تحذير من نصب مكاتب الخدم

[GRNAS2002]

تحذير من نصب مكاتب الخدم

السالفه اني طلبت خدامه من مكتب وعطيته العربون واتفقنا انه يسويلها الفحص الطبي وبعدين استلمها منه
الي صار ان الخدامه جات ويقول انه سوالها الفحص وكل مااقوله ابي استلمها يقعد يتعذرلي انه مشغول وما عنده احد يجيبها من السكن ومندوبه مشغول دايم في المطار وبعدها قام يراوغ ويحول جواله عل المغلق وانا مستغرب الي اعرفه ان المكاتب يأذونك اول ماتجي الخدامه علشان تستلمها الى هذا يماطل طلعت السالفه انه مشغلها يومي ويضرب فلوس ابلاش وبعدين يسلمها للعميل وطبعن الخدامه لما تجرب الشغل بل يومي غير لما تشتغل في بيوت واكيد لما تخلص فترة الضمان بتطلب انها تسافر طبعن الربحان ألأول والأخير المكتب علشان كذا انا على طول قدمت بلاغ علشان اخلي مسئوليتي ونشوف ويش بيسوون الشرطه

حبيت احذركم علشان النصابين اكثرو الله لا يربحهم

[Roooo7 Qtr]

اي مكتب؟

[بومحمد911]

حسبي الله ونعم الوكيل

ما جاب طرق النصب والاحتيال في البلد الا هاذولي الجنسيات

[وطن]

زين انك قدمت بلاغ
لانها على كفالتك ومسؤوليتك

بلغنا بالتطورات اخوي

والله يوفقك

[وحيد-الشوق]

اخوي اشتكي عليهم في ادارة العمل

ويليت تذكر لنا اسم المكتب

[القيادة]

ياريت أخوي تذكر لنا أسم المكتب على الاقل الاعضاء

ياخذون خذرهم.

والمفروض تشتكي عليه في أدارة العمل.

[qqaattaarr]

اي مكتب
ايش اسم المكتب
بالعربي نبي نعرف عشان مانروح حق المكتب
الغريب انك ماذكرت اسم المكتب

[R 7 A L]

اذكر أسم المكتب
هذي أمانة في رقبتك

[مهل]

كيف عرفت انها تشتغل باليومي. اذا متامد من هالشي واجب عليك تذكر لنا اسم المكتب

[بصمة قطرية]

حسبي الله عليهم ..
لازم يشوفون لهم صرفه مع مكاتب الخدم ..

[الصريحه]

شفت مكاتب في سوق العلي تسوي نفس الشيء
يعطوني الخدامه لمده اربعه ايام او اسبوع ب800 ريال ويتفقون وياها تشرد وادفع واخذ غيرها
نصب ويتحجججون للكفيل
وش اسم المكتب لاهنت؟؟؟؟؟؟؟؟؟؟؟؟؟؟؟؟

[قناص 787]

اذكر أسم المكتب
هذي أمانة في رقبتك

مايقدر يذكر اسم المكتب لان بعدها الموضوع بينحذف
نفس موضوعي اللي نزلته عن محل النظارات وذكرت اسمه
الا على طول الموضوع انحذف والسبب انه يعتبر تشهير

مادري وش نسوي اذا هذا المحل الحرامي مانقدر نشهر فيه

[GRNAS2002]

مشكورين على الردود الي سئل عن اسم المكتب اقدر ارسله على الخاص ولا اقدر احطه على العام لا يقولون تشهير مثل ماقال احد الأعضاء او يقولون تصفية حسابات
والي خلاني متأكد انه يشغلها بنظام اليوميه او الساعات ان نفس المكتب يقدم هذي الخدمه والا ويش الي يخليه ما يسلمها لي اول ما وصلت وانا بعد حبيت اتأكد اتصلت حق مكتب ثاني وقلت له على السالفه قال ما عليك منه هذا مشغلها الله لا يربحه
والله يشهد اني ما نزلت هذا الموضوع الى علشان اخواني في المنتدى ياخذون حذرهم من هذي الأشكال

[wadha-qa]

انا بحذركم من مكتب الرها بالغرافه يخلي الناس يوقعون نقل كفاله قبل استقدام الخدامه و اذا جات يتفقون وياها تشرد بعد فتره الضمان وينقلون كفالتها بدون علم الكفيل

[مونديال]

اذا هذي تصرفاتهم الله لايربحهم

[أبو بكر سالم]

لاحول ولى قوة اكيد راعي المكتب القطري( الي بسمة السجل التجاري) مايدري شالي يصير من وراة

[بوخالد911]

الله لا يوفقهم


وهالحرامية اللي بالمكاتب ؛ خلهم يرحون مصر ويفكوون من شررررهم

[الكونجرس]

مشكور على التحذير

[hamoor4ever]

شسم للمكتب

[الـقـاسـي]

حسبي الله عليهم

[مشتاقة لقطر]

..........................

[لافوشيا]

توها الوالده متهاوشه مع المكتب كان واحد مصري حرامي كل ماتتصله يقولها الخدامه ارسبت في الامتحان او الفحص اي امتحان وفحص حسبي الله عليهم المهم بس الحمدلله اتصلنا فالشرطه وعطوها الفلوس وسكرولهم المكتب عشان يتادبون ومايبوقون فلوس الناس
:anger1::anger1::anger1::anger1:

[GRNAS2002]

السالفه اوضحت والحمد لله والغلط مني بس جات سليمه والحمد لله
السالفه ان الرجال حاط اعلان في كذا منتدى انه يجيب خدم وعليهم ضمان ومش لازم تروح المكتب هو يجي الى عندك ونكه ابوغايب وانا يوم كلمته الى الصوت قطري ويعرف عن نفسه بقبيله محشومين اهلها منه وطلع الرجال لا هو بقطري ولا شي طلع بحريني (هذا وهم ما افتحو الجسر) و لا عنده مكتب وزور توقيعي ومعطيني ورقه استلام الفلوس (الرصيد) مزوره لأنه ما عنده مكتب وطابعها من اقرب مطبعه
يقولك كل خاينه عليها من الله بينه
وحبل الكذب قصير
هذا طلعت سالفته انه يحط اعلان في المنتديات انه يجيب خدم ولما احد يتصل فيه يبغي خدامه ياخذ الطلبات من عند المكاتب ويغير الوقو حق المكاتب ويحط الوقو حق مكتبه ويعطيها لزبون علشان يختار وهو في بيته (يعني خدمه خمس نجوم واذا تقوله بجيك المكتب يتعذرلك بألف عذر) الرجال شغال عدل بس الي كشفه ان المكاتب الي يتعامل معها شكت فيه لأنه كل ما يجيها يقولهم هذي الطلبات حق قرايبي ويعطيهم الفلوس وبستلم الخدامه عادي ويعطيها الكفيل ويتربح
لاكن لماشافو انه كثرت معاملاته اصرو ان الكفيل هو الي يستلم الخدامه واهنا توهق الرجال لا يقدر يقولي ولا يقدر يقولهم بينخرب بيته المهم يوم رحت وقدمت عليه بلاغ في الشرطه وكلموه اتصل فيني قال انا اهلي في المستشف والمندوبين الي عندي فنشتهم ولا عندي الى مندوب واحد ومحتاس علشان احافض على الخدامه وما تختلط بلعماله المرجعه والعاملات الي عندي انا حطيتها عند مكتب ثاني والحين اروح انا وياك واسلمك اياها يوم وصلنا المكتب الى الموضف يقولي انت تعاملك بيكون معنا مش مع البحريني قلت انا ما اعرفكم انا ماخذ الخدامه من عند البحريني وبوقع العقد معاه قالو انت عارف السالفه قلت لا قال البحريني ياخي وقع انت ما تبي الخدامه هذي الخدامه قدامك اخذها وخلاص قلت له الخدامه صار لها في البلد اسبوعين وانا ما ادري وش كانت تسوي ويش السالفه ولا بروح الشرطه قام المصري راعي المكتب يصرخ في وجه البحريني وهو صاير زي تكرمون الكلب ما يتكلم وقاله انا بااشتكي بنفسي عليك عند الشرطه واهنا خقها الحبيب المصري سحب عليه من قريب واجحده وانا اطالع في الأوراق وشوف توقيعي المزور وقعد يترجاني ان مستقبله بيضيع
ومن هذا الكلام انا بغيت اخليه عبره واقدم ألأوراق لنيابه بس اخوي وولد عمي تباركو عليه

