المساعد الشخصي الرقمي

مشاهدة النسخة كاملة : أول مول للعائلات في قطر



دستور
01-02-2011, 06:34 AM
اليوم الساعة الرابعة مساءا" سيتم إفتاح أول مول للعائلات في قطر
وهو مول وذنان ويقع في معيذر الشمالي خلف نادي الفروسية

من الأشياء الحلوة اللي فية إن المطاعم والمقاهي كلها توفر الخصوصية لمرتاديها
يعني الجلسات عليها حواجز ( بارتشنات ) ومظلات وهذا يخدم العائلات

وبعد إدارة المول ملزمة أصحاب المحلات بإلزام موظفينهم باللبس المحتشم
والأمن عندهم تعليمات بمنع دخول أي حد لبسه غير محتشم

الشي المهم اللي عرفته إن صاحب المول جاته شركة كبيره تبغي تستأجر المول
وبسعر حلو لكن بتخلية مول تقليدي زي المولات العادية ولكن صاحب المول رفض
يأجره عليهم لأنه يبغي المول يكون عائلي يخدم العائلات القطرية والمقيمة

الله يبارك له ويعينه على مقصوده لأنه بصراحة خدمنا ووفر لنا مول ما تزاحمنا فيه
العمالة الوافده

لافوشيا
01-02-2011, 06:45 AM
اووووووووووووووووووووووه عاد المول لنا وبس يالحريم مابي اشوف عزابيه ولا شباب هناك اوكي ( ولا تماسيح :anger1: )
كلها خطوتين ونوصل و بنوفر حق البترول

:victory::victory::victory:

wadha-qa
01-02-2011, 06:46 AM
فكرة هالمول ممتازه اتمنى يسوون منه افرع في المناطق الثانيه لانه بعيد صراحه بس بيخدم اهل الريان بشكل كبير
انا اللي اعرفه انه للشيخ حمد
موقعه بالضبط بجانب القاعة الملكية بمعيذر

شبح الصمت
01-02-2011, 06:50 AM
الله يجزاه الخير راعيه

قناص الخليج
01-02-2011, 06:51 AM
ليش مايمنعون البنات الى مب متزوجات من دخول المول :victory:

الخير كله
01-02-2011, 06:56 AM
اللهم استر عوراتنا وامن روعاتنا...
يالله يستاهل الشكر وبيض الله وجهه
اهم شي ما في نيباليه

دلة الرسلان
01-02-2011, 07:02 AM
جزاه الله خير

اشلون ساعات الدوام عندهم ؟

كازانوفا
01-02-2011, 07:06 AM
خبر مفرح لما روحه ان شالله
ودعوه طيبه لصاحبه ان شالله

جزيتي خير على الخبر

رُفق المجنّا
01-02-2011, 07:10 AM
الله يرزق راعيه , وأقول له بيض الله وجهك

وحنا معى مثل هذه المشاريع , والله يمحق رزق من آثر المال ع الدين


شكراً ع الخبر المفرح

الأسيف
01-02-2011, 07:12 AM
الله يكثر من امثاله ويثبته على الخير

اللهم امين

Doha Sun
01-02-2011, 07:25 AM
خلنا نروح وناخذ فكرة

Nojoom
01-02-2011, 07:31 AM
ونعم في القائمين عليه والله انه خبر يثلج الصدر

احلا خبر سمعته على الاقل احس اني في دوله مسلمه وفيها عادات وتقاليد

ماجد78
01-02-2011, 07:33 AM
الله يبارك فيه ويكثر من أمثالة

khaldoon
01-02-2011, 07:39 AM
ليش مايمنعون البنات الى مب متزوجات من دخول المول :victory:

اضم صوتي لصوتك...:nice:

ناقد
01-02-2011, 07:41 AM
الشكر مقدم لمالك المجمع سعادة الشيخ / فهد بن حمد بن خليفه ال ثاني نجل سمو الأمير

وأحد الداعميين للدعوة الإسلامية في قطر وخارج قطر

بن جلبان
01-02-2011, 07:44 AM
انا اللي اعرفه انه للشيخ حمد


صراحه الله يجزاهمــ خير على هالمول اللي يخص العائلات .. والمول للشيخ/ فهد بن حمد بن خليفه ال ثاني .. نجل سمو الأمير .. والمعروف عنه صاحب دين وملتزم .. الله يوفقه ..

تركي الشهراني
01-02-2011, 07:45 AM
الشكر مقدم لمالك المجمع سعادة الشيخ / فهد بن حمد بن خليفه ال ثاني نجل سمو الأمير

وأحد الداعميين للدعوة الإسلامية في قطر وخارج قطر



الله يجزاه الجنه الشيخ فهد بن حمد

دااانة قطر
01-02-2011, 07:49 AM
انا اللي اعرفه انه للشيخ حمد


صراحه الله يجزاهمــ خير على هالمول اللي يخص العائلات .. والمول للشيخ/ فهد بن حمد بن خليفه ال ثاني .. نجل سمو الأمير .. والمعروف عنه صاحب دين وملتزم .. الله يوفقه ..



الله يجزيهم خير ويباارك فيهم

رُفق المجنّا
01-02-2011, 07:51 AM
الشكر مقدم لمالك المجمع سعادة الشيخ / فهد بن حمد بن خليفه ال ثاني نجل سمو الأمير

وأحد الداعميين للدعوة الإسلامية في قطر وخارج قطر


والله ونعم الرّجل , ديّن وخلوق ومتواضع لأبعد حد يمكن تصوّره ودائماً يتواجد في مساجد الدّعوة في مسجد سارة وله أيادي بيضاء

شهادة حق

ميموري
01-02-2011, 07:54 AM
ليش مايمنعون البنات الى مب متزوجات من دخول المول :victory:







اضم صوتي لصوتك...:nice:


اتحداكم ادشون :nice:

السهم الشمالي
01-02-2011, 07:55 AM
جزاه الله خير على نيته الطيبة والله يكثر من أمثاله .

طموحي عالي
01-02-2011, 07:57 AM
ماقصر الله يجزاه الف الف خير

واخيرا بنروح مجمعات ومافيها شباب

الواعد
01-02-2011, 07:59 AM
السلام عليكم
هل المقصود بمنع الرجال او العزاب
للكل ؟ او المقصود هم العمال فقط
يعني شاب او رجل مواطن مايقدر
يدخل هالمول الا ومعاه احد من اهله ؟؟؟؟
طيب اذا معاي بنتي الصغيرة مسموح ؟

مستجدة
01-02-2011, 08:00 AM
الله يوفق صاحب هالمول ويزيده من فضله ونعيمه
بصراحه خبر مفررررررررررررح
ربي يجزاه خير صاحب هالفكره الطيبه اللي تخدم العوايل المحافظه

ANONYMOUS
01-02-2011, 08:01 AM
وذنان

اشهر خيل للشيخ عبدالله بن جاسم بن محمد ال ثاني.. ابن المؤسس .. وثالث حاكم لـ قطر

آهـل شَـرق
01-02-2011, 08:13 AM
الله يوفق راعيه ويسدد خطاه

الخزرجي قطر
01-02-2011, 08:15 AM
السلام عليكم
هل المقصود بمنع الرجال او العزاب
للكل ؟ او المقصود هم العمال فقط
يعني شاب او رجل مواطن مايقدر
يدخل هالمول الا ومعاه احد من اهله ؟؟؟؟
طيب اذا معاي بنتي الصغيرة مسموح ؟

نفس الاستفسار هل المول نسائي فقط او عائلي؟؟؟؟؟؟؟؟؟؟؟

دستور
01-02-2011, 08:23 AM
نفس الاستفسار هل المول نسائي فقط او عائلي؟؟؟؟؟؟؟؟؟؟؟

اللي اعرفه إنه مول عائلي

يعني المتسوق يكون معه حد من هله .

اللي بيجي معه أطفال فقط مادري بيسمح له بالدخول ولا لا

اعتقد لا

عضو قديم
01-02-2011, 08:25 AM
اخاف مول بس.......يعني صدقني
كلها الا مجمع تجاري للمواد الغذائية نفس الهايبرماركت

بن جلبان
01-02-2011, 08:27 AM
نظام المول عائلي موب نســائي .. يعني يسمح بدخول الرجــال برفقة عوايلهم .. أما مسألة الشباب يدخلون بدون عائلة فهذي مرفوضة ..

ضي البدر
01-02-2011, 08:27 AM
واخيراً مول عائلي للعائلات المحافظة.. الله يجزاهم كل الخير القائمين على هالمشروع الطيب والله يوفقهم ويسدد خطاهم ..

ومشكوريين على هالخبر الرائع ولنا زيارة قريبة ان شاءالله..

الفتى
01-02-2011, 08:30 AM
صراحه الله يجزاهمــ خير على هالمول اللي يخص العائلات .. والمول للشيخ/ فهد بن حمد بن خليفه ال ثاني .. نجل سمو الأمير .. والمعروف عنه صاحب دين وملتزم .. الله يوفقه ..

:nice::nice::nice:

بو الجوري
01-02-2011, 08:32 AM
إن شاء الله يكون مول عائلي بمعنى الكلمه :..
مب مثل اللاند والستي :.. خصصو أيام وأوقات للعائلات :..
وشفنا بلشتيه هناك :.. والسكيوريتي لا يهش ولا ينش :..

الله يوفق راعي المول :.. و يكون فعلا عائلي :..

basma222
01-02-2011, 08:34 AM
كتب - عبد اللاه محمد:

الأحد 23-01-2011م

شيفة علي: يوفر خصوصية للمجتمع ويجذب شرائح جديدة من المستهلكين ويحتوي على 25 نشاطاً
مسكر هايبر ماركت على مساحة "7200" متر مربع.."104" محلات و"700" موقف
استغرق بناؤه 3 سنوات ومجهز بأحدث المواصفات الهندسية مع المحافظة على الطابع التراثي
15 مطعماً و16 مصعداً و6 مداخل وماركات عالمية وشركات كبرى ومصلَّى كبير للنساء والرجال
" زرابي»، يقدم تشكيلة هائلة من الهدايا و كافة مستلزمات البيت والعائلة ومساحته "6100" متر مربع

أعلنت إدارة"وذنان مول"، أول مول عائلي في دولة قطر، عن افتتاح المول في الأول من فبراير المقبل في الرابعة مساء، حيث كشفت انه تم استكمال كافة الأعمال والتجهيزات تمهيدا لافتتاحه خلال احتفالية كبرى تقام بهذه المناسبة، حيث التزمت الجهة المطورة لهذا لمشروع المتميز والفريد من نوعه في دولة قطر، الذي استغرق بناؤه "3" سنوات، بتنفيذه وفقاً لأحدث المواصفات الهندسية والفنية الحديثة، مع الحفاظ على الطابع التراثي والحضري للمنطقة.

وقال السيد شيفه علي، نائب مدير عام "وذنان مول":"تبلغ مساحة "وذنان مول" الواقع بمنطقة معيذرالشمالي التابعة لإقليم الريان الغربي خلف نادي السباق والفروسية مايقارب الـ"41" ألف متر مربع، ويتكون من ثلاثة طوابق، ويتميز باستخدام أفضل الأنظمة الحديثة، ويضم نحو ‏‏"104" محلات بمساحات مختلفة، هايبر ماركت، ومصلى كبير للرجال والنساء، علاوة على عدد"15" مطعما، لمختلف الأذواق، اضافة الى "6" مداخل منها" 3" رئيسية و"3" ‏للخدمات و"16"مصعدا و"6"سلالم كهربائية اضافة إلى مصعدين زجاجيين ويستخدم ‏نظام "اسكاي لايت "وهو نظام الاضاءة الطبيعية للاسقف، والذي يتم تطبيقه بشكل كامل لأول ‏مرة في قطر كما انه يتميز بالممرات الواسعة الفسيحة.‏

رحابة التصميم
كما يمتاز «وذنان مول» بالأريحية والرحابة في التصميم، وتوزيع الأنشطة بما يتناسب وطبيعة المكان، وتحقيق معادلة التسوق والترفيه العائلي المميزين، ويشمل عدداً من المجالات المختارة بعناية فائقة من ماركات عالمية وشركات كبرى، يتميز بتعدد أنشطته وبه ما يقارب الـ" 25" نشاطا بدءًا من الهايبر ماركت اضافة ‏الى الالبسة، المجوهرات، الهدايا، الساعات، النظارات، العطور، الأدوات الرياضية، اضافة الى منطقة المطاعم ‏والمقاهي والترفيه، الأمر الذي سيرسي معايير جديدة على مستوى مراكز التسوق والمرافق الترفيهية ذات الجودة العالمية في دولة قطر ومنطقة الخليج، ويوفر لزواره فرصة قضاء أوقات رائعة والاستمتاع بمجموعة من الوسائل المتعددة التي يتمتع بها المركز.

