ليش قبل لانقدم ع الوظيفه ندور ع الواسطه ( سوال ويبيله اجابه )

[الجوكر90]

السلام عليكم ورحمه الله وبركاته
شحالكم يا اعضاء ويا عضوات

اليوم فكرت فموضوع هو طبعا مب يديد
بس المشكله وايد الي يتكلمون عنه
واكبر مشكله فالموضوع ان دوم الناس تتحندى




انزين ندخل فالموضوع


هو عن البطاله

يعني في وايد ناس عندهم شهادات جامعيه بس مايحصلون وظايف

وهم الثانويه نفس الشي والعذر وشو يكون ماعندنا واسطه

طبعا ماراح اقول نفس الاهل الشهاده راح تكون واسطه لان هالكلام غير صحيح
مب كل شهاده تشغلك غير الهندسه والطب والشهادات القويه ماراح نشتغل الا بطلعه الروح

بس

الحين استغرب يوم واحد او وحده مخلصين الجامعه صارلهم سنين وقاعدين فالبيت
انزين انا بقدم ع وظيفه وعندي شهاده جامعيه ويوم اروح المقابله يسالني الي جدامي متى متخرج من الجامعه اقوله سنه 2008 وع طول راح يسالني شسويت من 2008 لين الحين راح اقوله ولا شي ع طول بدون شي راح يشطب ع ورقتي ليش؟؟؟؟
لان انا انسان كسول


يعني فثلاث سنين اقدر ادرس دبلوم فتخصص ثاني عشان اوسع مجالاتي
وفثلاث سنين اقدر اخذ دورات لغات غير الانجليزي مثل فرنسي واسباني صج ماراح اطلع ممتاز بس اقدر امشي عمري
فثلاث سنين اقدر اشتغل فشهادتي الثانويه واكتسب خبره ويمكن هالخبره الي اكتسبتها تخليني رئيس قسم
فثلاث سنين اقدر اتطوع اماكن وايد وللمعلومه ترى كل ماكثرت شهادات التطوع راح تحصل فرصتك للوظيفه صارت اكبرلانك انسان تحب تشتغل بدون مقابل وماتهتم وايد فالفلوس وهالشي هم يبونه

واشيا وايد نسويها فثلاث سنين

والكل يقول الاجانب والاجانب ترى والله لانكم ماتقرون السفيات مالتهم
ترى اشيا محد يتوقعها

يعرفون يتكلمون لغات
وعندهم دبلوم فالتصميم
ودبلوم فصيانه الكمبيوتر
وشهاده جامعيه فالمحاسبه لو لاحظتوا شهادته غير عن الخبرات الثانيه
واشتغل فبنك واشغتل فشركه بترول
ومادري وشو
ووايد اشيا


انا ما انكر ان مرات بدون واسطه ماتقدر تسوي شي بس لازم تعرفون شي مرات يوم الواحد يودي السي في ماله والموظف يقرى ويسوي معاك المقابله ويتاكد ان الكلام صحيح فنفس اليوم يوافق عليك لان هو محتاجك انت مب محتاج هذاك الي جاي بواسطه صحيح راح يشغل هذاك بس انت راح تكون من اولوياته لانه محتاجك انت



يعني الخلاصه خلوا عنكم الهثره الزايده والتحندي الي مالهم اي داعي وفكروا اشلون تكتسبون خبرات وحركوا اعماركم ترى وايد دورات مجانيه تنطرح ويعطونكم عيلها شهادات وماراح اتكلم عن الفلوس لان تطوع بس والله وايد راح تستفيدون من الدورات

وان شاء الله ماطولت عليكم
وان شاء الله ماراح نحصل قطري او خليجي او عربي بدون شغل

وبالتوفيق للجميع ان شاء الله





.:. الجوكر90 .:.

[ahad]

...والله ياخوي كلامك صحيح:

الله يسلمك انا الحين طبقت 4 سنوات متخرجة ولاخبرة ولاهم يحزنون ولاتطوعت,,

اللهم خذت دورة في البرتش كانسول.. وشهادة icdl

واشتغل بشهادة ثانوية الكل عارض ليش حرام ,,ويحطموني,, والا نويت اني اشتغل خصوصا ان كان في كذا اعلان هني بالمنتدى يبون ثانوية,,

وممكن الواحد عنده ضروف خاصة مايقدر يدش هالدورات مسؤؤلية البيت ووو,, والكل يقول اذا اشتغلتي اخذي على كيفج دورات,,ومارضو اني اتطوع,,

يعني اجباري

وبس واحس اني ماراح اشتغل طوووووووول عمري مادري ليش,,يئست

[طموحة]

السلام عليكم ورحمه الله وبركاته

اخوي الجوكر كلامك طيب بس ممكن نفصل الموضوع شوي

تقول مثلاً واحد 3سنوات مااشتغل ب3سنوات يقدر ياخذ دبلوم

هل العاطل يدري انه بيتم 3سنوات من دون شغل الشخص العاطل

ممكن ياخذ دورة شهر شهرين وبس مايقدر يربط نفسه سنوات

لانه متوقع التوظيف باي لحظة

ثاني شي موضوع الدورات قله قليله من تطرح دورات مجانبية

اما بقية الدورات مكلفة جدا بالالف صعب الواحد يكون عاله على اهله

ويدفع 2000الى 3000اذا ماكان اكثر مب خساره بالعلم بس الاهل

مايقدرون يتحملون مصاريف الطالب عشان يتحملون مصاريف الخريج

العلاقات الاجتماعية اهم من الموهلات بكثير الان للاسف

اتكلم لك من واقع تجربة شخصية

[الجوكر90]

...والله ياخوي كلامك صحيح:

الله يسلمك انا الحين طبقت 4 سنوات متخرجة ولاخبرة ولاهم يحزنون ولاتطوعت,,

اللهم خذت دورة في البرتش كانسول.. وشهادة icdl

واشتغل بشهادة ثانوية الكل عارض ليش حرام ,,ويحطموني,, والا نويت اني اشتغل خصوصا ان كان في كذا اعلان هني بالمنتدى يبون ثانوية,,

وممكن الواحد عنده ضروف خاصة مايقدر يدش هالدورات مسؤؤلية البيت ووو,, والكل يقول اذا اشتغلتي اخذي على كيفج دورات,,ومارضو اني اتطوع,,

يعني اجباري

وبس واحس اني ماراح اشتغل طوووووووول عمري مادري ليش,,يئست

تعرفين لو انا مكانج شسوي
ادرس بعد مره بس تخصص ثاني
او اكمل الماجستير
واذا عن الاهل تقدرين تقنعينهم انج تشتغلين بالشهاده الثانويه
وبالتوفيق ان شاء الله

[الجوكر90]

السلام عليكم ورحمه الله وبركاته

اخوي الجوكر كلامك طيب بس ممكن نفصل الموضوع شوي

تقول مثلاً واحد 3سنوات مااشتغل ب3سنوات يقدر ياخذ دبلوم

هل العاطل يدري انه بيتم 3سنوات من دون شغل الشخص العاطل

ممكن ياخذ دورة شهر شهرين وبس مايقدر يربط نفسه سنوات

لانه متوقع التوظيف باي لحظة

ثاني شي موضوع الدورات قله قليله من تطرح دورات مجانبية

اما بقية الدورات مكلفة جدا بالالف صعب الواحد يكون عاله على اهله

ويدفع 2000الى 3000اذا ماكان اكثر مب خساره بالعلم بس الاهل

مايقدرون يتحملون مصاريف الطالب عشان يتحملون مصاريف الخريج

العلاقات الاجتماعية اهم من الموهلات بكثير الان للاسف

اتكلم لك من واقع تجربة شخصية

معاج الشيخه
بس خل اقولج شي
انتي تقولين محد يدري متى الشغل راح يكون جاهز
الحين اخوي تخرج ماشتغل الا بعد سنه ونص بدون واسطه
هاي لانه ريال
يعني البنيه تعطينها من سنتين لين سنتين ونص لين ماتتوظف يمكن اكثر ويمكن اقل
الدبلوم سنه ونص او سنتين
يعني لازم نحط فبالنا ان الشغل ماراح يجينا بسهوله ولازم نستغل الوقت

وبخصوص الدورات انا معاج مافي وايد دورات مجانيه
بس في دورات مهمه ب1500 او 2000 صحيح في ناس ماتقدر بس الي يقدر لايبخل ع عمره
وبدال الدورات انا ذكرت شي ثاني يساعد وايد الي هو التطوع يعني شي يغطي ع شي

وبالتوفيق ان شاء الله

[غيور]

وتلومون الشباب لو اشتغلوا في المخدرات ؟

قابلت محامي كان يدافع عن مهرب مخدرات , وسالت المحامي ليش موكلك زعلان ؟ قال لي المحامي موكلي يقول بأن دخل البلد 2000,000 مليونين حبة و الشرطة تقول (لا) فقط مليون حبة ؟؟؟؟؟

وين راحت المليون حبة ( اللي اختفت ) ؟

اكيد المهرب كسر خاطر الشرطة ويبون يساعدونه ؟؟

ههههههههههههههههههههههههه اسف الموضوع ليس لة علاقة باالواسطة .

[Bin Hood]

مشكور الجوكر على الموضوع الحلو جدا

اولا ليش الواسطة ؟ سؤال بريئ

- لان بدون الواسطة ما راح يشوفون طلبك اصلا


باعطيك مثال بسيط عن اخوك الفقير لله الغني به سبحانه وتعالى

طبعا هذا في البحرين

مرة من المرات اقترحوا الاهل ان اقدم في الجامعة بوظيفة معيد

وتم الطلب سنة كاملة , وبعد سنة اتصلوا فيني الجامعة رحت لهم على طول وانا مستانس

ويم دشيت المقابلة اكتشفت ان الوظيفة ما كانت معيد كانت كاتب اداري ( ما اتذكر شي جذي )

بعد كم يوم كلمت ريال ( واسطة ) عن الموضوع , وجدامي الريال اتصل تلفون بمسؤول كبير في الجامعة

واليوم الثاني مناديني مقابلة بوظيفة معيد , ولو ان في النهاية ما صار نصيب


مثال اخر واحد من الاهل جامعي , يشتغل شغله متواضعه جدا راتبه ما يزيد عن الـ 500 دينار

بس الاخ كان حالق حق الدوام ما يداوم الا 9 او 10 مرات , يعني الي ينزل له 300 دينار تقريبا بعد الخصومات

الريال فنش من الشغل , عقب 6 شهور تقريبا توسط له احد حق وظيفة راتبه 3 اضعاف راتبه السابق غير البدلات المحترمة والسفرات وغيره وغيره !!

[Bin Hood]

مسامحة اخوي الجوكر

بس ليش مركز على موضوع ان المتقدم للوظيفة لازم يتم سنة او سنتين او ثلاث

احنا في الخليج دول غنية ولله الحمد , المفروض بالكثير 3-4 شهور والريال يشتغل

لكن الفساد الفساد المتغلغل , ليش ولد الـ vip محصل وظيفته قبل التخرج

والي متخرج وياه وعلى قد حاله ما يحصل شغل

شوف امريكا من اهم مؤشرات الاقتصاد معدل البطالة , واحنا في الخليج ما عندنا كم نسبة البطالة

كنت اظن ان الغرب متقدم عنا 100 سنة , لكن في سفرتي الاخيرة اكتشفت ان الفارق 100 سنة ضوئية

[بويوسف]

بالله عليك عددنا 200 الف والقوى العاملة لا اعلم كم عددها ولكنها غالبا لاتتجاوز عشرات الالوف .. هل تطلب بأن يكون الشخص اللي مالقا شغل ايجابي ويقعد يدرس وياخذ دورات ولمدد طويلة ولايعلم فيها متى تنتهي ؟

يا عزيزي الناس تشتغل مش رفاهية ولكن لأن وراها التزامات ومتطلبات .. ولن يكون في يد احدنا مبالغ للدخول في دورات طويلة كانت ام قصيرة .. وتلك اصلا يجب ان تكون ميزة يحصل عليها القطري مجانا ليتم تأهيله وتطويره وليس بمبالغ يجب ان يدفعها ..

