثر من امور الزواج وخلي الزواج حق هله

واكثر بنات اليوم مثل الاطرش في الزفه ماعندكم غير العقار والحش والزبو وفلانه سوت

وفلانه حطت وفلانه سافرت وفلانه جات

:eek5:

اوبيه ،، يا بنات ،، اوبيه ،، بابا بابا بيه ،،

تبي الصراحة مالي خص بردك الشخصي على البنت ،، لكن بالفعل
كلامك يلامس الكثييييييييييييير من الواقع المعاش في قطر ،،

شوق قلبي

30-01-2011, 02:49 PM

متسلف وفي الاخير

أصآآبع يدك مآآآهـي بســوآآآآآ ....

بـــــــنت النوخـّــــذه

30-01-2011, 02:54 PM

:eek5:

اوبيه ،، يا بنات ،، اوبيه ،، بابا بابا بيه ،،

تبي الصراحة مالي خص بردك الشخصي على البنت ،، لكن بالفعل
كلامك يلامس الكثييييييييييييير من الواقع المعاش في قطر ،،

يال العجب خابرتج صاحبه رأي وحكمه كيف لكي يا أمة الله تقولين يلامس الواقع وتؤيدين وقد استخدم لغة التعميم ؟؟

الا ترين ان في كل ديره مقبره وفيه سلبيه وفيه ايجابيه
:nice:

متسلف وفي الاخير

أصآآبع يدك مآآآهـي بســوآآآآآ ....

تدرين ان لله سبحانه حكمه بان الاصابع ماتكون متساويه ياترى ماهي الحكمه ؟؟وهل البعض يعي تلك الحكمه ومعناها قبل لا يتحدث ؟؟؟

انا اكتشفت ان الموضوع متعلق بقناعات ومستحيل تتغير اذا لافائده من النقاش وتبادل الاراء طالما فيها اتهامات بدون ادله واقناع 00

العضو العتيج

30-01-2011, 02:55 PM

بـــــــنت النوخـّــــذه

30-01-2011, 03:00 PM

حمى الوطيس,,,
تركو عندكم الشد والكلام الجارح
تره الموضوع صبه حقنه لبن
اذا بتناقشون مشكله لازم تناقشونها بموضوعيه وعقلانيه
وفي امور تحتاج تصحيح جذري من المجتمع لاتبسطون الامور وكل واحد يتهم الثاني

احسنت

فيه سلبيه بالمجتمع اي نعم وكذلك فيه ايجابيه بالمجتمع

ماهي الحلول وماهي الخطوات الناجحه وماهي الصفات وماهي المواقف 000

يجب ان ننظر بتفائل ونبتعد كما قلت للغه التعميم والاتهام 000

تحياتي من الاعماق :nice:

latty

30-01-2011, 03:03 PM

وش رايكم ننشئ جمعيه نسميها تحديد المهور :)

اهل العروس مايبون شي ولا يهمهم الا ان الامور تمر يوم العرس بكل خير

العروس تبي كوشه فستان شبكه صاله وفرقه ومصوره وفيديو وتجهيز ملابس واكسسوارات وبيت وعشاء مشرف

عطها تشتري اغراضها وتكفل بالباقي وانتها الامر

الموضوع حلو بس فيه ردود خرجت من الاطار المتعارف فيه في المناقشات الهادفه

الله معكم

شوق قلبي

30-01-2011, 03:05 PM

تدرين ان لله سبحانه حكمه بان الاصابع ماتكون متساويه ياترى ماهي الحكمه ؟؟وهل البعض يعي تلك الحكمه ومعناها قبل لا يتحدث ؟؟؟

انا اكتشفت ان الموضوع متعلق بقناعات ومستحيل تتغير اذا لافائده من النقاش وتبادل الاراء طالما فيها اتهامات بدون ادله واقناع 00

[/quote]

مآهــي الحكــمه نـووريني ...

بس قصدي من اصابع يدك مآهي سـوآآآ

ان مو كل البنات نفس الشي .. أعتقدوآآضح قصدي وردي ..