‏ كما يحتوي المول على"700"موقف للسيارات، تحت وفوق الأرض، لراحة رواد المول، علاوة على توفير "9" صرافات آلية، وفرع لمصرف الريان.‏
واضاف نائب المدير العام ان من ابرز الأسماء التي سيحتويها المول: «مسكر هايبر ماركت» وهو اول فرع لسلسلة هايبر ماركت، ويقع في الدور الأرضي، ويقدم أسعارا منافسة في السوق المحلي، سيتم التوسع فيها بدولة قطر خلال الفترة المقبلة، يلبي كل احتياجات الأسرة الغذائية والاستهلاكية، ويقدم احدث الأساليب في طرق العرض ويحتل مساحة "7200" متر مربع ويوجد به"18" كاونتر على أحدث الطرز، علاوة على«زرابي»، في الدور الأول، يقدم تشكيلة هائلة من الهدايا و كافة مستلزمات البيت والعائلة بكافة اعمارها ويحتل مساحة "6100" متر مربع، كذلك «كوفي تري» وهو كوفي شوب عائلي يمنح الخصوصية الكاملة لكافة رواده، مجوهرات فرساي، الجزيرة للعطور، جود شيب، الجابر للساعات، ناتاشا للألبسة النسائية، الدار اوبتك، الجابر للنظارات، كواترو للأزياء، سيدتي الجميلة، سواني للأزياء، زهور الريف، بسكادو بيتزا، مطعم الشبكة، مطعم hnm، مطعم شرنبي.

احتياجات المنطقة
وقال شيفه انه تم اختيار معيذر الشمالية لتشييد هذا المشروع العملاق لاحتياج المنطقة ‏لمثل هذه الخدمات، وتماشياً مع الاقبال المتزايد وارتفاع القوة ‏الشرائية بالسوق القطري في مجال البيع بالتجزئة، كما سيخدم المول المناطق المجاورة بصورة مباشرة، وسيساهم في تنمية المنطقة وتطويرها تجاريا وعمرانيا، فهو من ناحية التصميم الوظيفي تم تشكيله إنشائيا ومعماريا ليتلاءم مع محيطه المحافظ حيث تم اعتماد سهولة الحركة للوصول الى المحلات التجارية وتخصيص مسطحات واسعة كافية بالأدوار: الأرضي والأول والعلوي لتلبية جميع المتطلبات الاستهلاكية للأسر والأفراد ذوي الاحتياجات الخاصة، والاستراحات العائلية وتوفير جميع الخدمات التي يمكن ان يحتاجها المتسوقون، اما من الناحية التشكيلية فقد اعتمد تصميم الحداثة المتقدمة مع الحفاظ على الهيكل التراثي التاريخي المستوحى من البيئة الاجتماعية القطرية القديمة، وليتمتع الجميع بتجربة تسوق فريدة وجديدة من نوعها في قطر، والتي ستتميز بالخصوصية في كل ارجاء المول، ويعكس هذا الانجاز التزام مطوري المشروع باعتماد أفضل مقاييس الجودة بما يعزز مكانته كوجهة عالية المستوى.

جدير بالذكر انه تم اختيار اسم "وذنان" للمول الجديد.. حيث كان" وذنان" من أهم خيول الشيخ عبد الله بن ‏جاسم بن محمد آل ثاني، الحاكم الثالث للبلاد وكان يميزه بالرعاية كونه حصانه ‏الخاص، ووذنان هو اسم مستوحى من الحصان صاحب الاذنين الظاهرتين ومن ‏سلالته تكون مربط الوذن للخيول القطرية العربية الأصيلة.

وأكد ان«وذنان مول» سيكون من الوجهات المهمة للعائلة القطرية وسيكون متنفسا جديداً لها، للاستمتاع بالتسوق وقضاء أوقات ممتعة، مما سيساعد على دخول شرائح جديدة من المجتمع القطري لم تكن تتمكن من التسوق من قبل في المجمعات التجارية بحرية، بجانب انه يوفر الوقت والجهد في التحرك نحوه وبدء رحلة التسوق، وسوف نسعى بكل طاقاتنا لقضاء رغبات واحتياجات العملاء المستهدفين لمتسوقي المول بتوفير خدمات متكاملة ستضع هذا المركز في الأولوية لدى المتسوقين.

ولفت الى ان طبيعة المول "العائلي" هي في مصلحة العوائل المحافظة، ولا يوجد اي تعارض مع حرية الآخرين، مؤكدا ان النمط الذي تم تطوير المول على اساسه وهو ان يكون عائليا فقط، سينعكس إيجابًا على المبيعات ويساهم في دخول شرائح اجتماعية جديدة إلى الأسواق كانت تمتنع عن التسوق نتيجة ما يصادفها من مشاكل في بعض الأوقات، او مشاهد لايقبلونها، مما لا يتنافى مع حرية المتسوق، وتنعش حركة المبيعات في أجواء تناسب الجميع، والتي يجب أن يتبعها الجميع احتراما لثقافة الدولة ودينها وعاداتها.

واختتم علي كلامه قائلا:"نتوقع ان يتوافد على المول الكثير من الأسر والعائلات المحافظة، بعد أن كانت تتحفظ على التسوق المباشر، في حين سيكون هناك أفراد من الأمن، حيث يتمتع المول بوجود تأمين لكافة أنحائه لراحة العائلات، وخدمة العملاء لتوجيه المخالفين وتوفير خدمات إرشادية للزائرين بطريقة عصرية، حيث لن يسمح للعزاب بدخول المول، تحت اي ظرف من الظروف".

قهوجي
01-02-2011, 08:38 AM
اضم صوتي لصوتك...:nice:



البنات المحترمات اللي مو متزوجين حيروحوه
اما المو محترمات ماحيروحوه لانه محيلقون الغلط اصلا فتلاقونهم في اماكن ثانيه

mbaj
01-02-2011, 08:54 AM
اسال الله عزوجل ان يبارك في رزقه وصحةواهل والذرية صاحب المشروع وااسال الله ان يملئ قلبه فرحا وسرورا كما افرحنا بهذا المشروع وقول له من سن في الاسلام سنة حسنة فله اجره واجر من عمل به الي يوم القيامةواتمني من صاحب كل مشروع ان يوجد البديل الذي يناسب المجتمع وعاداته والتقاليد الاصيلة الموافقةلشرع

ANONYMOUS
01-02-2011, 08:54 AM
http://www.wathnanmall.com/


هذا السايت .. فيه الخريطه

بس يبي له اهتمام و ابديت

صليب الراي
01-02-2011, 09:04 AM
مع احترامي للفكرة

الا انني اشوفها فكرة فاشلة وماراح تنجح الا اذا كانت على غرار شارع ال شافي مغطى وسط مول . يمكن

او سوق الديرة مسكر

لكن مول وراقي ما ظنتي

الله يوفق راعيه أياً كان

لكن الفكرة
اسف ماراح يمشي

Rider
01-02-2011, 09:07 AM
شي اكثر من رائع على الاقل اهلك اذا يبغون يتسوقون ياخذون راحتهم من غير خوف من المتطفلين

خوي الدرب
01-02-2011, 09:09 AM
في مدينة الدمام في السعودية

يقول لي أحد الأخوة السعوديين

أن هنالك مول نسائي أي كل الموظفين والطاقم نساء ويمنع دخول الرجال

ليه أصحاب المال لدينا ما يحاولون يعملون في الدوحة مثل ذلك المول ؟

NET MASTAR
01-02-2011, 09:14 AM
ليش مايمنعون البنات الى مب متزوجات من دخول المول :victory:

والله انا معاك في الراي يمنعون الشباب الغير متزوجين ___) لازم يمنعون البنات الغير متزوجات من الدخول مافي تفرقه الشباب يسوون مشاكل هم بعد البنات يسون مشاكل كل يغني على ليلاه:victory:

الـقـاسـي
01-02-2011, 09:18 AM
اذا كان صاحب المول الشيخ فهد بن حمد اتوقع انه راح يكون مثل مانبي لانه بارك الله فيه يخاف الله وملتزم بتعاليم الدين ..

اتمنى يكون مول عائلي بما تعنيه الكلمة على الاقل الواحد يلقى مكان محترم يودي اهله فيه ..

الطائر الحائر
01-02-2011, 10:01 AM
الحمد لله ... شي طيب ... الله يوفقه ويبارك له

الهاجري 2
01-02-2011, 10:16 AM
اخوي المول في معيذر الجنوبي مب الشمالي
وبالضبط خلف الفروسيه وجنب القاعه الملكيه

bentalgala
01-02-2011, 10:20 AM
وذنان

اشهر خيل للشيخ عبدالله بن جاسم بن محمد ال ثاني.. ابن المؤسس .. وثالث حاكم لـ قطر

شكرا على المعلومه الرائعه
لاني فعلا كنت ابحث عن معنى الاسم

اما بالنسبه للمول
فاخيرا تحقق حلمي وباروح مول
=>

ام علي1981
01-02-2011, 10:29 AM
كالعادة مافي شي يعجبكم
كله تتحلطمون:anger1::anger1::anger1:
على المولات على سوق واقف
على كتارا

Google
01-02-2011, 10:32 AM
أتمنى يكون المول فعلا للشيخ : فهد بن حمد ال ثاني , فأنه رجل مشهود له بالصلاح واسأل الله العظيم أن يمد في عمره وان يرزقه بر أبنائه وأن يمتعه بلباس الصحة والعافية وأن يصب عليه من الخير ويمتعه بماله ويهنيه في حياته أمين يارب . أن سميع الدعاء

koketa
01-02-2011, 10:33 AM
الله يوفق راعيه ويسدد خطاه

بلوتنيوم
01-02-2011, 10:35 AM
خطوة جميلة
ورائعة وتعطي خصوصية للعائلات

وعلى نفس المستوى
بتقرب الاب من عياله
والاخ من اخوانه الصغار

كله في سبيل الدخول :)

دستور
01-02-2011, 10:52 AM
خطوة جميلة
ورائعة وتعطي خصوصية للعائلات

وعلى نفس المستوى
بتقرب الاب من عياله
والاخ من اخوانه الصغار

كله في سبيل الدخول :)

:nice::nice::nice::nice:

الواعد
01-02-2011, 10:54 AM
هذي صور للمول

http://www.wathnanmall.com/gallery/pix/w(3).jpg

http://www.wathnanmall.com/gallery/pix/w(17).jpg

http://www.wathnanmall.com/gallery/pix/w(48).jpg

latty
01-02-2011, 10:59 AM
الله كريم ونشوف مثله كثير

STAR
01-02-2011, 10:59 AM
شكرا عالصور..‏ أنا عبالي سوبرماركت

بو خليفه 123
01-02-2011, 11:04 AM
فيه ستار بكس ؟

هل بأمكاني الدخول انا و خليفه فقط ؟

ماهي المحلات المتوفره في هذا المجمع ؟ بصراحه بعيد نوعاً ما عن بيتي ..

بلوتنيوم
01-02-2011, 11:26 AM
فيه ستار بكس ؟

هل بأمكاني الدخول انا و خليفه فقط ؟

ماهي المحلات المتوفره في هذا المجمع ؟ بصراحه بعيد نوعاً ما عن بيتي ..

ممكن اودي خليفة يوم الخميس :tease:

الـقـاسـي
01-02-2011, 11:28 AM
فيه ستار بكس ؟

هل بأمكاني الدخول انا و خليفه فقط ؟

ماهي المحلات المتوفره في هذا المجمع ؟ بصراحه بعيد نوعاً ما عن بيتي ..

