ويش اللي يصير في محطة الوجبة عفسه ومطافي ودوريات

[الخط الساخن]

السلام عليكم
انا مريت تقريبا من نص ساعه على محطة الوجبة الا مطافي يمكن 6 او 7 سيارات وفوق هذا دوريات ولخويا وممنوع حد يدخل المحطة
اللي يعرف شاللي صاير يطمنا
الله يحفظنا ويحفظ البلاد من كل مكروه وسوء

[Nojoom]

يقولون حريق بس للحين ماعرفت السالفه عدل

[موضي قطر]

احنا نسمع اصوات سيارات الشرطة والاسعاف ومادري شالسالفة الله يستر

[khalid-qtr]

شكلة صار فيضان بترولي بسبب الاسعار

[مهل]

اللهم اجعله خير

[بنت صقار]

نيبالي حارق عمره يبغي يزيد معاشه:((بو عزيزي النيبال)

[حقيقه]

الله يستر على اهلنا

[رذاذ]

نيبالي حارق عمره يبغي يزيد معاشه:((بو عزيزي النيبال)

صج!! تغشمر ..

ما لقا يحرق نفسه الا بشيشه البترول!!

[اسعاف]

يا جماعة قولوا الصدق فقط بدون اشاعات

[*محمد*]

انا مريت على المكان ماعتقد حريق مافية دخان .

يمكن شي من الضغط انفجر !!

ننتظر الخبر الاكيد

الله يحفظنا من كل مكروه

[بنت صقار]

صج!! تغشمر ..

ما لقا يحرق نفسه الا بشيشه البترول!!

محد بيحرق عمره ان شاء الله؟؟النيبال ملاقين عندنا احسن معيشه صج معاش بسيط..بس عندهم كبير!!
وننتظر التوضيح..وان شاء الله مافي خسائر ماديه ولا بشريه:telephone:

[العقل الحر]

بجيب لكم الخبر اليقين

لكن انا طالع من الدوام الحين اول ماوصل البيت

بيكون عندكم الخبر الصحيح

[ziad1971]

بجيب لكم الخبر اليقين

لكن انا طالع من الدوام الحين اول ماوصل البيت

بيكون عندكم الخبر الصحيح


يا اخوان العقل الحر طلع من الدوام للحين ما رد

خير شالسالفة

[*محمد*]

يا اخوان العقل الحر طلع من الدوام للحين ما رد

خير شالسالفة


زحمة الشوارع انتظر شوي وبيرد علينا

[رذاذ]

اتوقع انذار وهمي

[بويعقوب]

محد بيحرق عمره ان شاء الله؟؟النيبال ملاقين عندنا احسن معيشه صج معاش بسيط..بس عندهم كبير!!
وننتظر التوضيح..وان شاء الله مافي خسائر ماديه ولا بشريه:telephone:

يمكن !!!

ويمكن يكون قطو حارق نفسه علشان البلدية وفعاليهم !! :omg:


الله يجعله خير

[عضو قديم]

سالامتكم السالفة ومافيها كل الدوريات والمطافي واقفين عند وقت الشاي يكركون

[بويعقوب]

يعطيك العافيه ياحضرة الضابط :) طمنتنا بالخير

واحلى شئ الكرك بعد الغده ( دوه للحارج )

[نــــظــــره]

سالامتكم السالفة ومافيها كل الدوريات والمطافي واقفين عند وقت الشاي يكركون

اهههههههههههههههه يسونها

لا والله صج نبي نعرف السالفه الله يحفظنا ويحفظ هالارض من كل سوء ومكروه

[بو خليفه 123]

الله يحفظ الريان و اللي فيها من كل مكروه :shy:

[فاروع]

اللهم لك الحمد

[بصمة قطرية]

يـــاااارب تحفظ بلادنا ~

[العقل الحر]

اسمحو لي على التأخير توني واصل الغرفه


في الحقيقه ماقدر اقولكم ..... !



