رفع أسعار البترول،، بنظرة إيجابية!!

[R 7 A L]

أصبح الحديث عن رفع أسعار البترول الشغل الشاغل للمجالس والمنتديات، ولعل -من وجهة نظري- هذه النقمة والحدية في الحديث عن هذه الزيادة ما هي إلا انعكاسات للهاجس المروع من ارتفاعات للأسعار جثم على صدورنا طوال السنوات الخمس الماضية!
ولكن لو تمعنا في هذه الزيادة من جوانب أخرى، مثل جانبها الاقتصادي والبيئي، يمكن أن تشكل قاعدة نتفق عليها، أو لا نختلف عليها كثيراً.
بداية لنسأل أنفسنا من له الأكثرية في عدد السكان؟!
هؤلاء -غير المواطنين- معظمهم في وضع معيشي جيد إلى ممتاز، ولو تمعنا في حجم تحويلاتهم المالية، لوجدنا أنها خيالية، وتخرج هذه الأموال القطرية بصفة شهرية!
وكثير منهم مقتر مقتصد، بل البعض منهم لا يتورع في وضع الجرائد على النوافذ كبديل للستائر، وعليه رفع سعر البترول يمكن أن يحفظ جزءا من تلك المبالغ الهاربة إلى دولهم!
أما من حيث البيئة فلا شك أن رفع سعر البترول من شأنه أن يخفف من معدل الاستهلاك له، وهو ما سينعكس على البيئة التي تضررت بفعل هذا العدد من السيارات وما تفرزه من تلوث!
أعلم أن البعض مستغرب من هذا الطرح، وكيف أنني أنتقد كل ما يسهم في زيادة الأعباء، بينما ووفق ما سبق أحاول أن أبرر هذه الزيادة!
أرجو حسن الظن فيما أقصده، خاصة أن هذه الزيادة بدأت وأنا في إحدى الدول المجاورة، وملأت خزان بترول سيارتي (vxr) بمبلغ (230) ريالا، ولم يكن الخزان فارغاً بالكامل!
نعم الصدمة جاءت في أننا كنا ننتظر شيئاً من هذه الفوائض، وإن شاء الله لن يخيب ظننا، وما ندري يمكن نسمع عن كوبونات بترول توزع على المواطنين، بس تكفون لا تسلمونها مكتب الكوبونات التعليمية!!



فيصل المرزوقي
جريدة العرب
26-1-2011

[jeep-srt8]

انزين انا ماعندي حد احوله فلوس ودخلي ان وجد فهو ضعيف جداً والاسعار الجديده لاتمشي مع متطلبات الحياة الجديده وبعدين ماحد يشتغل هني علشان يحول لأخوه او صديقه ههههههههههههههه مال اووووووول هذه اللحين الفلوس مافيها اماااااااان وهي جنبك تحس انه في جني حاط عينه عليهم

بس الحمدلله في نفس يطلع ويدخل واقدر اعبد الله خلاص

[راعي الذهبي]

اخوي تدري ان ماعندك سالفة لا انت ولا فيصل المرزوقي وشدخل المواطن في تحويلات المقيمين وبعد شلون تبيهم يشتغلون ابلاش وبعدين ماراح تكون هذي الزيادة السبب في انخفاض معدل الاستهلاك واخيرا البلد المجاورة اللي صب فيها بترول حق سيارته الفي اكس ار ب230 واعتقد الامارات هذولا يا حبيبي معطينهم قبل فترة زياده 100% في الراتب كامل مب الاساسي ورواتب شهريه حق عيالهم وغير وغير وغير والصراحه ماكنت اتوقع من الاخ فيصل المرزوقي يرد هالرد

[الـقـاسـي]

هذولا الكتاب اهما اللي ينافقون الدولة على حساب المواطنين ..

يعني الحين الحل عشان يقلصون من الاموال المحوله في الخارج يروحون يرفعون الاسعار في الداخل مب حل هذا ,,

لو صدق يبون يقللون من الفلوس المحوله في الخارج يقللون من رواتب الاجانب الخياليه مب يدعسون ع المواطنين عشان خاطر الاجانب ..

يعني لو حد موضح للشعب يعني يحسسون الشعب له قيمة له وجود له اعتبار في القرارات كان ماصار الزعل هذا كله ..

اما بس يزيدون وماندري ليه ولا عشان شنو وفي وقت الكل كان منتظر خير من الدولة اكيد بتكون ردة فعل عكسية وزعل ..