اكيد بيحطون في كوفيات ولازم ستاربكس ,, بعدين شعندك انت وخليفه بس هاا يقولون مول عائلي يعني لازم العائله كلها هههههههه

becauzah
01-02-2011, 11:34 AM
الشي المهم اللي عرفته إن صاحب المول جاته شركة كبيره تبغي تستأجر المول
وبسعر حلو لكن بتخلية مول تقليدي زي المولات العادية ولكن صاحب المول رفض
يأجره عليهم لأنه يبغي المول يكون عائلي يخدم العائلات القطرية والمقيمة



اذا كان صاحب المول يقرب لك قول ، لا تسوي له دعاية كأنك انت ما تعرفه و سمعت هالكلام من واحد ، مب عيب انك تسوي له دعاية ، لكن لا تسوي نفسك مالك علاقة في مالك المول
و الشي الثاني ، اذا كان راعي المول رفض العرض لله ، ليش ما كتم هالأمر و خلاه بينه و بين ربه ليش راح يتكلم في المجالس ، كل هذا عشان يقولون ما شاء الله على فلان تصدقون رفض عرض وقدره عشان يخلي موله للعائلات ، للأسف الرياء يأكل من عمله وهو لا يدري

الألماسي
01-02-2011, 11:40 AM
يا ساتر في " سوس " جديد ع المنتدى قاعد ينخر بكل موضوع . .

عموماً

المول كـ فكره " رائعه " و مريحه للعـوائل و الهرب من زحمه المجمعات الأخرى . .

دستور
01-02-2011, 11:58 AM
اذا كان صاحب المول يقرب لك قول ، لا تسوي له دعاية كأنك انت ما تعرفه و سمعت هالكلام من واحد ، مب عيب انك تسوي له دعاية ، لكن لا تسوي نفسك مالك علاقة في مالك المول
و الشي الثاني ، اذا كان راعي المول رفض العرض لله ، ليش ما كتم هالأمر و خلاه بينه و بين ربه ليش راح يتكلم في المجالس ، كل هذا عشان يقولون ما شاء الله على فلان تصدقون رفض عرض وقدره عشان يخلي موله للعائلات ، للأسف الرياء يأكل من عمله وهو لا يدري

مع احترامي لك

انا ماقلت سمعت من واحد انا قلت (( اللي عرفته ))

والشي الثاني صاحب المول ماراح يتكلم في المجالس مثل مذكرت انت

والشي الثالث كل الأعضاء شكروه على فكرته ودعوا له والباقي إنت

تحياتي لك

بصمة قطرية
01-02-2011, 12:01 PM
الله يجزاه خير راعي هالمول ..
وأخيراً سيتم الافتتاح ..
كل ما امر عليه اقول متى يفتحونه ..
يالله الحمد لله ..

chillis
01-02-2011, 12:02 PM
والله شي حلوووو بنحاول نزوره

حقيقه
01-02-2011, 12:04 PM
عاد
ان شاءالله البياعين اللي فيه مايكونون سوريين ولبنانيين لانه فيه البعض منهم الصراحه قليلن ادب

مقطع حق
01-02-2011, 12:09 PM
اليوم الساعة الرابعة مساءا" سيتم إفتاح أول مول للعائلات في قطر
وهو مول وذنان ويقع في معيذر الشمالي خلف نادي الفروسية

من الأشياء الحلوة اللي فية إن المطاعم والمقاهي كلها توفر الخصوصية لمرتاديها
يعني الجلسات عليها حواجز ( بارتشنات ) ومظلات وهذا يخدم العائلات

وبعد إدارة المول ملزمة أصحاب المحلات بإلزام موظفينهم باللبس المحتشم
والأمن عندهم تعليمات بمنع دخول أي حد لبسه غير محتشم

الشي المهم اللي عرفته إن صاحب المول جاته شركة كبيره تبغي تستأجر المول
وبسعر حلو لكن بتخلية مول تقليدي زي المولات العادية ولكن صاحب المول رفض
يأجره عليهم لأنه يبغي المول يكون عائلي يخدم العائلات القطرية والمقيمة

الله يبارك له ويعينه على مقصوده لأنه بصراحة خدمنا ووفر لنا مول ما تزاحمنا فيه
العمالة الوافده




معناته بتكون أسعار بضائع محلاته التجاريه إنشاء ألله مناسبه إذا كان سعر أجار المحلات أقل من المولات الأخرى

ألله يجزاه كل خير ويجعلها في ميزان حسناته

خزامئ
01-02-2011, 12:16 PM
الله يجزاه خير
ويبارك له في رزقه

واثق بالله
01-02-2011, 12:19 PM
الله يجزاه خير ويكثر من امثاله

ويثبته على طريق الصلاح والهدايه

وانشاء الله يفتح مولات جديده في

مناطق اخرى ومولات خاصه بالنساء

والاطفال فقط لاغير

مونديال
01-02-2011, 12:22 PM
الله يجزاه خير

وهم قطر
01-02-2011, 12:23 PM
الله يرزقه الرزق الحلال ويوفقه في دنياه

نورالهدى
01-02-2011, 12:30 PM
اذا كان صاحب المول الشيخ فهد بن حمد اتوقع انه راح يكون مثل مانبي لانه بارك الله فيه يخاف الله وملتزم بتعاليم الدين ..

اتمنى يكون مول عائلي بما تعنيه الكلمة على الاقل الواحد يلقى مكان محترم يودي اهله فيه ..


نعم هو للشيخ فهد بن حمد حفظه الله

نورالهدى
01-02-2011, 12:33 PM
عاد
ان شاءالله البياعين اللي فيه مايكونون سوريين ولبنانيين لانه فيه البعض منهم الصراحه قليلن ادب


بس ممكن لا تستعجل وتحكم

اللي أنا متأكده إن اللي بيكونون ملتزمين
وكل دوله فيها الزين وفيها الشين
أيا كانت الجنسيه

نورالهدى
01-02-2011, 12:36 PM
اذا كان صاحب المول يقرب لك قول ، لا تسوي له دعاية كأنك انت ما تعرفه و سمعت هالكلام من واحد ، مب عيب انك تسوي له دعاية ، لكن لا تسوي نفسك مالك علاقة في مالك المول
و الشي الثاني ، اذا كان راعي المول رفض العرض لله ، ليش ما كتم هالأمر و خلاه بينه و بين ربه ليش راح يتكلم في المجالس ، كل هذا عشان يقولون ما شاء الله على فلان تصدقون رفض عرض وقدره عشان يخلي موله للعائلات ، للأسف الرياء يأكل من عمله وهو لا يدري


إتق الله في ردودك
وصاحب المول أكبر من جذيه بكثير

رمــش الغلا
01-02-2011, 12:37 PM
الله يجزيه خير ويوفقه ويحفظه

qatari 111
01-02-2011, 01:06 PM
الله يجزاه كل خير ويرزقه ويبارك له بحلاله وعياله
واتمنى يسون لنا مول للرجال والاطفال علشان ناخذ راحتنا

شهد محمد
01-02-2011, 01:19 PM
ليش مايمنعون البنات الى مب متزوجات من دخول المول :victory:



ههههههههههههههه
فكرة لمشروع جديد

ANONYMOUS
01-02-2011, 01:20 PM
فيه ستار بكس ؟

هل بأمكاني الدخول انا و خليفه فقط ؟

ماهي المحلات المتوفره في هذا المجمع ؟ بصراحه بعيد نوعاً ما عن بيتي ..



اخوي شف لنا الكاليندر تبع خليفه

شوف متى اقرب وقت يفضى..

يبيلنا زياره مع خليفه

:p

المـهـفـة والـســفـرة
01-02-2011, 01:33 PM
قال تعالى: قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون، وقل للمؤمنات يغضضن من أبصارهن ويحفظن فروجهن... [النور:30-31].

ياأهل قطر ياعزوتي ويااخواني وأخواتي المسلمين أوصيكم ونفسي بتقوى الله وذكره ذكراً كثيرا.

قال عليه الصلاة والسلام : ما تركت بعدي ( فتنة ) أضرّ على الرجال من النساء . متفق عليه .
قال عليه الصلاة والسلام : أحب البلاد إلى الله مساجدها ، وأبغض البلاد إلى الله أسواقها . رواه مسلم .

في حديث أبي ذر عن النبي صلى الله عليه وسلم أنه قال : يُصبح على كل سلامى من أحدكم صدقة ؛
فكل تسبيحة صدقة ، وكل تحميدة صدقة ، وكل تهليلة صدقة ، وكل تكبيرة صدقة ، وأمر بالمعروف صدقة ، ونهي عن المنكر صدقة ، ويجزئ من ذلك ركعتان يركعهما من الضحى .
رواه مسلم .

نعوذ بالله من أحوال أُناسٍ لا يجدون الراحة والمتعة إلا في مواضع الفتنة . فيُسمّونها : مُتعة التّسوّق !

فالشاهد من كلامي فقط :

أن نذكر الله في غفلتنا وهو سبحانه
من أعطانا الصحة والقدرة لنمشي ونتسوق
عسى الله يغفر لي ولكم ويثبتنا على الطاعات .

أخوكم طالب أول ثانوي.:nice:

رجل الجزيرة
01-02-2011, 01:37 PM
واضاف نائب المدير العام ان من ابرز الأسماء التي سيحتويها المول: «مسكر هايبر ماركت» وهو اول فرع لسلسلة هايبر ماركت، ويقع في الدور الأرضي، ويقدم أسعارا منافسة في السوق المحلي، سيتم التوسع فيها بدولة قطر خلال الفترة المقبلة، يلبي كل احتياجات الأسرة الغذائية والاستهلاكية، ويقدم احدث الأساليب في طرق العرض ويحتل مساحة "7200" متر مربع ويوجد به"18" كاونتر على أحدث الطرز، علاوة على«زرابي»، في الدور الأول، يقدم تشكيلة هائلة من الهدايا و كافة مستلزمات البيت والعائلة بكافة اعمارها ويحتل مساحة "6100" متر مربع، كذلك «كوفي تري» وهو كوفي شوب عائلي يمنح الخصوصية الكاملة لكافة رواده، مجوهرات فرساي، الجزيرة للعطور، جود شيب، الجابر للساعات، ناتاشا للألبسة النسائية، الدار اوبتك، الجابر للنظارات، كواترو للأزياء، سيدتي الجميلة، سواني للأزياء، زهور الريف، بسكادو بيتزا، مطعم الشبكة، مطعم hnm، مطعم شرنبي.

لي تحته خط عاجبني، وأسأل الله العلي القدير أن يبارك فيه وفيه ذريته ويثبته على الدين، اللهم آمين يا رب العالمين.

الصريحه
01-02-2011, 03:09 PM
جزاه الله كل خير
ان شاء الله بروح له

جرح الزمان
01-02-2011, 03:16 PM
مبرووووووووووك للعوائل المحافظه هذا المول العائلي

الله يبارك لراعيه ويوسع رزقه

بـــــــنت النوخـّــــذه
01-02-2011, 03:28 PM
اووووووووووووووووووووووه عاد المول لنا وبس يالحريم مابي اشوف عزابيه ولا شباب هناك اوكي ( ولا تماسيح :anger1: )
كلها خطوتين ونوصل و بنوفر حق البترول

:victory::victory::victory:

ألي فهمته انه للعائلات يعني ممكن دخول الرجل مع اسرته 00

عموما الله يعطيهم العافيه واهم شي تكون المحلات بمستوى المجمعات الاخرى وكذلك المطاعم ووسائل الترفيه للاطفال

مادري عندي احساس بعد افتتاحه بينزل موضوع في المنتدى كمناقشه وبيقولون الي يروحون المجمعات الثانيه مهب محترمات والي يروحون هالمجمع العائلي محترمات اهههه
000:)


000

الأصيلة
01-02-2011, 03:36 PM
المشكلة بشوف عيني شفت شباب يشوف أي مجموعة بنات يدخلون اللاندمارك
يوم العائلات ويدخلون معاهم على أنهم أهلهم...
المفروض تكون هناك رقابة داخل المول
مش على البوابات فقط
حتى يتأكدون إن هذا الشاب داخل مع أهله وإلا مزوغ...
الله يبارك في الشيخ فهد ويجزيه خير الجزاء
وماشاءالله المحلات تبشربالخير
يعني جودة عالية وراقية...

العقل الحر
01-02-2011, 04:15 PM
واذا انا ابي اشتري من محل زهور الريف في هذا المجمع وانا اعزب ؟

ويش اسوي !

Locale
01-02-2011, 04:16 PM
الله يكثر من امثاله

الأصيلة
01-02-2011, 04:17 PM
واذا انا ابي اشتري من محل زهور الريف في هذا المجمع وانا اعزب ؟

ويش اسوي !

تقدر تروح مع أي أحد من أهلك ..

العقل الحر
01-02-2011, 04:19 PM
تقدر تروح مع أي أحد من أهلك ..

ماعندي حد

الخير كله
01-02-2011, 04:22 PM
واذا انا ابي اشتري من محل زهور الريف في هذا المجمع وانا اعزب ؟

ويش اسوي !

سو لي تيلفون وبروح معاك
او تسلف خدامه ولبسها نقاب:tease:

العقل الحر
01-02-2011, 04:24 PM
سو لي تيلفون وبروح معاك
او تسلف خدامه ولبسها نقاب:tease:

بدون مزح .... رجاءا :anger1:

ولا بطرش لج ام السعف

Miss
01-02-2011, 04:39 PM
الله ىوفق صاحبه أياً كان

مريومة
01-02-2011, 05:22 PM
واذا انا ابي اشتري من محل زهور الريف في هذا المجمع وانا اعزب ؟

ويش اسوي !

تزوج وروح :)

المجمع العائلي يدعم ويشجع الزواج المبكر

خليدان
01-02-2011, 05:29 PM
السلام عليكم ورحمة وبركاته

شحالكم يــآآ عـــرب .. ؟

طبعـاً الكل عرف عن المول الجديد اللي فتح اليوم الساعه 4 في معيذر ..

وذنان مول .. :victory: وبيض الله وجه من يرعى هالمكان ..

ما شاء الله بدآيه موفقه .. وماشاء الله تبارك الرحمن العوايل والحريم الله مكثرهم من أول يوم :eek5::tease:

ومن مميزات المول إن مافيه سينما .. ويعتبر عائلي

لكن ما يمنع من دخول الشباب للتبضع ..

.. نصيحه : للعوايل والحريم ..
أنصحهم يروحون المول هذا وحتى ولو كان بعيد عليهم .. المهم إنهم ياخذون رآحتهم .. وماشاء الله المحلات كلها موجوده ..

لافوشيا
01-02-2011, 05:32 PM
ماشالله تبارك الرحمن

خليدان
01-02-2011, 05:40 PM
اخاف مول بس.......يعني صدقني
كلها الا مجمع تجاري للمواد الغذائية نفس الهايبرماركت

المجمع كبير ياخوي .. ومب مثل ما تقول هايبر ماركت .. وتتوفر فيه أغلب المحال المعروفه

خليدان
01-02-2011, 05:43 PM
صآحب المول

الشيخ فهد بن حمد آل ثاني .. الله يطول بعمره ..

ومعاه واحد من عيال النابت

واثنين هنود واحد من دبي والثاني صاحب فملي فود سنتر ..

خليدان
01-02-2011, 05:49 PM
اليوم المول مفتوح للجميع كبدايه ..

ومن بكره .. ما يسمح إلا بدخول العائلات والحريم

.. وللي سأل لو بدخل مع بنتي الصغيره بيدخلوني ..؟

.. أقوله اي نعم رآح يدخلونك ..

ومسموح للشباب بالدخول في حال أنهم قاصدين
.. مصرف الريان ..
"حياكم"

ولد الخال
01-02-2011, 06:03 PM
المشكلة بشوف عيني شفت شباب يشوف أي مجموعة بنات يدخلون اللاندمارك
يوم العائلات ويدخلون معاهم على أنهم أهلهم...
المفروض تكون هناك رقابة داخل المول
مش على البوابات فقط
حتى يتأكدون إن هذا الشاب داخل مع أهله وإلا مزوغ...
الله يبارك في الشيخ فهد ويجزيه خير الجزاء
وماشاءالله المحلات تبشربالخير
يعني جودة عالية وراقية...

:nice::nice::nice:

ولد الخال
01-02-2011, 06:04 PM
تسلف خدامه ولبسها نقاب:tease:

:omg::omg::omg:

أخت الكل
01-02-2011, 06:20 PM
الله يبارك لصاحب هـ المول ويجازيه كل الخير

Rayane
01-02-2011, 07:07 PM
ادعو له بالتوفيق والنجاح يا جماعة الخير تكفوووووووووووووون.....


اهم شئ اللبس اللي مب محتشم......

بكره ان شاء الله اودي اهلي هناك...

اهم شئ ما يجون اخواننا ال,,, كل واحد مع زوجته تقول في غرفة نوم مب مول.....

qatar000
01-02-2011, 07:18 PM
بالتوفيق

العنود55
01-02-2011, 08:09 PM
خبر مفرح ربي يباركلهم فيه وبيض الله وجيهم .

خزامئ
01-02-2011, 08:18 PM
الله يعطينا خيره ويكفينا شره

00soma00
01-02-2011, 08:25 PM
الله يكثر من امثاله ويثبته على الخير

die 4 qtr
01-02-2011, 08:26 PM
المول حلو واحلى مافية طريقة جلسات المطاعم مسكر عائلي يعني عادي الوحده تاخذ راحتها بالاكل

اما المحلات عاادية يعني موجود بس كم محل واسعار المحلات بالمول معقوله

العقل الحر
01-02-2011, 08:40 PM
تزوج وروح :)

المجمع العائلي يدعم ويشجع الزواج المبكر



الزواج يبيله مصاريف والتكلفه عاليه جدا والبنات كله طلابه


:anger1::tease::anger1:

الدانـه
01-02-2011, 08:40 PM
واذا انا ابي اشتري من محل زهور الريف في هذا المجمع وانا اعزب ؟

ويش اسوي !


خلاص وصني على اي شئ تبيه وانا بييبه لك
ولا تزعل :nice:

miss.qa
01-02-2011, 08:42 PM
شي اكثر من رائع على الاقل اهلك اذا يبغون يتسوقون ياخذون راحتهم من غير خوف من المتطفلين

يمكن في متطفل جاي مع اخته شالحل ؟؟؟؟:shy:

شنب
01-02-2011, 08:50 PM
موقع المجمع
www.wathnanmall.com

و هني معرض الصور
http://www.wathnanmall.com/gallery

العقل الحر
01-02-2011, 08:57 PM
خلاص وصني على اي شئ تبيه وانا بييبه لك
ولا تزعل :nice:


انا عم بحكي كطري ولا شوووو

ماحدا فاهني ! :rolleyes2:

إينشتاين
01-02-2011, 08:59 PM
كنت اتمنى يكون المول نسائي بالكامل يعني ممنوع دخول الرجال....
حتى العاملين في المحلات والمطاعم وموظفات الأمن يكونون حريم....

عيون Qatar
01-02-2011, 09:04 PM
الله يجزاهم خير يوفقهم

المخفي
01-02-2011, 09:06 PM
ماعندي حد

دام ما عندك حد اجل ليش تشتري من زهور الريف

غزلان
01-02-2011, 09:14 PM
الله يوفقه على نيته

ومبروك افتتاح المول

لنا زياره باقرب فرصه

العقل الحر
01-02-2011, 09:20 PM
دام ما عندك حد اجل ليش تشتري من زهور الريف



حرام الواحد يتعطر

والله جميل يحب الجمال

وافضل زهور الريف علشان ماتعطينا خيارات ثانيه !

الرويـس
01-02-2011, 09:41 PM
نبي نعرف انطباعات اللي زاروا المول

روح الاطلس
01-02-2011, 09:43 PM
واااااو اخيرا زهور الريف بيفتح في قطر

هذا احلا شي في المول

الأصيلة
01-02-2011, 09:55 PM
كالعادة مافي شي يعجبكم
كله تتحلطمون:anger1::anger1::anger1:
على المولات على سوق واقف
على كتارا

هذا الإنسان مفطور على الإستعجال وعدم الرضا بما يعطى...
والتحلطم صفة سائدة في البعض...لإبداء الرأي المخالف...

الأصيلة
01-02-2011, 09:58 PM
كنت اتمنى يكون المول نسائي بالكامل يعني ممنوع دخول الرجال....
حتى العاملين في المحلات والمطاعم وموظفات الأمن يكونون حريم....

ماينفع أبدا...
أنا شفت سوق المملكة في الرياض الدور الثالث نساء فقط
فيه العجائب والغرائب ( البنات ماخذين راحتهم جدا في الملابس...)
المسترجلات قايمين بدور الشباب على أكمل وجه
فلم أشعر بأني بين نساء أبدا من المناظر التي رأيتها...
أنا أشوف عائلات أفضل...

دايموند
01-02-2011, 10:07 PM
فيه ستار بكس ؟

هل بأمكاني الدخول انا و خليفه فقط ؟

ماهي المحلات المتوفره في هذا المجمع ؟ بصراحه بعيد نوعاً ما عن بيتي ..

اخوي اسمح لي امبين من ردك ان هدفك مب شريف..
يعني حضرتك تقولها تبي تدخل المول انت وولدك بس وليش المدام مب معاك؟!‏

وفوق هاي تسأل عن كوفي شوب..ان دل فيدل انك ماتبي تتسوق وانما تبي تخز في بنات خلق الله..‏!!‏

لا تقول اني ظلمتك في ظني فيك..لانك لو صج تبي كوفي شوب تقدر تروح المولات الثانية مب
موول اغلب رواااده بيكون بنات..‏!!‏



اتمنى من ادارة المول ان تدقق في هذه النقطة..
وهو عدم السماح لدخول الرجال حتى لو كان مصطحب معاه طفل..

اللي يبي يتسوق يجيب مرته والا يشوف له مول ثاني..
واحنا اصلا اشدرانه اللي داش وجايب معاه طفل يطلع طفله؟! يمكن ولد اخوه او ولد اخته صح؟!‏

اتمنى ادارة المول تنتبه لهنقطة..


قال استاربوكس قال...‏!!‏

العقل الحر
01-02-2011, 10:21 PM
اخوي اسمح لي امبين من ردك ان هدفك مب شريف..
يعني حضرتك تقولها تبي تدخل المول انت وولدك بس وليش المدام مب معاك؟!‏

وفوق هاي تسأل عن كوفي شوب..ان دل فيدل انك ماتبي تتسوق وانما تبي تخز في بنات خلق الله..‏!!‏

لا تقول اني ظلمتك في ظني فيك..لانك لو صج تبي كوفي شوب تقدر تروح المولات الثانية مب
موول اغلب رواااده بيكون بنات..‏!!‏



اتمنى من ادارة المول ان تدقق في هذه النقطة..
وهو عدم السماح لدخول الرجال حتى لو كان مصطحب معاه طفل..

اللي يبي يتسوق يجيب مرته والا يشوف له مول ثاني..
واحنا اصلا اشدرانه اللي داش وجايب معاه طفل يطلع طفله؟! يمكن ولد اخوه او ولد اخته صح؟!‏

اتمنى ادارة المول تنتبه لهنقطة..


قال استاربوكس قال...‏!!‏


صفي النيه ياختاه وانى بعض الظن اثم

ولا تظلمين بوخليفه

شمعة الدوحه
01-02-2011, 10:23 PM
ليش مايمنعون البنات الى مب متزوجات من دخول المول :victory:

ليش يعني :eek5:

العقل الحر
01-02-2011, 10:24 PM
واااااو اخيرا زهور الريف بيفتح في قطر

هذا احلا شي في المول



ياحيكم ودي اقول واااااو بس ماقدر :weeping:

خاطر اشتري من زهور الريف :(

خلاص بدخل مع خليفه :)

La Bella
01-02-2011, 10:25 PM
الحمدالله رب العالمين المجمع فتح اليوم
وأنا خذت لي بمحل بهذا المجمع وراح يفتح خلال هذا الأسبوع أن شاالله بالدور الثاني
والله يوفق الشيخ فهد أن شاالله

بدون
01-02-2011, 10:25 PM
الله يوفق صاحب المول دنيا و أخرة

شمعة الدوحه
01-02-2011, 10:26 PM
ياحيكم ودي اقول واااااو بس ماقدر :weeping:

خاطر اشتري من زهور الريف :(

خلاص بدخل مع خليفه :)


ههههههههههههههههههه

مسكين خليفه :tease:

دايموند
01-02-2011, 10:32 PM
صفي النيه ياختاه وانى بعض الظن اثم

ولا تظلمين بوخليفه

استريح اخوي...

حاولت كثر ماقدر اقلب في حجيه وماتوصلت لهدف نبيل...

