المساعد الشخصي الرقمي

مشاهدة النسخة كاملة : لو سمحتوا ابي مقاول يخاف الله


عابرة سبيل
30-01-2011, 10:02 AM
السلام عليكم ورحمة الله وبركاته
ابي ابني بيتي عن طريق بنك التنمية مليون وميتين
مساحة الارض 1500
البناء مع الملاحق ف حدود 900
ابي اخلص بسرعه لان القرض نزل لي ولله الحمد بس كل ما اكلم مقاول يقول عظم مليون وشي ليش مادري
ارجوا المصداقية الي يبي يبني بذمة وضمير الله يحيية واللي يبي يربح ربح خرافي ولا همه الا نفسة الله يعينه على حياته ومماته
ارجوا المساعدة والله يعين الجميع
مشكورين جميعاً
اخوكم ابو عبدالله
yesno
30-01-2011, 10:12 AM
انا الحين ابني عندشركة مساحة البنيان عندي 650 وحسب لي الملبغ مع البلستر والكهرباء 650الف وطلبت منه يستلم الماء والتمديدات طلع علي كامل 685الف
اسم الشركة وادي الخليج
واعطيك نصيحة اخو قبل لاتوقع مع اي شركة شوف بناينها في عدة مواقع من الاساس الى نهاية التشطيب
وللعلم الشركة ماتشطب تبني عظم فقط بس ممكن تساعدك في التشطيبات

على العموم اذا حاب تشوف شغلهم مر على بيتي في الخريطيات توني بادي في الاساس
سوق واقف
30-01-2011, 10:24 AM
وين مكان السكن لأنه بعض المقاولين ياخذون بس في نفس المنطقة
qatarlands
30-01-2011, 10:36 AM
اخوي مساخة بيتك 900 يعني البيت كبير
فيكلف صراحه
PGR
30-01-2011, 10:45 AM
اخوي مساخة بيتك 900 يعني البيت كبير
فيكلف صراحه

مثل ماقال اخوي ,, مساحة بيتك 900 وشوي بيكلفك فوق المليون وماعتقد بتحصل واحد يعطيك تحت المليون
عابرة سبيل
30-01-2011, 11:21 AM
مشكورين ويعطيكم العافية
الله كريم واللحين كلن قام يرفع في الاسعار لا حسيب ولا رقيب
انا بيتي صوب الوكره
بو الجوري
30-01-2011, 12:14 PM
أختي :..
مليون و 200 ألف مستحيل تبنيلج الـ 900 متر (تشطيب كامل) :..

المهم بطرشلج رقم المهندس والتفاصيل على الخاص :..
بويوسف
30-01-2011, 01:17 PM
اختي مساحة 900 متر مساحة كبيرة .. واقل مبلغ مناسب للعظم بلاستر مع بايبات الصرف والكهرباء مابتكون اقل من 900 الف ريال .. واذا كانت اقل فهناك علامة استفهام على مستوى الشغل !!

اما التشطيب فقد يكون تجاري جدا .. اذا ماطلبتي سعر رخيص ..

الحل الوحيد هو التقليل من مساحات البناء وستنخفض التكلفة ..
عضو نشيط
30-01-2011, 01:23 PM
المكان أختي في الوكره ويعتبر خارج الدوحه

والأهم المساحه 900م2 ؟؟؟؟ مساحه كبيرة جداً وممكن لو تبنين من دون الملاحق ينزل السعر أحسن


على العموم أنا بطرش لج على الخاص رقم مقاول وهو عنده الجواب الشافي



وبالتوفيق أختي
أبنية العرب
30-01-2011, 01:58 PM
بالتوفيق اخوي
وعلى فكره مثل ماقالوا الإخوان مساحة البنا عندك كبيره بتاكل عليك وبالذات تشطيب حاول تقلل مساحة البناء شوي تقدر توفر .
أما بخصوص مبلغ العظم فيمكن لأن عندك شغل كثير صارت قيمة العظم مليون
واحنا حاضرين لأي خدمة أو إستشارة
تحياتي
a7med0_0
31-01-2011, 12:59 AM
انا حاليا ابني في ام صلال محمد ووصال مرحله دفن القواعد
واتفقت مع المقاول بحدود 900 ريال للمتر وللحين ماشي اوكي
ولو تبي ادلك على الرجال بدلك عليه
بس اهم شي يكون عندك استشاري يتابع الشغل ويمر عليهم اول باول موب يطنش ويجي ياخذ فلوسه اخر الشهر
والله يوفقك وتحصل اللي تبي
عابرة سبيل
31-01-2011, 10:54 AM
يعطيككم العافية واللي فيه الخير الله يكتبة
عابرة سبيل
31-01-2011, 10:55 AM
انا حاليا ابني في ام صلال محمد ووصال مرحله دفن القواعد
واتفقت مع المقاول بحدود 900 ريال للمتر وللحين ماشي اوكي
ولو تبي ادلك على الرجال بدلك عليه
بس اهم شي يكون عندك استشاري يتابع الشغل ويمر عليهم اول باول موب يطنش ويجي ياخذ فلوسه اخر الشهر
والله يوفقك وتحصل اللي تبي

