من فناتك مجتمعنا و البدع اللي ما لها حدود

[الدووحة]

كنت اتصفح المنتدى فوجدت موضوع مطروح للسؤال عن المهور و بصراحه كانت الاجابات عجب ... بعضها وصل المهر 750 ألف . . نعم في ناس تقدر تدفع هالمبلغ و لكن لما نفكر في الغالب فهو أقل من هذا بكثير .
من الفناتك اللي أود الحدديث عنها هي الزواج و توابعه .... مثل الزلزال و توابعه من هزات أرضية تفقد الانسان توازنه ...
لو فكرنا في هالموضوع سنجد ان احنا من أرهقنا انفسنا بتفاصيل و فناتك مالها داعي مجرد صرف فلوس و خساير ترهق ميزانية الشاب و أهله .
أولا ً الملكة و لا بد يكون فيها عشاء للرجال
و ثانياً : تجي الشبكة و هي في الغالب ألماس و بالتأكيد لا تقل عن 40 ألف في ظل هذا الغلاء و الحفلة غالباً في فندق او قاعة و هي تكون أشبه ما يكون بحفلة زواج مصغرة و تكلفتها لا تقل عن 30 ألف .طبعاً أغلب هذه الحفلات يكون فيها بذخ و استعراض .
ثالثاً: ليلة الحنا و هي ممكن تكون في قاعة او فندق و فيها صرف بعد مب شوي .
رابعاً : نأتي لحفلة الزواج (الليلة الكبيرة )و ما فيها من حلال و حرام تكلفة القاعات و الفنادق أسعارها فاحشة و تجهيزات القاعة من الكوشة للتصوير لتزيين الطاولات للفرقة للتضييف و التوزيعات و وصولاً إلى النقوط و نثر الريالات و الدولارات على المسرح و على العروس ليخرج العريس و العروس في نهاية الحفلة تاركين القاعة و ما فيها وراهم و باستثناء ان العريس يكون ماخذ معه ديووووون لها اول ما لها تالي .
و بعد العودة من شهر العسل أغلب العوائل تسوي حفلة الهدية .
كم حفلة صارووووووا ؟؟؟؟؟؟؟:rolleyes2:
رسولنا عليه الصلاة و السلام قال أكثرهن بركة أقلهن مهراً و لكن شرايكم لو ان اقتصر الموضوع على حفلة واحده فقط و يوفرون فلوسهم و يسافرون شهر العسل و يصرفون براحتهم .... الوضع تغير كثيراً و أنا اتمنى لو ان الشباب و البنات يفكرون و يخططون صح و بسنا خرابيط .

[R 7 A L]

اي والله بسنا خرابيط

[تغلبية]

فعلا بسنا خرابيط ..

عقب كل هالمصاريف ... 40% من ابنات يتطلقون ويرجعون بيوت أهاليهم !!

نسبة مريعة ..

ومايسوى عليهم كل هالخرابيط..

وليت الناس اللي تحضر تشكر .. اللا يجون يذمون ويتنقدون ويطلعون !

حلاة العرس .. عائلي .. فيه المقربين والاحباب وتكون الفرحة من القلب للقلب ..

[vtc_4.8]

يعني صدقني انا هامور :nice:

حركات قرعه :rolleyes2:

[بصمة قطرية]

فعلا بسنا خرابيط ..

عقب كل هالمصاريف ... 40% من ابنات يتطلقون ويرجعون بيوت أهاليهم !!

نسبة مريعة ..

ومايسوى عليهم كل هالخرابيط..

وليت الناس اللي تحضر تشكر .. اللا يجون يذمون ويتنقدون ويطلعون !

حلاة العرس .. عائلي .. فيه المقربين والاحباب وتكون الفرحة من القلب للقلب ..
اي والله ..
كفيتي ووفيتي ..

كثير أعراس تكلف أصحابها مبالغ خيالية ..
مخاسير ومطربين وعفسه وفي الأخير ( ينفصلون ) ..
ونسبة الانفصال كبيرة في السنه الأولى من الزواج .
وعند الفئة العمرية ( 19 - 25 ) ..

رب العالمين يحاسب الواحد ..
ليش الاسراف حتى لو ربي معطيني خير ..
كل شي بعقل ..
الله يهديهم ..
والله اني اشجع ان العروس والمعرس يسافرون بدون عرس ومخاسير ..
على الاقل ينبسطون في شهر العسل ..

الحين يخسرون على العرس وآخرتها شهر العسل اسبوع في دبي ولا ام بعدوا
ماليزيا ..!!
ويظل الزوج طول عمره مديون ويدفع ديون العرس ..!!
والله ما يسوى على الشاب هالعرس اللي يحط فيه دم قلبه ..
وآخرتها الناس تنقد ..

[الأصيلة]

بالنسبة للمبالغ هنا أقل بكثير من الحقيقة
الشبكة الألماس ماتقل عن 70 ألف
ويكون العقد صغير وعادي
أما الباقي فـ 100 ألف ومافوق...
40 ألف الحين زركون ....والبركة في جشع التجار...
حفلة الخطوبة لو في البيت وعائلية يمكن تكلف 30 ألف
لكن لو في قاعة ما أعتقد أقل من 50 ألف...
أما ليلة الحنا فطبعا مع الفنتك الجديد بأنها في قاعة ماتقل
عن 40ـ 50 ألف
أما العرس فاللي هو المفروض يصرف عليه كل ماتم صرفه في الخطوبة والحنا...
فتكون ليلة العمر بدلا من 3 ليالي...
فالأسعار نار لا تطاق..
هذا كما رأيت عند من حولي من الناس العاديين...
لكن ماجربت لـ حد الآن...
أنا أشوف الكل حر في تصرفاته بس لما يكون عنده فائض..
لكن بديون وقروض صراحة حرام... وأرفض هذا المنطق التافه عند بعض الناس...

[بدون]

جزاك الله خيراعلى الموضوع المهم جدا

الله يهدي النسوان ، بعض النساء تلقاهم مايصدقون أن بتعرس بنتهم أوولدهم و يبدأن التخطيط في الحفلات التي ستقام على شرف هؤلاء العرسان و هي كما ذكرت بالتسلسل

أحيانا تكون العروس هي التي تطالب بهذا البذخ فهي ليلة العمر، و أحيانا والدتها التي ترى أن ابنتها تستحق أن تحصل على استعدادات زواج لا تقل عن ابنة فلانة و علانة و أحيانا هي أم المعرس التي لا تريد أن تفوقها فلانة من صديقاتها التي كان حفل زفاف ابنها اسطوريا ، فيجب أن تُري الجميع أنها أيضا قادرة على عمل أحلى و أروع عرس لأبنها ،،،،

و المسكين هو المعرس الذي يظل يرزء تحت حمل الديون التي لها أول و ينتهي عمره و لم يرَ لها تالٍ

نصيحة للعرائس و أمهاتهن و أمهات الشباب : رفقا بالشباب فالديون هي سبب لخراب بيت المعاريس الجدد قبل أن تبدأ حياتهم الزوجية الفعلية

[حقيقه]

احسن خل ينكسر ظهر الرجال من البدايه عشان مايفكر يلعب عقب

[QtrGate]

لا وبعد كل هذا

يطلع المعرس مع العروس ويبدأ الكلام والذم والانتقادات على كل شي حتى جوتي العروس الي تحت الفستان ينتقدونه
مايخلون الصغيرة ولا الكبيرة كل شي يتكلمون عنه

الله يعين

[هبوب الكوس]

احسن خل ينكسر ظهر الرجال من البدايه عشان مايفكر يلعب عقب

قديمه هذي الحركة

الحين بعض الحريم هم يدفعون المهر حق الرجل :secret:

[تغلبية]

مادري ليش النظام في قطر كل شي منه بذخ وترف ودفاشه .. اللي عنده واللي ماعنده ماشي على نفس الخط!

