لماذا لماذا ..... ياوزارة العمل [الأرشيف] - منتديات شبكة الأسهم القطرية

مشاهدة النسخة كاملة : لماذا لماذا ..... ياوزارة العمل

قطرة مسك

29-01-2011, 10:37 PM

السلام عليكم ورحمة الله وبركاته

انا صراحة عندي عتب لوزراة ليش .....

انا وحدة جامعية ما خالية ولا مكان الا وقدمت اوراقي بس مافيه نتيجة ......

وحدة ثانية مؤهله ثانوي قدمت بنفس مكاني وبعد شهر تم قبولها ....

سؤالي ليش الجامعي غير مرغوب به بالوزارة والثانوي مرحب فيه !!!!

والي يزيد الطين بالة (. يقولون لي تنازلي عن الثانوية ونقبلج )

لهذي الدرجة وصلنا ...

انا وحدة ابي الوظيفة بس بمكان مافيه اختلاط والاماكن هذي محدودة

فيني طاقة وحماس ابي اقدمه لدولتي الغالية قطر وهذي الطاقة قاعدة تقل وتقل ....

والا يجرح النفس ان الاجانب موظفين عندنا وحنا لا لا

فارس الكلمة

29-01-2011, 10:46 PM

عليك .. بالمدارس المستقلة .. قدمي هناك ..

بوراشد82

29-01-2011, 10:58 PM

المدارس المستقلة أول مكان يستقبلج وبالأحضان بعد ....

مبروك عليج مقدما السكر والضغط والديسك والقولون وختاما السكتة ,,,

بوحارب

29-01-2011, 11:08 PM

الله يوفقج اختي وتحصلين شغل في اقرب وقت

قطرة مسك

29-01-2011, 11:24 PM

bu abdulla

30-01-2011, 01:13 AM

مشكورين على الردود الطيبة

المدارس مش مثل اول لو مثل اول من الليلة اروح اقدم اوراقي

حنا آدمين مش مكاين ندرس ثلاث مواد من ٨ لين ١٠

اي منطق غير التسلط يعني بالعربي البيئة ما تساعد على الانجاز
انصحج ما تتشرطين اذا لقيتى بالمدارس المستقله و انتى محتاجه الوظيفه روحى و بالتوفيق

الكولونيل

30-01-2011, 01:23 AM

الله يوفقك روحي قدمي على الداخلية

وحيد-الشوق

30-01-2011, 01:25 AM

حتى لو محتاجه للوظيفة نصيحه لاتروحين للمستغله

الله يوفقج وتحصلين وظيفة

ahad

30-01-2011, 02:32 AM

ربج كريم,,,

بصمة قطرية

30-01-2011, 02:48 AM

حتى لو محتاجه للوظيفة نصيحه لاتروحين للمستغله

الله يوفقج وتحصلين وظيفة

وانا بعد اقول لج تحملي تروحين للمستعلة ..!!
صدقيني بتتحسفين ..
اغلب المدرسات يتمنون يطلعون ..

الله يوفقج اختي وتلاقين الوظيفة اللي تناسبج ..
قهر بصراحة لما يطالبون الوحدة انها تتنازل عن الشهادة الجامعية عشان تتوظف بالثانوية ..
والسنين اللي تعبتها راااااااحت خلاااص ..!!
المفروض يسهلون الأمور لعيال البلد ..
والجامعيات أحق بالوظيفة ..

<اضرب واشرد>

30-01-2011, 04:28 AM

أفا صارت الشهادة الجامعية عــار في بلادنا ؟

سلامي عليكم يا الشعب

moonبنتnight

30-01-2011, 07:31 AM

في بداية لازم تتنازلين عن بعض من طموحاتج 00 يعني أول الايام أقبلي باي وظيفة وبعد ما تكونين خبره طلعي لي وظيفة لي تناسبج 00 أغلب الموظفين يمسكون بوظائفهم كأنه مكتوب عليهم طول العمر يشقون فيها 00 شخص الازم يكون عندة طموحات وأهداف حتى يحققها وإلا بيتم محلك سر 00 وبعد عمر طول محقق المستوى المعيشي 00

الأصيلة

30-01-2011, 07:43 AM

ياناس المستقلة فيها عيالنا فلذات أكبادنا
مب بس مديرة ونائبة
يعني تنصحونها ماتروح المستقلة
وبعدين نقول ليش اللي يدرسون عيالنا أجانب...
أفضل خدمة ممكن تقدمها الأخت لقطر
تعليم أطفال قطر وتنويرهم وفتح مداركهم...
حرام والله اللي قاعد يصير
الكل يهرب من التدريس عشان نفسه
( وقت / راتب / إجازات )
لو كل وحدة تخلص النية وتجددها كل يوم
صدقوني الله بيوفقها في عملها وراتبها وإجازاتها
الصبر مفتاح الفرج
بس ماتكون هذي أولوياتنا في العمل...
توكلي على الله وقدمي بمدرسة مستقله نائبتها معروفة
وياكثر المدارس اللي ماشية على اتم وجه ومرتاحين فيها المدرسات...
يعني لازم مكتب وجرائد وشاي وقهوة وعمل بسيط
لازم الإنسان يتعب من أجل وطنه...

غير البشر

30-01-2011, 07:46 AM

اختي روحي اداره الامتحانات واخذي الشهاده الثانويه بدل فاقد وتوظفي فيها
وبعد شهرين او ثلاثه عطيهم الشهاده الجامعيه قولي لهم ابي ترقيه :rolleyes2:

الله يوفقج ان شاء الله

صوت الضمير

30-01-2011, 08:00 AM

يالأصيلة يعني تقنعيني ادرس

انا تخرجت هالكورس وقلت بقعد ارتاح شوي

وهل انتي موظفة في مدرسة مستقلة

أبداع