تركيب وعلاج الأسنــان .. الدوحـه وخارج الدوحـه !!؟

[(رمز المحبه)]

السلام عليكم ورحمة الله وبركاته

حبيــت استفسـر منكم يا جمـاعه فيما يتعلق بالاسنــان .. و علاجها .. والتركيب !؟

عندي الوالد كبيـر في السن .. ومعه السكر و الضغط و القلب

وانا مالي الا ابوي إذا مااهتم فيه من بيهتـم ؟؟

وآخر الايام اسنـانه أغلبها طاحت .. ما عاد بقى الا القليل .. حتى مقدمة الاسنان طاحت

وودي أوديـه لمكان تنصحوني فيه .. سواء في الدوحه أو خارجها .. ابي اركب له طقم كامل ثابت وشغل عدل .. ابيــه يمشي ويتبسـم لخلق الله :nice:

يا ليت يالربع اللي عنده خلفيـه عن هالاشياء يفيدني .. وهل يقدر يسوي أي شي في اسنانه سواء تركيب أو غيره .. واهو مريض سكري وضغط وقلب عاادي والا لها اعراض جانبيـه وتاثيرات ممكن تنعكس عليــه :weeping:


تكفووووووون يا جمـاعه أفيدووووني فالموضوع ابي الاماكن الممتازه واللي اسعاارها مناسبه

[almansoori]

مايشوف شر
وبالتوفيق ان شاء الله

[(رمز المحبه)]

الشر ما يجيك

[Rider]

اخوي رمز المحبة اذا كان يبغي يركب طقم أسنان وده شيراز ولا سوريا هنيه اذا عند العيادات الخاصة غالي لكن ممكن تاخذ موعد في مستشفى الرميلة وتقول لهم ابغي اركب طقم أسنان للوالد وطبعا بلاش

[(رمز المحبه)]

طيب انا راايح راايح تايلند على كل حال عسى الله لا يعوق بشر .. هل هناك تركيب وعيادات ممتازه واسعارها زينه .. واسوي هناك وافتك والا لا ؟

[كازانوفا]

خده بره الدوحه الاسعار مقدور عليهاااا
ربي يشفيه ويعافيه الوالد ان شالله

[wadha-qa]

انا شفت برنامج ع الام بي سي عجوز في بريطانيا ركبو لها طقم كامل وثابت شحلاته ما يبين انه طقم بدون زراعه ولا عوار راس

[dream~qa]

اذا عنده مشاكل صحية فنصيحة لا توديه الا مكان مضمون لأن أكيد بيحتاج لعمليات خلع ويمكن عمليات جراحية في اللثة . واضمن مكان في الدوحة هو رميلة أما العيادات الخاصة فاسعارها غالية جدا .

[qatar124]

رمز المحبة
انا اعرف ناس مركبين في سوريا
شيك الخاص

[(رمز المحبه)]

انا شفت برنامج ع الام بي سي عجوز في بريطانيا ركبو لها طقم كامل وثابت شحلاته ما يبين انه طقم بدون زراعه ولا عوار راس


يا زين ذا الشي .. بس وين القاه ؟؟

وش اسم هالنوعيه من التركيبات ؟

[(رمز المحبه)]

اذا عنده مشاكل صحية فنصيحة لا توديه الا مكان مضمون لأن أكيد بيحتاج لعمليات خلع ويمكن عمليات جراحية في اللثة . واضمن مكان في الدوحة هو رميلة أما العيادات الخاصة فاسعارها غالية جدا .



الرميله :weeping: انطر يا شسمه لين يجيك شسمه ؟:secret:

[المهاجر]

طيب انا راايح راايح تايلند على كل حال عسى الله لا يعوق بشر .. هل هناك تركيب وعيادات ممتازه واسعارها زينه .. واسوي هناك وافتك والا لا ؟

اخوي تايلند غاليه بالنسبه للأسنان كنت هناك وسألت لقيت الاسعار غاليه

شوف سوريا يقولون انها رخيصه وشغلهم ممتاز

وجزاك الله خير على اهتمامك ورعايتك للوالد والله يحفظه لكم

[ابـو مــحــــمـــــد]

طيب انا راايح راايح تايلند على كل حال عسى الله لا يعوق بشر .. هل هناك تركيب وعيادات ممتازه واسعارها زينه .. واسوي هناك وافتك والا لا ؟

مرحبا اخوي

في البدايه الله يجزيك خير في رعايتك لوالدك وهذا حق وواجب عليك

مدامك رايح تايلند توجد عياده ممتازه عندي واحد من الربع اشتغل في اسنانه
وكان شغلهم ممتاز ونظيف بكل امانه

موقعهم عند فندق قريص يبعد عن الفندق حوالي 50 متر تقريبآ
اسم العياده ستي دانتل وهذا رقم تلفونهم 022549459

ويمدحون بلاروسيا في طب الاسنان ممتازين

والله يوفقكم ان شالله

[dream~qa]

الرميله :weeping: انطر يا شسمه لين يجيك شسمه ؟:secret:

صح رميلة مشكلتهم المواعيد طويلة جدا لكن في شي أهم من المواعيد والاسعار وهو الحالة الصحية للمريض الوالد كبير في السن يعني حجم العظم عنده ما راح يساعده للزراعة فالحل الأنسب هو تركيب طقم كامل وراح يحتاج لخلع الاسنان الموجودة ويمكن يحتاج لجراحة وهو عنده ضغط وسكر وقلب فأنصحك باستشارة دكاترة رميلة على الاقل أو استشارة طبيب شاطر قبل السفر لأي مكان . غير كذا التركيبات راح تحتاج متابعة من الطبيب وأكيد بيكون صعب عليه السفر كل مرة .