الحكومه ظالمه ام مظلومة

[بوخالد 21]

الله يعز حكومتنا مجتهده لتوفير افضل سبل العيش للشعب ولكن الكمال لله هناك قصور وظلم لازم نتكلم عنهم علشان نوصل الى المثاليه حكومة وشعباً
اول شي*ليش الأجانب يجون برواتب خياليه والقطري على الله وبعدين لو الرواتب زينه شوف غلى الدنيا شتسوي بالراتب وبالتقاعد عليك السلام يالقطري وظهر لنا الحين البند المركزي الله المستعان
وبالنسبه للسكن يتم توفير سكن للأجانب والقطريين الجنير يعيشون في ملاحق في بيوت اهاليهم ينتظرون لين يحصلون ارض وبعدين ينتظرون القرض وبعدين انتظر توصيل الخدمات للارض يعني يعيش نص عمره في ملحق
وبعدين تعال شوف القطري ولد القطري اللي ما له ارض بس لك قرض أشلون ياجماعه أنا قطري ياللي تعرفوني
الارض شي اساسي في الحياه لازم ما فيه تميز واختلاف
بين القطريين مايصير هذا قطري وهذا قطري
واللي يقول الكهرباء والماء ببلاش الله يعز الحكومة ما قصرت بس تعال شوف الرسوم او الضرائب المخفيه رسوم الجوازات والمرور وتجديد البطاقات والمستندات وفي كل مكان تروح تدفع
العلاج ببلاش الله يعز الحكومة ما قصرت بس تعال شوف الدكاترة ومستوياتهم واخطائهم الفادحة وايد شكاوي على مستشفى حمد واذا هي متطورة ليش الأجانب ما يعالجون فيها ليش لهم تأمين صحي وعلاج مجاني
في المستشفيات الخاصة
والتعليم ضاع في متاهة المدارس المستقلة والأجانب لهم تعليم مجاني في المدارس الخاصة والقطري اذا بغى يواكب التعليم المتطور في المدارس الخاصة يدفع دم قلبه

اللي يبغي يدافع عن الحكومة معاه حق لان الحكومة مجتهده ولكن هناك اوجه قصور وظلم لازم نذكرها ولو على سبيل الفضفضة علشان ما ننفجر

[العاني]

صح الله لسانك خلها على الله

[s o s o]

لابد وان تراقب الدولة الحكومة ليتحقق العدل ..

هذا ماينقصنا ..
المتابعة والرقابة والمحاسبة

[البحار00]

بذمتكم هندي عنده تامين صحي والمواطن ماعنده

ولا بعد رفيق حاط ريل على ريل ودخل قبلي عند الدكتور


والله لو انه في بلاده اتوقع سيكل ماعنده



اييييه خلوها على الله

[الخط الساخن]

بذمتكم هندي عنده تامين صحي والمواطن ماعنده

ولا بعد رفيق حاط ريل على ريل ودخل قبلي عند الدكتور


والله لو انه في بلاده اتوقع سيكل ماعنده



اييييه خلوها على الله

هههههههههه

[بو فهد]

سؤال يقول / الحكومه ظالمه ام مظلومة

انا اقول الحكومة ظالمة

نعم ظالمة في حقوق المتقاعدين وذوى الدخل المحدود والعجزة

قياسا بدول المتقدمة ومدخول البلاد من النفط والغاز وقلة عدد السكان.

هذة وجهة نظري فقط

[ابن البيطار]

فديت حكومتنا بس والله مانعرف قيمتها هالحكومه وشناقصنا غير الحمدلله لازم نكررها دايما وندعي للامير الله يطول فعمره.

بس بني ادم مايشبع وطبعه دايما هل من مزيد .

[الـقـاسـي]

المفروض يكون في صوت مسموع للمواطن القطري توصل من خلاله مطالباته واحتياجاته بشكل رسمي ومنظم ..
وفي نفس الوقت يكون في تواصل من الحكومة مع الشعب عشان يحطونهم في الصوره يعني لو في قرار يتعلق بالشعب يوضحون ليش تم اتخاذ هالقرار وشنهي اهداف الدولة من ورى هالقرار ..

عشان مايصير في احتقان وغضب واحساس بالاهانه عند غالبيه الشعب ..

[صاحب حق]

إسمعوني أنا اليوم بحرق هندينا إحتجاج على أوضاع المواطنين ومتأكد راح تنصاع الحكومه لمطالبنا

[مدريدي بفخر]

قمة القهر...

انا عندي تامين صحي والحمدلله واايد فارق معاي
كل مااروح عيادة خاصه او مستشفى
اتنرفز ويرتفع عندي الضغط لانهم كلهم هنووود وعماله وافده
قبل حتى مستشفى حمد مايروحون ...والحين

ودي اشوف قطري معاي
واذا شفت بالصدفه المسكين يدفع وينق فلوسه

ان شاء الله التامين الصحي يطبقونه على كل الوزارات والمؤسسات

بس مااعتقد

اللي صايدينها من القطريين على حسب علمي:

قطر غاز & راس غاز
كيوتل
قطر للبترول
اللجنه الاولمبيه

والاهم من التامين الصحي هو مصاريف الدراسه حق الاطفال
المدارس الخاصه ابرك حق الطلاب من حقل التجارب المدارس المستقله
الصراحه جيل مدمر بيطلع من افضال المستقله

الله المستعان

[لاجئ سياحي]

كل راع مسئول عن رعيته

[alsubaiai]

المفروض يكون في صوت مسموع للمواطن القطري توصل من خلاله مطالباته واحتياجاته بشكل رسمي ومنظم ..
وفي نفس الوقت يكون في تواصل من الحكومة مع الشعب عشان يحطونهم في الصوره يعني لو في قرار يتعلق بالشعب يوضحون ليش تم اتخاذ هالقرار وشنهي اهداف الدولة من ورى هالقرار ..

عشان مايصير في احتقان وغضب واحساس بالاهانه عند غالبيه الشعب ..


كلام حلو

بس اذا كان في برلمان ومن خلاله راح يوصل صوت الشعب للحكومة
على فكره والله ان الحكومة مهب أمقصره بس المشكله في البطانه الغير صالحه مهب الكل ( البعض )

والله المستعان

[mooona]

إسمعوني أنا اليوم بحرق هندينا إحتجاج على أوضاع المواطنين ومتأكد راح تنصاع الحكومه لمطالبنا

ههههههههههههههههههه.....لو حرقت الهندي والدوبي والكناس مافي فايدة نحن دولة ديمقراطية

[الـقـاسـي]

كلام حلو

بس اذا كان في برلمان ومن خلاله راح يوصل صوت الشعب للحكومة
على فكره والله ان الحكومة مهب أمقصره بس المشكله في البطانه الغير صالحه مهب الكل ( البعض )

والله المستعان

احنا مانطمح لمجلس امه نفس الكويت لان مستحيل نوصل لمستواهم في حرية التعبير ولكن نتمنى وجوده قناة رسميه للشعب توصل مطالباتهم للامير مباشرة مانبيها تمر على احد غير الامير لانه هو اللي يقدرنا ويفهمنا وبيحس فينا ..

[ahad]

ليش قبل الكل له ارض وبيت والحين نمر في هالشوارع ونحلم ببيت حالنا حال خلق الله..

ليش الكل يشتكي مافي توظيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وانا اولهم صادتني حاله والله

ماباقي غير نصير مثل الكويت مقسمين الشعب طبقات..ناس وناس..!!

[ahad]

" للأسف قطر لغير القطريين فقط ""

جملة معبرة..وواقعية

[الكونجرس]

دام مافيه ردة فعل من الشارع اي المواطنين والحكومه تدري ان الشعب مو راضي عليها وعلى سياستها ماراح يتغير شي
كل فعل وله ردة فعل

[سبشل]

عيل احنا شنقول !!
لا رواتب ولا شغل ولا بطيخ

[ابن تميم]

كل من لاقيت يشكوا دهره
ليت شعري هذه الدنيا لمن

[ريم الشمال]

تبون جواب واقعي هي الحكومه مقصره وغير مقصره
1 - بمعنى أن الحكومه تقوم بمشاريع ولكن هذه المشاريع لابد للمواطن أن يسهم فيها ويستفيد منها هو وابنائه واحفاده .
2 - الحكومه لها تنظيم اداري في وزاراتها ولكن المواطن لا يشعر أنه يشمله هذا التنظيم فيشعر بالغبن .
3 - الحكومه تقوم بتنظيم للبنية التحتية شوارع مجاري كهرباء وماء وغيرها لكن المواطن يريد هذه المشاريع تنفذ بشكل منظم ودون بوق الميزانيات أو اللعب بحسبتها وتضيعها مما ينعكس بسالب على هذه المشاريع مما يترتب عليه شعور المواطن بالخيانه والسرقه له وللمال العام .
4 - الحكومه تهتم بجانب معين مثال الجانب الرياضي بينما المواطن يريد الاهتمام بالجوانب الاخرى مثال الصناعي والزراعي بما يعود على الوطن والمواطن بالخير الكثير للأجيال القادمه .
5 - الحكومة تهتم بالتعليم وتصرف عليه الملايين وتنشئ المدارس والجامعات ولكن المواطن يريد أن يتم تطوير التعليم على مقايس لا تضيعه ولا تضيع أبنائه بل تقوم ببناء المواطن الواعي الجدي الغير المستهتر الجامعي وليس فقط حملة الثانوية الجامعات لمن سؤال يطرحه المواطن .