اذا هو صج يبي يودي ولده خل يوديه جنغل زون..وعن العيارة..
ويوقلها بالفم المليان انا وولدي فقط..‏!!‏

مادري اشفيها لو قال مرتي بعد..‏!!‏
واتحداه اذا كانت مرته معاه يفكر يقعد في ستار بوكس..‏!!‏



والله اتمنى من كل قلبي ان ادارة المول
تنتبه لهنقطة وماتسمح اي واحد يدخل مع طفل بدون الزوجة او الاخت..
لان للاسف في بعضهم اهدافهم سيئة للغاية..

العقل الحر
01-02-2011, 10:35 PM
استريح اخوي...حاولت كثر ماقدر اقلب في حجيه وماتوصلت لهدف نبيل...

اذا هو صج يبي يودي ولده خل يوديه جنغل زون..وعن العيارة..
ويوقلها بالفم المليان انا وولدي فقط..‏!!‏

مادري اشفيها لو قال مرتي بعد..‏!!‏
واتحداه اذا كانت مرته معاه يفكر يقعد في ستار بوكس..‏!!‏



والله اتمنى من كل قلبي ان ادارة المول
تنتبه لهنقطة وماتسمح اي واحد يدخل مع طفل بدون الزوجة او الاخت..
لان للاسف في بعضهم اهدافهم سيئة للغاية..




ماشاء الله على الادب

الحمدلله مستريحين وعلى السرير اكتب واشارك في المنتدى

يعني مافي امل تصفين النيه !

دايموند
01-02-2011, 10:37 PM
هههههههه لا..اسمح لي على جملة (استريح اخوي‏)‏
مع انه ماشوف فيها قلة ادب...السمووحة...

العقل الحر
01-02-2011, 10:43 PM
هههههههه لا..اسمح لي على جملة (استريح اخوي‏)‏
مع انه ماشوف فيها قلة ادب...السمووحة...


ولو مسموح :nice:

وحصل سوء فهم

وانا اسف على ما بدر مني

ذيب ولد ذيب
01-02-2011, 11:30 PM
جزاهم الله خير , والله فكره رائعه جداً جداً , وان شاء الله يكون في مجمع غيره وتكون كل الماركات فيه عشان ماننجبر نروح للمجمعات الآخرى ,,

aaa1234
01-02-2011, 11:51 PM
جـــــــــــــزاه الله خــــــــــــــير

باسكن روبنز
02-02-2011, 12:40 AM
والنعــم والله بالشيــخ آبن الشيــخ فهــد بن حمــد ،:)

كاتم المواجع
02-02-2011, 01:24 AM
بيض الله وجه الشيخ فهد بن حمد

سكرمر
02-02-2011, 01:25 AM
جزاه الله خير

صوت الضمير
02-02-2011, 03:38 AM
مريت من جنبه اليوم اشوف السكورتي عند بوابة الباركن مايخلون الا العائلات يدخلون

هذا اللي نحتاجه من زمان

والله يطول عمره صاحب الفكره

أبداع

الريـــاني 1
02-02-2011, 04:42 AM
فكرة جميلة وبارك الله في مالك المول

الحياة الخالدة
02-02-2011, 04:47 AM
جزاهم الله خير .. و بيض الله وجيههم ..

الله يقدرهم على فعل الخير .. و يثيبهم و يثبتهم عليه ..

و يكفيهم شر محبي الفساد ..

الصريحه
02-02-2011, 07:04 AM
رحت له امس
اكثر من رائع على ان الكثير من المحلات لم يفتح
المكان مناسب جدا للعائلات
والمطاعم بارتشينات مسكره بالكامل تاخذون راحتكم
المكان فعلا جميل

قناص الخليج
02-02-2011, 07:07 AM
ليش يعني :eek5:

عشان المساواه :victory:

MAZEN37
02-02-2011, 07:08 AM
الله يجزاه الخير راعيه
هذه الاشخاص تقول عنها وطنيين ويحبون بلادهم
وهمهم الاخره مب الدنيا والفلوس

بو الجوري
02-02-2011, 07:13 AM
يا ريت اللي زاره يقول إنطباعه :..

وشنهي المطاعم اللي موجوده :.. ؟

bo_s3ood
02-02-2011, 07:31 AM
بيض الله وجه جميع القائمين عليه

زين لقينا مكاان نخلي الاهل يتمشووون على راحتهم بدون محد يلااحقهم

وبدون مانروح معاهم *_^

بو خليفه 123
02-02-2011, 07:33 AM
اخوي اسمح لي امبين من ردك ان هدفك مب شريف..
يعني حضرتك تقولها تبي تدخل المول انت وولدك بس وليش المدام مب معاك؟!‏

وفوق هاي تسأل عن كوفي شوب..ان دل فيدل انك ماتبي تتسوق وانما تبي تخز في بنات خلق الله..‏!!‏

لا تقول اني ظلمتك في ظني فيك..لانك لو صج تبي كوفي شوب تقدر تروح المولات الثانية مب
موول اغلب رواااده بيكون بنات..‏!!‏



اتمنى من ادارة المول ان تدقق في هذه النقطة..
وهو عدم السماح لدخول الرجال حتى لو كان مصطحب معاه طفل..

اللي يبي يتسوق يجيب مرته والا يشوف له مول ثاني..
واحنا اصلا اشدرانه اللي داش وجايب معاه طفل يطلع طفله؟! يمكن ولد اخوه او ولد اخته صح؟!‏

اتمنى ادارة المول تنتبه لهنقطة..


قال استاربوكس قال...‏!!‏

اسعد الله صباحك أختي الكريمه ..

اشكرك على حرصك على اخوانك القطريين و اهتمامك و متابعتك على عدم خروجهم عن مسار الادب والاخلاق حسب ماذكرت بمشاركتك بالظن و سوف اعتبر مشاركتك اطراء و نصيحه سديده "من وجهة نظري" و ليست شيء آخر ..


قال الله تعالى : يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ


:nice:

دايموند
02-02-2011, 07:43 AM
اسعد الله صباحك أختي الكريمه ..

اشكرك على حرصك على اخوانك القطريين و اهتمامك و متابعتك على عدم خروجهم عن مسار الادب والاخلاق حسب ماذكرت بمشاركتك بالظن و سوف اعتبر مشاركتك اطراء و نصيحه سديده "من وجهة نظري" و ليست شيء آخر ..


قال الله تعالى : يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ


:nice:

معليه اخوي ادري اني افحمتك وماعندك رد ترد علي...:shy:
بس ارجووك لا تحسسني اني اسأت الظن فيك وانت ادرى ان
كلامي صحيح...:secret: عالعموم اسعد الله صباحك ويهديك ان شاء الله ... ونشوفك فالمجمع مع ام خليفة وخليفة ...:)

chillis
02-02-2011, 07:55 AM
ألي فهمته انه للعائلات يعني ممكن دخول الرجل مع اسرته 00

عموما الله يعطيهم العافيه واهم شي تكون المحلات بمستوى المجمعات الاخرى وكذلك المطاعم ووسائل الترفيه للاطفال

مادري عندي احساس بعد افتتاحه بينزل موضوع في المنتدى كمناقشه وبيقولون الي يروحون المجمعات الثانيه مهب محترمات والي يروحون هالمجمع العائلي محترمات اهههه
000:)


000

هههههههه تصدقين نفس الاحساس وبالاخر مول عادي مافيه محلات مشهوره كبيره نفس الي باقي المولات وهو يخدم منطقة معيذر والمناطق المجاوره :)

chillis
02-02-2011, 07:57 AM
استريح اخوي...

حاولت كثر ماقدر اقلب في حجيه وماتوصلت لهدف نبيل...

اذا هو صج يبي يودي ولده خل يوديه جنغل زون..وعن العيارة..
ويوقلها بالفم المليان انا وولدي فقط..‏!!‏

مادري اشفيها لو قال مرتي بعد..‏!!‏
واتحداه اذا كانت مرته معاه يفكر يقعد في ستار بوكس..‏!!‏



والله اتمنى من كل قلبي ان ادارة المول
تنتبه لهنقطة وماتسمح اي واحد يدخل مع طفل بدون الزوجة او الاخت..
لان للاسف في بعضهم اهدافهم سيئة للغاية..

ونعم الاسلوب :) ترا بو خليفه يتغشمر يمكن ما تعرفينه للحين صفي النيه اختي

بو خليفه 123
02-02-2011, 08:00 AM
يا ريت اللي زاره يقول إنطباعه :..

وشنهي المطاعم اللي موجوده :.. ؟


فعلاً سؤال ينتظر الاجابه ..

هل هناك مقهى ستار بكس للجلوس فيه مع خليفه و احتساء القهوه اثناء تسوق ام خليفه في المحلات ؟


و هل هناك نيه بفتح مول للرجال فقط يمنع دخول المتطفلات ؟


ألف شكر

دايموند
02-02-2011, 08:07 AM
ونعم الاسلوب :)

ماعليج زود اختي ..:)

bo_s3ood
02-02-2011, 08:07 AM
هههههههه ^^ بنخاويك عيل مع عووش >> نعرفها على خليفه

جرح الزمان
02-02-2011, 08:09 AM
معيذر ستي

صارت مشهوره على الخارطه

La Bella
02-02-2011, 08:11 AM
فعلاً سؤال ينتظر الاجابه ..

هل هناك مقهى ستار بكس للجلوس فيه مع خليفه و احتساء القهوه اثناء تسوق ام خليفه في المحلات ؟


و هل هناك نيه بفتح مول للرجال فقط يمنع دخول المتطفلات ؟


ألف شكر


بوخليفة ستار بكس مش موجود بالمجمع

في بديل ( الشجرة كافية ) للشيخ فهد بس لحد الحين مافتح

بو خليفه 123
02-02-2011, 08:12 AM
بوخليفة ستار بكس مش موجود بالمجمع

في بديل ( الشجرة كافية ) للشيخ فهد بس لحد الحين مافتح

يكفيني شرف اني اتقهوى تحت ظل شجرة بو حمد


شكراً على الافاده اختي لا بيلا

بو الجوري
02-02-2011, 08:23 AM
فعلاً سؤال ينتظر الاجابه ..

هل هناك مقهى ستار بكس للجلوس فيه مع خليفه و احتساء القهوه اثناء تسوق ام خليفه في المحلات ؟
ألف شكر

:)



و الله أتمنى تكون فيه مطاعم حلوه غير الوجبات السريعه :..
على الأقل الواحد يقدر يروح مع هله مجمع وهو مرتاح و ضغطه ما يرتفع :..
سواء من شوفة الشباب المغازلجيه :.. أو البنات اللي فاصخين الحيا و مكياجها جنه رايحه عرس :.. :)

بس خوفي ينترس بويات :.. :rolleyes2:

ضي البدر
02-02-2011, 08:41 AM
ونعم الاسلوب :) ترا بو خليفه يتغشمر يمكن ما تعرفينه للحين صفي النيه اختي



وانتي يالسحلية ليش ادافعين عن المدعو ((بو خليفة)) حاطج محامي مثلاً!!:anger1:

انتي معانا ولا مع شلة التماسيح ترى والله ماتلاقين منهم غير ينشمونج بالسحلية!!:tease:

واحنا ندري بإسلوب الأخ المحترم وان أغلب ردووده يغلب عليها طابع المزاح والنكاية في بنات حواء ..:rolleyes2:

وبعدين كلن يتمتع برحابة صدر الأخت دايمون والأخ الكريم وهم خلاص صفو النيات والله يهديهم..
بطت جبدي ام شيليييز الدبه:nice:

chillis
02-02-2011, 08:47 AM
وانتي يالسحلية ليش ادافعين عن المدعو ((بو خليفة)) حاطج محامي مثلاً!!:anger1:

انتي معانا ولا مع شلة التماسيح ترى والله ماتلاقين منهم غير ينشمونج بالسحلية!!:tease:

واحنا ندري بإسلوب الأخ المحترم وان أغلب ردووده يغلب عليها طابع المزاح والنكاية في بنات حواء ..:rolleyes2:

وبعدين كلن يتمتع برحابة صدر الأخت دايمون والأخ الكريم وهم خلاص صفو النيات والله يهديهم..
بطت جبدي ام شيليييز الدبه:nice:

لا تعليق :tease:

العقل الحر
02-02-2011, 08:49 AM
هههههههه تصدقين نفس الاحساس وبالاخر مول عادي مافيه محلات مشهوره كبيره نفس الي باقي المولات وهو يخدم منطقة معيذر والمناطق المجاوره :)


