قهــــــــــــــر ..

[قطرية ونص]

صبحكم الله بالخير
اخواني واخواتي حبيت احذركم من اللي مايخافون من الله ولا عندهم ضمير ولا امانه ولا في حد يحاسبهم ..
بقولكم اللي صار لنا احنا كان عندنا خطوبة ورحنا محل لتجهيز الحفلات في تاون سنتر اول ما شفتنا عطتنا القمر في يد والشمس في يد واخترنا الكوشه واتفقنا على السعر 6550 ريال وكنت اوصيها ان مايتاخرون ردت ماتخافيش احنا بنكون في القاعه ابل الساعه وحده وكل حاقه بتكون زين الفل
في اليوم المحدد الاخت ما جات الصاله وطرشت العمال الساعه 2ونص وانا احترقت اعصابي يوم خلصوا من تركيب الكوشه طلعت كوشه مب نفس اللي اخترتها كوشه تلوع الجبد
مالت السبعينات منتفه ومكسره ومرقعه وكنت متفقه معاها على استيج ماجابت الاستيج ولا شي بقيت امووت اتصلت لها ما ترد طبعا لان احنا اهل قطر طيبين ونخاف الله دفعنا لها الفلوس كامله
لكن ما قول الا حرام زقوم في بطنها اسم المحل عندي اذا تبون تعرفون وياليت تاخذون حذركم

[شيخ القبيلة]

هدي أعصابج اختي وقولي لااله الا الله ترى هالمواضيع وايد تسير وفي ناس دافعين اكثر من المبلغ اللي دفعتيه واخرتها ينقهرون لان كل شي ما جا نفس اللي يبون ماقول الا الله يعينج ويعوضج خير والف مبروك على الخطوبة .

[R 7 A L]

روحي طالبيها بالثمن حتى لو تسترجعين نصة
خلي بالك طويل وأضغطي عليها واذيها بكثر الزيارات للمحل

[V!P]

شسم المحل

@@

[w.qatar]

المفروض ما نعطيهم المبلغ كامل عشان يشتغلون بضمير ويخافون على فلوسهم

[شبح الصمت]

أختي أحنا حاسين فيك والقهر وأن انتي ما تبين توصلينها الشرطه وتشتكين عليـها ,,

مب عشان شيء عشان الطيبه الزايـده وهم استهانوا في المبلغ الي انتم دافعينه بس هذه فلوس متعوب عليها مب من جايتكم ابـلاش من دون تعب ,,

حاولي تروحين لها وقولي لها أنا كنت متفقـه معاج كذا وكذا وانتي ما جبتي طلبي ,,

أبي المبلغ وانتو طبعا عندكم صور الكوشه وعندج مواصفات الكوشه في الرصيد الي معطينج اياه

[ميموري]

بصراحه لو انا مكانج مستحيل اعطيها فلوسها الباقيه

وبروح احاججها عليها

[اهل قطر]

هذي الي في تاون سنتر شقد عليها شكاوي في عروس قطر

[NeverLand]

اسوء شي لما تنعدم شغلة الامانه والضمير عند البائع الصراحه .. الله يعينج ويعوضج خير انشاءالله ..

وترى حتى لو دافعه ريال واحد ومالقيتي بالمقابل الخدمه اللي كنتي منتظرتها فهذا شيء يقهر ويحرق القلب .. وشلون اذا هالشي كان حق ليلة ماراح تتكرر وهي ليلة العمر؟ الله يلوم اللي يلومكم

اعتقد مثل هالاشكال ماينفع معاهم الكلام او تحسسينهم بالذنب .. فلاتحرقين قلبج والحمدلله انها تجربه وعدت ..

[مضاد]

شهري فيهم ...وكتبي اسم المحل ,

ولو على الخاص للي يبي يعرف اسم المحل ومكانة .

[قطرية ونص]

اشكركم على تعاطفكم معاي ..انا مب هامتني الفلوس قد ما انا حز في نفسي الاستغفال على فكره رحت لها صديقتي .. ردها يقهر تقول هو نفسها الكوشه بس اللون اختلف شويه قالت لها الرقم الكوشه عندي والصور عندي .ردت عملي اللي تعمليه اصلا هي تعرف ان محد بياخذ حق المستهلكين اسم المحل ويدنج يعني زواج باللغه الانجليزية

[حبر سري]

طبعا لان احنا اهل قطر طيبين ونخاف الله دفعنا لها الفلوس كامله

اختي باعطيج اياها كاش:

