بغيت رايكم في احسن مستشفى جيوب انفية

[بوراشد82]

السلام عليكم

كيف حالكم جميع ان شاء الله طيبين ..

موضوعي الله يسلمكم اني بغيت استشاري او دكتور في مستشفى ناجح جدا في عمليات الجيوب الانفية واللحميات والتجميل ..

والسبب اني سويت 3 عمليات في الدوحة عمليتين في مستشفى حمد ووحدة في العمادي ..

اول مرة سواها لي الدكتور عبدالسلام القحطاني سنة 2003 ورجعت مرة ثانية وسواها لي قانيشا الهندي في 2005 ورجعت وعقب سواها لي الاستشاري بوبكر الشافعي في مستشفى العمادي سنة 2006 والحمدالله طولت لين رجعت سنة 2008-2009 ..

الحين رجعت لي مرة اخرى واصلا انا عندي كسر في اعلى الانف يعني ابي اشيل اللحميات بأذن الله بشكل نهائي مع عملية تجميلية لأنفي .. فا وين توصوني ؟

في الخليج -البحرين-السعودية- الامارات او في الخارج صوب اسيا لان في دكتور وصاني على المستشفى الملكي في تايلاند ..

والشفاء بيد الله عز وجل اولا واخيرا وابي ناس مسوية ومجربة او تعرف ناس ضروري الله يخليكم ..

تحياتي

[لافوشيا]

الله يشفيك ويعينك
تقبل مروري

[كازانوفا]

اسمع عن الدكتور الجفيري اللى قدام محطة بترول بو هامور

[Doha Sun]

الجفيري

[hamoor4ever]

احتمال الجفيري زين
ابتعد عن ناجي تعامله زفت

[chillis]

منصور السليطي مستشفى حمد

[cavok]

اخوي عملت العملية في الجيوب الانفية مرة في حمد الثانية في العمادي وللاسف حالتي مثل ماهي
ويقولون الثالثة ثابتة وبعملها في كرومول في لندن واللة المستعان

[باسورد]

بوراشد انا قبل شهر سويت عمليه جيوب انفيه

بمستشفى الرميله والحمدلله احسن بكثير من قبل

, نصيحتي روح عند دكتور هندي

اسمه جنيشن هو يداوم في العياده الخارجيه بحمد بالدور الثالث

هذا احسن دكتور في قطر وابعد عن المستشفيات التجاريه

ماوراها غير المخاسير

[بوراشد82]

عزيزي انا ثاني عملية سويتها عند جنيشن هذا ولا ابي اقول انه فاشل بالعكس كلهم ماقصروا والشفاء التام من عند الله والله يكتبلي هالشفاء وروحة اللحميات بلا رجعة امين

وشرايكم في مستشفى السليمانية او الجيش بالبحرين ؟؟

[ام السعف]

الدكتور ناجي مع انه اشوي دفش في المعاملة ،، بس حسب تجربة مع احد
ابنائي فهو ممتاز جدا ،، فسأل الشفاء من الله ،، واستخير لأختيار الطبيب المناسب ،،

[ثرية]

دكتور غازي المستشفى الاهلي

[w.qatar]

يمدحون الجفيري

[doha_star]

فمركز مغربي في دكتور وايد زين يمدحونه اسمه غلج

[مضاد]

يمدحون الجفيري

نعم.....

الدكتور : عبد العزيز الجفيري ,

ممتاز .

[الانامل]

اختي عملت العملية في الجيوب الانفية عند الدكتور الجفيري .. والحمد الله تماااااام والكل يمدح فيه