بعدين لاتقارنونا بالامارات سووا لنا نفس الاماراتيين عقب قارنوا الوضع فيهم ..

لاتنافق الدولة يالمرزوقي على حساب المواطنين هذي امانه ..

[R 7 A L]

انزين انا ماعندي حد احوله فلوس ودخلي ان وجد فهو ضعيف جداً والاسعار الجديده لاتمشي مع متطلبات الحياة الجديده وبعدين ماحد يشتغل هني علشان يحول لأخوه او صديقه ههههههههههههههه مال اووووووول هذه اللحين الفلوس مافيها اماااااااان وهي جنبك تحس انه في جني حاط عينه عليهم

بس الحمدلله في نفس يطلع ويدخل واقدر اعبد الله خلاص

لكل ضريبة ( ضحايا ) ربما كنت انت ومن مثلك من ضحايا هذا الأرتفاع .

[R 7 A L]

اخوي تدري ان ماعندك سالفة لا انت ولا فيصل المرزوقي وشدخل المواطن في تحويلات المقيمين وبعد شلون تبيهم يشتغلون ابلاش وبعدين ماراح تكون هذي الزيادة السبب في انخفاض معدل الاستهلاك واخيرا البلد المجاورة اللي صب فيها بترول حق سيارته الفي اكس ار ب230 واعتقد الامارات هذولا يا حبيبي معطينهم قبل فترة زياده 100% في الراتب كامل مب الاساسي ورواتب شهريه حق عيالهم وغير وغير وغير والصراحه ماكنت اتوقع من الاخ فيصل المرزوقي يرد هالرد

ياليت توجه الكلام للمرزوقي انا مجرد ناقل :nice:

لاتستعجل ياخوي ماتدري بكرة شبيصير يمكن يجينا دبل راتب :victory:

[R 7 A L]

هذولا الكتاب اهما اللي ينافقون الدولة على حساب المواطنين ..

يعني الحين الحل عشان يقلصون من الاموال المحوله في الخارج يروحون يرفعون الاسعار في الداخل مب حل هذا ,,

لو صدق يبون يقللون من الفلوس المحوله في الخارج يقللون من رواتب الاجانب الخياليه مب يدعسون ع المواطنين عشان خاطر الاجانب ..

يعني لو حد موضح للشعب يعني يحسسون الشعب له قيمة له وجود له اعتبار في القرارات كان ماصار الزعل هذا كله ..

اما بس يزيدون وماندري ليه ولا عشان شنو وفي وقت الكل كان منتظر خير من الدولة اكيد بتكون ردة فعل عكسية وزعل ..

بعدين لاتقارنونا بالامارات سووا لنا نفس الاماراتيين عقب قارنوا الوضع فيهم ..

لاتنافق الدولة يالمرزوقي على حساب المواطنين هذي امانه ..

لا ياخوي خلنا نحسن الظن ونبتعد عن كلمة النفاق ومشتقاتها .

صحيح ان زيادة السعر غير مؤثر للبعض مادياً
إلا انة مؤثر معنوياً

[راعي الذهبي]

اخوي رحال انا دورت كلمه ارقى بس مالقيت بس تمنيت انك ماحطيت هالموضوع تدري اني انصدمت مرة ثانيه كانهم زادو سعر البترول مره ثانيه

[R 7 A L]

اخوي رحال انا دورت كلمه ارقى بس مالقيت بس تمنيت انك ماحطيت هالموضوع تدري اني انصدمت مرة ثانيه كانهم زادو سعر البترول مره ثانيه

الله المستعان
تفائلوا بالخير تجدوه

[قطري !]

والمرزوقي ليش مايقدم اقتراح للدوله بان البترول مايرفع سعره على المواطن اما المقيم كيفهم فيه


يعني المفرض كل مواطن عنده بطاقه مدعومه من الدوله حق البترول .. نفس ما يسوون في التموين

[كازانوفا]

للاسف ما عاد في فائده من الحديث بهذا الموضوع لانه ما راح يقدم ولا ياخر
القرار نزل وطبق عالجميع

[R 7 A L]

:nice:

والمرزوقي ليش مايقدم اقتراح للدوله بان البترول مايرفع سعره على المواطن اما المقيم كيفهم فيه


يعني المفرض كل مواطن عنده بطاقه مدعومه من الدوله حق البترول .. نفس ما يسوون في التموين

ماندري يمكن يصير بالمستقبل :nice:

[R 7 A L]

للاسف ما عاد في فائده من الحديث بهذا الموضوع لانه ما راح يقدم ولا ياخر
القرار نزل وطبق عالجميع

فعلاً يجب علينا ان نرضى بالامر الواقع

[خالد القطري]

ههههههههههههه مقال مضحك

سقط المرزوقي هذه المره

صج انه عيار ومطبل

[ابن البيطار]

سبحان الله يعني لازم تبونه يمشي مع كلامكم ورايكم ولا تسمونه مطبل ومنافق.

بذمتكم هل هالردود تشجع على الحريه واحترام الراي الاخر مهما كان . احنا وين والديمقراطيه وين . لما نحترم الراي الاخر ونرد عليه بأسلوب راقي وقتها طالبوا بالديمقراطيه والبرلمان اما على هالردود يبيللنا عشرين سنه على الاقل عشان نتعلم اسلوب الحوار مع من نختلف معه ويختلف معنا.




على فكره مب هذا هو المرزوقي الي امس كنتوا تصفقون لمقاله !!!!!!!!!!!

[قطريه ماركه]

شي صاااااار و انتهى سواء نظرنا له نظرة ايجابية والا سلبية .....

[بوخالد911]

تحية لكم

؛؛؛

[MR.STOP]

لاتستعجل ياخوي ماتدري بكرة شبيصير يمكن يجينا دبل راتب :victory:

بيجيك دبل راتب

وبيرتفع كل شي دبلين

وبتطلع الخسران في كل الاحوال

لا تتفائل واجد يالغالي

[لابس بشت]

اتوقع انه يتطنز في هالمقال مب من صجه :)
لان مقال امس 180 درجه غير :)

[الألماسي]

حلوه النظره الإيجابيّه يالمـرزوقي . .

احس قلم المرزوقي قام ياخذ " مسار " ثاني و خاصه بهـ المقال و الـدليل انه ضرب على وتر الأجانب لانهم الغالبيّه هنا . .
طيب كان استرسل بقلمه سطرين زياده و اقترح اقتراح معيّن على سبيل المثال تتم زياده بدل النقل للمواطن القطري فقط من 30 الى 50 % . . و الا البيئه أهم . !

:)

[الـقـاسـي]

سبحان الله يعني لازم تبونه يمشي مع كلامكم ورايكم ولا تسمونه مطبل ومنافق.

بذمتكم هل هالردود تشجع على الحريه واحترام الراي الاخر مهما كان . احنا وين والديمقراطيه وين . لما نحترم الراي الاخر ونرد عليه بأسلوب راقي وقتها طالبوا بالديمقراطيه والبرلمان اما على هالردود يبيللنا عشرين سنه على الاقل عشان نتعلم اسلوب الحوار مع من نختلف معه ويختلف معنا.




على فكره مب هذا هو المرزوقي الي امس كنتوا تصفقون لمقاله !!!!!!!!!!!

نصفق له لما يقول كلام معقول ,, اما هو في هالمقاله ماجانبه الصواب والمشكلة انه يتكلم في جريدة يعني كلامه مسموع وراح يعتبرونه رأي الشعب ..

بعدين يقول هو لتوفير فلوس الدولة اللي تطلع برا ,, الدولة فاتحتها بحري للتبرعات والاستثمارات الخارجيه الاولى لو بيحافظون على الفلوس يقننون من المصاريف الخارجيه مش ينضغط ع الشعب بحجة توفير الاموال ..

يعني مانصير كرماء للكل بشكل كبير ونضغط ونوفر في الداخل ..
فهمت شسبب الزعل الحين

[بلوتنيوم]

هههههههههههههههه :)

[OutLaw]

والمرزوقي ليش مايقدم اقتراح للدوله بان البترول مايرفع سعره على المواطن اما المقيم كيفهم فيه


يعني المفرض كل مواطن عنده بطاقه مدعومه من الدوله حق البترول .. نفس ما يسوون في التموين

اجديت بصراحه هذا رد كافي ووفاي على الصحفي

[BIG-VEGA]

الكاتب والصحفي المرزوقي من حقه ان يبدي رايه الشخصي

وانا من حقي ان اقول ... ان بلع العافيه يمدحونه هاي الايام

وشكرا

[Breakaway]

المرزوقي إستعجل، المفروض
يحسبها صح و يحلل عدد الأجانب
و كم منهم عنده سيارة و من هي الفئة
التي تحول المبالغ الكبيرة للخارج
و كم نسبتهم بين مجموع الأجانب،

اتوقع نصف الأجانب عندنا هم
فلبينيات و نيباليين يعني ما عندهم سيارات!

