ياستاذ حدد لنا الاشياء المهـمة في الكتاب .. (( ادرسو الـ 17 تقويم )) [الأرشيف]

مشاهدة النسخة كاملة : ياستاذ حدد لنا الاشياء المهـمة في الكتاب .. (( ادرسو الـ 17 تقويم ))

ألعب بعيد

01-02-2011, 12:07 AM

ياجماعة الخير بالله عليكم هذه ظلم !!

17 تقويم ندرسهم كاملين !! حشا والله لو مخ كمبيوتر اقسم بالله لايطرقع

اقول للمدرس ياستاذ حدد لنا الاشياء المهمة .. اللي بتجي في الامتحان ..

الاستاذ : ليش احدد لك !؟ شغال عندك ؟.. انت حال كتابك كامل ..

انا : ايه نعم ياستاذ

الاستاذ : خلاص ادرس انت 17 تقويم مثلك مثل غيرك صم صم صم ...

انا : انت من جدك ياأسـتاذ !

الاستاذ : لا امزح معك ! اكيد من جدي .. وازيدك 7 ايات والـ4 احاديث تحفظهم صم مثل اسمك

انا : ياستاذ خاف الله فينا حاول منا منا

الاستاذ : الامتحان من جيبي ! ! !

انا : بكل قهر ونرفزة .. اسحب الكرسي واجلس والاستاذ يطالعني مهب عاجبه حالي !

..

ياخي حتى الطلبة المصريين بيموتون قهر .. 17 تقويم وايات واحاديث !! متسعد احلف ال3 ثانوي اهون مننا !

حسبي الله على المجلس الاعمى للتعليم قصدي المجلس الاعلى للتعليم

اااه يالحكومية ااه ايام

..

محدثكم من صف 2 ثانوي

دعواتكم ياجماعة الخير بالتوفيق لي وللطلاب جميع

الدبلوماسيـه

01-02-2011, 01:17 AM

حتى ايام الحكومه كنا ندرس التقاويم كلها =) ليت الشباب يعود يوما ..والله برجع احفظ هالكتب

شد حيلك كلها كم يوم وتفتكون

بالتوفيق لكل أخوانا وخواتنا

Xx QATARI xX

01-02-2011, 03:08 AM

7 ايات و4 احاديث ،، وايد على ال 17 تقويم

عيل اذا دخلت الجامعه شبتسوي ؟؟

الله يوفقكم اخوي ،، شد حيلك

al-sadd

01-02-2011, 03:38 AM

على قوله عادل ايمام
" انتى لسى شفت حاقه ياااالا! "

يخوك حياك عندنا بامريكا وفالجامعه وامتحن امتحاناتنا
والله بتقول رجعوني ل 2 ثنوي !

ياخوك انا طالع من مدرسه مستقله والي هي مدرسه خليفه الثنويه !
ومتخرج العام ! الي نكبونا المجلس ورسبو العالم ولاكن لله الحمد شدينا شوي على حالنا وعدينا !

شفيها اذا قعدت كم يوم بالبيت تدرس !

بصمة قطرية

01-02-2011, 03:54 AM

ياجماعه اش فيكم كلتوا الولد ..!!
17 تقويم مب شي بسيط ..؟
لا تنسون كورسين مش منهج كامل ..
منهج فصل واحد المفروض ما يكون بهالحجم ..!!

الله يكون في عونك ويوفقك ويوفق كل الطلبة والطلاب ~

سكرمر

01-02-2011, 03:57 AM

الله يوفقك اخوي شد حيلك

وبعدين ليش جالس ع النت روح ادرس

رُفق المجنّا

01-02-2011, 05:30 AM

أمّا 17 تقويم !!!!!!!

المفروض يعيطكم ورقة الإمتحان كاملة .. وفوقها حبّة خشم بعد

:tease:

طموحي مبدع

01-02-2011, 06:11 AM

المفروض يحدد لكم

انا لما كنت بالمستقله كانو يحددون لي

الايات 2 بس عليهم اسئله

والاحاديث 2 واحد كتابه والثاني اسئله

والبحوث ثلاث دروس او اربع

al-sadd

01-02-2011, 06:15 AM

ياجماعه اش فيكم كلتوا الولد ..!!
17 تقويم مب شي بسيط ..؟
لا تنسون كورسين مش منهج كامل ..
منهج فصل واحد المفروض ما يكون بهالحجم ..!!

الله يكون في عونك ويوفقك ويوفق كل الطلبة والطلاب ~

اختي بصمة
لو الرجال كان يدرس كل تقويم بيومه كان والله خلص
او ع الاقل قبل الامتحانات باسبوعين وكل يوم "يقرى" تقويم
صدقيني بيكون سهل عليه :victory:

ولاكن بصراحه انا واحد من الي كلتها قبل :tease:
مادرست ولا تقويم وليله الامتحان سهااااااااااري وانا احفظ فيهم
اخر شي جبت شي وسبعين اييييش هازا كلام :anger1:

فيزيائية

01-02-2011, 06:32 AM

يعني تبيه يعطيك الاسئلة ....مثلا ؟؟

مشكلة بعض الطلاب انهم ينامون طول السنة وفجأة اسبوع الامتحان (اذا ماكان ليلته) يبغون يخزنون كل المعلومات الي خذوها طول السنة !!