يكرمون هل قطر عن عقلياتكم ، هذا اسمه غباء ، ولا له علاقة بالطيبة
شلون تدفعون لها الفلوس كاملة وانتوا ماخذتوا اللي تبونه؟
يعني الحين ان رحت لي مطعم وطلبت اكلة معينة وجاب لي اكلة ثانية ، اروح ادفع له فلوسه كاملة؟ لو بغيت اشتري فيلا اسكن فيها واتفاجأ ان الفيلا هي شقة ستة امتار في خمس امتار ، اروح ادفع له فلوسه كاملة؟ وبعدين اجي اقول والله انا من هل قطر الطيبين؟ اقول هل قطر محشومين من الغباء اللي يمارسه البعض ويقول انا قطري وطيب ، هل قطر عمرهم ماكانوا اغبياء ، وياريت لو نوقف عن هالاسطوانة المشروخة احنا طيبين واحنا طيبين ، احنا طيبين فعلا ، لكن عن حقنا مانسكت لو على رقابنا ، هاذول هم هل قطر الطيبين

وهذا اللي امخليهم يسترسلون في نصبهم واحتيالهم

انا بصراحة ماني متعاطف وياج ابد تدرين ليش؟
لانج قاعدة تعينينهم على بنات قطر كلهم ، يعني ان بغت اي وحدة تروح هناك بيسوون فيها نفس الشي

لكن اذا وقفتي ليها عظم في البلعوم كان مااعتقد تجرأت مرة ثانية

[قطرية ونص]

اختي باعطيج اياها كاش:

يكرمون هل قطر عن عقلياتكم ، هذا اسمه غباء ، ولا له علاقة بالطيبة

وهذا اللي امخليهم يسترسلون في نصبهم واحتيالهم

انا بصراحة ماني متعاطف وياج ابد تدرين ليش؟
لانج قاعدة تعينينهم على بنات قطر كلهم ، يعني ان بغت اي وحدة تروح هناك بيسوون فيها نفس الشي

لكن اذا وقفتي ليها عظم في البلعوم كان مااعتقد تجرأت مرة ثانية
شكرا على هذه الصفه .. وانا بقولج شي احنا نخاف اللهاولا ونراعي ضميرنا ومانبي شي يكون في رقابنا اذا صار فينا شي

[حبر سري]

شكرا على هذه الصفه .. وانا بقولج شي احنا نخاف اللهاولا ونراعي ضميرنا ومانبي شي يكون في رقابنا اذا صار فينا شي

اتراعين الله؟والنعم بالله
بس انتي شاركتيهم نصبهم واحتيالهم ، ليش ماقلتي في نفسج ان سكت عنهم بيسوونها في خواتي ولا بنات عمي ولا رفيجاتي؟
وين الخوف من الله هنيه؟
اختي انا ماراح اجمل الصورة ، خلونا نتعامل مع الواقع بدون مجاملات ، وربي ماضيعنا الا المجاملات

وبعدين اختي شاللي في رقابكم على قولتج؟
انتي بنفسج تقولين ان كل شي كان غير اللي انتوا طالبينه ، ماتقولين لي شله تعطونها الفلوس كاملة؟الحين تلقينها تضحك عليج وتقول:
بنات قطر غبيات ، وينقص عليهم وهم ساكتين

اكيد راح تقول جذيه

شفتي شلون انج ماخفتي الله في سمعة بلادج وبنات بلادج؟

اذا فلوسج زايدة روحي عطيها بدون اي شغل وقولي لها انا فلوسي زايدة ولا بهامتني

[قطرية ونص]

شتبين اسوي اروح الشرطه مثلا والا اصير بيسره .. انا مب راعية هالسوالف ومن قالج انا ماخاف على بلادي وبنات بلادي فديتج سويت اللي علي رحت لها وراحت صديقتي لكن مافي فايده وهذا انا شهرت فيها في المنتدي شتبين اسوي اكثر من جذي ..

[قطرية ونص]

عفوا انا مادري اللي خاطب رجال والا امراه

[حبر سري]

شتبين اسوي اروح الشرطه مثلا والا اصير بيسره .. انا مب راعية هالسوالف ومن قالج انا ماخاف على بلادي وبنات بلادي فديتج سويت اللي علي رحت لها وراحت صديقتي لكن مافي فايده وهذا انا شهرت فيها في المنتدي شتبين اسوي اكثر من جذي ..

