تركيب البورسلان الصيني [الأرشيف] - منتديات شبكة الأسهم القطرية

مشاهدة النسخة كاملة : تركيب البورسلان الصيني

ahmed jasim

31-01-2011, 10:03 PM

ركبت بورسلان صيني 60 فى 60 أرضيات داخل البيت وإستعملت الأسمنت للتثبيت
بعد فترة بدى البورسلان يفك
المقاول خذ عينة من البورسلان وفحصها
يقول إن هالبورسلان إذا تركب زيرو جوينت يتمدد بالحرارة وينقشع

إذا أحد مر بهالتجربة يقولى شنهو الحل

ahmed jasim

07-02-2011, 08:11 PM

الحمد لله إنكم ما مريتو بالهتجربة
بقيت أعرف الطريقة الصحيحة لتثبيت البورسلان
لأنى أعتقد إن المشكلة فى التركيب مو فى تمدد البورسلان كما يدعى المقاول

ننتظر أرائكم والله يبعد عنكم مشاكل المقاولين

شموخ دائم

07-02-2011, 10:14 PM

,

,

مرحبا

اخوي الكريم

ابيك تشوف البورسلان وهو مركب
ناحيه الحيط هل البورسلان راصينه بالحيط على طول او تاركين مسافه ؟؟
المفروض البورسلان والسيراميك ما نرصه مع الحوائط نترك مسافه كم سم
مع الحوائط الاربعه بالغرفه لازم في فاصل
في المكان الي تركب فيه النعلات لازم فاصل بينه وبينه البورسلان
هذا الفاصل يتركونه عشان التمدد الي ممكن يحصل

اتوقع هذي المشكله والله اعلم

بالتوفيق

,

,

اخوك

شموخ دائم

naklan

07-02-2011, 10:51 PM

اخوي ahmed jasim يعتمد على جنسيه العامل الي ركب

كل بلد له طريقه في التركيب واكيد الي ركب لك اسيوي وطريقته في التركيب

يلزق البلاط على اسمنت مفلفل ناشف او يركب بروبه اسمنت ابيض وهالطريقه تقدر

تشيل البلاط في اي وقت وهو سليم طريقه ضعيفه والطريقه القويه للتركيب هي

على الطريقه المصريه مونه ويركب البورسلان ويضرب عليه بالمطرقه الربر

الى ان يخرج الهواء وما يكون تحته اي هواء ويفضل التركيب الي

له 2 سنتي فراغ للقراوت يعطي قوه للتركيب وتكون ممسوكه

البلاطه من تحت ومن 4 جهات بالقراوت

الله يعينك على هالخبير :rolleyes2:

تحياتي للجمـــــــــــــــــــــــيع

اخوك/naklan

بوفهد 5555

08-02-2011, 08:05 AM

عادي تركب صفر لكن قول حق الي يركب يحط لك قطع اسمها سلتكس في اطراف الغرف خاصة حق التمدد هي ما تكلف شي لكن الي يركبون والمقاولين التجارين ما ينصحون حد علشان يوفرون كم ريال

ahmed jasim

08-02-2011, 04:11 PM

اخوي شموخ دائم
مشكور على الرد
الصراحة مو متأكد إذا فيه فراغ عن الطوفة
بس با أرجع لك بالخبر اليقين فى خلال هاليومين
ويزاك الله خير مقدما

ahmed jasim

08-02-2011, 04:11 PM

ahmed jasim

08-02-2011, 04:12 PM

اخوي بوفهد 5555
مستعد أشتري السلتكس وأركبه زيرو جوينت مو مشكلة
والله يسلمك على النصيحة

naklan

08-02-2011, 10:55 PM

اخوي naklan
تسلم على الرد
جنسيته إيراني أو بنغالي
وطريقته في التركيب مثل ماذكرت
يلزق البلاط على اسمنت مفلفل ناشف و يركبه على روبه اسمنت ابيض
ومثل ماقلت ألحين قاعد يشيله بدون ما ينكسر البورسلان
بالنسبة للطريقة المصرية هل ضروري أترك 2 سم فراغ لأن الشكل كريه يعنى مايصير زيرو جوينت

بس لاحظت اللى يركب رخام الدرج وهو بنغالي من شركة ثانية يستخدم طريقة الأسمنت المفلفل الناشف مع الروبة البيضة
هل تتوقع أن نفس المشكلة تصير مع الرخام