وبدلا من كلامك (وما تسميه تحندي وغيره من الشعب) كما قلت فيجب ان تقوم الدولة بالتخلص من تلك الواسطة والمحسوبية في جميع القطاعات والتي تمنع الكثير من الكفاءات من الحصول على فرص عمل مناسبة.

[ms-qtr]

إلي يبي وظيفة بيحصل له
المشكلة إن كل الناس يبون شركات معينه
فهالشركات مضغوطة و صار القبول عندهم صعب
لكن حسب كلا الناس إنه في شركات معروف إنهم ما ياخذون إلا إلي عنده واسطه و الله أعلم

[قطرية فذة]

متابعه ....

[BURBERRY]

الي يدور شغل شدراه ان بيتم كم سنة يدور شغل!!

و كيف الواحد يشتغل بالثانوية و هو عنده شهادة جامعية

ياخي لو اشتغل بالثانوية مثلا في بنك.. العقد اقل شي سنة .. لو خلال هذي الفترة حصل على وظيفة حلوه بالشهادة الجامعية شنو يسوي ؟؟ في البنك اذا قدم استقالته قبل لا يكمل سنة لازم يرد الراتب

و بخصوص الدوارات و الدبلوم يبيلها فلوس .. و يمكن الشاب ماعنده ميزانية

شرايك واحد يجينا المجلس

* عنده شهادة اعدادية
*مايعرف يستخدم الكمبيوتر و البرامج
*ماعنده دورات
*مايعرف انجليزي
*عنده واسطه قويه :)

و الاخ اشتغل في مكان براتب قوي و فسكار اخر موديل من الشغل و سفرة اوروبية اللهم لاحسد و الله يهنيه

الي عنده واسطه اوراقه بتمشي .. و الي ماعنده .. مصير اوراقه الارشيف

:weeping: مع تحيات مواطن عاطل

[qatari 111]

الواسطه عند رب العالمين

[الأصيلة]

السبب عدم ثقة في رب العالمين...

[الـقـاسـي]

اهما يبون كذا مايبون حد يشتغل في شغله محترمه الا بواسطه

[الجوكر90]

مشكور الجوكر على الموضوع الحلو جدا

اولا ليش الواسطة ؟ سؤال بريئ

- لان بدون الواسطة ما راح يشوفون طلبك اصلا


باعطيك مثال بسيط عن اخوك الفقير لله الغني به سبحانه وتعالى

طبعا هذا في البحرين

مرة من المرات اقترحوا الاهل ان اقدم في الجامعة بوظيفة معيد

وتم الطلب سنة كاملة , وبعد سنة اتصلوا فيني الجامعة رحت لهم على طول وانا مستانس

ويم دشيت المقابلة اكتشفت ان الوظيفة ما كانت معيد كانت كاتب اداري ( ما اتذكر شي جذي )

بعد كم يوم كلمت ريال ( واسطة ) عن الموضوع , وجدامي الريال اتصل تلفون بمسؤول كبير في الجامعة

واليوم الثاني مناديني مقابلة بوظيفة معيد , ولو ان في النهاية ما صار نصيب


مثال اخر واحد من الاهل جامعي , يشتغل شغله متواضعه جدا راتبه ما يزيد عن الـ 500 دينار

بس الاخ كان حالق حق الدوام ما يداوم الا 9 او 10 مرات , يعني الي ينزل له 300 دينار تقريبا بعد الخصومات

الريال فنش من الشغل , عقب 6 شهور تقريبا توسط له احد حق وظيفة راتبه 3 اضعاف راتبه السابق غير البدلات المحترمة والسفرات وغيره وغيره !!

