افضل دكتور ميزوثرابي للشعر

[ميموري]

السلام عليكم ورحمة الله وبركاته

حبيت اسألكم عن افضل دكتور او دكتوره يسوي ميزثرابي للشعر

وياليت عن تجربه

لان شعري جدا تعبان

استمريت 3 كورسات في مركز قطر للشعر اللي في بن عمران ولا فيه نتيجه

استعملت ريقين وهم ماكو نتيجه

خذيت كورسات عنايه في صالونات وفي مركز بيوسفير) وهم نفس الشي

فكرت اسوي ميزوثرابي

سمعت عن حصه البوعينين وعن سناء اللي مع حسن عبدالله وعايده ومستشفى العمادي


بس ياليت تجاربكم

وياليت اللي تعرف حد ممتاز (وعن تجربه) تقولنا عنه

بانتظار مشاركاتكم

[وطن]

اختي ميموري
أنا سويت عند الما الرفاعي
الجلسة بـ 400

اول شهر كل اسبوع جلسة
بعدين 4 مرات كل اسبوعين

وبعدها كل شهر مره


وهو الصراحة شوي يعور
بس لازم تستخدمين معاه بخاخ للشعر و فيتامينات

النتيجة تاخذ وقت وما تبين بسرعه
حاله من حال كل علاجات الشعر

ولازم تستمرين لمدة سنة

بس لازم تعرفين
اذا عندج مشاكل بالهرمونات او غيرها ترى شعرج ماراح يستفيد
واذا البصيلات ميته ماراح يطلع شعر ولا تستفيدين

جربي وان شاء الله تطلع البصيلات زينه

لان انا جربت والحمدلله النتيجه اوكى
ومستمره الحين

[ميموري]

الله يجزاج الف خير حبيبتي

بالنسبه للهرمونات ولله الحمد مافيها مشكله

وبالنسبه لالما انا جربت عندها ليزر جسم والله احرقتني حراااااااق

تورمت ايديني وصارت مبقعه احمر مثل جلد النمر لمده اسبوعين

بس بالنسبه للميزوثرابي ماجربت

بجرب باذن الله ولك كل الشكر

[Doha Sun]

روحي مجمع الرفاع الطبي ( الهندي ) فيه دكتو اسمه جميل ( شاطر ، تبارك الرحمن عليه ) وان شاء الله تلقين علاجك عنده

[ميموري]

روحي مجمع الرفاع الطبي ( الهندي ) فيه دكتو اسمه جميل ( شاطر ، تبارك الرحمن عليه ) وان شاء الله تلقين علاجك عنده

وين هذا المجمع (الرفاع)

اول مره اسمع عنه

[Doha Sun]

وين هذا المجمع (الرفاع)

اول مره اسمع عنه


مقابل الهوم سنتر اللي عند جسر الجيدة ، وجنبه مجمع الهودج
ورقمهم : 44440499

[ميموري]

الف شكر اختي

[خالد القطري]

مجمع الدكتور حسن العبدالله

عندج الدكتوره منال وسناء

الجلسه ب 500

[ميموري]

يعطيك العافيه اخوي خالد

بالنسبه لحسن عبدالله الجلسه ب 700 ريال

بس انا وااايد عانيت من نصب حسن عبدالله

كان عندي التهاب بايدي واحرقني بالادويه

وكل اسبوع مراجعه وكل مراجعه دوى غير عن اللي قبله

لين احترق الالتهاب وصار مثل الحفره

الحين اعالجه بالليزر عند د سعاد لطفي في دبي واحسن ولله الحمد

من بعدها كرهته احسه (مصاص فلوس) بس

[bo_s3ood]

صدقتي ^^

[مملوحة الفال]

الشيخة العلاج انا وحده ماستفدت منه كلللللللللش مادري تحسين الموضوع القصد منه انج تدفعين فلوس وخلاص

[chillis]

الشيخة العلاج انا وحده ماستفدت منه كلللللللللش مادري تحسين الموضوع القصد منه انج تدفعين فلوس وخلاص

فهد االباكر بس مثل ماقالت احس العلاج ما منه فايده او انه فاديته مؤقته مجرد ما توقفين العلاج يرد شعرج نفس قبل :(

[][ iMedia ][]

صباح الخير . .
لو سمحتي اختي . ممكن سؤال
ايش يعني " ميزوثرابي " ؟
:)

[ميموري]

