ياحظهم ألي خذوا كروت فيرجن موبايل

[بوشاهين2]

السلام عليكم ..
قريت بجريدة الراية الأقتصادية بالصفحة رقم 7 وبتاريخ 24/1/2011 أن تم توقيف كروت فيرجن موبايل ، قصدي أن أي شخص شرا كروت مميزه أو غير مميزه من فيرجن موبايل بتم عنده الكرت وفقط يقدر يشتري كروت التعبأه .. وأم إذا أي أحد يبي يشتري أي كرت جديد مايقدر .. وأعتقد أن الموضوع واضح وضوح الشمس والكل قرا قبل سنه بالضبط بخصوص رفع شكوى من فودافون كتاب للمجلس الأعلى للأتصالات بخصوص أن هناك فقط شركتين للأتصالات (كيوتل و فودافون) ومن وين جات فيرجن موبايل ووين ترخيصها كشركة أتصالات. أعتقد أن فودافون كسبت القضية ..

[Q1933]

الظاهر اخوي انت فاهم الموضوع غلط
الموضوع موقفينها لفتره بسيطه لين يلتزموا بشروط المجلس الاعلى للاتصالات
وراح تنباع مره ثانيه
فيرجن موبايل مع كيوتل وكيوتل امورها طيبه
وسلامتك اخوي

[al_1000]

اي والله اموره طيبه كيوتل

:)

[بوشاهين2]

الشيخ ممكن تقرا جريدة الراية بتاريخ 24/1/2010م وتقدر تقرا أو تستفسر عن الموضوع ألي صار قبل سنه بين فودافون وكيوتل .. وسؤال ياخوي q1933 ليش ماكتبوا بجريدة الراية بالتاريخ المذكور أعلاه أن بعد يمايلتزمون بشروط المجلس الأعلى للأتصال .. أخوي بالعقل وأضرب لك مثال أقدر أفتحلي محل قبل ماطلع الرخصة التجارية؟
أعتقد أن الأيام بتثبت حق من الحق .. وبنشوف كيوتل ولا فودافون

[do7awi]

اي اكيد هذا صار نتيجة رفع دعوى من قبل فودافون.

لان الموضوع فيه شبهه و كيوتل مسويه شركة تحت شركتهم .. كأنها دخلت شركة ثالثه بخدمات غير.

احسن .. الموضوع ما كان فيه شفافيه من الاساس.

[بوشاهين2]

والله أنت الفاهم يا do7awi

[becauzah]

يارجااااااااال
كيوتل شركة مملوكة من الحكومة ، يعني اي شي تبيه يصير ، لا تقول لي المجلس الاعلى للإتصالات ، مالهم أي سلطة على كيوتل ، مثل بنك قطر الوطني ، كلهم على كيفهم

[حمد بن سعد]

يربع فيرجن شركه مفبركه تحمل اسم كيوتل .

وان عندي احساس انه موقفين بيع الارقام الجديده انه في بداله جديده بتنزل والله اعلم .

والله يوفقنا وياكم

[راعي ارقام]

شباب اللي يبي رقم فيرجن عندي باقي رقم ..

[كبير المتداولين]

يارجااااااااال
كيوتل شركة مملوكة من الحكومة ، يعني اي شي تبيه يصير ، لا تقول لي المجلس الاعلى للإتصالات ، مالهم أي سلطة على كيوتل ، مثل بنك قطر الوطني ، كلهم على كيفهم

صادق بس هالمره شدو حيلهم شوي

هذا اعلان في موقع فيرجن موبايل

بناءاً على طلب المجلس الأعلى للاتصالات وتكنولوجيا المعلومات يجب ان نوقف إضافة عملاء جدد. سيستمر التوقيف حتى يؤكد
المجلس الأعلى للاتصالات وتكنولوجيا المعلومات اننا التزمنا بأوامرهم لكيفية تقديم خدماتنا في السوق.

[Xx QATARI xX]

اللي مب قادر استوعبه لين الحين ،، شلون مشى موضوع فيرجن موبايل والصجه اللي استوت من عقب ماعطوهم كم بداله يوزعون ارقامهم

فودافون لها الحق ترفع قضيه على كيوتل لانه فعلا مافيه شركه ثالثه في قطر ،، وفيرجن حاله حال اي موزع كروت ،، لكن للاسف كيوتل دايما تستخف بالمستهلك من ناحية الترويج حق خدماتها

واكبر دليل ،، اعلان كيوتل في الجريده عن البرودباند المنزلي وتشتغيله للمستخدمين ،، لانه فودافون صرحت بانها شغلت البرودباند المنزلي في مشروع اللؤلؤه ،، ويوم استفسرنا اتضح انها نفس الخدمه الموجوده حاليا adsl ولا يوجد اي شي جديد يذكر

الاخوان في ادارة التسويق بكيوتل ترا الناس مب اغبياء لهدرجه ،،

واذا كانت هناك قضيه مرفوعه من فودافون اتمنى انه تربحها لانه من حقها ،، وعلى الله يغيرون سياستهم في كيوتل وشعارهم ( المقصه على الناس )

تحيـــــاتي

[بوشاهين2]

xxQATARIXX كلامك واضح ومفهوم .. بس في ناس الله أيهداهم أتحصل داش بالموضوع ولا فاهم شي بس أيصرح وأيزيد كلام من عنده ويمكن يكون ميوله للشركة الفلانية ولا الشركة الفلانية بس عشان أتحصل أن عنده معارف بالشركة ألي أيميل لها ..

[S A L M A N]

ليش ياحظهم الي ماخذين كروت فيرجن يعني ؟؟

[.. Silent ..]

يالربع .. ترا سالفة أنهم موقفين فيرجن ومافي ارقام جديدة ما اظظن السالفة جي ..!
لأن حتى فودافون الفترة اللي طافت بعد صار نفس الشي وانا بنفسي شفت هالشي..!

هذي الرسالة تطلع في موقع فيرجن يوم تطلب رقم جديد

(بناءاً على طلب المجلس الأعلى للاتصالات وتكنولوجيا المعلومات يجب ان نوقف إضافة عملاء جدد. سيستمر التوقيف حتى يؤكد
المجلس الأعلى للاتصالات وتكنولوجيا المعلومات اننا التزمنا بأوامرهم لكيفية تقديم خدماتنا في السوق.)

لو في شي بيكتبون تم اغلاقه نهائيا !

[qatarstores]

اهم شي الارقام القديمة شغاله واحنا مب خصرانين شي وبالعكس
في خدمات في فيرجن احسن من كيوتل "كل ما تكلمت كل ما رخص سعر المكالمة

وعلى فكرة كل ما كبر الموضوع راح يرتفع سعر ارقام فيرجن فوق فوق
والي يبي انا مجود

[مستر بن]

كرت ال بي بي فيرجن .. خخخخخخ

[قلب شاعر]

يا جماعه مانقدر نحكم الحين ...لأن كيوتل نفسها تقول ان شركه فيرجن راح ترجع لين تحل المشكله

وترى الموضوع مب فوضى افتح شركه ...وخلاص ...من البدايه كان عندهم موافقه من المجلس الأعلى للأتصالات ولا حسبالكم بطل على كيفك ... وبعدين فيرجن صار لها شهور تبيع ارقام في السوق لو غلط اللي كانت تسويه ليش ساكت عليها المجلس اعلى داخله على سنه الحين ...

وبعدين الكل عارف كيوتل ...مستحيل تسوى شي غلط يسبب لها مشكله ..الكل عارف كيوتل أذكى من جذيه وضامنه حقها ..

عارفه شنو تسوي بالضبط

عموما فودافون امسكت نقاط الضعف في فيرجن ولقتها فرصه بس مب معناها ان شركه فيرجن مخالفه والكل يدري يتفتح محل مخالف وبعد سنه يصيدونك اظن صعبه شويه ...

[فاروع]

اللي معندوش كبير يشتريلوا كبير

[جاكوار]

يا لبيه يا فيرجن وبس
صح فرع من كيوتل بس الفرع احسن من الاصل