((( المصداقية في البيع والشراء ))).........................

[@north_star@]

السلام عليكم ورحمة الله وبركاته

يا اخوان بصراحة انا تعرضت لعدة مواقف محرجة ومواقف بكل صراحة ما هي رجولية من بعض الأعضاء في المنتدى

فعلى سبيل المثال واعدني واحد من اسبوعين تقريبا على اساس اني بشتري منه غرض معين وتعنيت ورحت نطرته على الوعد والاخ والله حتى تلفون ما كلف خاطره ومرات اكون ببيع السلعة وتحصل في ناس يقولك خلاص انا شراي وعطني رقمك واحجزلي الغرض لي ومن هذا الكلام واتم تنطر اتصاله وتردد يا ليل ما أطولك .

بصراحه أنا ما حبيت أكتب هالموضوع لولا اني لاحظت هالشي وبشكل متكرر بسوق المنتدى وأتمنى من الجميع المصداقيه في عملية البيع والشراء وأنا أولكم \\

وبالتوفيق للجميع

[MS.]

وااايد يا خوي اللي كذا .. وأنا صارت لي نفس الحاله
لا والمشكله انهم يتعبون وهم يكاسرونك أخر شي يقولون لك أوك بناخذ ويرزون الرقم ويقولون لك يوم يومين ولا يبينون ..طيب يومك ماتبي تشتري ليه هالتعب لك ولنا


الله يعين الجميع .. وياليت بجد يكون هذا نداء للجميع
أنه اللي جاد يتكلم واللي مب جاد لا يتعب روحه أو يرفع المواضيع بدعوه حلوه


والله المستعان ..آحترامي

[@north_star@]

وااايد يا خوي اللي كذا .. وأنا صارت لي نفس الحاله
لا والمشكله انهم يتعبون وهم يكاسرونك أخر شي يقولون لك أوك بناخذ ويرزون الرقم ويقولون لك يوم يومين ولا يبينون ..طيب يومك ماتبي تشتري ليه هالتعب لك ولنا


الله يعين الجميع .. وياليت بجد يكون هذا نداء للجميع
أنه اللي جاد يتكلم واللي مب جاد لا يتعب روحه أو يرفع المواضيع بدعوه حلوه


والله المستعان ..آحترامي

مشكور على المرور اخوي ويا زين التعامل الصادق

[زهرة بنفسجية]

يوووووو
و الله يا خوي حطيت ايدك على الجرح
و طرحت اللي نفسي اطرحه من زمان
صارلي كثير مواقف في عدم الجدية او احترام الوعد
طبعا ما نعمم
لكن اتمنى من الاعضاء الكرام التعاون
و الجدية في الطلب
مشكورين

[@north_star@]

يوووووو
و الله يا خوي حطيت ايدك على الجرح
و طرحت اللي نفسي اطرحه من زمان
صارلي كثير مواقف في عدم الجدية او احترام الوعد
طبعا ما نعمم
لكن اتمنى من الاعضاء الكرام التعاون
و الجدية في الطلب
مشكورين

انا طرحت الموضوع من القهر بصراحة ومن هالمواقف اللي قاعده تصير والله المستعان

[@north_star@]

للرفع للاهمية

[حمد بن سعد]

يرجال البعض ذمته وسيعه من فتره طالب من تاجر في المنتدى غرض معين وجابي نفس الغرض لاكن مش الي طالبه ان وشدية معاه في الكلام وحلف انه صار لبس في الموضوع وحلف انه يجيبلي الغرض وهديه وشفتك ولا شفته ا اذا انت مب قد الكلام لاتواعد لرجال وتحلف على الفاضي وتقول بضاعتي اصليه وتحلف بعد وهي ولا شافة الاصل .

تبي تاجر خلك صريح وصادق امام الله والناس عشان ربي يوفقك ويطرح في رزقك البركه .

والله يوفقنا وياكم

[@north_star@]

يرجال البعض ذمته وسيعه من فتره طالب من تاجر في المنتدى غرض معين وجابي نفس الغرض لاكن مش الي طالبه ان وشدية معاه في الكلام وحلف انه صار لبس في الموضوع وحلف انه يجيبلي الغرض وهديه وشفتك ولا شفته ا اذا انت مب قد الكلام لاتواعد لرجال وتحلف على الفاضي وتقول بضاعتي اصليه وتحلف بعد وهي ولا شافة الاصل .

تبي تاجر خلك صريح وصادق امام الله والناس عشان ربي يوفقك ويطرح في رزقك البركه .

والله يوفقنا وياكم

اي والله صدقت اخوي والله يشهد علي يوم ابيع اي شي لاي حد ما احب يكون فيه ولا عيب ولو فيه عيب او اي شي اقول للشاري قبل لا يشتري علشان ما يتم بذمتي
واحنا ما قلنا لحد يتاجر بس اهم شي مخافة الله وشاكر مرورك يالغالي

[البيت بيتك]

صارلي كثيرمن مواقف في عدم الجدية او احترام الوعد

[لوردغاليري]

خلها على الله
والله كريم

بنتعب واحنا نقول

[@north_star@]

صارلي كثيرمن مواقف في عدم الجدية او احترام الوعد


خلها على الله
والله كريم

بنتعب واحنا نقول

شكرا على المرور والله المستعان

[مشتاقة لقطر]

السماحة بالبيع من اهم الامور اللي توفق الانسان

خذ خذ ماخذ فيه غيره بياخذ ..

فلوسه عنده واغراضي عندي ..

[@north_star@]

السماحة بالبيع من اهم الامور اللي توفق الانسان

خذ خذ ماخذ فيه غيره بياخذ ..

فلوسه عنده واغراضي عندي ..

كلام حلو والسماحة والتراضي طبعا مطلوبين في البيع والشراء بس أهم شي المصداقية وشكرا على المرور

[الجووري]

مافي احلى من المصداقيه في التعامل

[@north_star@]

مافي احلى من المصداقيه في التعامل

صح لسانج اختي وشاكر مرورج

[مسك روز]

اذا على هالحركات حدث ولا حرج ..

من المواقف الي صارت لي على سبيل المثال

الاستعباط : تجيك الزبونه تسألك عن سعر البضاعه

والسعر موجود بالموضوع وساعات احطه بالعنوان ، واذا قلت لها سعر التوصيل الشيخه !! قالت شنوووووووو؟؟

انتي ماقلتي ان فيه توصيل !!

مع اني اذكر التوصيل في جميع مواضيعي

مادري ليش هالحركات الصراحه ..

يعني بذمتكم اذا المندوب وصل البضاعه حق الزبون .. مب من حقه ياخذ فلوس التوصيل ؟

ناس في الوكره وناس في الهلاال وناس دحيل ..

والسياره تبي بانزين غير وقت المندوب اللي يضيع بين التوصيل من منطقه الى منطقه

تعبه ومن حقه ياخذ فلوس عليه ..

اذكر وحده احرقت جوالي مسجات واتصالات وكانت مستعيله تبي سلال الشاي والقهوه

وبيتها في الوكره .. اقول لها المندوب مشغول شوي بس يفضى بطرشه لج

قالت لا ابيهم الحين !!

ولما وصلتها السلال قالت وين الدلال !! قلت لها الشيخه انا ماحطيت دلال بالموضوع

هي سلال فقط .. قالت خلاص مابيهم

قلت لها اوكي عطي المندوب حق التوصيل .. ورفضت تعطيه !!

اسفه طولت عليكم .. هاذي نقطه من بحر :omen2:

[@north_star@]

اذا على هالحركات حدث ولا حرج ..

من المواقف الي صارت لي على سبيل المثال

الاستعباط : تجيك الزبونه تسألك عن سعر البضاعه

والسعر موجود بالموضوع وساعات احطه بالعنوان ، واذا قلت لها سعر التوصيل الشيخه !! قالت شنوووووووو؟؟

انتي ماقلتي ان فيه توصيل !!

مع اني اذكر التوصيل في جميع مواضيعي

مادري ليش هالحركات الصراحه ..

يعني بذمتكم اذا المندوب وصل البضاعه حق الزبون .. مب من حقه ياخذ فلوس التوصيل ؟

ناس في الوكره وناس في الهلاال وناس دحيل ..

والسياره تبي بانزين غير وقت المندوب اللي يضيع بين التوصيل من منطقه الى منطقه

تعبه ومن حقه ياخذ فلوس عليه ..

اذكر وحده احرقت جوالي مسجات واتصالات وكانت مستعيله تبي سلال الشاي والقهوه

وبيتها في الوكره .. اقول لها المندوب مشغول شوي بس يفضى بطرشه لج

قالت لا ابيهم الحين !!

ولما وصلتها السلال قالت وين الدلال !! قلت لها الشيخه انا ماحطيت دلال بالموضوع

هي سلال فقط .. قالت خلاص مابيهم

قلت لها اوكي عطي المندوب حق التوصيل .. ورفضت تعطيه !!

اسفه طولت عليكم .. هاذي نقطه من بحر :omen2:

الله يعينج بصراحة على الاقل تدفع للمندوب المسكين
والله المستعان وبالعكس ما طولتي بالموضوع علشان الناس تعرف شلون تتعامل بمصداقية

[مسك روز]

من شوي واحد من الاعضاء الله يستر عليه

طرش لي رساله على الخاص


يقول لي ان سعر السله 100 ريال بعد ليش ال 30 ريال !!

لاحول ولا قوة الا بالله :rolleyes2:


يا ناس يا عالم التوصيل بفلوووووووووووووس

هاذي من حق المندوب وانا ماقدر اقوله اشتغل عندي ببلاش

بليز لحد يحطني في مواقف محرجه مع المندوب

ولاتضيعون وقتي ووقتكم

[@north_star@]

من شوي واحد من الاعضاء الله يستر عليه

طرش لي رساله على الخاص


يقول لي ان سعر السله 100 ريال بعد ليش ال 30 ريال !!

لاحول ولا قوة الا بالله :rolleyes2:


يا ناس يا عالم التوصيل بفلوووووووووووووس

هاذي من حق المندوب وانا ماقدر اقوله اشتغل عندي ببلاش

بليز لحد يحطني في مواقف محرجه مع المندوب

ولاتضيعون وقتي ووقتكم

لا حول ولا قوة الا بالله
نصيحة اختي ضيفي قيمة توصيل المندوب مباشرة على سعرج وبعدين تفاهمي مع المندوب

[مسك روز]

اي عاد خلاص الحين الناس عرفوا اسعاري بكل المنتديات

ان العدسه ب100 والسله ب100

انا فكرت في بضاعتي الجايه احط السعر شامل التوصيل

وافتك ..

اسفه سندرتكم كل شوي داشه الموضوع

:(

[@north_star@]

اي عاد خلاص الحين الناس عرفوا اسعاري بكل المنتديات

ان العدسه ب100 والسله ب100

انا فكرت في بضاعتي الجايه احط السعر شامل التوصيل

وافتك ..

اسفه سندرتكم كل شوي داشه الموضوع

:(

لا بالعكس اختي نورتي الموضوع والله يوفقج بتجارتج