ولامانع استفيد منج من كحمة خلق الاصابع ليسوو على سوآء

meeemz

30-01-2011, 03:24 PM

ودي اخذ لي شاميه ( جمال - اخلاق - تربية )

ولكن البلاء هو الي ذكرتيه

وهذا خلاني اتحير واعيد التفكير

هاي كله SHOW ...يقدمون نفسهم كانه ما فوقهم فوق وعايله كريمه ومصونه والبنت مصليه وملتزمه وابوها بس يبي الستر لبنته ....و اذا رحتوا هناك لاتخلون حد يضيفكم او يقولون لك بساعدك ويدخلونكم البيت :threaten:.. انا وايد اروح هناك والطياره متروسه رياييل كبار :rolleyes2: .و زواج المسيار عندهم غير شكل .. حرام يسمونه زواج لانه الوحده تتزوج مجموعه وبالدور وكل واحد مايدري عن الثاني ..اما اللي تتزوج وتيي قطر.. ماترتاح الا لما تزوج عياله بنت اختها ولا بنت اخوها وفعلا اعرف كذا عايله ..ومب بس هم اللي يجيبون اهلهم حتى المغربيات نفس الشي ..يسوقون حق نفسهم بنفس الطريقه التزام وراعيين دين وبيت (عجيبين وحده تفتخر انه ابوها امام وهي ماتتحجب والرياييل يتغاضون عن اشياء مهمه كانهم مغيبين )

موضي قطر

30-01-2011, 03:42 PM

يه ,, يه ,,يه ماتنهدون بروحكم

خليتكم شوي سويتوا انقلاب ؟!:telephone:

موضي قطر

30-01-2011, 03:47 PM

تبي الصراحة ،،
يقلن الحمدلله احنا احرار بلا هم الزوج وتحكماته
نقلت لك ما ورد الى مسامعي من الكثيرات منهن :shy:
والخافي في صدورهن لا يعمله الا الله ،،:shy:

تدرين اعرف وحده عمرها فوق 45 سنة وماتعطينها 20 سنة :( واذا شافوها الحريم يسالونها يافلانة انتي شتسوين حق وجهك وش الكريمات اللي تحطينها تدرين شتقول ؟؟

اهم كريم لبقاء البشرة بدون تجاعيد اني في آخر لحظة غيرت رايي وماتزوجت مع ان المطوع في المجلس :secret:

الكلام أعلاه ليس بالضروة يعبر عن رأي موضي بل يعبر عن رأي صاحبتة وعلى مسؤليتها:(

ام السعف

30-01-2011, 03:49 PM

يال العجب خابرتج صاحبه رأي وحكمه كيف لكي يا أمة الله تقولين يلامس الواقع وتؤيدين وقد استخدم لغة التعميم ؟؟

الا ترين ان في كل ديره مقبره وفيه سلبيه وفيه ايجابيه
:nice:

ليش شقحتي كلمة الكثيييييير ؟

الكثييير يعني الغالب على الواقع هنا ،، ان تكاليف الزواج باهضة الثمن

ترى المشكلة مب في المهر،، البنت لو قلنا مهرها 50 الف مثلا
او 60 ،، تعالوا للتكاليف الثانية اللي اتهد الحيل وذكرتها في ردود سابقة ،،

ممكن المهر يكون 30 حتى ،، بس التكاليف والشو والعرض والاستعراض
هو الغالب على مظاهر الزواج في قطر ،،

اليوم البنت بتقول انا بدفع له مثلا بس يتقدم لي رجل
بتدفع له ايش ؟ مهرها يا بنت النوخذة ؟
لا مب دافعة له المهر ،، راح تدفع تكاليف حفلة الزواج لساعة
او ساعتين بمقدار 100 الف ريال قطري ،، لو ما كان اكثر واكثر ،،

هذا غير حفلة الخطوبة ومستلزماتها اللي تطلع بعد الملجة ،،
:(

مسك روز

30-01-2011, 03:49 PM

اللي يقول سوريه واللي يقول مغربيه

ترى مب كلهم كفو

السوريه انصبت على واحد من هلي

والمغربيه سحرت الزوج وام الزوج وابوه !!!

فلحد يعمم .. لكل قاعده شواذ :omen2:

ام السعف

30-01-2011, 03:52 PM

تدرين اعرف وحده عمرها فوق 45 سنة وماتعطينها 20 سنة :( واذا شافوها الحريم يسالونها يافلانة انتي شتسوين حق وجهك وش الكريمات اللي تحطينها تدرين شتقول ؟؟

اهم كريم لبقاء البشرة بدون تجاعيد اني في آخر لحظة غيرت رايي وماتزوجت مع ان المطوع في المجلس :secret:

الكلام أعلاه ليس بالضروة يعبر عن رأي موضي بل يعبر عن رأي صاحبتة وعلى مسؤليتها:(

يحنون يبون يتزوجون ،، واشوي هادين حريمهم وقاعدين في العنن
والميالس :telephone:،، وتبقى البنت لازم تتحمل كل شي
من راحته وتدليعه لين امور كثيرة في البيت .....> هذا تعليق جانبي ،،

بس قولي لنا يا موضي،، مرت عليج حالات زواج اكتفوا بحفلة صغيرة ؟
من غير حفلة كبيرة اقل عدد يكوم 350 راس في الحفلة ؟

ام السعف

30-01-2011, 03:53 PM

اللي يقول سوريه واللي يقول مغربيه

ترى مب كلهم كفو

السوريه انصبت على واحد من هلي

والمغربيه سحرت الزوج وام الزوج وابوه !!!

فلحد يعمم .. لكل قاعده شواذ :omen2:

اللي يبي السورية او المغربية خليه ياخذ موافقة الداخلية ومحد ماسكه

في الأخير كلهم سوى في بيت الزوجية سواء كانت قطرية او سورية
او هندية او بنغالية ،،

الأهم روح التآلف والمودة والحب والتفاهم يسود هالعلاقة الزوجية ،،

الأصيلة

30-01-2011, 03:59 PM

اللي يبي السورية او المغربية خليه ياخذ موافقة الداخلية ومحد ماسكه

في الأخير كلهم سوى في بيت الزوجية سواء كانت قطرية او سورية
او هندية او بنغالية ،،

الأهم روح التآلف والمودة والحب والتفاهم يسود هالعلاقة الزوجية ،،
بس المهم البيت اللي جايه منه..
وأمها وأخلاقها ...
مب يتعرف عليها في أي مكان ويعزم على الزواج...
وأغلب الزواج الناجح من الأجنبيات هو من الأوربيات المسلمات
المتحجبات اللي فاهمين الدين على أصوله...
ويكون التعارف أغلبه على مقاعد الدراسة...

meeemz

30-01-2011, 04:04 PM

ام السعف مستحيل يتشابهون.. ثقافه كل شعب تحكم وتاثر على طريقه تفكيره وبالتالي حياته وتربيته لعياله

ام السعف

30-01-2011, 04:06 PM

بس المهم البيت اللي جايه منه..
وأمها وأخلاقها ...
مب يتعرف عليها في أي مكان ويعزم على الزواج...
وأغلب الزواج الناجح من الأجنبيات هو من الأوربيات المسلمات
المتحجبات اللي فاهمين الدين على أصوله...
ويكون التعارف أغلبه على مقاعد الدراسة...

شوفي يا اختنا الأصيلة ،، حالات زواج كثيرة تكون الأم هي خالة المعرس
او عمته ،، وفي الأخير يصير الطلاق ....> يعني ما سبق في ردج يكون متوفر
لكن في الأخير صار الطلاق ليش ؟
لأن
مافي روح التآلف والمودة والحب والتفاهم اللي يسود هالعلاقة الزوجية

هناك زيجات في دول اجنبية مافي حجاب ولا في حشمة لكن الحياة
الزوجية مستمرة ...> صح ؟

هناك زيجات في ديانات غير سماوية مستمرة سنيين وسنين ....> صح ؟

فأساس الحياة الزوجية
الأهم روح التآلف والمودة والحب والتفاهم
وكل ما يلي او يسبق يعتمد على عادات وتقاليد الشعوب و اعتقاداتهم الدينية ،،

موضي قطر

30-01-2011, 04:07 PM

يحنون يبون يتزوجون ،، واشوي هادين حريمهم وقاعدين في العنن
والميالس :telephone:،، وتبقى البنت لازم تتحمل كل شي
من راحته وتدليعه لين امور كثيرة في البيت .....> هذا تعليق جانبي ،،

بس قولي لنا يا موضي،، مرت عليج حالات زواج اكتفوا بحفلة صغيرة ؟من غير حفلة كبيرة اقل عدد يكوم 350 راس في الحفلة ؟

ماراح اقول سمعت عن هالشي لأنه صار لبنت عمي هي ماتبي عرس بالمعنى " القطري " المعتاد قالت لعمي ولزوجها ولنا كلنا كأهل انها ماتبي عرس وخساير وفي النهاية ترزح هي وياه تحت رحمة الديون .. وبصراحة كلنا ايدناها ماعدى أمها .. بس عمي حسم الموقف وتم العرس في البيت في خيمة وكان مرتب و والله يام السعف أنه فيه ناس سووا مثلهم بعد فترة صح قله بس أثرت المبادرة فيهم ووثقوا اكثر في قرارهم :shy:

ووفورا المصاريف لهم تنفعهم مع العلم انه موظف راتبه ممتاز وبنت عمي هم موظفة :)

ملاحظة : عدد المعازيم كان حول 300 شخص ويمكن اقل بشوي والأمور مشت تمام وهذه هي عندها ولد وبنت :victory:

ام السعف

30-01-2011, 04:09 PM

ام السعف مستحيل يتشابهون.. ثقافه كل شعب تحكم وتاثر على طريقه تفكيره وبالتالي حياته وتربيته لعياله

ما قلت يتشابهون ابدا ،،
قلت خلهم يتزوجون لو يبون ...> لأنهم مب متحركين من مكانهم
كلامهم بس تعبير عن ردة فعل لا اكثر ولا اقل ،، على اللي يكتبون
حلاتها سورية او مغربية ارخص ،، ما شفنا منهم واحد قال اي والله
انا تزوجت وخلصت وانصحكم ..

فاهمة علي ؟

لكن مع هذا احنا في قطر عايشنا الكثير من الأسر اللي امهاتهم هنديات
ومصريات وسوريات و بريطانيات وامريكيات ،
في اللي متمسك في دينه وفي اللي تلقينهم بايعينها ،،

والغالب والواضح انهم متمسكين بعادات وتقاليد البلاد ،،

الأصيلة

30-01-2011, 04:11 PM

ام السعف

30-01-2011, 04:12 PM

ماراح اقول سمعت عن هالشي لأنه صار لبنت عمي هي ماتبي عرس بالمعنى " القطري " المعتاد قالت لعمي ولزوجها ولنا كلنا كأهل انها ماتبي عرس وخساير وفي النهاية ترزح هي وياه تحت رحمة الديون .. وبصراحة كلنا ايدناها ماعدى أمها .. بس عمي حسم الموقف وتم العرس في البيت في خيمة وكان مرتب و والله يام السعف أنه فيه ناس سووا مثلهم بعد فترة صح قله بس أثرت المبادرة فيهم ووثقوا اكثر في قرارهم :shy:

ووفورا المصاريف لهم تنفعهم مع العلم انه موظف راتبه ممتاز وبنت عمي هم موظفة :)

ملاحظة : عدد المعازيم كان حول 300 شخص ويمكن اقل بشوي والأمور مشت تمام وهذه هي عندها ولد وبنت :victory:

شوفي 300 شخص ...> بنت عمج قدرت على هالمصاريف

غيرها الشاب ما يقدر على 100 شخص ...> بس حسب
العادات والتقاليد لازم يذبح عمره ويأجر طاولات معدلة
كوشة مصورات وكشافات ليلتات بوفيه مشروبات و .. و ... و...

علشان ساعات بس ..

شوفي احنا ننادي بتقليل التكاليف في اللحظة اللي احنا بروحنا نضرب
المطالبات هذي في عرض الحائط ،،

اللحين ليلة الحنة 100 وحدة ،، الخطوبة 100 وحدة :(

وتقولون للشباب اشبلاكم تشتكون ؟

الأصيلة

30-01-2011, 04:15 PM

شوفي يا اختنا الأصيلة ،، حالات زواج كثيرة تكون الأم هي خالة المعرس
او عمته ،، وفي الأخير يصير الطلاق ....> يعني ما سبق في ردج يكون متوفر
لكن في الأخير صار الطلاق ليش ؟
لأن
مافي روح التآلف والمودة والحب والتفاهم اللي يسود هالعلاقة الزوجية

هناك زيجات في دول اجنبية مافي حجاب ولا في حشمة لكن الحياة
الزوجية مستمرة ...> صح ؟

هناك زيجات في ديانات غير سماوية مستمرة سنيين وسنين ....> صح ؟

فأساس الحياة الزوجية
الأهم روح التآلف والمودة والحب والتفاهم
وكل ما يلي او يسبق يعتمد على عادات وتقاليد الشعوب و اعتقاداتهم الدينية ،،

أنا ما أتكلم عن حالات الطلاق...
لأني ماعمري شفت احد تزوج غير قطرية وطلقها..
مب على كيفه...نادر جدا مايصير فراق
كلهم يستمرون مع الزوج وبطريقتهم الخاصة...
لكن أنا أقصد إن الإختيار لازم يكون لأن تكون أم لأبنائه وليس لجمالها فقط..
وطبعا هذا هدف الكثير من الزواج من غير القطريات...
فالمفروض يكون الإختيار على أساس البيت والأهل ..مب كل من هب ودب...