معيذر ستي

صارت مشهوره على الخارطه


بما انكم قطرين ولا تعرفون مناطق قطر

فابشرح لكم التالي

معيذر منطقه تقع في مدينه الريان

ومدينه الريان فيها مناطق كثيرة

ويوجد في الريان اكبر مجمع في قطر فيلاجيو ومجمع اخر اسمه حياه بلازا

ومجمع وذنان زياده مجمع على المجمعات السابقه في مدينه الريان

لذا وجب التنويه

miss cute
02-02-2011, 09:33 AM
شي طييييب شي يبشر بالخييير

انزين شمعناااة ( وذنان ) ؟؟

دايموند
02-02-2011, 09:50 AM
شي طييييب شي يبشر بالخييير

انزين شمعناااة ( وذنان ) ؟؟

جدير بالذكر انه تم اختيار اسم "وذنان" للمول الجديد.. حيث كان" وذنان" من أهم خيول الشيخ عبد الله بن ‏جاسم بن محمد آل ثاني، الحاكم الثالث للبلاد وكان يميزه بالرعاية كونه حصانه ‏الخاص، ووذنان هو اسم مستوحى من الحصان صاحب الاذنين الظاهرتين ومن ‏سلالته تكون مربط الوذن للخيول القطرية العربية الأصيلة.

http://www.wathnanmall.com/

w.qatar
02-02-2011, 09:53 AM
من راح المجمع شرايكم فيه ؟ تنصحونا نزوره ؟

دايموند
02-02-2011, 09:54 AM
وانتي يالسحلية ليش ادافعين عن المدعو ((بو خليفة)) حاطج محامي مثلاً!!:anger1:

انتي معانا ولا مع شلة التماسيح ترى والله ماتلاقين منهم غير ينشمونج بالسحلية!!:tease:

واحنا ندري بإسلوب الأخ المحترم وان أغلب ردووده يغلب عليها طابع المزاح والنكاية في بنات حواء ..:rolleyes2:

وبعدين كلن يتمتع برحابة صدر الأخت دايمون والأخ الكريم وهم خلاص صفو النيات والله يهديهم..
بطت جبدي ام شيليييز الدبه:nice:

:nice::nice::nice:

اشكرج... انا بعد استغربت العادة هي صافه مع الجنس الناعم خاصة ان في المنتدى هجوم ضد الجنس الناعم من قبل بعض الاعضاء..

Mishari
02-02-2011, 09:56 AM
جزاه الله خير

جرح الزمان
02-02-2011, 10:03 AM
بما انكم قطرين ولا تعرفون مناطق قطر

فابشرح لكم التالي

معيذر منطقه تقع في مدينه الريان

ومدينه الريان فيها مناطق كثيرة

ويوجد في الريان اكبر مجمع في قطر فيلاجيو ومجمع اخر اسمه حياه بلازا

ومجمع وذنان زياده مجمع على المجمعات السابقه في مدينه الريان

لذا وجب التنويه

معيذر ستي لا تقع في الريان يا اخوي العقل الحر ...... بل بجانب الريان :)

غيور
02-02-2011, 10:06 AM
الله يجزاهم خير ويستر على اهلنا

بو خليفه 123
02-02-2011, 10:25 AM
حالياً 7 محلات فقط باشرت العمل ؟
http://www.wathnanmall.com/index.php?page=15&lang=ar

هل هناك نيه بفتح ميجا مارت او كارفور او جمعيه ؟ أنا شخصياً افضل ميجا مارت لتوفر الاكل الصحي المناسب لحميتي الغذائيه

وينها وذنان ياليت تفيدنا

دستور
02-02-2011, 10:40 AM
شي طييييب شي يبشر بالخييير

انزين شمعناااة ( وذنان ) ؟؟

تسمية وتاريخ

بقدر ما يلفت الانتباه اختيار مطوري مشروع «وذنان مول» أن يكون عائليا خالصا، فإن اسمه أيضا يثير الانتباه وربما الاستغراب، ولكن هذا الاسم حسب إدارة المجمع التجاري لم يتم اختياره عبثا أو اعتباطا، إنما هو جزء لا يتجزأ من فلسفة المجمع في إنشاء مجتمع تسوقي عصري بأحدث المعايير، ولكن في إطار المحافظة على التراث والتقاليد.
ومن هذا المنطلق فضلت الجهة المطورة للمشروع اختيار اسم عريق للمجمع التجاري يدخل هو أيضا ضمن التجربة الفريدة التي يعيشها مرتادو المول. ويوضح نائب المدير العام لـ «وذنان مول» علي شيفه، أن «وذنان» هو اسم أهم وأشهر خيول الشيخ عبدالله بن ‏جاسم بن محمد آل ثاني، الحاكم الثالث للبلاد، وكان يميزه بالرعاية كونه حصانه ‏الخاص. و «وذنان» هو اسم مستوحى من هذا الحصان صاحب الأذنين الظاهرتين ومن ‏سلالته تكوّن مربط «الوذن» للخيول القطرية العربية الأصيلة.

العقل الحر
02-02-2011, 12:13 PM
معيذر ستي لا تقع في الريان يا اخوي العقل الحر ...... بل بجانب الريان :)


الظاهر مافيه فايده من الشرح الي ذكرته !

انت يبيلك خارطه ماجلان ... !

ضي البدر
02-02-2011, 12:22 PM
لا تعليق :tease:


هاه حد تكلم بالنيابة عنج؟ ولا دافعو عنج؟ ولا حتى اشكروووج؟؟



















ولا تزعلين شلوووزة حبيبتي مهما سويتي مصيرج بتردين حق الحزب القاروري الناعم فديتنا:shy:


لايكووون زعلتي يالدبه:omen2: انا بس قرصت اذنج وصحصحتج احنا أنفع لج وترى أمزح حبوبتي:victory:

Qa6ar
02-02-2011, 01:16 PM
اليوم الساعة الرابعة مساءا" سيتم إفتاح أول مول للعائلات في قطر
وهو مول وذنان ويقع في معيذر الشمالي خلف نادي الفروسية

من الأشياء الحلوة اللي فية إن المطاعم والمقاهي كلها توفر الخصوصية لمرتاديها
يعني الجلسات عليها حواجز ( بارتشنات ) ومظلات وهذا يخدم العائلات

وبعد إدارة المول ملزمة أصحاب المحلات بإلزام موظفينهم باللبس المحتشم
والأمن عندهم تعليمات بمنع دخول أي حد لبسه غير محتشم

الشي المهم اللي عرفته إن صاحب المول جاته شركة كبيره تبغي تستأجر المول
وبسعر حلو لكن بتخلية مول تقليدي زي المولات العادية ولكن صاحب المول رفض
يأجره عليهم لأنه يبغي المول يكون عائلي يخدم العائلات القطرية والمقيمة

الله يبارك له ويعينه على مقصوده لأنه بصراحة خدمنا ووفر لنا مول ما تزاحمنا فيه
العمالة الوافده



بيض الله وجهه وجزاه الله خير

ماهمته الفلوس كثر ماهمه الناس تلاقي مكان في قطر للناس المحتشمين
ويعكسون خلفيه عن اهل قطر اللي مازالت محتفظه بالعادات والتقاليد

a7med0_0
02-02-2011, 01:48 PM
يستهل الدعوه والله يثبته على ما هو عليه
وانشاء الله اهل المولات يقتدون بنجل سموالامير/ فهد بن حمد بن خليفه ال ثاني

خليدان
02-02-2011, 06:37 PM
و هل هناك نيه بفتح مول للرجال فقط يمنع دخول المتطفلات ؟




:eek5:هههههههههههههههههههههههههههههه :nice::tease:



حالياً 7 محلات فقط باشرت العمل ؟
http://www.wathnanmall.com/index.php?page=15&lang=ar

هل هناك نيه بفتح ميجا مارت او كارفور او جمعيه ؟ أنا شخصياً افضل ميجا مارت لتوفر الاكل الصحي المناسب لحميتي الغذائيه

وينها وذنان ياليت تفيدنا

اللي تبيه موجود يا بوخليفه .. مسكر هايبر ماركت .. ماشاء الله كبيـــر .. :victory:

feva qatar
02-02-2011, 06:47 PM
اليوووم رحت له توقعت بنحصل مول راقيي يحتوي على محلات تنافس لاند مارك وفيلاجيو
تفاجئت بمحلات كانها محلات سوق الجبر
محلات بخور وفساتين ( اي كلام )
والمطاعم ماشفت ولامطعم او كوفي معروف (( للامانة ماشفت كل المطاعم ))

للاسف خاب ظنييي كثير
مابي اظلمه ولا ابخسه حقه ولكن
وذنان مول ياتي في مقدمة اسوء مجمعات قطر التجارية

الواعد
02-02-2011, 06:59 PM
س1: متى راح تفتح المطاعم لأني اليوم ماحصلت ولا واحد منها فاتح

س2: متى راح يفتح محل ( زهور الريف )


س3: اليوم سيارتي حكت في المخرج الشرقي لأن مداخله ومخارجه للأسف

مرتفعة جدا جدا جدا ليش كذا ؟؟؟

دستور
02-02-2011, 11:13 PM
اليوووم رحت له توقعت بنحصل مول راقيي يحتوي على محلات تنافس لاند مارك وفيلاجيو
تفاجئت بمحلات كانها محلات سوق الجبر
محلات بخور وفساتين ( اي كلام )
والمطاعم ماشفت ولامطعم او كوفي معروف (( للامانة ماشفت كل المطاعم ))

للاسف خاب ظنييي كثير
مابي اظلمه ولا ابخسه حقه ولكن
وذنان مول ياتي في مقدمة اسوء مجمعات قطر التجارية

لكل(ن) وجهة نظره
ونا اختلف معك في وجهة نظرك
مول وذنان يقود أفضل المولات القطرية لانه زياده على المحلات الراقية اللي موجودة فيه
فهو أول مول عائلي في قطر يحترم الدين وعادات وتقاليد العائلات القطرية والمقيمة
ولأنه المول الوحيد في قطر اللي تتسوق فيه انت وهلك بدون مضايقات الشباب الطايش
والعمالة الوافدة
بعدين تشبيهك لمحلاته بمحلات سوق الجبر فيه إحتقار لمحلات سوق الجبر ,, السوق اللي
لبى إحتياجات الشعب القطري سنين طويلة بمحلاته الراقية

اما المطاعم فأنا معك إنها غير معروفة لأن المطاعم المعروفة رفضت الإستئجار لأن من شروط التأجير عمل حواجز على الجلسات ( بارتشنات ) لضمان خصوصية وراحة العائلات
فما كان من صاحب المول إلا إنه أسس مطاعم على أرقى مستوى لخدمة العائلات وهي إن شاء الله بتكون أحسن من المعروفة وكذلك الكوفي شوب (( شجرة القهوه )) شركة جديدة أول سلستها في المول

أرجو أن تتفق معي في وجهة نظري

الأصيلة
02-02-2011, 11:47 PM
اليوووم رحت له توقعت بنحصل مول راقيي يحتوي على محلات تنافس لاند مارك وفيلاجيو
تفاجئت بمحلات كانها محلات سوق الجبر
محلات بخور وفساتين ( اي كلام )
والمطاعم ماشفت ولامطعم او كوفي معروف (( للامانة ماشفت كل المطاعم ))

للاسف خاب ظنييي كثير
مابي اظلمه ولا ابخسه حقه ولكن
وذنان مول ياتي في مقدمة اسوء مجمعات قطر التجارية

مسرع ...انتظروا شوي
لين الحين ما افتحت المحلات كلها مثل ماسمعت
الحكم جاهز ..بالسوء...

