المساعد الشخصي الرقمي

مشاهدة النسخة كاملة : معانات موظفات مختبرات البيئة


dmoo3
30-01-2011, 11:41 AM
بسم الله الرحمن الرحيم


نحن موظفات .. في المختبرات الخاصة بالبيئة ...

ضاقت فينا .. ولم نعرف نتوجة لمن ... فلا حياة لمن تنادي ...

لا مدير يستجيب .. ولا رئيس مختبرات .. ولا حتى وزير ....

مشكلتنا هي في عطل المكيفات من اربعه اشهر ، وبما أن نحن مختبرات .. ونتبع نظام .. يمنع فتح اي منفذ للتهوية ... حيث نعاني من الحر الشديد ... كما يوجد لدينا موظفات حوامل .. ومن يعاني من ضيق تنفس ..

قمنا بارسال .. كتب وخطابات .. للاداره .. ولكن لا يوجد اي رد منهم ... سوا بالاستهزاء بنا .. وان الجو صار بارد .. واخر رد .. كان بأن لا يوجد ميزاانيه ... لاصلاح الاعطال ...
واخر شي قالوا ما وصلنا كتب منكم ...


قررنا التوقف عن العمل .. وعدم .. الحضور .. طبعا عشان اللي بيخصمونه من رواتبنا يصلحون فية المكيفات ..

معقوله دوله مثل قطــر .. ما فيها مزانيه لاصلاح التكييف ....؟؟؟


يعني كفايه متحملين الاثاث المهتري .. والحشرات ... والغبار ..لاااا و بعد حر ..!!؟؟

اتمنى من هالمنتدى يكون صدى لصوتنا ... ويوصل ... لمن يهمه الامر ...



تحياتي
moonبنتnight
30-01-2011, 11:44 AM
الله يخلي لجنة حقوق الانسان 00
من أقل حقوق الموظف هو توفير مكان مناسب العمل 00
والله في عونكم 00
صمت 1
30-01-2011, 11:52 AM
الكتب ما تنفع توجهو لبرج العديد اوبرج المنصور وقابلو المسئولين هناك
بيانو
30-01-2011, 11:54 AM
الله يعينكم

وإن شاء الله رسالتكم توصل لأحد المسؤلين
الحبتور
30-01-2011, 01:17 PM
حال كل الادارات

مافي اذان صاغيه
هارودز
30-01-2011, 01:24 PM
الله يكون في عونكم هل المبنى هذا قديم
عضو نشيط
30-01-2011, 01:30 PM
المختبرات بوزارة البيئة


أعتقد في البرج


وبعدين إللي أعرفه إن وزارة البيئه مزانيتها ضعيفه ،،،

أذكر واحد من الربع يداوم في مكتب خارجي ويقول وزارتنا مفلسه ولا فيها فلوس وأهلكتنا.
كازانوفا
30-01-2011, 01:55 PM
يا ربي والله صعبه بالذات الحوامل
Locale
30-01-2011, 02:00 PM
الله يعينكم
مجنون الفتك
30-01-2011, 06:57 PM
بل وأنا أفكر اشتغل في معمل البيئة ..عيل كذا السالفة .

فلس -واغبار -وعمك أصمخ من المسؤولين .
ahad
30-01-2011, 07:03 PM
الله يعينج والله ,,,

شلون بتعطون وانتم مب مرتاحين

لو وحده منكم تكلم المسؤؤل وجها لوجه احسن من انكم تطرشون كتب
أوركيدهـْ ~
30-01-2011, 07:12 PM
يعني كفايه متحملين الاثاث المهتري .. والحشرات ... والغبار ..لاااا و بعد حر ..!!؟؟

عاد فيه ناس قدمو استقالتهم من مؤسسة حمد وانتقلو للبيئه يقولون وايد احسن ومرتاحين !!!
ضوى
30-01-2011, 07:18 PM
ميزانيتنا رايحة لتطوير الملاعب وشراء اللاعبين والاندية والرياضية هؤلاء هم المستقبل لدولة قطر
موضي قطر
30-01-2011, 07:33 PM
ميزانيتنا رايحة لتطوير الملاعب وشراء اللاعبين والاندية والرياضية هؤلاء هم المستقبل لدولة قطر


http://up.3ros.net/get-1-2011-54qq9sbz.gif (http://up.3ros.net)
لاجل QT
30-01-2011, 07:46 PM
الله يعينكم كلة ولا الحر فطسة
بوحارب
30-01-2011, 07:51 PM
اشدعوة من 4 شهور ولا تصلحت المكيفات

لو انه مكانكم اجيب لي كهربائي واخليه يشيك بدل هالمذله !!!
غلا2022
30-01-2011, 08:20 PM
وليش اهم اللي يتحملون المسؤلية ويجبون الكهربائي الوزارة تعطيهم رواتبهم علشان يصلحون في الوزارة ولا لهم لا وبعد الرواتب ضعيفة لو مكانهم اجي بس اضرب انا واللي معي عن العمل حزتها بيعرفون ان لله حق معقوله هالكلام في دولتنا ابو مشعل ماقصر والله لو يوصلونه هالعلوم مايسكت عن هالفوضى ,,
الكلدي
30-01-2011, 10:05 PM
الله يعينكم....

بس صحيح دوام الحريم من 8 ال 12
والشباب يداومون دوام كامل
ليش العنصريه
راعي المها
30-01-2011, 10:30 PM
مساء الخي الشيخة انصحج اتروحين قح سكرتير الوزير ناصر او ماجد سكرتارية الوزير وتشرحينلة الموضوع واخذي معاج نسخ من الكتب الي بعثتوة وانشاء الله بحلون الموضوع والله يعينكم على الحر
dmoo3
31-01-2011, 12:10 PM
مساء الخير

شكرا على كل الردود .. والتفاعل مع موضوعنا

واقول لكل من قال اوصلوا للرؤوساء .. والناس اللي فوق ...
احنا استخدمنا للحين كل الوسائل .. كتب .. اتصالات .. وزوج وحده منا .. وصل لي مكتب الوزير


ومثل ما قالوا .. بن عمك اصمخ ...

واللي يقول ادفعوا وصلحوا ...
ان شاء الله ما علينا قصور .. بندفع
بس اشوف الدوله ملزومه بهالشي ...

مو كفاية ... مأثثين المبني من حسابنا الخاص

لي متى ..؟؟


تبون ... ننشى وزاره خاصة فينا ونسلم رواتب لنفسنا بعد ..؟؟
Doha Sun
31-01-2011, 12:32 PM
الله يفرج كربتهم ..
حقوق الانسان اخر حل
ahmad3
31-01-2011, 12:41 PM
يعني كفايه متحملين الاثاث المهتري .. والحشرات ... والغبار ..لاااا و بعد حر ..!!؟؟


أعتقد أنك موظفة جديدة :omen2: لأنك ما ذكرتي الفيران اللي كانت تلعب في مكاتب موظفات المختبر قبل تقريباً 7 سنوات :tease: