مع......أم ..........ضد .......(2)!! دعـــوة للنقــــاش

[Engineer]

بنت عمرها لا يتجاوز 12 سنة...
تطلب من ابويها جوال....
لـــو أنت / أنتِ ..أحد الأبوين....
يا ايها الأب....هل ستقبل..أم ترفض...
يا أيها الأم...هل ستقبلين ....أم ترفضين..

ولمـــــاذا ......؟!
دعــــــوة للنقــــــــــــــاش

[وحش قطر]

اذا كانت لضروره موافق مع شئ من الحذر

[مساهمة بسFresh]

صباح الخير
اعتقد اخوي ان بنت في هالعمر ماراح تطلب جوال الا اذا شافت رفيجاتها الصغار عندهم
يعني بتقول لك ابيه علشان اكلم صديقاتي
لكن بصراحة اشوفها وايد صغيرة على الجوال
والمشكلة ان الحصول على جوال وكرت الحين صار وايد سهل حق الكل مب مثل قبل والحمد لله

[بورصجية]

ارفض وبشده

العمر ما زال صغير على اقتناء مثل هذه التقنية خصوصا انه في هذا العمر كل تحركاته بتكون مع الام او الاب فلا داعي لوجود الموبايل في هذا السن ولو كانت هناك ظروف خاصة ادت لوجود الطفل بمفرده في مكان فممكن جوال الام او الاب يفي بالغرض حينها

ومن الناحية المادية يجب ان بقدر الطفل قيمة الجوال المادية وفي هذا العمر لا يستطيع ان يقدرها فكل ما يطلبه من العاب يتوفر له فهو يعتبر هذا الجوال مثل اللعبة وليست تقنية يجب التعامل معاها بحذر والحفاظ عليها

تحياتي

[Engineer]

اشكر لكم مشاركاتكم القيّمة و الغالية

بس من وجهة نظري قبل 15 سنه ..زمن " البليب " او البيجر مثل ما يسمونه كان من الصعب تلقى البنت عندها مب جوال او بليب الا حتى تليفون غرفة لكن الزمن تغير و الدنيا تغيرت كذلك صار الجوال من اهم متطلبات الحياة سواء للرجل او المرآه و الدليل ان الاستخدام للهاتف الأرضي شبه منعدم الكل اتجه للجوال سواء كبير او صغير

[do7awi]

ربوا ابناءكم لغير زمانكم.

مب لانك انت ما كان عندك جوال لما كان عمرك 12 يعني ما يصير اللي عمرهم 12 ياخذون جوال.
سواء بنت او ولد ..لو كانت يوم في بيت احد من صديقاتها او عيال عمها او حتى في البيت بروحها و احتاجت انها تتصل في احد الابوين فيفضل ان يكون عندها جوال. فهو مهم جدا.

و ما يصير نفترض انه بيكون للعب او تضييع الوقت.

عموما .. في هذا السن غالبا ما يكون اهتمامهم بهالاشيا ضعيف و ما بيستعملونه.

انا اختي (10 سنوات) خذنا لها جوال نوكيا نفس مال العمال عشان نتصل فيها لو كنا طالعين او هي كانت بيت عمي. بالغصب نخليها تشيله معاها .. و اذا خذته ما تستعمله!

[مرتبش]

خله جوال مهمات
تعطيهه الجوال لما بتطلع مكان ..ولما ترجع تحطه فوق الكبت.. ماتطاله :)

[OTOsan]

أنا ضد ..


بدون اسباب ..اعتبروها تعسف وديكتاتورية !!

[بـــــــنت النوخـّــــذه]

بنت عمرها لا يتجاوز 12 سنة...
تطلب من ابويها جوال....
لـــو أنت / أنتِ ..أحد الأبوين....
يا ايها الأب....هل ستقبل..أم ترفض...
يا أيها الأم...هل ستقبلين ....أم ترفضين..

ولمـــــاذا ......؟!
دعــــــوة للنقــــــــــــــاش

اوافق اذا بتروح مكان مع عمتها خالتها 00خواتها الكبار عشان كل اشوي اتصل اتطمن عليها 00 وبعد ماتجي اتسلم الجوال :)

وارفض غير ذلك 00الله يرحم ايامي مامسكت الجوال الا يوم اشتغلت ولا بكفو انقول نبغي جوال:(


الجواب النهائي رفض رفضا" باتا" لين تنضج وتتروض صح لكن امتلاك للضروره ومن هالكلام مرفوض الا في الحاله الي ذكرتها 00

:)

[قطر love]

انا مع

اذا البنت او الولد في نفس العمر طلب مني الجوال بعطيه

لاني واثق من تربيته

لان هذا الزمن يجبرك على هذا الشي مع التطور والتغيير والانفتاح

انا بكون مع يوم اب او ام يعطون عيالهم تلفون للتطمن عليهم للسفر يمكن يسافر مع المدرسه

يمكن يحتاج التلفون

بس ضد

يوم اشوف ام في المجعيه مع بنتين واحد عمرها قريب ال 7 والثانيه 4 سنوات

والله ان عندهم بلاك بيري وتقول البنت حق امها طرشيلي مادري شنو والله صار قدامي

واكيد يوم اي واحد يسمع كلامي بيتخيل شكل الام وتربيتها لعيالها ومظهرها الخارجي شلون بيكون ف الله المستعان

كلامي موجه للام وبعض الامهات ** المستهترات ** والاب او الزوج ** فاقد الرجوله ** والي ماعنده كلمه على اهله ...,,...