القائمه طويله لما تقوم به الحكومه وما يريده المواطن وكما ترون هناك فجوه كبيره قد تزداد أو تصغر وذلك حسب استيعاب ولي الامر لها وتداركها . ...

ريم الشمال

[الكــاســــر]

أرض صغيرة
فيها موارد الدول الكبيرة تحلم فيها
وعدد سكانها بنعدون عل أصابع
والشعب حالته حالة مع الأراضي والرواتب
وتيجي تسألني الحكومة ظالمة ؟

ألووووووووو
صباح الخير

[hamoor4ever]

الكمال لله وحده هناك امور في البلاد نحمد الله عليها ، وهناك بعض الامور التي نتمنى ان يتم تعديلها لكن الموضوع ليس بذلك السوء لدرجه القول ان الحكومه ظالمه . بل نتمنى تعديل بعض القوانين للصالح العام او لصالح المواطن ، قارن نفسك اخي الكريم بالوضع في دول اخرى سوف تكتشف انك بنعمه كبيره بل انك تتمتع بمميزات كثيره وفرتها لك الحكومه مشكوره

[R 7 A L]

صراحة السؤال غريب

بس مثل ماقالوا اخواني الى سبقوني
لو قارنا بين الامتيازات الى تقدمها الحكومة والسلبيات الى موجودة
لارجحنا كفة الايجابية
صحيح انة فية بعض الاخطاء الا انها مع مرور الوقت تتعدل ووتصلح
ومافية شي كامل الا الله عزوجل

[بوخالد 21]

مثل ما قالوا
الكمال لله ولكن بالإمكان افضل مما كان
عندهم الإمكانيات والحلول سهله لبعض المشاكل ولكن هناك غفله او تغافل

[الشقيان]

:(:(:(

[(حوريه)]

ياليت كل هذا الكلام يذوب الجليد
مجرد فضفضة وسيظل الحال على ما هوعليه

[(بوطلال)]

فديت حكومتنا والمثل يقول ماتعرف قديري الا اذا جربت غيري

[بن موسى]

فوق اصعدي فوق اصعدي
فوق اصعدي للاجنبي
اقولها من مرقبي
خلي الشعب يحبي حبي
ذي عادتك في هل قطر :::

خلي المواطن يستدين
والبنك ناصب له كمين
مالة مساعد اومعين
لوكان ساسة من قطر :::

من وين ماراح اعوجاج
وغيره يجيه الانفراج
تعليم تامين وعلاج
بأرقى مكان في قطر :::


ان سار يرقعها تثور
حظه على بخته يدور
بسلاح قانون المرور
في كل منفذ من قطر :::


يأكبر الباكر تعال
ليه التذاكر بأشتعال
اسعار تتعدى الخيال
بالذات لاخصت قطر :::

يادارنا ليه الزعل
ماشوف في هرجي خلل
الغير مدخوله دبل
واحنا نعاني في قطر

من ما يتداوله الشعب

[نوفا91]

ابن ادم مايملا عينه الا التــــــــــــــــــــــراب ..:)

[البانوش]

نعم حكومتنا ضالمة

وبالاخص للمواطن الذي لاحول ولاقوة لة

حسبي الله ونعم الوكيل

[الصريحه]

الكمال لله وحده
بس الامير قلبه طيب
لة نحصل حد يوصا له اللي نبي كان احنا اسعد شعوب الارض
الاجانب والبطانه السيئه اللي تحب الاجنبي ركبوهم على راسنا لسبب ان ماعندهم مانع من الاختلاسات والتجاوزات اللي صايره
لكن اذا عرفها قطري اكيد ماراح يسكت وبيوقف لهم
الله كريم

[rashid_qatar]

البطانة يبيلها تغييير والتعينات للأقارب و مجالس ادارات و لابد من تغير اعضاء اللجان في الوزارت مثل البلدية وغيرها من بنوك ومصارف