[ iMedia ][;6885523']صباح الخير . .
لو سمحتي اختي . ممكن سؤال
ايش يعني " ميزوثرابي " ؟
:)

الميزوثيرابي ( Mesotherapy ) هو تقنية طبية عبارة عن حقن صغيرة تحتوي على مواد و تراكيب مختلفة قد تكون مستخلصات نباتية اومكملات غذائية او فيتامينات او إنزيمات او احماض أمينية او مواد مغذية او مواد معدنية او أدوية تعطى تحت سطح الجلد (للتنحيف) او تعطى لفروة الراس (للمحافظه على جمال وكثافة الشعر)

بامكانج تشوفين هالفيديو وتعرفين شلون يستخدمونه للشعر

الموقع مايطلع

افتحي يوتيوب واكتبي
Mesotherapy for Hair Restoration

واختاري اول فيديو

[ميموري]

الشيخة العلاج انا وحده ماستفدت منه كلللللللللش مادري تحسين الموضوع القصد منه انج تدفعين فلوس وخلاص

هذي المشكله والله

[Miss]

شفت الفيديو:eek5:

شكله يعووووور :(

جربي الزيوت الطبيعيه ترى ما فيه أحسن منها

[ميموري]

شفت الفيديو:eek5:

شكله يعووووور :(

جربي الزيوت الطبيعيه ترى ما فيه أحسن منها

هو مايعوووور يعوووور

يعني بس يعور خفيف

هههههههه

بالنسبه للزيوت ماتنفع معاي

لان شعري دهني

[eXpert*]

جربي تستخدمين ماي صحة في غسل الشعر عوضاً عن ماي الحكومة

أتوقع المشكلة في الماي صراحة.

[ميموري]

جربي تستخدمين ماي صحة في غسل الشعر عوضاً عن ماي الحكومة

أتوقع المشكلة في الماي صراحة.

هاي سمعته في برنامج جويل

ووحده تركيه في صالون بالكويت قالت لي نفس الشي

الف شكر لج اختي

باذن الله جاري التجربه

[][ iMedia ][]

الميزوثيرابي ( mesotherapy ) هو تقنية طبية عبارة عن حقن صغيرة تحتوي على مواد و تراكيب مختلفة قد تكون مستخلصات نباتية اومكملات غذائية او فيتامينات او إنزيمات او احماض أمينية او مواد مغذية او مواد معدنية او أدوية تعطى تحت سطح الجلد (للتنحيف) او تعطى لفروة الراس (للمحافظه على جمال وكثافة الشعر)

بامكانج تشوفين هالفيديو وتعرفين شلون يستخدمونه للشعر

الموقع مايطلع

افتحي يوتيوب واكتبي
mesotherapy for hair restoration

واختاري اول فيديو

يسلمو ع التوضيح اختي ..
والله يكتبلك كل خير

( اخوك ) :)

[ميموري]

[ imedia ][;6886054']يسلمو ع التوضيح اختي ..
والله يكتبلك كل خير

( اخوك ) :)

على عيني وعلى راسي

واسمح لي الخطأ في النت وارد

[][ iMedia ][]

مسموحة اختي . .
ولو .. كل التحيه :)

[روح الاطلس]

مدري اختي بس الميزوثرابي ما اعتقد انه علاج ممتاز للشعر !!

مجرد خساير فلوس على الفاضي

اعرف وحده تعالجت وخسرت بحدود 7000 ريال وروحات وجيات على المركز وبالاخير النتيجة صفررررر نفس الشعر ماتغير !

انتي حددي المشكلة اللي تعانين منها

هل هي تساقط؟؟ اذا ايه
هل فيه قشرة مستمرة بالشعر ؟ لان القشرة احد الاسباب للتساقط

هل المشكلة بهتان او ضعف البصيلة وتكسر الشعره ؟

هل المشكلة خشونه او فراغات بالشعر

ولكل مشكلة علاج

اما تحطين بشكل عام شعري تعبان ( وحطيتي لنفسك علاج وهو الميزو ثرابي) اعتقد يحتاج تفكيرين بشكل اوضح قبل ماتدفعين فلوس وتتعبين على الروحه والجية وبالاخير محد بينفعج همهم فلوسج وبس

النصيحة

شوفي المشكلة الاساسية واسألي عن علاجها لان فيه تجارب وايد ناجحه لكل مشكلة
مش تقررين علاجها من نفسج

والله يساعدج