المساعد الشخصي الرقمي

مشاهدة النسخة كاملة : ياطالع يانازل



العنود
18-02-2005, 08:56 PM
صج انا مقهوره من هل السوق ماعرفناله ياطالع يانازل كككطع

sulai6i
18-02-2005, 09:01 PM
:cool:


حياج الله العنود في المنتدى

ترى هذي هي البورصة .. ما وراها غير القهر وعوار القلب

لكن اوقات وراها راحة البال .. والتشقق :)


ما دريتي ؟

والله اليوم اسمع واحد يقول ( ما ادري هو يمزح ولا لا ) .. يقول بيفتحون قسم في مستشفى حمد حق اللي بيصير فيهم شي من البورصة :D

الله يحفظنا انشالله

بيـــزات
18-02-2005, 09:07 PM
اختي العانود
حياج الله معانا في المنتدى وانشاء الله تعم الفائده
اما السوق ترى هذا سيفووه وهاذي خلاقينه.((البورصه تبي قلب))
ويعطيج العافيه

العنود
18-02-2005, 09:08 PM
لايكون انت واحد في حاله يرثا لها من هل سوق الله يستر

العنود
18-02-2005, 09:12 PM
بيزات صج اسم عضو يفتح النفس بس مهب في هل منتدى

بيـــزات
18-02-2005, 09:30 PM
بيزات صج اسم عضو يفتح النفس بس مهب في هل منتدى



:confused: :confused: :confused:

sulai6i
18-02-2005, 09:41 PM
لايكون انت واحد في حاله يرثا لها من هل سوق الله يستر


:confused: :confused: :confused:

A S O
18-02-2005, 11:43 PM
لا تستعجلون ترى السوق للحين بيجيب الخير معاه واللي مايصدقني ينتظر خلال ال20 يوم

وبعدها بتفجون عيونكم مثل الحبيب هذا :eek: واللي يكون شاري اسهم بيكون :D واللي ما لحق يشتري بيكون :o

ibrahem
19-02-2005, 11:29 AM
اختي العنود سوق قطر ماشاء الله تبارك الله سوق ممتاز والنزول الي يصير احيانا عندكم بسيط جدا والارتفاعات دايم اكثر


خاطري تتابعين السوق السعودي وتشوفين كيف السوق ينهار في الشهر الف مره ويصعد الف مره خلال فتره بسيطه اشترينا الكهرباء السعوديه ب 196 ريال وخلال شهرين سعرها الحالي 105 ريال شرايك في النزول؟؟


والسوق القطري امامه دوافع جدا قويه لرتفاعات خياليه عن قريب ان شاء الله


وشكرا

قطري
19-02-2005, 01:04 PM
خلال فتره بسيطه اشترينا الكهرباء السعوديه ب 196 ريال وخلال شهرين سعرها الحالي 105
الصراحة انا مب من متابعي السوق السعودي
بس معقولة تنزل هالنزول الحاد تقريباً 100% نزول :eek:

ibrahem
19-02-2005, 07:22 PM
اخوي قطري مشكور على الرد


ولاتستغرب السوق السعودي صار مثل بورصة امريكا


مع الاسف يقودونه كبار الهوامير ولا عندهم اي رحمه لصغار ومع الاسف لاتوجد قوانين للحد من التلاعب


وهذا فقط سهم واحد الي ذكرته لك توجد اسهم كثير صار فيها نفس الشيئ مثلا عندنا شركة اللجين انا من 4 شهور اشتريت فيها ب 159 و 162 ريال شركه صناعيه وابشرك خسرانه الى اليوم مو محققه اي ربح كلها خساير في خساير واليوم اشوفها في الشاشه وصلت 88 ريال وش رايك في السعر؟؟ والحمد لله اني بايع من قبل وطلعت منهم

شركة اللجين هاذي لو انها في سوق الدوحه للأوراق الماليه اتوقع قيمتها 1 والا 2 ريال لانها شركه خسرانه فما بالك الصناعات القطريه او المتحده او غيرها من الشركات الصناعيه الي محققه ربح وموجوده بسوقكم وسعرها لايتعدى 100 او 200


بصراحه فرق كبير وراح تبين الرؤيه لما يسمح التداول انا عن نفسي لو دخلت السوق اول شهر 4 ولقيت الصناعات ب 200 بشتري ولا بخاف لانها لو عندنا وعلى سوقنا سعرها المفروض مايقل عن 500


تحياتي لكم جميعا