مسمس12

30-01-2011, 04:16 PM

بل اشهالموضوع اللي ماراح يخلص

ام السعف

30-01-2011, 04:16 PM

أنا أعرف سيدة قطرية زوجت إبنتها من شاب بمهر زهيد جدا
وعملت حفلة زواج بسيطه وتقريبا المعازيم 150 أو أقل...
وبارك الله لها في ما نوته...
فزاد من المهر بعض المال فأعادته لزوج إبنتها ...
والحمدلله توفقت البنت والآن لديه أطفال ...

احنا نتكلم عن حالات مب حالة او ثنيتن او 10

احنا لما نقول في البحرين مثلا ،، الغالب الواضح حفلاتهم بسيطة
اهنيه تكلم عن ظاهرة تستحق الاشادة ،،

لو بنتكلم عن عُمان مثلا نقول الغالب الحاصل حفلاتهم بسيطة
نتكلم عن الظاهر الملاحظ ،،
لو بنقول الإمارات راح نقول الغالب الواضح المظاهر هي المسيطرة
قطر لا تقل عن الإمارات ،،

من اهنيه الشباب يشتكون من غلاء المهور

غلاء المهور = تكاليف الزواج من زاوج الحريم والرجال بالاضافة
الى حفلة الخطوبة ،،

بوحارب

30-01-2011, 04:19 PM

الكلام سهل

bos3eed

30-01-2011, 04:23 PM

يوصل قد ما يوصل

نستاهل!!

مع كل عدم احترامي, الله لايطيحني في نوعيتج, اخذ لي سريلانكيه ابرك لي

بـــــــنت النوخـّــــذه

30-01-2011, 04:58 PM

[

ليش شقحتي كلمة الكثيييييير ؟

الكثييير يعني الغالب على الواقع هنا ،، ان تكاليف الزواج باهضة الثمن

ترى المشكلة مب في المهر،، البنت لو قلنا مهرها 50 الف مثلا
او 60 ،، تعالوا للتكاليف الثانية اللي اتهد الحيل وذكرتها في ردود سابقة ،،

ممكن المهر يكون 30 حتى ،، بس التكاليف والشو والعرض والاستعراض
هو الغالب على مظاهر الزواج في قطر ،،

اليوم البنت بتقول انا بدفع له مثلا بس يتقدم لي رجل
بتدفع له ايش ؟ مهرها يا بنت النوخذة ؟
لا مب دافعة له المهر ،، راح تدفع تكاليف حفلة الزواج لساعة
او ساعتين بمقدار 100 الف ريال قطري ،، لو ما كان اكثر واكثر ،،

هذا غير حفلة الخطوبة ومستلزماتها اللي تطلع بعد الملجة ،،
:(

اهههههه ام السعف ضحكت على كلمه شقحت تخيلت نفسي وانا اشقح :tooth:

عموما اخواني وخواتي 00لاننكر ارتفاع التكاليف لكن ان يجيج واحد يقول انا ما اقدر اخطب لان التكاليف مرتفعه 00انت يالي اتقول مرتفعه انت بالاول خطبت اقدمت على خطوه ولا بس سمعت فلان وعلان وتداولتو الاسطوانه 0000
هل رحت لاهل العروس وقلت لهم هذي امكانياتي واسئلو عني وبنتكم مالها الا كل خير 00

مازلت اقول (بعض الشباب ) شخصيتهم مهزوزه ماعندهم دافع قوي كله خايفين شبيقولون اهل العروس 000

طبعا" صحيح فيه ناس يشترطون وفيه ناس مايقبلون باي احد بس اعتقد الشخص نفسه واهله يعرفون يطقون باب من 00ترى مهب اي باب ينطق ولا اي باب ينفتح <<<واخر جمله لها معاني عميقه 0

انا لا انكر التكاليف الباهضه ولكن استغرب من بعض الشباب الي يبغي كل شي على الجاهز وهو ماعنده شي يخلي الطرف الاخر يرضون به ويتقاضون عن (بعض ) الامور الماديه 0وممكن يأخرون العرس اذا دعت الحاجه وومكن يساعدونه وممكن العروس تتقاضى عن اشياء 00لكن كل هذا يعتمد على الشخص الرجل الي رايح يخطب0