الاخت الكريمة قطرية ونص
اول شي انا اخوج حبر سري
ثاني شي : انا ماقلت لج روحي اضربيها ولا ارفعي صوتج عليها قدام الناس ، او حتى ورا الناس ،
ثالث شي لما تقولين انج رحتي لها فهذا مب معناه انج سويتي اللي عليج ، انتي ماسويتي شي
كان المفروض والله ماتعطينها فلوسها اصلا ، الا اذا صلحت الوضع ، وهذا من حقج قانونا

او على الاقل تنقصين قيمة التغييرات , وبعد من حقج قانونا ، ولا تقدر تكلمج كلمة ، تقدرين تقولين لها بكل هداوة :
انا متفقة وياج على كذا كذا وانتي ماسويتي ، علشان جذيه ماراح اعطيج فلوسج كاملة لانج احرجتيني ، ومانفذتي الاتفاق

شفتي الحل شلون سهل؟ مااظن انه صعب

وانا لما قلت غباء اختي ، فانا يعني مااغلط عليج ، لاتعرفيني ولا اعرفج علشان اغلط عليج ، بالعكس الا على العين والراس ، ومارضى لج الشينة ، لكن اختي ابمتج الحين هي شقاعدة تقول عنج؟ اكيد راح تقول هالصفة واكثر
لا وغير جذيه ، راح تستقوي اكثر واكثر ، وهاذول يااخت قطرية صدقيني ينشرون بين الناس ان القطريين اغبيا وسهل ينقص عليهم تدرين ليش؟
من الحركة اللي انتي سويتيها

يبه دام الحق معاج ، لاتخافين

ماقلت لج اغلطي على حد ، لكن حقج لاتتنازلين عنه

مب علشانج ، فكري في البنات اللي ممكن يتعاملون وياها

هي لو تشوف العين الحمرة منج ومن غيرج ، بتعرف ان بنات هل قطر (الله يحفظهم ويستر عليهم) ماينقص عليهم

بس هذا اللي حبيت اقوله

وفي جميع الاحوال راح اقول :
الله يعوض عليج

اخوج
حبر سري

[قطرية ونص]

جزاك الله الف خير اخوي وانا ادري ان قلبك على اهل قطر وبحاول معاها مره ثانيه بروح مع صديقتي

[MAZEN37]

بكل بساطه انتي غلطانه لاني ما حجامل
زمان اعطيه كل فلوسه قبل الشغل كان ايام ابوي وجدي

[becauzah]

شي بقيت امووت اتصلت لها ما ترد طبعا


بقيت أموت!!! بقيت!!! اسمها بغيت قسما بالله
وين اللغة العربية ، يا جماعة حتى في الكلام قلبتوا الغين قاف!

[ام السعف]

اكثر حركات النصب والغش في محلات التاون سنتر ،، يسلمونج الشمس بيد
والقمر بيد الثانية وتدخلين القاعة الكوشة بوادي و تلبيسات الطاولات في وادي،

ومالكم الا مراكز الشرطة للي نفسه طويل :(

[بو خليفه 123]

الفواتير عندك ؟

[قطرية ونص]

عندي الفواتير والصور

[Mishari]

لاحول ولا فووة الا بالله

أنزين في واحد من الشباب منهدس ومصم للكوشات وده يفتح له فرع في الدووحه ممكن حد يسااعدنا بكم اجار المحلات وين المواقع الممتازه للمشاريع هذي

[bo_s3ood]

لاحول ولا فووة الا بالله

أنزين في واحد من الشباب منهدس ومصم للكوشات وده يفتح له فرع في الدووحه ممكن حد يسااعدنا بكم اجار المحلات وين المواقع الممتازه للمشاريع هذي




فريج بن محمود معظمها هناك

وكل واحد وحسب رقبته وسيولته ويقدر يسوي العجب

والله يووفقه

[clouds]

وييييي صارت اخس معاي من كم سنه ودافعين فوق100 الف ومعطينهم قبل العرس طبعا لان هاي نظامهم للبوق..ولاشفنا شي من اللي طلبناه ولما هددتهم قالو عندج الشرطه روحي اشتكي!!!وكنت بشتكي بس قالو الشرطه مابترد لج حقج ولافي شي يثبت كلامج لان العرس خلص فسكت
للاسف الحين يمسكونا منا ليد اللي تعرونا ويقولون لو مادفعتو المبلغ كامل مانحط لكم شي وطبعا مع معمعه العرس الواحد مايقدر يسوي شي لما يصدمونه

[بو خليفه 123]

عندي الفواتير والصور

تواصلي مع ادارة الغش التجاري في وزارة الاقتصاد و اذا لك حق بتاخذينه ان شاء الله ..


نسيت اقول لكم ألف مبروك مادبرتوا :)

[clouds]

اختي باعطيج اياها كاش:

يكرمون هل قطر عن عقلياتكم ، هذا اسمه غباء ، ولا له علاقة بالطيبة
شلون تدفعون لها الفلوس كاملة وانتوا ماخذتوا اللي تبونه؟
يعني الحين ان رحت لي مطعم وطلبت اكلة معينة وجاب لي اكلة ثانية ، اروح ادفع له فلوسه كاملة؟ لو بغيت اشتري فيلا اسكن فيها واتفاجأ ان الفيلا هي شقة ستة امتار في خمس امتار ، اروح ادفع له فلوسه كاملة؟ وبعدين اجي اقول والله انا من هل قطر الطيبين؟ اقول هل قطر محشومين من الغباء اللي يمارسه البعض ويقول انا قطري وطيب ، هل قطر عمرهم ماكانوا اغبياء ، وياريت لو نوقف عن هالاسطوانة المشروخة احنا طيبين واحنا طيبين ، احنا طيبين فعلا ، لكن عن حقنا مانسكت لو على رقابنا ، هاذول هم هل قطر الطيبين

وهذا اللي امخليهم يسترسلون في نصبهم واحتيالهم

انا بصراحة ماني متعاطف وياج ابد تدرين ليش؟
لانج قاعدة تعينينهم على بنات قطر كلهم ، يعني ان بغت اي وحدة تروح هناك بيسوون فيها نفس الشي

لكن اذا وقفتي ليها عظم في البلعوم كان مااعتقد تجرأت مرة ثانية

هاي قانون عند المحلات ياتدفعين المبلغ كامل قبل العرس ولا مايحطون لج ورده لاااازم المبلغ كامل ومو بس محلات الكوش حتى التصوير وغيره كلهم حراميه

[قطرية ونص]

تواصلي مع ادارة الغش التجاري في وزارة الاقتصاد و اذا لك حق بتاخذينه ان شاء الله ..


نسيت اقول لكم ألف مبروك مادبرتوا :)

الله يبارك في حياتك .. وجزاك الله خير

[بن جعران]

ياعالم ياللي تقولون انتي الغلطانه عطيتيهم افلوسك قبل ماتشوفين اي شي!! ترو المحل يجبرها تدفع المبلغ كامل قبل الحفل، وطبعاً قبلها يطعمونها بالذ المدح ان اهم الاحسن وكل شي يديد ومتوفر حسب الطلب ولين وقت الحفل يجيبون التجهيزات التعبانه اللي اصلاًًً ماعندهم غيرها وهذا اذا مو طارينها من محل ثاني من ربعهم، ولين هذاك الوقت ماتقدر تسوي اي شي وطاح الفاس في الراس ومجبور لانك بالوعد وهم يستغلون هالشي ياتتقبل بالواقع ياتخترب الحفله، والكل عارف بهالشي، لاتلومون الاخت انا اعرف هالمحل والاخت الشغاله تعطيكم من الكلام الزين (دحنا الاوئل على مستوى العالم) طللل الا ادناهم!! الله لايوفق من يستغل طيبت الناس بالنصب والاحتيال

[شيزكيك]

تدرين رحنا هالمحلات التعبانه وما اقتنعنا بشغلهم وعقب عودنا على المحل المعروف قلنا ندفع اكثر

بس كلمتهم وحده وشغلهم روعه ومضمون وغير كذي المواعيد المضبوطة

[Noora.]

حبيبتي لو انا مكانج على طول بخلي الشرطه تتفاهم معاهم وبرفع عليهم قضيه

تدرين في البلاد الاجنبيه لو حد سوا هالحركه على طول يرفع قضيه ويطالب بتعويض؟

واحنا اهل قطر اغلبهم خوافين ومندسين تحت اسم " عيب " ، " عادات وتقاليد ماتسمح" .... " منقـــود"... الخ

بس الصراحه خلي حد من اخوانج يرفع عليهم قضيه و انتوا 100% كسبانين القضيه + تعويض مادي + يسكرون المحل للأبد (6) !!

[قطرية ونص]

اللهم لك الحمد والشكر على كل حال .. امس صاحب المحل طلب منها اغلاق المحل وعطاها مهله عشرين يوم .. اللهم لاشماته ربي قادر على كل شي