يعني موب بس تكاليف العرس للمعاريس .. حتى الاهل .. وخاصة البنات "يهلكون" من كثر مايخيطون فساتين

ويشترون توابعها وصالون ومكياج .... والخ الخ

يعني اخت المعرس او العروس مجموع التكاليف اللي تكلفها على نفسها في كل هالاحتفالات للعرس الواحد

المتوسط 30 الف ريال !!!!!!!!!!!!!!!!!!!! ارقام فلكية والله !!


شوف البساطة في اعراس السعوديين ... كل شي بعدال وسنع لكن بعقل وتدبير ..

أهل قطر ماشيين على نظام الامارات في كل شي !! مع احترامي لاهل الامارات عزيزين وغاليين

أتمنى فعلا نشوف عرايس يتصدون لهالظاهرة .. باعلان البساطة في عرسها وفي كل حفلات زواجها ..

وتوفر كل هالمصاريف .. اما في حسابها الخاص وتوفرها .. لشراء ارض .. او بيت ..

تعين زوجها ويبنون حياتهم سوا .... وماتكون هالمبالغ الطائلة لمظاهر وقشور من الخارج فقط !

[منارة الدوحة]

و الله صدقتوا لكن احنا بدورنا لازم نهيأ عيالنا فمثلا انا اعوذ بالله من كلمة انا هيات بنتي بان لو جاها نصيبها و رجال مصلي و كفو ما يستدعي نكسر اضهره بالمبالغ الخيالية و عرس مافي اتسافر معاه و تستانس و بعدين لين جات اتسوي حفله الهدية و عائلية و على الضيق احسن من الديون اللي مالها لا اول ولا تالي ... و الله يهدي الجميع و الله لو كل عروسين يبدؤن حياتهم بكفالة ايتام بمبلغ من المهر و الله ان اتحل عليهم البركة باذن الله

[الحالمه بالجنان]

احسن خل ينكسر ظهر الرجال من البدايه عشان مايفكر يلعب عقب


يا الله

توقيعج مأساه ياختي

تفائلي بالخير ........ مش كل الرجال سوى

[الـقـاسـي]

احسن خل ينكسر ظهر الرجال من البدايه عشان مايفكر يلعب عقب

المشكلة انه هذا تفكير الغالبيه سواء بقصد او بدون قصد ..
ليش بعض الحريم من اول يوم تفكر تكسر ظهر الرجال بديون عشان مايفكر يتزوج عليها انزين انتي يالزوجة بتتظررين ترى لو كان الزوج مديون ..

فكري من البداية تسيطرين على حياته وقلبه وتفكيرة خليه يكون من قلبه قاعد وياك مب مجبور لان ماعنده فلوس ..

ترى على فكرة الرجال لو يبي يلعب او يتزوج بيسويها سواء عنده فلوس ولا ماعنده ..

[الأصيلة]

مادري ليش النظام في قطر كل شي منه بذخ وترف ودفاشه .. اللي عنده واللي ماعنده ماشي على نفس الخط!

يعني موب بس تكاليف العرس للمعاريس .. حتى الاهل .. وخاصة البنات "يهلكون" من كثر مايخيطون فساتين

ويشترون توابعها وصالون ومكياج .... والخ الخ

يعني اخت المعرس او العروس مجموع التكاليف اللي تكلفها على نفسها في كل هالاحتفالات للعرس الواحد

المتوسط 30 الف ريال !!!!!!!!!!!!!!!!!!!! ارقام فلكية والله !!


شوف البساطة في اعراس السعوديين ... كل شي بعدال وسنع لكن بعقل وتدبير ..

أهل قطر ماشيين على نظام الامارات في كل شي !! مع احترامي لاهل الامارات عزيزين وغاليين

أتمنى فعلا نشوف عرايس يتصدون لهالظاهرة .. باعلان البساطة في عرسها وفي كل حفلات زواجها ..

وتوفر كل هالمصاريف .. اما في حسابها الخاص وتوفرها .. لشراء ارض .. او بيت ..

تعين زوجها ويبنون حياتهم سوا .... وماتكون هالمبالغ الطائلة لمظاهر وقشور من الخارج فقط !