فهل يعقل يا المرزوقي رفع سعر الوقود
على كل أهل قطر بسبب فئة قليلة من الأجانب؟

[SmartMan]

اخوي تدري ان ماعندك سالفة لا انت ولا فيصل المرزوقي وشدخل المواطن في تحويلات المقيمين وبعد شلون تبيهم يشتغلون ابلاش وبعدين ماراح تكون هذي الزيادة السبب في انخفاض معدل الاستهلاك واخيرا البلد المجاورة اللي صب فيها بترول حق سيارته الفي اكس ار ب230 واعتقد الامارات هذولا يا حبيبي معطينهم قبل فترة زياده 100% في الراتب كامل مب الاساسي ورواتب شهريه حق عيالهم وغير وغير وغير والصراحه ماكنت اتوقع من الاخ فيصل المرزوقي يرد هالرد

:ok::ok::ok::ok::ok::ok::ok::ok::ok::ok::ok::ok::o k:


كفيت ووفيت

[MR.STOP]

وبعدين اذا صدق انه عشان اموال الاجانب يصرفونها في الدوله والقطريين مب المقصودين



اقل الايمان وابسط الحلول يطبقون سياسة الموازنه

(( زياده 25% في بدل تنقل كل قطري مثل نسبة الزياده فالبترول عشان مايتضرر..كانك خذت منه وعطيته))

هذا حل سهل جدا وفي كل حال ربحانين لانهم استفادو 75% من السكان(الاجانب) و 25% على حالهم (المواطنين)



ملاحضه بس:
وانا اقصد الاجانب بمعنى خوارج..ومايشمل اخواننا المقيمين العرب لانهم اخواننا منا وفينا واللي يضرنا يضرهم

[الصريحه]

ان شاء الله يلغون القرار
لانه غير صائب
واذا على الاجانب
قللوا رواتبهم والامتيازات لهم

[المليونير الفقير]

اذا هم رافعين البترول عشان الاجانب مفروض يعطونا مثل مقال الاخ بطاقه خاصه للقطرين مخفضه فالبترول هاذا اذا كان المواطن يهمهم:rolleyes2:

[آلصآحب آلجديد]

اللي يقول بترول قطر سعره ولا شي قدام سعر بترول الامارات بقول له كلامك صحيح
بس قطع غيارهم ارخص من قطع غيار السيارات في قطر والحين اسعار قطع الغيار بتزيد اكثر في قطر والسبب معروف !!!!

[المجدم]

بصراحة ، انا متابع يومي لفيصل ، بس من اليوم وطالع لن أقرأ له أي مقال ، والسبب نظرته العنصرية تجاه الغير ، ويا ريت كان اسمى من هذا الطرح الغير موفق ، مقال لا يمت للواقع بصلة ، واتمنى عليه أن يراجع نفسه ويحافظ على بعض ماء وجهه الذي أريق بسبب هذا المقال البائس

[واحد 11]

الصحف جميعها بعيدة عن نبض الشارع
خبر كهذا بالرغم من حالة الاستياء لدى الاغلبية الا اننا لم نرى سوى ردود تبرر وتشعرنا بأن القرار ايجابي

متى ستكون الصحف نزيهة وذات مصداقيه ...

لكن لا اعلم هل المرزوقي يستخف بعقول القراء مع فكرة الكوبونات البترولية
كلامه يذكرني بكلام اطراف من الحكومة السودانية عندما تحدثوا عن انفصال الجنوب وبأنه سيرجع مستقبلا ليتحد مع الشمال

كل طرف يضحك على الآخر

[Affable Lady]

واضح على المروزقي الغصـــة .. ويحاول يبلعها بايجاد جوانب إيجابية لقرار الزيـــادة !

ما ألومـــه صراحــة .. بس خوفــاً من المـــوت كمــــداً !

[ام السعف]

هذولا الكتاب اهما اللي ينافقون الدولة على حساب المواطنين ..

يعني الحين الحل عشان يقلصون من الاموال المحوله في الخارج يروحون يرفعون الاسعار في الداخل مب حل هذا ,,

لو صدق يبون يقللون من الفلوس المحوله في الخارج يقللون من رواتب الاجانب الخياليه مب يدعسون ع المواطنين عشان خاطر الاجانب ..

يعني لو حد موضح للشعب يعني يحسسون الشعب له قيمة له وجود له اعتبار في القرارات كان ماصار الزعل هذا كله ..