مرحبا اخوي ahmed jasim والله يسلمك يالغالي

عادي اخوي تركب زيرو جوينت بس تخلي فراغ 1 سانتي من جوانب الطوفه

تخليه فاضي للتمدد او تركب سلتكس على قوله اخوي بو فهد

اخوي بالنسبه للدرج طريقه التركيب صحيحه للالوان الفاتحه حتى

لا يغمق الون من شرب الاسمنت الاسود اما اذا كان لونه غامق فممكن يتركب

حتى بالمونه نفس طريقه تركيب السراميك او البورسلان والطريقتين يمشون

بس ليش الطريقه للاسمنت المفلفل واللزق بالاسمنت الابيض غير فعاله

مع البورسلان وناجحه مع الرخام والجرانيت لثقل وزن الرخام

تمشي معه هالطريق بشرط التغريق بروبه للاسمنت الابيض

واستخدام المطرقه الربر لسحب الهواء من تحت الرخام

ارجو ان يكون الشرح واضح واي خدمه يالغالي

تحياتي لك و للجمــــــــــــــــــــــــــــــــــــيع

اخوك/naklan

ahmed jasim

10-02-2011, 09:44 PM

شكرا أخوي naklan على الأضافة
طلع البورسلان راصينه للحيط ومو تاركين مسافه

المقاول إقترح إزالة البورسلان
وإستخدام مادة لاصقة من نابينا لتثبيت البورسلان مع ترك فراغ عن الحيطة

وائل على

05-03-2011, 09:45 AM

اخوي ترى المشكله الرئيسيه والوحيده هي طريقه تلزيق البورسلان بالطريقه غير المصريه ان كل بلاطه تأخذ كميه خاصه من المونه القويه مش فلفله الغرفه بالاسمنت ورصد البورسلان عليها لان الفلفله كلها هواء بالداخل . طريقه فاشه وهدر للوقت و المال .ولا تسمع لغير هالرأي اي رأي ثاني انسى .
ولو بغيت تركب عندي الي يريحكوووك تماما وتشوف بعينك الفرق .

همسـات

22-06-2011, 06:57 PM

ا والطريقه القويه للتركيب هي

على الطريقه المصريه مونه ويركب البورسلان ويضرب عليه بالمطرقه الربر

الى ان يخرج الهواء وما يكون تحته اي هواء ويفضل التركيب الي

/

السلام عليكم اخوي
ممكن تشرح لي هالطريقه
للأهميييييييية جزاك الله خير

كبير المتداولين

23-06-2011, 02:20 PM

كلمت احد المكاتب المختصين في صناعه البورسلان من مصانع البورسلان الصيني في الصين ينصحوني بتركيب البورسلان على طريقه اللصق للارضيات صبيه اسمنت 5 سم فوقها ماده اللصق وتكون نوعيه ايطاليه او اي نوعيه اخرى بس تكون قويه
وهاي صوره لاحد نوعيات الماده .
http://www.almuhands.org/forum/imgcache2010/1/98626almuhands.jpg

ahmed jasim

23-06-2011, 11:02 PM

أختى ماله علاقة الطريقة هندية والا مصرية
أهم شىء تشوفين شغل الفني وتجربين شغله فى حجرة وبعدين تتفقين معاه
أنا شلت كل البورسلان وأتفقت مع بنغالي ثاني وعمل مثل ماقال الأخ كبير المتداولين صبيه اسمنت 5 سم وتركها إسبوع يصب عليها ماي كل يوم وبعدين إستخدم ماده لاصقة (صدامكو) إماراتى ب 12 ريال للكيس تحصلينه فى نجمة بعد إشارة السينما وإستخدم حوالي كيس 5 كيلو لكل 2 متر مربع بورسلان وترك حوالي 1-2 ملم فواصل بين البورسلان .
المتر بدون مواد 28 ريال
وبا أرسل لك تلفون الفنى البنغالي على الخاص يمكن شوي غالي بس شغله نظيف وما يعور القلب

الجرناس

25-06-2011, 11:47 AM

إستخدم ماده لاصقة (صدامكو) إماراتى ب 12 ريال للكيس تحصلينه فى نجمة بعد إشارة السينما وإستخدم حوالي كيس 5 كيلو لكل 2 متر مربع بورسلان وترك حوالي 1-2 ملم فواصل بين البورسلان .
المتر بدون مواد 28 ريال
وبا أرسل لك تلفون الفنى البنغالي على الخاص يمكن شوي غالي بس شغله نظيف وما يعور القلب

لوسمحت أخوي تلفون البنغالي