المساعد الشخصي الرقمي

مشاهدة النسخة كاملة : استفسار : العـلاج في تايلانــد


(رمز المحبه)
01-02-2011, 09:02 AM
السلام عليكم

حبيت أستفسر أيها افضــل المستشفى الامريكي / المستشفى الملكي التايلندي

وبغيت اعرف عن التشييك كامل .. والاسعار .. والطريقه .. وهل لازم حجز او لا ؟؟

والسكن النظيف والقريب من المستشفى ( معي شايب يعني ينقد واجد ) ؟؟


يا ليـت تفيدوني
المليونير الفقير
01-02-2011, 09:50 AM
اخوي انا جربت الملكي وماعليه كلام واسعاره مناسبه والسكن ماريوت اوتيل وماريوت شقق ماعليها كلام والحجوزات افضل من الدوحه ومتى مانويت اتروح عطني خبر وبرتبلك كل شي من اول ماتوصل المطار لين ماترجع وبالتوفيق
(رمز المحبه)
01-02-2011, 10:15 AM
تسلم يالمليونيـر ما قصرت يالذيب

بس بغيت سعر الفحص كامل في الملكي والسعر في الامريكي .. وهل ياخذ وقت ؟
المليونير الفقير
01-02-2011, 11:30 AM
تسلم يالمليونيـر ما قصرت يالذيب

بس بغيت سعر الفحص كامل في الملكي والسعر في الامريكي .. وهل ياخذ وقت ؟

المستشفى الملكي الفحص كامل2000 ويخلص خلال ساعتين مع النتيجه
(رمز المحبه)
01-02-2011, 11:46 AM
فيه فحص يقولون من الصبح لين الظهر .. وتجي صايم .. هل هذا اهوو نفسه اللي تقول عنه ؟؟
المليونير الفقير
01-02-2011, 11:52 AM
فيه فحص يقولون من الصبح لين الظهر .. وتجي صايم .. هل هذا اهوو نفسه اللي تقول عنه ؟؟

اي هو بس اتوقع بس ساعتين
الفتى
01-02-2011, 01:59 PM
مرحبا الغالي

أنا السنة الماضيه عملت فحص كامل في مستشفى بانكوك و مايطلق عليه الخليجين الملكي ، في شقق نظيفه جداً جنبه يمدحونها الناس أسمها دار زايد و عندهم تكتك خاص للمستشفى يوصلك و يرجعك .

كذلك المستشفى فيه شقق تابعه له و يقال أنها جميله .

هذا موقع المستشفى على النت
http://www.bangkokhospital.com/ar/

و هذه موقع شقق دار زايد
http://www.darzayedbkk.com/

بالنسبه لي كانت رحلتي لتايلند لأجراء الفحوصات لي وللوالد الله يطول عمره لكن فضلت أسكن في شارع العرب و التنقل للمستشفى بالتكسي و ذلك لأنه معظم الخدمات بشارع العرب (نانا أستريت ) وصلت يوم السبت بالليل يوم الأحد رحنا سوينا فحص بدون موعد بدون شيء رحنا على يوهنا دخلنا الساعة 8 لين 1 ظهراً تقريبا فحص كامل حتى الأسنان ، و النتيجه مباشره لكن التقارير خذنها يوم الأربعاء . و كذلك يوم الأثنين راجعنا المستشفى للمرور على أستشاريين (يعني أستشاري + أستشاري = أثنين أستشاري ) :nice:.
أهم شيء أذا قلت حق التكسي بانكوك هوسبتل قوله القسم العربي . و لا تنسى تروحون و أنتوا صيام .

أما المستشفى الأمريكي كما يسميه أخوانا العرب ولكن أسمه الحقيقي مستشفى بمرنجراد

وها موقعه

http://www.bumrungrad.com/

وهو قريب من شارع العرب يعني تقدر تمشي من شارع العرب للمستشفى على طول و العكس و كذلك جيد و الناس تمدحه أنا ماجربته الصراحة لكن زرته عشان الركبه عندي و الصراحه شيء جميل ومرتب ، أما السكن فمعظم فنادق الحي العربي قريبه منه .

أحد الأخوه بالمنتدى HADi له موضوع حلو و مفصل بالمنتدى هو :- العلاج في تايلند ... والمستشفى الامريكي (http://www.qatarshares.com/vb/showthread.php?t=112418) فيه كل المعلومات

((( أذا سكنت بشارع العرب الله الله بالتشيرتات البولوو و البربريز ما في احسن منهم للبحر هناك على 20 ريال و بالمنتدى يبعونهم الناس على 200ريال - أنا خذت كل الألوان مره نزلت البحر بالورديه قالي الهمور ما عرفتكش :nice: )))

الله يشفي مريضكم أخوي و تردون سالمين
(رمز المحبه)
01-02-2011, 03:35 PM
جزاكم الله خيــر يالربع .. لاهنتوو على هالمعلومات الوافيــه
خشوف
02-02-2011, 02:08 AM
معلومات جدا مفيده
(رمز المحبه)
02-02-2011, 03:48 PM
معلومات جدا مفيده



اي والله ما قصروو لبا قلوبهم :nice: