مكاتب جلب الأيدي العاملة والقانون

[رجل مثالي]

لو في قانون يلزم اصحاب المكاتب بغرامه في حاله تاخير او التخلف عن موعد حضور العامله

أو العامل قصدي الخدم ما كان سارت الحاله كذا وأيضآ بعد مرور ثلاثة شهور وأذا الخادمة لا تريد العمل

يقول لك المكتب خلاص الضمان خلص وأمرك الى الله وما لك شىء عندنا يعني دبر حالك


هل هذا يعقل يعني كل مره بيخسر الواحد 8000 ريال حرام يمكن يحسبون المواطن

عنده بير بترول في بيته فيجب على المسؤولين وضع قانون يحمي المواطن والمقيم

بعد ثلاثة شهور لأن الأمر صارت لعبة من أصحاب المكاتب والخدم الذين بدون

ضمير يجب وضع قانون من المسؤولين لعمل الخادم مدة سنتان حسب العقد المشروط لكلا

الطرفين أو يتعرض للقانون حماية للمواطنين من كيد الخدم والمكاتب

حفاظآ على أموال المواطنين والمقيمين من النهب

[رجل مثالي]

أخواني في إدارة حماية المستهلك ..أحببت أن أنوه لكم بأن مكاتب جلب الخدم رفعت أسعارها بشكل خيالي جداا

وبدون ذكر أسماء المكاتب

بعض المكاتب الأندونيسية من 6000 الاف ريال الى 7900 ريال ولا اعرف ما هو سبب هذا الأرتفاع الغير مبرر والسبب

وبعض المكاتب 8000 الاف ريال

فيجب تدخل حماية المستهلك في هذا الموضوع

[بوحارب]

قبل سنة بالضبط جبت خادمة اندونيسية ب 6500 ريال وخبرة

وقبل شهر جبت وحدة ثانية ب 7500 وبدون خبرة !!

يعني كل سنة زيادة الف وحماية المستهلك راقدين !!

[طارق العلي]

انا في خلال سنة شردو مني 3 خدامات وسبحان الله اول ماينتهي الضمان على طول يشردون

انا احمل كامل المسؤلية على اصحاب مكاتب الخدم . . الموضوع ياخوان فيه انه ! !

[بصمة قطرية]

احس ان مكاتب الخدم يقولون للخدم كملوا بس فترة التدريب الثلاث شهور بعدها كيفكم سووا اللي تبونه ..
ليش في ذيك الفترة مافي احسن منهم ..
بس تخلص المهلة يستلعنون ويشردون ..
لازم حماية المستهلك تشوف حل مع مكاتب الخدم ..
والله حرام الواحد يدفع آلاف ..
مب مبلغ بسيط ..!!

[رجل مثالي]

فوجئت عائلة بحرينية بعد أسبوع من حصولها على خادمة آسيوية من أحد مكاتب الخدم في البحرين أن الخادمة هي رجل يتنكر في هيئة امرأة!! حدث ذلك لإحدى العائلات البحرينية التي اتفقت مع أحد مكاتب الخدم للحصول على خادمة للمنزل للعمل لديها حيث تم وصول الخادمة وتم استكمال الإجراءات لتعمل داخل منزل الأسرة،

[مونديال]

الله يعينا

مالكم غير الدعاااااااااء

[القيادة]

الحل في يد الدولة

وحماية المستهلك أتمنى يخلونها وزارة تابعة لسمو الامير الله يحفظه ويطول عمره

وأعطاها صلاحيات.

[AL3NA]

يا جماعه الموضوع ما يبغي له ذكاء حماية المستهلك .. فاهمين واذا طلعو مو فاهمين معناتها انهم اغبياء


انا خذيت خادمه بدون خبره بـ6800 اشتغلت سبوع وعقب اتصلو علي قالو الخدامه تعبانه وديتها للطواري ونوموها .. وتمت ثلاث ايام وعقب قالو فيها زايده ولازم عمليه قالت لا مابي عمليه بسافر قلت طيب وديتها للمكتب لانها للحين ما كملت المده . وابيهم يجيبون لي غيرها لاني ما استفدت منها كل يوم انا وياها في المستشفى المهم يوم وديتها للمكتب نادو واحد اندونيسي عندهم يشتغل في المكتب .. تكلم معاها وقعدت تصيح وعقب فهمت انه يهاوشها عشان تشتغل بالغصب وقلت لاصاحب المكتب اتقوا الله في انفسكم تخليه يجبرها ياخي الشغل بالطيب مو اجباري قال اسالها سالتها قالت خلاص بروح وياك البيت وديتها للبيت تعبت مره ثانيه وديتها للطواري قالو لازم عمليه ما تقدر تسافر الابعد العمليه . المهم سوو لها العمليه وبعد العمليه قالت ماقدر اقعد لأني تعبانه من العمليه رديتها لهم ودفعت تذكرتها من جيبي وجابو لي وحده ودفعت الفرقيه ؟؟بتقولون ليش ما اشتكيت بقول لكم ان حماية المستهلك ماعندهم سالفه ولايفهمون شي . وانت قطري خلاص مالك حق في هالبلاد

قطر لغير القطريين .. هذا شعارهم

[مضارب ولهان]

يا جماعه الموضوع ما يبغي له ذكاء حماية المستهلك .. فاهمين واذا طلعو مو فاهمين معناتها انهم اغبياء


انا خذيت خادمه بدون خبره بـ6800 اشتغلت سبوع وعقب اتصلو علي قالو الخدامه تعبانه وديتها للطواري ونوموها .. وتمت ثلاث ايام وعقب قالو فيها زايده ولازم عمليه قالت لا مابي عمليه بسافر قلت طيب وديتها للمكتب لانها للحين ما كملت المده . وابيهم يجيبون لي غيرها لاني ما استفدت منها كل يوم انا وياها في المستشفى المهم يوم وديتها للمكتب نادو واحد اندونيسي عندهم يشتغل في المكتب .. تكلم معاها وقعدت تصيح وعقب فهمت انه يهاوشها عشان تشتغل بالغصب وقلت لاصاحب المكتب اتقوا الله في انفسكم تخليه يجبرها ياخي الشغل بالطيب مو اجباري قال اسالها سالتها قالت خلاص بروح وياك البيت وديتها للبيت تعبت مره ثانيه وديتها للطواري قالو لازم عمليه ما تقدر تسافر الابعد العمليه . المهم سوو لها العمليه وبعد العمليه قالت ماقدر اقعد لأني تعبانه من العمليه رديتها لهم ودفعت تذكرتها من جيبي وجابو لي وحده ودفعت الفرقيه ؟؟بتقولون ليش ما اشتكيت بقول لكم ان حماية المستهلك ماعندهم سالفه ولايفهمون شي . وانت قطري خلاص مالك حق في هالبلاد

قطر لغير القطريين .. هذا شعارهم
والله ثم والله ابصم لك بالعشره
اي حمايه اي خرابيط صارت بلاد الخرابيط والله يعينا وياكم وحسبي الله ونعم الوكيل واعتقد جاي شي والله يستر الناس صارت تتكلم واول
النار الدخان

[مـــــنــاف]

مــــكاتـــب الــخدم .... شركــات الــتأمـــين

مــــن أمِــــن الــعقــــوبــــة أســـاء الأدب

[طموحة]

حسبى الله ونعم الوكيل فيهم صج نصابين

[الصريحه]

انا في خلال سنة شردو مني 3 خدامات وسبحان الله اول ماينتهي الضمان على طول يشردون

انا احمل كامل المسؤلية على اصحاب مكاتب الخدم . . الموضوع ياخوان فيه انه ! !

احنا في اسبوعين ثنتين اشردوا ووحده مسترجعه ماترفع حتى تتكلم
احس صاحب المكتب له يد _والعلم عند الله_
لانها كانت تسال عن اخر يوم ضمان علشان ننقل كفالتها
واذا هي مب عارفه وين احنا عيل من وداها وخذاها
والمكتب كان يبي في الخمسه ايام 800 ريال
رحت وهزئته تهزيء ابن الذين واستعدل وخذيت فلوسي والفيزه ولاريال عطيته
زين اني بنيه ولاكانت علوم
مااحب احد يستغفلني