في شي اسمه (الدراسة اول باول) ..

alrheeb2020

01-02-2011, 06:58 AM

اهنيه يبين الفرق بين الطالب المتفوق اللي يدرس درس بدرس

وبين اللي يخليها على اخر ليلة (يحاول) يحفظ كل الكتاب

الله يوفقك ويسر لك امرك ..

ام الحناين

01-02-2011, 07:04 AM

يا ولدي

لو تدرس اول بأول جان ما شفت ان هالامتحان واااااااااااايد اصلا ............. 17 تقويم شنو يعني ولا شي ................... شد حيلك وادرس عدل وخل البي بي بعيد عنك

الصريحه

01-02-2011, 07:30 AM

العلم نور
ومن قال لك ان العلم سهل تحقيقه ولاماكلن هناك فرق بين الجاهل والمتعلم
الله يوفقك ويوفق غيرك

ضوى

01-02-2011, 07:38 AM

يحليلك 17 تقويم وتشتكي؟؟؟

M O H A D

01-02-2011, 08:16 AM

عادي يالطيب !!
اخبر العام قالوا لنا احفظوا 19 تقويم تقريباً *
و اخر هالسنه الامتحان راح يكون من كتاب الفصل الاول و الثاني :)

بالتوفيق

بوراشد82

01-02-2011, 08:24 AM

أدرس..

ألعب بعيد

01-02-2011, 12:14 PM

هدو هدو شوي وتاكلوني !

انا انسان مواضب على دراستي .. ونسبتي تبيض الوجه .. بس فجأة يقول 17 تقويم !

واقسم بالله اليوم مختبرين الشرعية .. ماجانا الا اخر تقويمين !

وين الـ 17 تقويم !

تعبنا حالنا وكرفنا ونحفظ ونروح ونجي ونصور ونكلم واخرتها فشنق !!!

نور الحور

01-02-2011, 12:53 PM

هههههههههه
عيل ما لحقت علينا وهم ..((يشوونا)) شواي ههههه
والله انكرفنا صح ..
الله يعينك ..:)

alrheeb2020

01-02-2011, 02:31 PM

£عبدالعزيز£

01-02-2011, 06:09 PM

الله يوفقك ويوفق الجميع

واعتقد انك تسرعت في كتابة الموضوع

hamad1990

01-02-2011, 11:50 PM

والله ياخوي لو دارس التقويم اول باول كان احسن لك كان هال 17 تقويم سهالااات ..

انزين شرايك باللي يحفظ 30 تقويم ف اليووووم !!!!

ومن الكسل ماقتل على قوولتي ...

وحياتك اجمع الدراسه لين ليلة الامتحان كالعاده واجيلك افتح الكتاب الا 30 الا 40 تقويم ...

وامسكهم لمدة 10 الى 14 ساعه حفظ

والامور طيبه واحنا بخير

ثاني يوم ماتذكر الا 5 تقاويم .. والامور طيبه واحنا بخير ...

الله يعينك ياخوي وماقولك غير الله يسهلك اموورك و ( خيرا رايت ) خخخخخ

بنسل

02-02-2011, 12:35 AM

تقاويم وتشتكي ؟
احمد ربك ماقالك اسأله استنتاجية وأجوبتها مب حرفية بالكتاب
نفس الي صار مع طلاب الثانوية العامة المنهج الحكومي هالسنه
المجلس الأعلى عطاهم فلسفة بالكيلووو

وترى كنت احك الكتاب من الجلده للجلدة قبل الامتحان بيوم
فرق الي يبي يدرس والي مايبي

والله يوفقك

::محمد::

02-02-2011, 12:54 AM

وييييييييييييين يا رجال . . الواحد يحمد ربه .. دامها على التقاويم ..
أنا درست بمدرسة أحمد بن حنبل ( اللي جمب المول) .. وكنا آخر شي نلتفت له التقويم .. ﻷن الدرس نفسه كان فيه أسئلة الدكتور ينقلنا ياها ..
والله ما أبالغ لو قلت لك .. إن كل سطر بالدرس .. كان فيه سؤال إذا مو أكثر !
الدنيا بخير فديتك .. وكل امرك لله .. وذاكر زين ..
بالتوفيق ..

aaa1234

02-02-2011, 01:09 AM

الله يوفقكم نشالله

بنت قطر33

02-02-2011, 01:39 AM

حرام عليك مب واايد كلشي تبونه شوي وجاهز اتعب وادرس شوراك انت غير دراستك

مــــلاك

02-02-2011, 09:02 AM

17 تقويم بس ؟؟؟؟

عيل احنا كنا ندرس الكتاب على قولتهم من الجلده للجلده ...يعني من الغلاف
والله عمري ماعتمدت على حفظ التقويم ....<<< كنت اعتبره مراجعه للي درسته بس

والحين اشوف الطلاب يتدلعون وماعندهم وقت للدراسه ...يبون يتابعون التلفزيون
ويتكلمون بالتلفون ..الخ ويطلبون تحديد للشي المهم بس ....

الله يرحم ايام الامتحانات قبل ...كانت رعب والله وحزات مارقد الليل بسبتها

QtrGate

02-02-2011, 09:23 AM

مايصير تدرس بس 17 تقويم

لازم تدرس الكتاب كله

ثالث ثنوي بتدرس كل الكتاب وبتطلع الاسئله من بين السطور