موضوع للنقاش حول الاراضي للمواطنين

[طويل الرمح]

صبحكم بالخير

اولا نعرض القانون اللي قرر في سنة 2007 و الحين توهم يطبقونه :

الاراضي داخل مدينة الدوحه وضواحيها بالعربي مساحتها 650 م مربع هذا اللي سمعت اذا غلطان صححوا لي
الاراضي في المناطق النائيه و خارج الدوحه مساحتها 1000 م مربع هذا اكيد

كانت الاراضي توزع للمواطنين مساحاتها 1200 او 1400 حسب الارض

السوال اللي يطرح للنقاش ؟ ليييييييييييش ؟
نفكر حبه حبه و براحتنا ... 90 % من المناطق السكنيه على خط الشمال و حواليه يعني الكثافه السكانيه على خط الشمال غير المدن الكبيره الباقيه
من الاخر بالعربي 99% من البيوت و المنازل و المدن و القرى في قطر شرق خريطة قطر

باقي قطر فاضيه ... الحين واحد بينقز لي من البيئه بيقول محميات :s

المهم ليش ما نوسع شوي 3 او 4 كيلو ورى خط الشمال عادي و نوسع على المواطنين ؟؟

1200 وايد زين راضيين

و تقبى لنا قطر الحبيبه :)

[R 7 A L]

كلنا سمعنا ولكن ماشفنا شي رسمي ان المساحة 650
ومازلت الاراضي توزع بالمساحة السابقة 1200

[ميموري]

الحين انت استفسارك عن
1. مساحة الاراضي المعطاه
2. موقع الاراضي

وانا سؤالي هل فيه قرار بهالشي؟؟؟

[طويل الرمح]

مساحة الاراضي خالصين منها فيه كذا واحد من الشباب مقدم خارج الدوحه عطوه 1000 م مع انه التخطيط كان 1200 للاراضي

انا ملاحظتي و اللي ابي اوصله ليش نتوسع في باقي قطر مب كله حكره في شرق قطر و نضيق على المواطنين في الاراضي ترى قبله من خط الشمال اراضي واسعه و محد حولها