الواسطه فوق القانون
بس مب لازم نخلي الواسطه كل شي فحياتنا
وتسلم ع المرور

[الجوكر90]

مسامحة اخوي الجوكر

بس ليش مركز على موضوع ان المتقدم للوظيفة لازم يتم سنة او سنتين او ثلاث
احنا في الخليج دول غنية ولله الحمد , المفروض بالكثير 3-4 شهور والريال يشتغل

لكن الفساد الفساد المتغلغل , ليش ولد الـ vip محصل وظيفته قبل التخرج

والي متخرج وياه وعلى قد حاله ما يحصل شغل

شوف امريكا من اهم مؤشرات الاقتصاد معدل البطالة , واحنا في الخليج ما عندنا كم نسبة البطالة

كنت اظن ان الغرب متقدم عنا 100 سنة , لكن في سفرتي الاخيرة اكتشفت ان الفارق 100 سنة ضوئية

الي بالاحمر الشيخ ماتسالني انا
ترى انا مواطن عادي وماشتغل
ومثل ماقلت الواسطه فوق القانون
ولاهنت

[الجوكر90]

بالله عليك عددنا 200 الف والقوى العاملة لا اعلم كم عددها ولكنها غالبا لاتتجاوز عشرات الالوف .. هل تطلب بأن يكون الشخص اللي مالقا شغل ايجابي ويقعد يدرس وياخذ دورات ولمدد طويلة ولايعلم فيها متى تنتهي ؟

يا عزيزي الناس تشتغل مش رفاهية ولكن لأن وراها التزامات ومتطلبات .. ولن يكون في يد احدنا مبالغ للدخول في دورات طويلة كانت ام قصيرة .. وتلك اصلا يجب ان تكون ميزة يحصل عليها القطري مجانا ليتم تأهيله وتطويره وليس بمبالغ يجب ان يدفعها ..

وبدلا من كلامك (وما تسميه تحندي وغيره من الشعب) كما قلت فيجب ان تقوم الدولة بالتخلص من تلك الواسطة والمحسوبية في جميع القطاعات والتي تمنع الكثير من الكفاءات من الحصول على فرص عمل مناسبة.

بويوسف فديت خشمك تراك تحلم وانا وكل العالم يحلمون ان الواسطه تختفي
ياخوي انا اتكلم عن واقعنا
يعني ماشوف احد ذكر التطوع لانه ابلاش بس يوم قلت دورات الكل طب فبطني لان بفلوس
ياخوي عطيتك اكثر من خيار
عندك القدره انك تدخل دورات كان بها
ماعندك في شي اسمه تطوع ولا يعطونك مبالغ زينه بين 1000 لين 3000 ع حسب المكان شرايك بعد


والي مايبي يقعد فبيتهم ينطر الشغل

[الجوكر90]

إلي يبي وظيفة بيحصل له
المشكلة إن كل الناس يبون شركات معينه
فهالشركات مضغوطة و صار القبول عندهم صعب
لكن حسب كلا الناس إنه في شركات معروف إنهم ما ياخذون إلا إلي عنده واسطه و الله أعلم

لا والله المشكله الناس يبون وظايف بسهوله
ترى مافي شي فهل الدنيا بسهوله
لازم الواحد يتعب
ولاهنتي ع المرور

[الجوكر90]

متابعه ....

نبي رايج :nice:

[الجوكر90]

الي يدور شغل شدراه ان بيتم كم سنة يدور شغل!!
بالاستخراه راح يعرف اذا هالشغل مناسبه ولا لا

و كيف الواحد يشتغل بالثانوية و هو عنده شهادة جامعية
عادي يقدم واذا قالوا له ماناخذ الا ثانويه يشيل الشهاده الجامعيه ويكمل لين مايحصل شغل
ياخي لو اشتغل بالثانوية مثلا في بنك.. العقد اقل شي سنة .. لو خلال هذي الفترة حصل على وظيفة حلوه بالشهادة الجامعية شنو يسوي ؟؟ في البنك اذا قدم استقالته قبل لا يكمل سنة لازم يرد الراتب
مب شرط بنك
او حتى لو بنك يقول حصلت عرض احسن وبشهادتي الجامعيه
واول مره اسمع عن هالقرار