ياليت ماتتم المقارنة بالسعودية...
مساحة قطر كـ مساحة مدينة في السعودية
فالمملكة كبيرة جدا وسكانها بالملايين ...
وكل مدينة لها عاداتها وتقاليدها وتختلف اختلاف تام عن الأخرى..
لها قوانين وأفكار وقناعات مختلفة
فأهل حائل غير عن أهل جدة والرياض
وأهل الطائف غير عن أهل الإحساء
وأهل تبوك مختلفين عن عسير وهكذا...
واللي زواجهم عادي في السعودية هم الناس العاديين جدا واللي مايملكون إلا البسيط من المال
ورواتبهم ماتتعدى الأربع ألاف ريال...
وين البساطة أبغي أعرف ...
ففي السعودية بالنسبة للأعراس كل المعازيم عندهم لازم يخلعون عباياتهم فـ لازم يلبسون أحسن وأغلى ماعندهم
عكس حريم قطر ماتخلع عبايتها إلا أهل المعرس أو العروس...
فتلبس ملابس عادية ...
وبعدين السعودية عندهم الصالونات أرخص
وأيجار صالات الأفراح أيضا رخيصة حسب مدخول الفرد......
في قطر غصب عليهم ينصاعون للأسعار المرتفعة مالهم بديل...
هذا بالنسبة لمتوسطي الدخل عندنا وعندهم
لكن للأثرياء فحدث ولا حرج إذا القطري الثري يحط في عرسه 3 ملايين في المملكة لايقل عن 10 مليون...
فهناك بذخ عجيب غريب عند التجار والأغنياء مايصل له تجار وأغنياء قطر...
والله أعلم...

[][ iMedia ][]

يالغالي باختصار ..
المشكله في الناس . انه كلهم بدهم يصيرو طبعة " المعية " غصب . .

هنا يكمن الخلل . .

كل التحيه :)

[تغلبية]

ياليت ماتتم المقارنة بالسعودية...
مساحة قطر كـ مساحة مدينة في السعودية
فالمملكة كبيرة جدا وسكانها بالملايين ...
وكل مدينة لها عاداتها وتقاليدها وتختلف اختلاف تام عن الأخرى..
لها قوانين وأفكار وقناعات مختلفة
فأهل حائل غير عن أهل جدة والرياض
وأهل الطائف غير عن أهل الإحساء
وأهل تبوك مختلفين عن عسير وهكذا...
واللي زواجهم عادي في السعودية هم الناس العاديين جدا واللي مايملكون إلا البسيط من المال
ورواتبهم ماتتعدى الأربع ألاف ريال...
وين البساطة أبغي أعرف ...
ففي السعودية بالنسبة للأعراس كل المعازيم عندهم لازم يخلعون عباياتهم فـ لازم يلبسون أحسن وأغلى ماعندهم
عكس حريم قطر ماتخلع عبايتها إلا أهل المعرس أو العروس...
فتلبس ملابس عادية ...
وبعدين السعودية عندهم الصالونات أرخص
وأيجار صالات الأفراح أيضا رخيصة حسب مدخول الفرد......
في قطر غصب عليهم ينصاعون للأسعار المرتفعة مالهم بديل...
هذا بالنسبة لمتوسطي الدخل عندنا وعندهم
لكن للأثرياء فحدث ولا حرج إذا القطري الثري يحط في عرسه 3 ملايين في المملكة لايقل عن 10 مليون...
فهناك بذخ عجيب غريب عند التجار والأغنياء مايصل له تجار وأغنياء قطر...
والله أعلم...



أختي العزيزة ..

أنا قارنت قطر مع السعودية والامارات .. من باب السلوكيات فقط .. وليس البعد الجغرافي والاجتماعي

فعلاً فيه فرق بين المدن .. لكن خلينا مع المدن اللي نشابههم ويشابهونا ..

ابسطها .. الدمام والخبر .. هذول قراب علينا ونتشابه واياهم في اشياء كثيرة ..