اذا بنحط المهر شماعه اعتقد محد بالديره بيعرس

هاه وصلت الفكره ولا بتقولون الكلام سهل ومثاليه زايده وتجربه واحده من الف 0000

:)

مريومة

30-01-2011, 05:09 PM

[

مازلت اقول ([color="red"]بعض الشباب ) شخصيتهم مهزوزه ماعندهم دافع قوي كله خايفين شبيقولون اهل العروس 000

انا لا انكر التكاليف الباهضه ولكن استغرب من بعض الشباب الي يبغي كل شي على الجاهز وهو ماعنده شي يخلي الطرف الاخر يرضون به ويتقاضون عن (بعض ) الامور الماديه 0وممكن يأخرون العرس اذا دعت الحاجه وومكن يساعدونه وممكن العروس تتقاضى عن اشياء 00لكن كل هذا يعتمد على الشخص الرجل الي رايح يخطب0
:)

يعني ما يشوف نفسه .. [size="6"]شي

بدون فلوس

موضي قطر

30-01-2011, 05:10 PM

شوفي 300 شخص ...> بنت عمج قدرت على هالمصاريف

غيرها الشاب ما يقدر على 100 شخص ...> بس حسب
العادات والتقاليد لازم يذبح عمره ويأجر طاولات معدلة
كوشة مصورات وكشافات ليلتات بوفيه مشروبات و .. و ... و...

علشان ساعات بس ..

شوفي احنا ننادي بتقليل التكاليف في اللحظة اللي احنا بروحنا نضرب
المطالبات هذي في عرض الحائط ،،

اللحين ليلة الحنة 100 وحدة ،، الخطوبة 100 وحدة :(

وتقولون للشباب اشبلاكم تشتكون ؟

حبيتي ام السعف بنت عمي ماسوت حفله خطوبة كان عندها قناعه انه مب لازم عشا مسوينه في البيت واهلها من الصوبين بس

مسك روز

30-01-2011, 05:13 PM

حفلة ملكه

حفلة خطوبه

حفلة ليلة الحنا

الهديه

حفلة الزواج

مسكييييييييييييين ياللي بتتزوج :rolleyes2:

العقل الحر

30-01-2011, 05:42 PM

بغيناها طرب سارت نشب :rolleyes2:

بغيت الحلال واسأل عنه فقط لا غير .....

بس مدام النسوان هذا طبعهم وفي المنتدى كيف لو زواج :eek5:

بأجل الزواج الى لآجل غير مسمى ...... :)

الأصيلة

30-01-2011, 05:44 PM

حفلة ملكه

حفلة خطوبه

حفلة ليلة الحنا

الهديه

حفلة الزواج

مسكييييييييييييين ياللي بتتزوج :rolleyes2:

ليالي ملاح...حتى الصباح...
أبغض ماعندي شيء اسمه خطوبة وحنا..
وحتى الهدية لكن بعد تعتبر في بعض الأوقات تقدير للعروس وأهلها من قبل أم المعرس...
ياليت البنات شوي ينقحون افكارهم ويفكرون في سالفة ليلة الحنا وسالفة الخطوبة
ويركزون شوي على ليلة العرس وبس...
الله يصلح حالهم ويعطيهم الزوج الصالح

بو خليفه 123

30-01-2011, 05:46 PM

اشهد انها بنت اجاويد رفيقتك يالاصيله

لاجل QT

30-01-2011, 05:55 PM

موضي قطر

30-01-2011, 05:56 PM

بغيناها طرب سارت نشب :rolleyes2:

بغيت الحلال واسأل عنه فقط لا غير .....

بس مدام النسوان هذا طبعهم وفي المنتدى كيف لو زواج :eek5:

بأجل الزواج الى لآجل غير مسمى ...... :)

ليش .. ليش .. ليش تعقدتوا ؟َ!!