لانه جميع المختصين في الامر لم يردوا على اتصالي !! :telephone:

مع انى كل يوم انا على اتصال معاهم

والله يحفظهم

اول مايردون بجيب لكم الخبر

والصبر زين



__________________________________________





ابشركم ردوا علي

والموضوع وما فيه انه

شب حريق صغير في خزان المحطه الرئيسي وكان في بدايه الحريق ولو كان فيه اي تأخير لحصل انفجار كبير بسبب كميه النفط المكرر في الخزان

ولكن تم السيطرة عليه ولا يوجد اي حالات وفاة

وتم اغلاق المحطه لسلامه العامه من الناس في حاله نشوبه مره اخرى حتى يكون المكان امن تماما

[بصمة قطرية]

حسب ما وصلني ..
تسريب كبير في خزان البترول وصار إلتماس كهرباء جنبه وصار الحريق ..
تم حصر الحريق الحمد لله ..
والدفاع المدني سيطروا على الوضع ..
وتم اغلاق المحطة حالياً ..

[ZURICH]

الحمد لله مافي مصابين


رجل بيتة يبعد عن محطة الفروسية 300 متر او اكثر

عندة قبو تحت الارض من مواقف سيارات وغرفة

في يوم تفاجأ ان القبو استوى مسبح ديزل وسبب مشاكل وخساير لة

خاصة في الأساسات المدفونة والكهرباء .. السبب تسرب من خزان الوقود للمحطة !!


الي ممكن نقولة لولا حفظ الله كان انفجرت كل البيوت الي حول المحطة .

[بصمة قطرية]

الحمد لله مافي مصابين


رجل بيتة يبعد عن محطة الفروسية 300 متر او اكثر

عندة قبو تحت الارض من مواقف سيارات وغرفة

في يوم تفاجأ ان القبو استوى مسبح ديزل وسبب مشاكل وخساير لة

خاصة في الأساسات المدفونة والكهرباء .. السبب تسرب من خزان الوقود للمحطة !!


الي ممكن نقولة لولا حفظ الله كان انفجرت كل البيوت الي حول المحطة .


:eek5:
صوبنــــا ..!!!

[الصريحه]

اللهم لك الحمد من قبل ومن بعد
الحمد لله
الاحتياط واجب خصوصا مع هبه ارتفاع البترول

[هتـان قطر]

الحمدلله على سلامة الجميع

الله يحفظنا من كل شر

[حمد العذبة]

الله يحفضنا من كل مكروه

[البدع]

الدعاء سلاح قوي

هذا والله اعلم

[محمد الحمدان]

الله يكفينا الشر

[بوحارب]

الله يحفظ الريان و اللي فيها من كل مكروه :shy:

امين :telephone:

[جغرافي قطر]

من دعاوي العالم

[bshayer]

محد بيحرق عمره ان شاء الله؟؟النيبال ملاقين عندنا احسن معيشه صج معاش بسيط..بس عندهم كبير!!
وننتظر التوضيح..وان شاء الله مافي خسائر ماديه ولا بشريه:telephone:

هذا من فضل ربي مو من فضل احد

[حمد بن سعد]

الله يحفظ الريان و اللي فيها من كل مكروه :shy:

آآآآآآآآآآآآمين :victory::victory:

[abdo222]

للحين ،، مافي دخان بس ممنوع الدخول وفوق ال 4 دوريات مسكرين المداخل،، شفت داخل في هنود متجمعين،،

[الخط الساخن]

الحمدلله على سلامة جميع العاملين والمارين في المحطة والله يحفظ بلادنا من كل مكروه وسوء ومن كل حاسد

[غايه الطواش]

البترول طفح كيله

[ابوسعود]

الله يحفظ الجميع من كل شر

والحمدلله اللي قدر ولطف

[jajassim]

رجال الشرطة والإطفاء وجدوا فور استلام البلاغ.. ماس كهربائي يغلق محطة الوجبة لعدة ساعات

2011-01-28


محمد العقيدي:

أدى حدوث ماس كهربائي بمحطة بترول الوجبه يوم امس إلى نشوب حريق صغير، ليتدخل رجال المرور والاطفاء على الفور بعد استلام البلاغ لإفراغ المحطة وإخراج جميع العاملين إلى الخارج بأمان، وقال أحد أفراد الشرطة للشرق لم تقع أية إصابات وتم إخراج جميع العاملين من المحطة بنجاح، ومن ثم تمت السيطرة على الوضع داخل المحطة، حيث منع دخول السيارات إلى المحطة، من خلال وجود سيارات وأفراد " الفزعة"، على مدخل ومخرج المحطة التي أغلقت لعدة ساعات.

[مونديال]

الله يحفظنا
ويحفظ هل بلد

[الشقيان]

شكلة صار فيضان بترولي بسبب الاسعار

هههههههههههه