من أيام الثمانينات واحنا نعزم وننعزم على الاعراس السعودية .. في الوقت اللي نسوي

اعراسنا في البيوت هم اعراسهم في فنادق .. وكانوا قمة البساطة في ملابسهم

وتجهيزاتهم .. وكلنا نعرف ان السعوديات ذويقات ويحبون الزين .. وسباقين في هالشي

ويشوفونا انا احنا over ومبالغين في كل شيء !

عندنا وعندهم كل على حسب مقدرته ..

لكن احنا نتكلم في الطبقة المتوسطة اللي منهااغلب الناس ..

واذا بنتكلم .. على الكبارية ... فيه ناس يصرفون في اعراسهم وفي ناس معتدلين

وعلى حسب ماوصلني ان في قطر.. اكبر الكبارية واوجه الوجهاء .. عرس بنته سواه في مجلس الرجاجيل وكل

المعازيم ماحضره الا 100 مراة على الاكثر ... من اهل وقرايب والمعارف المقربين كلش

مو من قل فلوس لكن لتحقيق مقصد الشريعة في الزواج وهو الاشهار فقط لاغير ...

والعديد من الميسورين .. هذي عزايمه وهذي احتفالاته .. أعداد بسيطة .. واشهار بسيط

حتى ماتدرين عنهم متى اعرسوا ومتى عيلوا !

[mirage]

و الله صدقتوا لكن احنا بدورنا لازم نهيأ عيالنا فمثلا انا اعوذ بالله من كلمة انا هيات بنتي بان لو جاها نصيبها و رجال مصلي و كفو ما يستدعي نكسر اضهره بالمبالغ الخيالية و عرس مافي اتسافر معاه و تستانس و بعدين لين جات اتسوي حفله الهدية و عائلية و على الضيق احسن من الديون اللي مالها لا اول ولا تالي ... و الله يهدي الجميع و الله لو كل عروسين يبدؤن حياتهم بكفالة ايتام بمبلغ من المهر و الله ان اتحل عليهم البركة باذن الله

ماشاء الله
فعلا الرقي في التفكير
مب في الزمط والفشار
الله يبارك لج في عيالج يارب

[مريومة]

احسن خل ينكسر ظهر الرجال من البدايه عشان مايفكر يلعب عقب


معاج حق مبدئيا فقط .. بس عقبها الرجال يطق ويدور له منفذ يرتاح فيه


و الله صدقتوا لكن احنا بدورنا لازم نهيأ عيالنا فمثلا انا اعوذ بالله من كلمة انا هيات بنتي بان لو جاها نصيبها و رجال مصلي و كفو ما يستدعي نكسر اضهره بالمبالغ الخيالية و عرس مافي اتسافر معاه و تستانس و بعدين لين جات اتسوي حفله الهدية و عائلية و على الضيق احسن من الديون اللي مالها لا اول ولا تالي ... و الله يهدي الجميع و الله لو كل عروسين يبدؤن حياتهم بكفالة ايتام بمبلغ من المهر و الله ان اتحل عليهم البركة باذن الله

ياما سمعنا من هالحجي .. ولين جا الرجال

تطلع الطلبات .. جنها فقع .. ماتدري شلون


الله يوفق الجميع

[موضي قطر]

لازم يكون في وعي عند الأسر وأن المبالغ الطائلة اللي تصرف في الأعراس الزوج والزوجة أولى فيها خاصة انهم بأول الطريق والإسراف الله سبحانه نهى عنه ومهوب الإسراف والمبالغة اللي " بتغليني وبترفع قدري عند زوجي " اللي بالأحمر موجه للبنات فديتهم :shy:

وانت "مهوب لازم تسوي عمرك سلطان بروناي بين رايك وشخصيتك مهوب اذا شفت نسايبك عطيتهم الخيط والمخيط " اللي بالأزرق حق الشباب :(

[ماجد78]

صدق النبي صلى الله عليه وسلم (( اقلهن مهرا أكثرهن بركة ))

[رآعي آلفتك]

الله المستعان
الناس تفكر ان الزواج حفلة العرس
ليش اخسر نص مليون حفلة حق الناس
وفي النهاية المعازيم تنتقد وتذم
الزواج هو الحياة التي يقبل عليها الزوجين!!!!!!