خرايطي جاهزة .... مطلوب ترشيح لي شركات ومكاتب مصنفة

[الدوحة قطر]

السلام عليكم

الحمدلله خرايطي اجهزت اخيرا

وبغيت منكم يا شباب ترشحون لي اسامي مكاتب وشركات مقاولات تكون مصنفة وشغلها بإذن الله مضمون وما في تأخير

مع العلم ان مساحة البنه 600 متر

وعلى كلام المهندس الي سوالي الخريطة الفله عاديه ومش محتاجة شغل معقد

[bo_hamad]

في أي منطقة رايح تبني ؟

[بوشاهين2]

أخوي عندك .. الشركة القطرية للأعمال الهندسية للأعمال الهندسية ومكتبهم قدام فيلاجيو .. طبعاً أمصنفه تصنيف 2 بالدولة وتقدر أدش موقع وزارة الأقتصاد وأدش على تصنيف الشركات .. وشييك ع الخاص

[أبنية العرب]

بالتوفيق اخوي

راجع موقعنا الإلكتروني وشوف بعض مشاريعنا ولو عزمت أرقام الإخوان موجوده في التوقيع

أتمنى لك التوفيق

[الدوحة قطر]

في أي منطقة رايح تبني ؟


فريج نعيجة غرب

او بالاصح فريج العلي

وهو بيت شعبي من البيوت الي تندرج تحت البيوت الي لها اعادة بناء

[PGR]

الشيخ في شركة قاعده تبنيلي البيت وماشاء الله شغلهم نظيف لو حبيت طرشلي رقمك على الخاص وبعطيك التفاصيل

[الدوحة قطر]

الشيخ في شركة قاعده تبنيلي البيت وماشاء الله شغلهم نظيف لو حبيت طرشلي رقمك على الخاص وبعطيك التفاصيل

انشالله تكون مصنفه واسعارهم زينة ؟

طرشلي التفاصيل على الخاص لو سمحت

[jetstream---]

www.al-faraj.net

[bo_hamad]

بالتوفيق يا لغالي

[الدوحة قطر]

الله يوفق الجميع

[انجود]

السلام عليكم ورحمة الله وبركاته

انشالله تحصل شركه زينه وعندهم ذمة وضمير

بالنسبه لي انا انصحك نصيحه لوجة الله تعالي تبتعد عن شركه قطر باك صج بنيهم زين بس المصيبه

بطــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــيئه بشكل مو طبيعي صج صج الناس اللي بنو بعدنا بيتوهم قربت تخلص وحن للحين ماصبو البيت تخيلو من 1-7-2010

مع العلم ان البيت شعبي عادي مساحته 374

والبيت اللي يمي فلا بملحقين مجالس ومطابخ والله ان يوم احفرو الفيلا ان بيتي كان واصل لين الشباك تخيلو ماشالله اليوم يسوون الحديد مال السقف الثاني وحنا لاحول ولا قوة الا بالله

والمقاول بكستاني الله يسامح من مدحه لي وقال انه يخلص بسرعه وشغله سريع والله بطيييييييييييييييييييييي وجذااااااااب كل يوم يقول بكره وتجي بعد اسبوع ماتحصله سوى شي بصراحه انا حدي منقهره عليهم

يعني لازم حد يسب ويهزء عشان يخلصون البيت واذا الواحد مشغول مايقدر ييهم كل يوم مايخلص بيته يعني بصراحه

الله يسامح اللي قال لي انهم سريعين وانهم قد كلامهم مع العلم انو واحد من احد اعضاء المنتدى

هذي تجربتنا مع قطر باك

[بوخالد911]

الله يوووفق

[captin]

بالتوفيق ان شاء الله

توصيتي بالنسبة لشركة المقاولات
أولا لاتفكر ان تروح للرخيص شركات الشارع الفورمنيه البنغال والبتان والمصريين
لان هذا بيتعبك بسبب عدم الدقة وعدم وجود مقاييس في العمل
والمثل الانجليزي يقول BUY CHEAP BUY TWICE
يعني تشتري رخيص تشتري مرتين وانا اقول لك اشتر غالي للعمر كله

اتفق مع الشركة يعطونك سعر عظم + تركيب مواد وانت تشتريها

شوف هذا الرابط لشركة مقاولات مصنفة وشغلها نظيف جدا

http://www.ubqatar.com/

بالنسبة للأستشاري اللي بيشرف على المشروع
نصيحتي هناك مكتب صاحبه قطري وهو اللي بنفسه
يداوم ويدير ويتابع الجوانب الفنية للمشاريع اسمه مكتب الفن والهندسة
في شارع الهندسة فوق معرض سانيو وتقدر تتصل لهم على : 44329932
والمهندس المسؤول اسمه اسامة .

موفق ان شاء الله