ممكن الرقم اخوي
والله يوفقنا جميع
بوشاهين2
31-01-2011, 11:06 AM
أخوي شييك ع الخاص ..
كبير المتداولين
31-01-2011, 11:42 AM
الله يكون في عونكم اهم شي اختي اختاري واحد يخاف ربه لانه هاليومين المقاولين الله يستر عليهم واهم شي تسوين عقد الي بينج وبينه ماتنسين فيه اي شي صغيره وكبيره ان شاء الله حتى لو ابره في كومه قش حطيها والاهم طريقه الشغل سوي شرط عليه شلون يشتغل وبشنهو يبتدي وهالسوالف لانهم عقب يدورون هالاشياء ويتخذونها حجه واذا حابه اطرش لج نسخه من عقد مقاوله حسب القوانين والمواصفات القطريه حاضرين . والله يوفقكم
المنسى
31-01-2011, 01:00 PM
أخوي بوعبدالله أنا الحين أبني عند مقاول باكستاني أذا تبي تشوف شغله أنا حاضر وبالتوفيق
حمد 2002
31-01-2011, 03:48 PM
ممكن رقم المقاول الباكستاني
qatar000
01-02-2011, 01:32 AM
اخوي شوف والله بقولك شي والله على ما اقول شهيد عمي بدا بنى في شهر 9 مع مقاول باكستاني ومسؤوله فلسطيني بس ومساحة بيته كبيره وما شاء الله في شهر 2 نهايته بسلمه الفله عظم مع بلاستر لكن والله بناه مسطره وشي مرتب من النهايه وماحد شاف البنى الا شكر فيه لانهم هذول العمال بنو ابراج بالدوحه والله مع كثر ما بناهم مرتب وشغلهم عدل قلت بحطلهم اعلان بالانترنت ما انهم ما يحتاجون اعلانات ماشاء الله عليهم وعندهم ذمه بالشغل واسعارهم حلوه ومب ذبحه واذا جربتهم بتدعيلي اذا تبي الر قم انا ماعندي مشاركات كافيه طرش ايميل او رقمك بخلي عمي يعطيه للمسؤول
BoFahed
02-02-2011, 03:14 PM
اخوي شوف والله بقولك شي والله على ما اقول شهيد عمي بدا بنى في شهر 9 مع مقاول باكستاني ومسؤوله فلسطيني بس ومساحة بيته كبيره وما شاء الله في شهر 2 نهايته بسلمه الفله عظم مع بلاستر لكن والله بناه مسطره وشي مرتب من النهايه وماحد شاف البنى الا شكر فيه لانهم هذول العمال بنو ابراج بالدوحه والله مع كثر ما بناهم مرتب وشغلهم عدل قلت بحطلهم اعلان بالانترنت ما انهم ما يحتاجون اعلانات ماشاء الله عليهم وعندهم ذمه بالشغل واسعارهم حلوه ومب ذبحه واذا جربتهم بتدعيلي اذا تبي الر قم انا ماعندي مشاركات كافيه طرش ايميل او رقمك بخلي عمي يعطيه للمسؤول



رقم المقاول ضروري على الخاص لاهنت اخوي
jetstream---
03-02-2011, 04:06 AM
www.al-faraj.net
سيف مهند
10-02-2011, 02:20 AM
في شركة مدينة النخيل اسعاره مقبوله وجيده
فنجان قهوة
12-02-2011, 05:20 PM
أخوي بوعبدالله أنا الحين أبني عند مقاول باكستاني أذا تبي تشوف شغله أنا حاضر وبالتوفيق





الله يرحم والديك بغيت رقم المقاول
أنا وحده ابغي ابني ووديت خرايطي عند كذا مقاول ،واحد قالي 900 الف بس عظم والثاني 800 الف ، ومساحة الأرض 560 م يعني صغيرة
ابغي واحد شاطر ويخاف الله .............
وياريت اللي عنده فكره يساعدني
الله يعطيكم الف عافية
أبنية العرب
13-02-2011, 12:45 PM
الله يرحم والديك بغيت رقم المقاول
أنا وحده ابغي ابني ووديت خرايطي عند كذا مقاول ،واحد قالي 900 الف بس عظم والثاني 800 الف ، ومساحة الأرض 560 م يعني صغيرة
ابغي واحد شاطر ويخاف الله .............
وياريت اللي عنده فكره يساعدني
الله يعطيكم الف عافية

اخوي فنجان قهوه

أولاً : الله يعينك على عوار الراس لكن هي فتره وبتعدي ان شاءالله وانت مرتاح.

ثانياً : تواصل مع المهندسين المبينين في موقع الشركة وتلفوناتهم وان شاءالله يفيدونك

بالتوفيق اخوي