اما بس يزيدون وماندري ليه ولا عشان شنو وفي وقت الكل كان منتظر خير من الدولة اكيد بتكون ردة فعل عكسية وزعل ..

بعدين لاتقارنونا بالامارات سووا لنا نفس الاماراتيين عقب قارنوا الوضع فيهم ..

لاتنافق الدولة يالمرزوقي على حساب المواطنين هذي امانه ..

مب فيصل هذا اللي كان يكتب مقالات لاذعة ؟

ان كان هو اشبلاه تغير ؟

لا يكون عقد صلح مثلنا ؟ :shy:

[marqap75]

انا ارى ان الاخ فيصل المرزوقي سقطت سقطة في مقالته هذه واحسه انه يبي يقول شي لكن ماعرف يقوله او انه نوع من المداهنه والمجامله والله ولي التوفيق ‘

لاحظة له كم مقال يا يتهجم على فلان وعلى علان يا فيصل عليك التثبت قبل الغمز واللمز ورجاءا خل افكارك واضحه ولا تقعد مره مع المواطن وتبكي على احواله ومره مثل المقال الحلوووووو اللي ماينعرف ليش كاتبه وتبغي تو صل حق شنووووووووووووو وعلى اساس قاعدتك نسبة المواطنين 20 % من سكان المقيمين في قطرررررررررر عيل خلهم يزيدون كل المواد والسلع بس عشان هم اكثر منا .


نكتة

[ذيب ولد ذيب]

الاجنبي اللي يقول عنه انه بيصرف اكثر عالبترول اقوله بيطلع الزياده من ظهورنا حنا يالقطريين ,,

الاسعار كلها بترتفع , يارجال تونا صباح خير المغاسل ارفعوا علينا خمس ريال ,, وبداية الغيث قطره ,,

مقال يضحك ,, اصلاً المواطن هو اللي له مشاوير فالبلد , الاجنبي من البيت للشغل ,, واللي يشتغل ويروح ويجي هذا عنده تجاره , يعني هالاجنبي راح يرفع السعر ويطلع الزياده من عيون القطري ,,

كلاام فاااضي

[MoneyMaker]

اتمنى جرائدنا تنتقي كتابها بدقه متناهيه...خصوصا في طريقة طرح الفكره واسلوب الكتابه,,

بالامانه هذه اسلوب كاتب يحترم المقيمين؟؟؟؟؟

ياخي انتقد بس مب بهالاسلوب الرخيص

[العثماني]

صباح / مسا الخير جميعا

آولًا : هذا المنبر صرح يشاهده البعيد آو [ الخليجين والعرب ] قبل هل قطر فنتمنى التحلي بالالفاظ الحسنه وقول { تنافق الدوله } لفظ سوقي.
ثانياً : في قطر آو بعض الشعب القطري لا يرى الكثير من المكارم والمنح والتطور اللي يواكب الدوله ولاكن يوسفني آنهم يروى النقطه السلبيه « وان بدر » شي سلبي وهو الزياده التي لاتذكر وليست بالعايق الكبير والعب على ابناء الوطن ولو حسبها المتذمر فبدل 100 ريال تصبح 120 ريال ولما يرى توجه الدوله في رفع دخل الموطن وبطرق غير مباشره مثل ( استضافة كاس العالم وما يترتب عليها من نهضه في جميع المجالات ومشاريع بناءه ، المكارم الاميريه في سوق الاوراق الماليه مثل سهم صناعات ، ناقلات ،غيرها.
ثالثاً : آخواني المتذمرين الشكوه لغير الله مذله والدعاء في ظهر الغيب افضل من التذمر هنا وهناك. ،لا كن البعض ويؤسفني علي وجود البعض الذي لو اعطي جبل من ذهب لاراد غيره .
رابعاً : صرح التعليم الذي شيد خلال السنوات الماضيه القليله لم يشيد من عبث بل آحداث جيل جديد يقوم لخدمة الوطن ولو انا وانت والبعض لم نقوم بدعم هذا الجيل ودعم القياده لتكليل مشوار التطور لم يتم حسب المراد.
خامساً : التطور الملحوظ من مباني جديده ومستشفيات في قطاع الصحه (( ولكن لم ينتهي المشوار باستقطاب الخبراة الكافيه )).
سادساً:اتمنى ان اكون وصلت نقطه مهمه للبعض في هذا الموضوع وهو (( المقيمين في قطر عددهم يفوق المواطنين فهم المستفيدين من ذعم الدوله للبترول وهذا يعد استنزاف لاموال الدوله ))

ووفقكم الله لما يحب ويرضى