مهل
02-02-2011, 11:52 PM
اليوم الساعة الرابعة مساءا" سيتم إفتاح أول مول للعائلات في قطر
وهو مول وذنان ويقع في معيذر الشمالي خلف نادي الفروسية

من الأشياء الحلوة اللي فية إن المطاعم والمقاهي كلها توفر الخصوصية لمرتاديها
يعني الجلسات عليها حواجز ( بارتشنات ) ومظلات وهذا يخدم العائلات

وبعد إدارة المول ملزمة أصحاب المحلات بإلزام موظفينهم باللبس المحتشم
والأمن عندهم تعليمات بمنع دخول أي حد لبسه غير محتشم

الشي المهم اللي عرفته إن صاحب المول جاته شركة كبيره تبغي تستأجر المول
وبسعر حلو لكن بتخلية مول تقليدي زي المولات العادية ولكن صاحب المول رفض
يأجره عليهم لأنه يبغي المول يكون عائلي يخدم العائلات القطرية والمقيمة

الله يبارك له ويعينه على مقصوده لأنه بصراحة خدمنا ووفر لنا مول ما تزاحمنا فيه
العمالة الوافده



من ترك شيء لله اعاضه الله خيرا منه


يعلم الله اني دعيت له من كل قلبي ان الله يوفقه في تجارته و يرزقه من حيث لا احتسب و يستره و يستر شوفاته مثل ماستر شوفات المسلمين . اللهم امين

لنا زياره للمول ان شاءالله و اتمنى تكون المحلات التقليديه موجوده بالمول

feva qatar
03-02-2011, 05:07 AM
لكل(ن) وجهة نظره
ونا اختلف معك في وجهة نظرك
مول وذنان يقود أفضل المولات القطرية لانه زياده على المحلات الراقية اللي موجودة فيه
فهو أول مول عائلي في قطر يحترم الدين وعادات وتقاليد العائلات القطرية والمقيمة
ولأنه المول الوحيد في قطر اللي تتسوق فيه انت وهلك بدون مضايقات الشباب الطايش
والعمالة الوافدة
بعدين تشبيهك لمحلاته بمحلات سوق الجبر فيه إحتقار لمحلات سوق الجبر ,, السوق اللي
لبى إحتياجات الشعب القطري سنين طويلة بمحلاته الراقية

اما المطاعم فأنا معك إنها غير معروفة لأن المطاعم المعروفة رفضت الإستئجار لأن من شروط التأجير عمل حواجز على الجلسات ( بارتشنات ) لضمان خصوصية وراحة العائلات
فما كان من صاحب المول إلا إنه أسس مطاعم على أرقى مستوى لخدمة العائلات وهي إن شاء الله بتكون أحسن من المعروفة وكذلك الكوفي شوب (( شجرة القهوه )) شركة جديدة أول سلستها في المول

أرجو أن تتفق معي في وجهة نظري

افضل المولات القطرية ؟؟ بناء على ايش حكمت بهالحكم ؟؟
المول شنهي مقوماته ؟ المحلات الراقية المستوى والاصلية ( مب تجيب لي محل يبيع بضاعه تقلييد ) ..ثانيا .. تكون بضاعته لجميع الفئات ..الي شفته في وذنان محلات بخور وفساتين بس ..وين محلات الشباب والبنات ؟ وين محلات الاطفال ؟ مايناسب الا فئة حياك تقهوى واطلع

مااحتقرت سوق الجبر.. يخي ماننكر انه سابقا لبى احتياجات قطر..لكن السوءال هل مازال يلبيها ؟؟ طبعا لا .. لان كل شي تغيييير
المول لازم يواكب التطور ..

feva qatar
03-02-2011, 05:10 AM
مسرع ...انتظروا شوي
لين الحين ما افتحت المحلات كلها مثل ماسمعت
الحكم جاهز ..بالسوء...

ياختي العزيزة مب حكم متسرع .. المحلات الي للحين مافتحت اغلبها كاتب الاسم من برا او صاف البضاعه .. انا حكمت على الي شفته
وماتكلمت الا لاني انصدمت ..توقعناا شي وشفنا شي ثانييي
الله يوووفق صاحبه
بس اتمنى يعيد النظر في نوعية المحلات :(

R 7 A L
03-02-2011, 05:16 AM
الله يجزي القائمين علية كل خير

واثق بالله
03-02-2011, 05:45 AM
رحت له امس مع العيال واستانسنا

مثله مثل اي مول جديد مافتحت كل

المحلات يذكرني بالستي سنتر اول

مافتح ... فيه مسكر هايبر ماركت

الاسعار معقوله ... فيه مسجد كبير

اتوقع تقام فيه صلاة الجمعه واتوقع

ان يكون لاهل الدعوه نشاط فيه ...

مواقف السيارات كثيره في الاسفل

توجد بعض محلات العطور والزهور

وصيدليه وغيره .. توجد غرف مغلقه اعتقد

انها للعائلات وللمحافظه على الخصوصيه

المول مرتب ومنظم والله يوفقهم

ويفتح عليهم ونشوفهم في تطور

مستمر .....

نورهان88
03-02-2011, 05:52 AM
ما شاءالله الله يبارك له يأريت يفتح لنا مول في الشمال نفس المواصفات

بو خليفه 123
03-02-2011, 06:43 AM
ما شاءالله الله يبارك له يأريت يفتح لنا مول في الشمال نفس المواصفات

تحت الانشاء اختي

جرح الزمان
03-02-2011, 06:47 AM
الظاهر مافيه فايده من الشرح الي ذكرته !

انت يبيلك خارطه ماجلان ... !

وين هاي احصلها ... :)

يا الغالي انا من المحاربين القدامى :omg:... قصدي من سكان معيذر ستي

جرح الزمان
03-02-2011, 06:52 AM
اليوووم رحت له توقعت بنحصل مول راقيي يحتوي على محلات تنافس لاند مارك وفيلاجيو
تفاجئت بمحلات كانها محلات سوق الجبر
محلات بخور وفساتين ( اي كلام )
والمطاعم ماشفت ولامطعم او كوفي معروف (( للامانة ماشفت كل المطاعم ))

للاسف خاب ظنييي كثير
مابي اظلمه ولا ابخسه حقه ولكن
وذنان مول ياتي في مقدمة اسوء مجمعات قطر التجارية


هو مستهدف فئه معينه من المتسوقين .... وهذا واضح من شرط انه يكون عائلي ... ولهذا السبب راح تكون المحلات من المتوسط (فوق شوي أو تحت شوي )

اعتقد انه بينجح لان الشريحه المستهدفه كبيره في منطقة معيذر والمناطق المحيطه

بو الجوري
03-02-2011, 07:09 AM
أمس رحت المول مع البنات :.. :p

المول حلو :.. لكن للحين أكثر من 50% من المحلات مافتحت :..

الهايبرماركت حلو و كبير :..

بس شجرة القهوه اللي فاتح :.. فالدور الثاني

الدور الثالث في مطاعم لكن للحين مافتحت :..

أحلى مافي الموضوع البارتيشنات :.. :victory:

الواحد يقدر ياخذ راحته ويا هله :..

صورت لكم كم صوره :.. تفضلوا :.. :nice:

شجرة القهوه :..
عباره عن مطعم شرقي / غربي
http://up.arab-x.com/Feb11/C3A09098.jpg

البارتيشنات من فوق
http://up.arab-x.com/Feb11/JNQ09098.jpg

http://up.arab-x.com/Feb11/PMe09098.jpg

من الداخل
http://up.arab-x.com/Feb11/dwR09098.jpg

قعدات ثانيه لنفس المطعم
http://up.arab-x.com/Feb11/fSg09098.jpg


المطاعم اللي فالدور الثالث
http://up.arab-x.com/Feb11/ADc09323.jpg

http://up.arab-x.com/Feb11/dJ109323.jpg

http://up.arab-x.com/Feb11/XdP09323.jpg



نجي للملاحظات :.. :telephone:

بخصوص المحلات مانقدر نحكم على نوعيتها إلا لما الكل يفتح :..
يعني ماندري إذا الماركات المشهوره موجوده وإلا لأ :.. !!

والمطاعم الصراحه ولا إسم من اللي شفتهم أعرفه :..
لكن هذا ما يمنع إنهم بيكونون فله :.. :nice:

منطقة الألعاب مالقيتها وقالي السكيورتي إنه للحين مافي :..

أهم شي يفتحون منطقة ألعاب و مطاعم وجبات خفيفه وسريعه :..


المواقف الخارجيه ماعجبتني أحسها ملخبطه :.. لكن في مواقف تحت الأرض :..


عالعموم :.. ما نقدر نحكم على المول إلا بعد مايخلص كله :.. :)

الله يوفق راعيه والقايمين عليه :..

صليب الراي
03-02-2011, 07:54 AM
اليوووم رحت له توقعت بنحصل مول راقيي يحتوي على محلات تنافس لاند مارك وفيلاجيو
تفاجئت بمحلات كانها محلات سوق الجبر
محلات بخور وفساتين ( اي كلام )
والمطاعم ماشفت ولامطعم او كوفي معروف (( للامانة ماشفت كل المطاعم ))

للاسف خاب ظنييي كثير
مابي اظلمه ولا ابخسه حقه ولكن
وذنان مول ياتي في مقدمة اسوء مجمعات قطر التجارية

وهذا هو المتوقع اخوي
كما ذكرت لكم :nice:

STAR
03-02-2011, 08:01 AM
بوالجوري ... شكرا عالصور...

بجذي نضمن الخصوصية ....

بو خليفه 123
03-02-2011, 08:04 AM
بارك الله فيك ولا هنت على التقرير يابو الجوري

بو الجوري
03-02-2011, 08:16 AM
بوالجوري ... شكرا عالصور...

بجذي نضمن الخصوصية ....

عفواً :.. :)


بارك الله فيك ولا هنت على التقرير يابو الجوري

و فيك أخوي :.. بس ماشفتك إهناك مع خليفه :.. :nice::telephone:




و بخصوص اللي يقولون المول من أسوأ المولات :.. :rolleyes2:
على أي أساس حكمتوا !!!!! :eek5:

محلات وايد كانت فاضيه وللحين شغالين فالديكور :..
شاللي أكدلك إنهم مب من المحلات الراقيه و نفس اللي في اللاند و فيلاجيو :.. !!!!

و بعدين محلات الـ أي كلام على قولتكم :..
مب لكم :.. مب للي قادره تشتري فستان أو تفصل للعرس بـ 5 و 6 آلاف ريال :.. :)

واللي ما تعجبه المحلات أو مب من مستواه خلاص لا يورح :.. يخفف من الزحمه :.. :p

n00r
03-02-2011, 10:34 AM
[QUOTE=رجل الجزيرة;6881812]واضاف نائب المدير العام ان من ابرز الأسماء التي سيحتويها المول: «مسكر هايبر ماركت» وهو اول فرع لسلسلة هايبر ماركت، ويقع في الدور الأرضي،ويقدم أسعارا منافسة في السوق المحلي، سيتم التوسع فيها بدولة قطر خلال الفترة المقبلة، يلبي كل احتياجات الأسرة الغذائية والاستهلاكية، ويقدم احدث الأساليب في طرق العرض ويحتل مساحة "7200" متر مربع ويوجد به"18" كاونتر على أحدث الطرز، علاوة على«زرابي»، في الدور الأول، يقدم تشكيلة هائلة من الهدايا و كافة مستلزمات البيت والعائلة بكافة اعمارها ويحتل مساحة "6100" متر مربع، كذلك «كوفي تري» وهو كوفي شوب عائلي يمنح الخصوصية الكاملة لكافة رواده، مجوهرات فرساي، الجزيرة للعطور، جود شيب، الجابر للساعات، ناتاشا للألبسة النسائية، الدار اوبتك، الجابر للنظارات، كواترو للأزياء، سيدتي الجميلة، سواني للأزياء، زهور الريف، بسكادو بيتزا، مطعم الشبكة، مطعم hnm، مطعم شرنبي.



ان شاء الله يفتحون سيدتي الجميله

الله يوفق راعيه والقايمين عليه

بو خليفه 123
03-02-2011, 10:47 AM
استاذه نور .. ماهو المميز في سيدتي الجميله عن باقي المحلات ؟

عنوووود
03-02-2011, 10:48 AM
[
size="5"]الأشخاص الي يقولون ان المول مب شي او مستواه عااااادي

أقولهم إذا مب عاجبك الوضع :1) إنه عائلي مااافيه شباب أو عمالة جاية حق التفرج
2) ان المطاعم بارتيشن كامل ومخفي
3) وأن اللبس المحتشم مطلوووب وممنوع اللبس الغير محتشم حتى في بوسترات المحلات .
4) وصوت القرآن الي مشغلينه في الموووول .
5) أن الماركات العالمية مب موجودة .