مكياج وحطيتو عادي عبايه مفتوحه عادي عطر ينشم مب بعد كيلو عادي ويه جنه مهرج عادي الحجاب مادري اش فايدته وهو طايح على كتفج بعد مشيناها ضحك بصوت عالي مغازل

بس فووق الحرام تزيدون حرام بعد تعلمون عيالكم على افعالكم وتربونهم على الغلط

حسبي الله ونعم الوكيل :)

[عاشقة الجنه]

المشكلة الحين مب في انك تعطي ولدك ولا بنتك التلفون
المشكلة في نوع التلفون
الله يحفظ عيالنا

[do7awi]

من الاولى ان نتكلم عن الكبار اللي لازم نسحب عنهم جواويلهم!

اللي يلعب في الجوال و هو يسوق .. اللي يرن تليفونه في اجتماع او في الصلاة او في محاضرة!
و اللي رابط السماعة بأذنه و شايل 3 تليفونات و يتمشى .. وهو ما يعرف يستخدم ولا واحد فيهم

[القطرية]

انا بنتي عندها تلفون

لكن ما تاخذه الا وقت بتروح بيت عمتها او خالتها او

بتطلع مشوار مع حد من اهلها

لكن في البيت ما اخليه معاهاا ما تحتاج له

اذا بغت اتكلم حد من ربعها تتصل من البت او من تلفوني ..

اما يكووون عندها على طول لا ..

[ضوى]

ضد بدون اي اسباب منطقية او غير منطقية ، حلاتها بنت عمرها 12 وبيدها جوال ، خير ان شاء الله

[do7awi]

ياللي يقول انا ضد و ما يعطي اسباب .. اكرمنا بسكوتك افضل. هذا الموضوع للحوار

[Engineer]

اشكركم على المشاركات الرائعة

تحياتي

[boamir]

ضد
خصوصا لو كان بلاك بيري
كفاايه الصور إلي نشوفها بالقروبات والي حاط الصوره الرمزيه مادري شنو

[The Blade]

ضد
البنت في هذا السن الى ما بعد الثانوية لاتحتاج للجوال ولايوجد سبب يقنعني انها لازم يكون عندها جوال في هذا السن ..

اخوي قطر love
اعذرني بس الشيطان أكبر من التربية :)

[بنت صقار]

اللي يلعب في الجوال و هو يسوق .. اللي يرن تليفونه في اجتماع او في الصلاة او في محاضرة!
و اللي رابط السماعة بأذنه و شايل 3 تليفونات و يتمشى .. وهو ما يعرف يستخدم ولا واحد فيهم[/quote]

المحترم دوحاوي..هذي تسمى سلوكيات خاطئه وغير مسؤله من كِبار..
الموضوع ..عن بنت صغيرة في سن خطِرة وحرجه..هل نتساهل أم لا؟؟
صح مقولتك..نربيهم لزمانهم..مش لزمانا..(بس مانلغي زمنا مرة وحده)

بالعوده للموضوع:

الامر مختلف من شخص لآخر..وكل"ن" له اسبابه..وقناعاته..الشخصيه..
أنا..عن نفسي..لاأُؤيده للبنات ولا الاولاد..في سن مبكره(خاصه البلاك بيري)
اوكِ..الولد بيكون معه جوال بحكم طلعاته للصلاه او للمجالس او العنه..او..او..مع ضرورة الشفافيه والسماح لأهله باستخدامه(بعضهم يرفض ومايداني حد يشيل جواله؟؟؟)<<لأنه مليئ بالبلاوي(المتلتله..والمقاطع ال؟؟)
البنت؟؟على اي اساس..طالبه من البيت للمدرسه..ودايم مع امها؟؟والبيت فيه تلفون للتواصل..(ايش الاشياء المهمه لتمسك جوال)؟؟
جوالي طوع امرها متى مابغت تتصل منه ولا احاسبها على طول المكالمه(لأني اعرف من تكلم) ..وفي حالات نادرة..اخلي معاها جوالي الثاني للتواصل معي اثناء تركي لها بالمنزل ..او وجودها في بيت خالتها او عمتها..فقط!!
جيل اليومين هذي فالت(ومن سيء لأسوأ فيجب الحذر والحيطه لأن فيه رفقاء سوء في المدارس"خاصه عند البنات"
إضافه لذلك يجب ان لا يقارنوا نفسهم بغيرهم..وإلا..(تعبوا..وتعبنا)الله يطرح البركه في الجميع

[القيادة]

أنا ضد وبشدة أن يكون عندها جوال

[khalid-qtr]

اشتر لها جوال لعبة بتسكت

[intesar]

أنا ضد ..


بدون اسباب ..اعتبروها تعسف وديكتاتورية !!


مع هذا الراي
الولد ممكن اعطيه والبنت لا لا

[بدون]

ارفض رفضا قاطعا لأنها في كل الحالات تكون في رفقة أحد الوالدين أو العمة أو الخالة
يعني معاها حد كبير و عنده جوال فأقدر أتطمن عليها عن طريقهم

العيال عندهم لأنهم كانوا يطلعون الفريج مع ربعهم بس البنت لأ!!!!

[سكرمر]

اذا ولد او بنت ماتفرق


اعطيهم جوال وقت الظروره ولما يرجعون البيت استلمه منهـم