و بخصوص الدوارات و الدبلوم يبيلها فلوس .. و يمكن الشاب ماعنده ميزانية
ليش الدورات والدورات ترى في اكثر من خيار
انا قلت الي يقدر والي مايقدر مب مجبور

شرايك واحد يجينا المجلس

* عنده شهادة اعدادية
*مايعرف يستخدم الكمبيوتر و البرامج
*ماعنده دورات
*مايعرف انجليزي
*عنده واسطه قويه :)

و الاخ اشتغل في مكان براتب قوي و فسكار اخر موديل من الشغل و سفرة اوروبية اللهم لاحسد و الله يهنيه

الي عنده واسطه اوراقه بتمشي .. و الي ماعنده .. مصير اوراقه الارشيف

وانا اعرف واحد عنده اعداديه صار رئيس قسم فكم سنه
بالواسطه طبعا
بس شالمشكله يعني كل واحد وواسطته
:weeping: مع تحيات مواطن عاطل

بالتوفيق لك ان شاء الله

[الجوكر90]

الواسطه عند رب العالمين

والنعم بالله
المشكله في بعض الناس مايؤمنون بالنصيب او بالي مقسوم لهم
ولاهنت ع المرور

[الجوكر90]

السبب عدم ثقة في رب العالمين...

صحيح
يعتمدون ع العباد ومايعتمدون ع رب العباد
ولاهنتي ع المرور

[الجوكر90]

اهما يبون كذا مايبون حد يشتغل في شغله محترمه الا بواسطه

لا صدقني يوم مايكون عندهم الموظف راح يحوسون وراه وعادي يدفعون له الراتب الي هو يبيه بس عشان يوافق
بس من هالمحظوظ
الاغلب الاجانب والقله القطريين
ولاهنت

[Just a Gurl]

الواحد مايمشي بدون واسطه للأسف :(
جربت اقدم بدون واسطه لاني كنت اقول ابي استلم الوظيفه بكفائتي وشهاداتي مب واسطتي (مع العلم ان واسطتي اكبر راس) ولكنهم ارفضوني والسبب: اكتفاء
في يوم واحد ومكالمه وحده (بعد ماتدخلت الواسطه) اتصلوا فيني وقالوا احنا خذنا 20 ومابيصير شي لو خذناج وصرتوا 21... حياج الله بكره للانترفيو:)

بصراحه ماكنت ابي آخذ الوظيفه بهالطريقه بس هم يحدون الواحد....:weeping:


كلامك كله 10/10،،، الحمدلله شهاداتي التطوعيه كلها خذتها قبل لا اتخرج ولكنها مع ذلك مااشفعت لي بالبدايه:(
بس لازم الواحد يشتغل على نفسه وياخذ اكبر عدد ممكن من الشهادات والخبرااات... لان الخبره اهم من الشهاده بوااايد....

[الجوكر90]

الواحد مايمشي بدون واسطه للأسف :(
جربت اقدم بدون واسطه لاني كنت اقول ابي استلم الوظيفه بكفائتي وشهاداتي مب واسطتي (مع العلم ان واسطتي اكبر راس) ولكنهم ارفضوني والسبب: اكتفاء
في يوم واحد ومكالمه وحده (بعد ماتدخلت الواسطه) اتصلوا فيني وقالوا احنا خذنا 20 ومابيصير شي لو خذناج وصرتوا 21... حياج الله بكره للانترفيو:)

بصراحه ماكنت ابي آخذ الوظيفه بهالطريقه بس هم يحدون الواحد....:weeping:


كلامك كله 10/10،،، الحمدلله شهاداتي التطوعيه كلها خذتها قبل لا اتخرج ولكنها مع ذلك مااشفعت لي بالبدايه:(
بس لازم الواحد يشتغل على نفسه وياخذ اكبر عدد ممكن من الشهادات والخبرااات... لان الخبره اهم من الشهاده بوااايد....


صحيح كلامج
وانا مانكرت الواسطه
بس مرات الخبره والشهادات الثانيه تغطي ع الواسطه
ولاهنتي ع المرور