استفسار:ما حقيقة بطاقة club hotel؟

[gokart]

السلام عليكم ورحمة الله وبركاته

حاب استفسر عن بطاقة club hotel الي تعطيك تخفيضات في الفنادق في معظم دول العالم احد جربها وما هي حقيقة هالعروض

اتمنى القى رد شافي

[Qatari 1980]

عليكم السلام ورحمة الله وبركاته

اخوي أنا أشتركت في هالبطاقه من ثلاث سنوات

وهم لهم مكتب في الدوحه وهو في فندق الأنتركنتننتال

استخدام البطاقه يعتمد فعلياً عليك وكيفية استفادتك منها

الصراحه هم لين يتصلون فيك يستخدمون مع العميل اسلوب التسويق ويعطونك الشمس في يد والقمر في يد

يعني يقولون لك عندنا خصم على جميع الفنادق في العالم وهالكلام غير صحيح

لكن بالفعل أنا أستفدت من بعض الخصومات الي عندهم

راح أعطيك مثال علشان أوضح لك الموضوع

مثلاُ أنا بعد ما أشتركت عندهم حجزت في فندق دار التوحيد / مكه وهو أحد الفنادق المشتركه عندهم
ولقيت سعر أرخص من سعر الانترنت ب 100 ريال ما يقارب 10% وأنا أخذت فيها غرفتين لمدة 3 ليالي يعني أنا وفرت تقريبا 600 ريال
يعني لو أنت عندك سفرتين أو ثلاث في السنه وتسكن في فنادقهم بتكون حللت البطاقه

غير هذا عندك خدمة الخصومات على الاكل في المطاعم ( فقط الفنادق المشاركه )
تحصل على 20% تقريباً

يعني أنا مثلاً متعود أتعشى في مطعم الفيش ماركت في الانتركونتننتال في الدوحه و كان يطلع حسابي حوالي 1000 ريال ألحين بنفس الطلبات يطلع 750 ريال يعني موفر 250 ريال في الزياره الواحده


الحين المفروض انك تدخل موقعهم www.clubhotel.com
وتطلع على فنادقهم والمطاعم الموجوده فيها وبعدها بتعرف مدى الاستفاده من المبلغ الي راح تدفعه

أخوي بس فيه ملاحظه أخيره : المبلغ الي راح تدفعه تقريباً ( 900 ريال ) هذا شامل الخصومات على المطاعم والفنادق المشاركه وفيه بعد فاوتشرات لفندق الانتركونتننتال في الدوحه وفيه خصومات على الغرف وترقيه على سويت و دخول للنادي الصحي ( مره أو مرتين / دخول محدود ) وفيها فاوتشرات تدفعها في مطاعمهم ( 700 ريال فاوتشرات ) .....


بالتوفيق

[gokart]

تسلم اخوي Qatari 19980 على المعلومات والله يجزيك كل خير