وسلامتكم

[alsubaiai]

السالفه اوضحت والحمد لله والغلط مني بس جات سليمه والحمد لله
السالفه ان الرجال حاط اعلان في كذا منتدى انه يجيب خدم وعليهم ضمان ومش لازم تروح المكتب هو يجي الى عندك ونكه ابوغايب وانا يوم كلمته الى الصوت قطري ويعرف عن نفسه بقبيله محشومين اهلها منه وطلع الرجال لا هو بقطري ولا شي طلع بحريني (هذا وهم ما افتحو الجسر) و لا عنده مكتب وزور توقيعي ومعطيني ورقه استلام الفلوس (الرصيد) مزوره لأنه ما عنده مكتب وطابعها من اقرب مطبعه
يقولك كل خاينه عليها من الله بينه
وحبل الكذب قصير
هذا طلعت سالفته انه يحط اعلان في المنتديات انه يجيب خدم ولما احد يتصل فيه يبغي خدامه ياخذ الطلبات من عند المكاتب ويغير الوقو حق المكاتب ويحط الوقو حق مكتبه ويعطيها لزبون علشان يختار وهو في بيته (يعني خدمه خمس نجوم واذا تقوله بجيك المكتب يتعذرلك بألف عذر) الرجال شغال عدل بس الي كشفه ان المكاتب الي يتعامل معها شكت فيه لأنه كل ما يجيها يقولهم هذي الطلبات حق قرايبي ويعطيهم الفلوس وبستلم الخدامه عادي ويعطيها الكفيل ويتربح
لاكن لماشافو انه كثرت معاملاته اصرو ان الكفيل هو الي يستلم الخدامه واهنا توهق الرجال لا يقدر يقولي ولا يقدر يقولهم بينخرب بيته المهم يوم رحت وقدمت عليه بلاغ في الشرطه وكلموه اتصل فيني قال انا اهلي في المستشف والمندوبين الي عندي فنشتهم ولا عندي الى مندوب واحد ومحتاس علشان احافض على الخدامه وما تختلط بلعماله المرجعه والعاملات الي عندي انا حطيتها عند مكتب ثاني والحين اروح انا وياك واسلمك اياها يوم وصلنا المكتب الى الموضف يقولي انت تعاملك بيكون معنا مش مع البحريني قلت انا ما اعرفكم انا ماخذ الخدامه من عند البحريني وبوقع العقد معاه قالو انت عارف السالفه قلت لا قال البحريني ياخي وقع انت ما تبي الخدامه هذي الخدامه قدامك اخذها وخلاص قلت له الخدامه صار لها في البلد اسبوعين وانا ما ادري وش كانت تسوي ويش السالفه ولا بروح الشرطه قام المصري راعي المكتب يصرخ في وجه البحريني وهو صاير زي تكرمون الكلب ما يتكلم وقاله انا بااشتكي بنفسي عليك عند الشرطه واهنا خقها الحبيب المصري سحب عليه من قريب واجحده وانا اطالع في الأوراق وشوف توقيعي المزور وقعد يترجاني ان مستقبله بيضيع
ومن هذا الكلام انا بغيت اخليه عبره واقدم ألأوراق لنيابه بس اخوي وولد عمي تباركو عليه
وسلامتكم

ياخي احنا شلي امودينا في داهيه غير طيبتنا لو كل نصاب ابنتركه على شان خاطر
افلان والا علان والا تبارك عليه اخوي والا ولد عمي

بنشوف الدوحه كلها نصابين

ياخي خذ حقك بالقانون الدوله حطت التشريعات والقوانين واحنا مهب مستغلينا حتى 1%

لاحول ولا قوة الا بالله