إذا هذا مب عاجبك يالشيخ رووووح حق اللاند مارك بتحصل الي يترس عيووونك هناك

وبخصوص الماركات من قال لكم مافيه ماركات
ماركة فيفالي ماركة الشنط والأحذية المعروفة " محل في الدور الأول فوق ماركة ايطالية روووووووعة بس للحين مافتح [/size]أنا أشجع وأتمنى بكل صراحة أن تكثر مثل هذه المولات الي تحافظ على عاداتنا وقريبة من اماكن سكنا تعبناااااااااااااااااااا من الزحمة في الشوارع

بو خليفه 123
03-02-2011, 10:54 AM
اتفق مع اختي عنووود

التنوع و زيادة الخيارات يصب في مصلحة المستهلك

بـــــــنت النوخـّــــذه
03-02-2011, 11:46 AM
بو الجوري ماقصرت بارك الله فيك على الصور استمتعت وانا اشوفها صراحه مشيتنا في المول واحنا خلف الشاشات :nice:000


وبالنسبه لمستوى المول نفس ماتوقعت ولكن له زوار وزباين ياجماعه الخير والناس اذواق 000

والله يوفق القايمين عليه

سؤال فضول : كم ايجار المحلات وكم تتفاوت :looking:

بو الجوري
03-02-2011, 11:58 AM
هلا هلا أختي العوده :.. :)

و الله أنا كنت ناوي أسوي تقرير خاص :.. و أصور المحلات و الهايبرماركت :.. :nice:
لكن لأنه في حريم فـ إحترمت الخصوصيه :.. :shy:


تدرين ما شاء الله أول مره أروح مول :.. و أشوف 90% من الموجودات منقبات :.. :victory:

بـــــــنت النوخـّــــذه
03-02-2011, 12:06 PM
هلا هلا أختي العوده :.. :)

و الله أنا كنت ناوي أسوي تقرير خاص :.. و أصور المحلات و الهايبرماركت :.. :nice:
لكن لأنه في حريم فـ إحترمت الخصوصيه :.. :shy:


تدرين ما شاء الله أول مره أروح مول :.. و أشوف 90% من الموجودات منقبات :.. :victory:





هلا بأخوي الصغير

ماشاء الله والله حلو نتمنى انتشار (الستر) باختلاف انواعه في جميع مولات الدوحه 000

صراحه مارحته بعيد يبيلنا يوم انفضي عمرنا له 000

عموما" ننتظر تقريرك اذا قدرت والله يعطيك العافيه على التقرير المميز 00
:)

AL_MUTAEM
03-02-2011, 02:04 PM
بصراحه فكرة المول ممتازه للعائلا وليست كذلك لفئة العزابيه ..

انا امس حبيت ادخل المول وبما اني عازب مع مرتبة الشرف فمريت على واحد من الربع وتسلفت بنته لمدة ساعتين مع الوعد اني بوديها قسم اللالعاب بالمول .. ومن حسن حظي مافيه اي قسم للالعاب :)

المول الى الان لم يفتح اللا بنسبه تقل عن الـ50% واتمنى التوفيق لادارة المول ومرتاديه .

احساس الدوحة
03-02-2011, 02:07 PM
فكرة حلوه

شفتها في شروه في معيذر

الدخول للعائلات بعد

ومن الصور اللي وصلت عالبيبي

تشجعت اني اروح اليوم واشوفه عالطبيعه

feva qatar
03-02-2011, 03:46 PM
[
size="5"]الأشخاص الي يقولون ان المول مب شي او مستواه عااااادي

أقولهم إذا مب عاجبك الوضع :1) إنه عائلي مااافيه شباب أو عمالة جاية حق التفرج
2) ان المطاعم بارتيشن كامل ومخفي
3) وأن اللبس المحتشم مطلوووب وممنوع اللبس الغير محتشم حتى في بوسترات المحلات .
4) وصوت القرآن الي مشغلينه في الموووول .
5) أن الماركات العالمية مب موجودة .


إذا هذا مب عاجبك يالشيخ رووووح حق اللاند مارك بتحصل الي يترس عيووونك هناك

وبخصوص الماركات من قال لكم مافيه ماركات
ماركة فيفالي ماركة الشنط والأحذية المعروفة " محل في الدور الأول فوق ماركة ايطالية روووووووعة بس للحين مافتح [/size]أنا أشجع وأتمنى بكل صراحة أن تكثر مثل هذه المولات الي تحافظ على عاداتنا وقريبة من اماكن سكنا تعبناااااااااااااااااااا من الزحمة في الشوارع


:) سلوب حلو يدل على تفكير حلو .. واذا تبين الي يملي عيني .. ترا حمدلله عيني مليانة بالحلال
مانتظر اروح اللاند او غيره عشان ... :tease:

ماركة فيفالي ؟ قالو لج فرساجي والا شانيل والا ديور ؟
فيه محلات للاحذية ؟
فيه محلات للابسة الشبابية ؟
اوك مول عائلي ..مش ممكن اروح له مع المدام ونشتري بدلات والا جواتي والا اخذ لها شنطة على مستوى راقي ؟
قلنا مول عائلي بس ترا حتى العائلات تحب تكشخ ..
واذا تبين تحافظين على عاداتج وتقاليدج اقعدي في بيتج استر لج :nice:

سمو الاميره
03-02-2011, 03:46 PM
الحمدالله رب العالمين خبر حلووو..~

يسلموو ع الخبريه..~

مسك روز
03-02-2011, 03:56 PM
اخاف اضرب خط وفي النهايه يطلع نفس زون سنتر

:(

muraikhi77
04-02-2011, 12:59 AM
بصراحة حرام يتسمى مول. اليوم كانت لي زيارة تفقديه له في خلال ربع ساعه اتضح لي عدم وجود محلات ذات شهرة. ماركات مثلا واشهر محل فيه نظارات الجابر ومصرف الريان اما الباقي محلات محليه. وبصراحة يذكرني بالمجمع اللي في مكه صوب الهلتون :victory: وحتى المطعم وشكل الحظائر والكبائن العائليه ذكرني ببرنامج الحصن ومسابقه الابواب :tease:
المجمع لو بينجح بينجح بسبب الهايبرماركت واتمنى هناك مدخل للعامه سواء عائلات او رجال بعيد عن مايسمى بالمول. لان الهايبر سيخدم شريحه استهلاكية كبيرة ولفتح باب المنافسه له خصوصا القرب النسبي للمخازن الكبرى وكارفور.
يعني مقارنه مع الاصمخ مول يطلع الاصمخ مول باشا عليه

feva qatar
04-02-2011, 01:19 AM
بصراحة حرام يتسمى مول. اليوم كانت لي زيارة تفقديه له في خلال ربع ساعه اتضح لي عدم وجود محلات ذات شهرة. ماركات مثلا واشهر محل فيه نظارات الجابر ومصرف الريان اما الباقي محلات محليه. وبصراحة يذكرني بالمجمع اللي في مكه صوب الهلتون :victory: وحتى المطعم وشكل الحظائر والكبائن العائليه ذكرني ببرنامج الحصن ومسابقه الابواب :tease:
المجمع لو بينجح بينجح بسبب الهايبرماركت واتمنى هناك مدخل للعامه سواء عائلات او رجال بعيد عن مايسمى بالمول. لان الهايبر سيخدم شريحه استهلاكية كبيرة ولفتح باب المنافسه له خصوصا القرب النسبي للمخازن الكبرى وكارفور.
يعني مقارنه مع الاصمخ مول يطلع الاصمخ مول باشا عليه

ينصررررر دينك
ذااااا الحكيييييي الي ابي اووووصلة لهم في ردودي الساااااابقة

الحياة الخالدة
04-02-2011, 04:18 AM
سبحان الله العظيم ..
مالك الملك .. يؤتي الملك من يشاء و ينزع الملك ممن يشاء و يعز من يشاء و يذل من يشاء ..
( من تواضع لله رفعه ) ..
( لا يدخل الجنة من كان في قلبه ذرة من كبر ) ..


أصحاب المجمع ان شاء الله تكون نيتهم لله ( و من يتق الله يجعل له مخرجا ، و يرزقه من حيث لا يحتسب ) ..
هم اجتهدوا .. و سيجتهدون باذن الله لتحقيق نيتهم .. و لإرضاء مرتادي المجمع بخدمة مميزة ..

أما من يرى بأن المحلات و الماركات في المجمع دون مستواه .. أو لا تصلح لتسوق عائلته ..
فأمامه المجمعات الأخرى .. لم يمنعه منها أحد .. كما لم يجبره على ارتياد هذا المجمع أحد ..


إذا انت أو انتي يا إخوان و أخوات ما تشترون من زون سنتر أوسوق الجبر أو غيره .. فغيركم يشتري ..
الحمد لله .. معظم الناس الحين في خير و نعمة و يشترون و يلبسون ماركات عالمية ..
بس هذا ما يمنع انهم يشترون من البضايع اللي طايحة من عينكم لهالدرجة ..
الفكرة ان هالمجمع له خصوصية و ميزة لا يجدها الكثيرون في المجمعات الأخرى ..
فالأحرى بنا إن لم نشجع أصحاب الفكرة و المشروع .. أن لا نكسر مجاديفه على أقل تقدير ..


و في النهاية محد يجبر أحد على شي ..
اللي مو مرتاح لهذا المجمع .. خل يقترح على التجار الكبار إنشاء مجمعات عائلية أخرى تناسب مستواه الاجتماعي و المادي ..
دون المساس بكرامة مرتادي المجمعات اللي هم شايفينها دون المستوى ..

STAR
07-02-2011, 11:12 AM
نريد المزيد عن انطباعاتكم عن المول...

qqaattaarr
07-02-2011, 11:16 AM
ليش مايمنعون البنات الى مب متزوجات من دخول المول :victory:

يااخي التماسيح يقدروون يروحون اي مكان
اما البنات العزابيات مساكين

بو خليفه 123
07-02-2011, 11:18 AM
اخاف اضرب خط وفي النهايه يطلع نفس زون سنتر

:(


جايه من سان فرانسيسكو مثلاً ؟

لو اقصاها من دخان تراها مشوار 30 دقيقه



نبغي مول بالوكره بصراحه يستاهلون اهلنا و ربعنا بالوكره ..

هام السحاب
07-02-2011, 12:04 PM
بصراحة حرام يتسمى مول. اليوم كانت لي زيارة تفقديه له في خلال ربع ساعه اتضح لي عدم وجود محلات ذات شهرة. ماركات مثلا واشهر محل فيه نظارات الجابر ومصرف الريان اما الباقي محلات محليه. وبصراحة يذكرني بالمجمع اللي في مكه صوب الهلتون :victory: وحتى المطعم وشكل الحظائر والكبائن العائليه ذكرني ببرنامج الحصن ومسابقه الابواب :tease:
المجمع لو بينجح بينجح بسبب الهايبرماركت واتمنى هناك مدخل للعامه سواء عائلات او رجال بعيد عن مايسمى بالمول. لان الهايبر سيخدم شريحه استهلاكية كبيرة ولفتح باب المنافسه له خصوصا القرب النسبي للمخازن الكبرى وكارفور.
يعني مقارنه مع الاصمخ مول يطلع الاصمخ مول باشا عليه

الحظائر عاد
مالقيت كلمه ارقى شوي يا انت

feva qatar
07-02-2011, 02:55 PM
جايه من سان فرانسيسكو مثلاً ؟

لو اقصاها من دخان تراها مشوار 30 دقيقه



نبغي مول بالوكره بصراحه يستاهلون اهلنا و ربعنا بالوكره ..

ههههههههههههه حلوة :nice:

المقصد انه مايستاهل العنوووة

STAR
07-02-2011, 03:11 PM
جايه من سان فرانسيسكو مثلاً ؟

لو اقصاها من دخان تراها مشوار 30 دقيقه



نبغي مول بالوكره بصراحه يستاهلون اهلنا و ربعنا بالوكره ..

يهالوكرة اللي ذابحتك...

معليه ماهي الا سنة وبيفتحون مول الوكرة,,,

آخ بس لو يسووونه مول عائلي والا نسائي او يوم
مخصص للنساء..الله وناسة عالاقل نفتك من المراهقين

ahad
07-02-2011, 06:09 PM
ليش مايمنعون البنات الى مب متزوجات من دخول المول \\

ههههههههههههههه

شموخ وبس
07-02-2011, 06:29 PM
خير وشله تطنزون على المحلات ماشالله الماركات كل مكان اهم شي جلابيات نبي وملابس يهالو