رايكم في شركات السخانات

[r07]

السلام عليكم...
في حد جرب شركة المجموعه المركزيه للسخانات...لقيت عندهم سخانات مركزيه نفس اللي عند تدمر ماركة وايتفورد امريكي...سعرهم ارخص من تدمر وصيانة الفلتر السنويه بعد اقل من تدمر...اللي تعاملو معاهم يا ليت يفيدونا بتجربتهم...
ولقيت نفس السخان بس السستم مب كامل يعني(بس 2 سخان+فلتر بدون التشيلر) عند شركة محمد واخوانه اللي في نجمه سعره ارخص الجميع..بس انه يركب وبعدين يقول ما له شغل...ومافي ضمان 5 سنين مثل الشركتين اللي قبل..
بغيت اعرف رايكم في هالشركات..واذا عندكم اقتراحات ثانيه يا ليت تفيدوني
وبالنسبه للتانك كنت ابغي تانك مب مرتفع لاني باحطه فوق البنت هاوس وما ابغيه يبين ايش الشركات اللي ترشحونها لي...وشكرا

[a7med0_0]

انا ما انصحك تاخذ سخان مركزي وما يكون عليه ضمان
وانشاء الله الاعضاء بيفدونك باللي تبي تعرفه

[r07]

مشكور اخوي رايك في محله ...في انتظار المزيد من الآراء ....

[السد]

عليك اخوي بمحل البحرية

[r07]

عليك اخوي بمحل البحرية
عندك رقم الشركه؟ لأني خذته من كيوتل وعطوني رقم شركة مكيفات....

[السد]

عندك رقم الشركه؟ لأني خذته من كيوتل وعطوني رقم شركة مكيفات....

باحاول اخوي اجيب لك رقمهم
موقعهم بالضبط - الدوحة
شارع الهندسة - الطريق الدائري الثاني
بعد معرض سوق الخليج للسيارات
بجانب عمارة المالكي جنب معرض شبام للادوات الصحية
مقابل مدرسة حفصة الاعدادية للبنات المستقلة

[r07]

هذي مقارنه بين 3 شركات بغيت احطها لكم وان شاء الله تستفيدون..
تدمر السخانات برادفورد وايت امريكي والمضخات سبكو امريكي والفلتر امريكي
الضمان 5خمس سنين
سعر صيانة الفلتر كل سنه او سنه ونص 500 ريال
سعر السستم مع التركيب بس بدون التشلر
11000 ريال

شركة الطيب
السخانات ماركه امريكيه والمضخات داب ايطالي والفلتر نوعين ديجتال امريكي ومانيول بلجيكي
الضمان سنتين
سعر صيانة الفلتر كل سنه او سنه ونص 700 ريال
سعر السستم مع التركيب بس بدون التشلر
11400ريال
شركة Rheem Electrocity
السخانات Rheemامريكي والمضخات جراندفوس الفلتر ستايلون امريكي
الضمان 6سنوات
سعر صيانة الفلتر كل سنه او سنه ونص600 ريال
سعر السستم مع التركيب بس بدون التشلر

9800ريال

بالنسبه للتشلر استثنيته لأني قريت انه ما له داعي اذا كانت البيبات غير معرضه لأشعة الشمس واذا مصنوعه من ماده عازله...بيبات البيت ان شاء الله كلها بتكون بي بي ار ومغطاه عشان هالشكل ما راح احط تشلر...بس اذا ما انجحت الخطه ذيك الحزه يمكن احط تشلر...ترى هالسستم محتاج نقاط كهرباء قريبه احنا حطينا 6 نقاط...
اللي يبي يحط تشلر من البدايه يزيد على السعر اللي فوق من 2800 الى 3000 ريال

[r07]

بالنسبه للتانك
شركة المسند روتمولد قطر الصراحه مواصفاتهم ممتازه انتيباكتيريال وغيره ممكن تطلعون المواصفات من موقعهم..اسعارهم للتانك الدائري القصير ارتفاع 140 سم
600 جالون 900 ريال
800 جالون 1200ريال
1500جالون 2400ريال
الضمان 15سنه
شركة المفتاح بعد اسمع انها زينه بس مب حاطين مواصفاتهم على الموقع وبعدين هم يسوون تانكات فايبر جلاس مادري اذا هو نفس الروتمولد؟ما اعرف اسعارهم
شركة الندى دايما اشوف اعلاناتهم في الوسيط...
كلمتهم التانك روتمولد دائري ارتفاع 140سم انتيباكتيريال بعد ...ويوصلون للبيت
400جالون460 ريال
600جالون660 ريال
800جالون880ريال
1500جالون1650ريال
الضمان 12 سنه
سعرهم اقل ب 30% تقريبا من المسند مع انه روتمولد وانتيباكتيريال ...
ان شاء الله حد يستفيد من هالمعلومات وشكرا

[مالي ومال الناس]

كثر الله من امثالك على المعلومات المفيده