قلنا لكم البنات ماهم نفس الشي وياما بنات عقولهم كبيرة ويدورون " عطران الشوارب " :shy:

وماعندهم خلاف لا في مهر ولا ليلة العرس :(

لاتزعل البنات بعدين ماتتزوج :nice:

بو خليفه 123

30-01-2011, 05:58 PM

طيب دام العقل الحر انسحب ممكن احط اسمي

زوجه ثانيه :shy:

AL ZUBARAH

30-01-2011, 06:03 PM

حفلة ملكه

حفلة خطوبه

حفلة ليلة الحنا

الهديه

حفلة الزواج

مسكييييييييييييين ياللي بتتزوج :rolleyes2:

وليش الرجال يدفع كل هذه التكاليف يتزوج صينية احسن له و يوفر الفلوس و يسوي مشروع تجاري ويضمن مستقبله.

لاجل QT

30-01-2011, 06:05 PM

^^^^
نرجو افساح المجال للشباب اللى ماتزوج:(

اما المتزوجين يبلعون العافية:)

قولو الحمدالله عندكم اللى يونسكم:nice:

موضي قطر

30-01-2011, 06:09 PM

طيب دام العقل الحر انسحب ممكن احط اسمي

زوجه ثانيه :shy:

خالي .. طائرات إف 16 تحلق فوق ميدان التحرير :telephone:

رياني qtr

30-01-2011, 06:10 PM

الله يصلح حالهم ويعطيهم الزوج الصالح

ويعطيهم الزوجة الصالحة :victory:

بـــــــنت النوخـّــــذه

30-01-2011, 06:16 PM

بغيناها طرب سارت نشب :rolleyes2:

بغيت الحلال واسأل عنه فقط لا غير .....

بس مدام النسوان هذا طبعهم وفي المنتدى كيف لو زواج :eek5:

بأجل الزواج الى لآجل غير مسمى ...... :)

اههههههههه:)

صراحه انا اشدد على كلامك ومعاك لاتتزوج اذا كنت مهب مستعد

في التأني السلامه وفي العجله الندامه 000 ادرس موضوع الزواج من جميع النواحي :

* شخصيتك
*امكانياتك النفسيه
*ثقافتك الدينيه والدنيوه
*ثقتك بنفسك
*اختيار الزوجه الصالحه التي تتناسب مع شخصيتك وتكون نصفك الثاني يعني صفاتكم متفقه تماما نوعا ما*الاقدام بالخطوه
*طق الباب الي يتناسب مع (اختيارك وقدراتك من جميع الجوانب )
*كن واضحا" بامكانياتك وقوه شخصيتك وانك قادر تستر على بنت الناس وماتقصر عليها
*جيب القاضي يملج
* اكتب بالعقد ماتم الاتفاق عليه بينك وبين العروس وولي امرها
*عطهم المهر بحيث ماتبخس قدرها بعد اهي تبغي تشتري لجل تتعدل لك وتفرح معك بليله العرس
*قول لهم اشوفكم ليليه العرس تامرون على شي هذا المستطاع وانا شاري بنتكم لانها ام صالحه تعيش معي على الحلوه والمره0

*لاتقول لربعك اذا الله وفقك بناس طيبين لان العين حق ^________^ بيتمون يزنون عليك يكرهونك بحياتك يخلونك اتشك بنفسك

اذا انت قادر على هذا الكلام توكل على الله مهب قادر انصحك لاتستعجل واشدد على اي شاب مهب واثق من نفسه وشخصيته مهزوزه امام اهل العروس ومتطلباتهم لايتزوج :)

%حورية قطر%

30-01-2011, 06:19 PM

بل اشهالموضوع اللي ماراح يخلص

اي والله صدقتي محد قانع باللي عنده .. اللي متزوج يبي الثانية بس بمهر زهيد.. روووح الحسى بتحصل بعشر الاف ...
واللي مب متزوج يفكر في السيرلانكية او الصينية والسبب انها ماتبي مهر :rolleyes2:

والله وايد ناس تزوجوا بمهر غير مبالغ فيه يسد تجهيزات العرووس .. اللي تبي الستر والاستقرار ماراح ترهق المعرس بكثرة الطلبات .. ..اما اللي تبي المظاهرالزايلة قدام الناس هاذي الله يعينها على نفسهاااا صراحه ...

الله يوفق كل وحدة تبي الستر وكل واحد يبي الاستقرار

meeemz

30-01-2011, 06:23 PM

والله مانصح اي وحده تسوي في البيت ..لعدد من الاسباب ..
1- العرس مستحيل يكون بفخامه القاعه ..
2-لو حاولت الوحده تخليه حلو وفخم بتبذل جهد مضاعف وبتشد حيلها اكثر وبيدور راسها..لانه اشياء بديهيه تتوقع انها بتكون موجوده في العرس لكن محد يوفرها ..
3-الاضاءه تكون سيئه ..
4- محد يقدر يتنبأ بالجو قبل ما يحدد الوقت ..وصارت لناس وايد الا غبار الا مطر الا هوا ..كان الجو مايختبص الا وقت العرس حتى اللي سووه في خيام بعد تبهدلوا
5- والمهم انها تكلف وماتقل عن القاعه لانه الواحد ممكن يعدل اشياء في البيت ويلغي اشياء عشان البيت يستوعب الناس ..
انا اقول لكل بنت تفكر انها بتصير قنوعه وبتسويه في البيت غيري رايج وسويه في قاعه وكوني في السيف سايد ..جي ولا جي بتخسرين والفلوس مصيرها اطير وفي النهايه بتحسفين وبتذبحين نفسج على الفاضي ..
فيه استثناء بس اذا كانت البنت تبي تسوي حفل صغير والمعازيم بس المقربين والحفل داخل البيت احس حلو وفعلا بتفتك من عوار الراس ..
واذا تبي الوحده تقلص في التكاليف تكنسل حفله الخطوبه والحنه بس لاتضحين بالعرس

موضي قطر

30-01-2011, 06:23 PM

لو الزوج يعطي العروس 200 الف منها كل شي ويسون عرس في البيت مثل اول بس ذباح ومسجل وخلصنا..وبلا قاعات وبلا خرابيط وبلا اسراف..وكلة ماراح يعجب الناس اللى دورون رضاهم

والله يكسر خاطري الزوج اللى يبدأ حياتة بديون ...

يجب أن تكون فيه ثقافه ودورات متعلقه بالتقنين العلاقني
للتكاليف الباهظة التي تهدر في حفلات الزواج ويشارك فيها الأسر والشباب والشابات لوضع حد للمبالغات الغير مقبولة والتي تقام في الأفراح لدينا :rolleyes2:
وتقوم بعمل دورات بهذا الشأن وتكون مكثفة أو يقوم احد من " علية القوم " بتزويج ابنته او ابنه بدون بذخ وببساطة مطلقة لأن مجتمعنا يحب تقليد الأثرياء وعليه القوم لعلى وعسى تأتي المبادرة بثمارها :telephone:

بو خليفه 123

30-01-2011, 06:27 PM

شيء جميل بصراحه نرى بعض المشاركات العقلانيه و نرى بعض التنازلات من الجنس اللطيف يقدمونها للزواج حتى لا يبتدي الشاب حياته مديوناً ..

ياترى هل هو كلام خلف الشاشات فقط ولا قول و فعل .. ترا عيال الحلال موجودين :shy:

بـــــــنت النوخـّــــذه

30-01-2011, 06:29 PM

اي والله صدقتي محد قانع باللي عنده .. اللي متزوج يبي الثانية بس بمهر زهيد.. روووح الحسى بتحصل بعشر الاف ...
واللي مب متزوج يفكر في السيرلانكية او الصينية والسبب انها ماتبي مهر :rolleyes2:

والله وايد ناس تزوجوا بمهر غير مبالغ فيه يسد تجهيزات العرووس .. اللي تبي الستر والاستقرار ماراح ترهق المعرس بكثرة الطلبات .. ..اما اللي تبي المظاهرالزايلة قدام الناس هاذي الله يعينها على نفسهاااا صراحه ...

الله يوفق كل وحدة تبي الستر وكل واحد يبي الاستقرار

بينتهي الموضوع اذا قالو العرس والعروس ببلاش 0000

البعض مهب راضي يفهم ان الرجل الي رايح يخطب كل شي يعتمد عليه من المهر /مساعده اهل العروس له / التقاضي عن امور ماديه وحفلات اضافيه 0000

شباب مهزوز الثقه يبغون حد يقول لهم تعالو بنعطيكم ببلاش 00 مستحيل بيقول ابو العروس جذيه انت يارجل بذكائك بين لهم سلومك الطيبه وهذا يرجع طبعا لسؤالهم عنك بين الناس عشان يشترونك ويتقاضون عن كل شي 00 اذا كل شاب بيقول المهر غالي وبيجلس مكتف يده وخايف يطق الباب عيل اهل العروس بيقولون مافي رجال في الدوحه فيه خير كله يحاتون المهر وبيستمر مسلسل الغلاء ---
يلا تعبت وانا اعلق على هالموضوع ماله نهايه اهههههههه :)