المساعد الشخصي الرقمي

مشاهدة النسخة كاملة : حمايه المستهلك والنوم في العسل


وحش قطر
28-01-2011, 06:45 AM
صباااااحكم خير

بتاريخ 16\ 1 رحت محل رياضه في فيلاجيو

شريت من عندهم تكرم جوتي مكتوب عليه 95 ريال يوم جيت بحاسب طلع سعره 115

افااااا شلون واسوي لهم سالفه وجاني المدير يعتذر وقالي بعطيك كتاب اعتذار وانا مطنش

بشتكي يعني بشتكي عند حمايه المستهلك

وارفع الجوال واتصل 8005000 الخط الساخن

وحش قطر : الو السلام عليكم اخوي ابي اشتكي على محل

حمايه المستهلك : تفضل اخوي شنو مشكلتك

وحش قطر : المحل اسمه كذا ومسوي كذا وكذا

حمايه المستهلك : ازين قول له يغير السعر

وحش قطر : ( والشرار طالع من عينه) يالحبيب انت بتفتح شكوى ولا اسكر من عندك

حمايه المستهلك : تفضل الشيخ اسمك ورقمك الشخصي وجوالك


المهم بعدها باسبوع اتصلت اسال عن الموضوع

المفاجاه كانت انهم مش مهتمين في الموضوع ولا صار فيه اي شي




السؤال المهم اذا حمايه المستهلك غير مهتمه ليش حاطين خط ساخن


والسموحه على الاطاله
<اضرب واشرد>
28-01-2011, 07:35 AM
السؤال المهم اذا حمايه المستهلك غير مهتمه ليش حاطين خط ساخن

عشان تفضفض وتبرد حرتك في الموظف.

مثل العضيد يعني!
مجنون الفتك
28-01-2011, 11:27 AM
ههههههههههه حرقت أعصابك على الفاضي .

شعار حماية المستهلك : النوم في العسل والملحف أفضل حل .
الصريحه
28-01-2011, 03:24 PM
قهررررررررررررررر
لو مكانك اخذ الفاتروه واركض ركض فيه الاكبر مسؤول
كل شيء لابد من وثيقه تؤكده
\وبعدين خلهم يسوون لك رد اعتبار في اكبر جريده ومبلغ مالي محترم
نجم سهيل
28-01-2011, 06:25 PM
السلام عليكم

ذكرتني بأيام أزمة البيض .. يقول لي واحد من الربع دقيت لهم أبشتكي من دكان يبيع البيض بسعر مبالغ فيه وايد .. ويوم رد عليه الموظف قال له .. خير خله يترزق!!!!
مها88
28-01-2011, 06:30 PM
يعني السالفة كلها خريط ..؟؟!!
قطرية فذة
28-01-2011, 07:01 PM
هوامير السوق حماية المستهلك بتخرب محلاتهم
restricted_1
28-01-2011, 08:14 PM
تدرين ليش ماصار شي ولا حركوا ساكن ,,؟

لأن الموظف الي بيكون متابع الموضوع بيراكض في المحاكم وبيكون شاهد

وهو بيتابع الموضوع كله يعني بيداوم اكثر من دوامه

وبيروح من صباح الله خير المحكمه ولين الظهر ,,

ياريت يكون في تشجيع للموظف ويعطونه علاوه ضبطيه على الاقل حافز لهم

يعني الي بيشتغل بذمه وضمير حاله حال الي قاعد في المكتب ويطلع الضحى
القيادة
28-01-2011, 08:24 PM
يعني

صبح صبح ياعم الحج
الشقيان
29-01-2011, 01:47 PM
صوتك وصل :telephone:
وحش قطر
31-01-2011, 12:28 AM
صوتك وصل :telephone:


خلاص غاسل يدي منهم
تغلبية
31-01-2011, 01:00 AM
لو حليت الموضوع مع المدير .. كان شرار عيون الوحش جاب نتيجة وطلعت راضي مرضي ..:nice:

اما حماية المستهلك .. طفوا الشرار ولاسوا له سالفة <<<< خسارة الشرار بس :p

احتراماتي ،،
سكرمر
31-01-2011, 06:25 AM
المشكله احنا فاهمين غلط اسمهم حمايه الهوامير مو حمايه المستهلك
هارودز
31-01-2011, 08:29 AM
النوم في العسل والملحف أفضل حل
النوم في العسل والملحف أفضل حل النوم في العسل والملحف أفضل حل
النوم في العسل والملحف أفضل حل النوم في العسل والملحف أفضل حل
النوم في العسل والملحف أفضل حل النوم في العسل والملحف أفضل حل



حقك ضااااااااايع مع حماية المستهلك الله كريم
Doha Sun
31-01-2011, 08:32 AM
المفروض يغيرون اسمهم .. من حماية المستهلك الى قص المستهلك
كازانوفا
31-01-2011, 09:41 AM
هههههههههههه
حلوه النكته
قول غيرهااااا :)