الجمارك .. ليش يشتكون منها

[qtr.wolf]

السلام عليكم ..

اليوم سمعت في وطني الحبيب ان موظفين الجمارك يتشكون او يشتكون من ادارة الجمارك ؟؟ ليش و وشو السبب ؟!!

ياليت حد يفهمنا الموضوع اذا تعرفون شي لاني سمعت البرنامج شوي و نزلت من الموتر .

ولكم كل التقدير و ننتظر الاخوان يجاوبون

[شمعة الدوحه]

توني مقدمه عليهم يوم الاحد :)

كل مكان فيه مساوئ اكيد

مستحيل تلقى مكان كل موظفينه مرتاحين

[ZURICH]

برنامج وطني الحبيب تلقى عدد من الشكاوي من موظفين الجمارك في مركز ابو سمرا

والسبب تغير نظام الشفتات من خمسة ايام دوام وخمسة ايام إجازة إلى ستة ايام دوام

وأربعة ايام إجازة ..

والسيد / عبد الرحمن المعضادي مدير الجمارك في ابوسمرا قدم توضيح بخصوص الشكوى

وان دراسة القانون الجديد استمر حوالي اربعة اشهر واكد أنة يخدم العمل

[qatari911]

ماعندهم سالفه
في غيرهم شباب يدورن الوظيفه
وهم على شان زادو عدد ايام العمل اشتكو
انا ابي اداوم هناك أحد عنده واسطه
لو اشتغل اسبوع عمل وثلاث ايام اجازه بس وين الشغل

[وحيد-الشوق]

ماعندهم سالفه
في غيرهم شباب يدورن الوظيفه
وهم على شان زادو عدد ايام العمل اشتكو
انا ابي اداوم هناك أحد عنده واسطه
لو اشتغل اسبوع عمل وثلاث ايام اجازه بس وين الشغل

شنو ماعندهم سالفه

يجون لك بعد سنين طويلة ويغيرون الدوام ليش ؟؟؟؟؟؟؟؟؟؟

هذا جزاهم موظفين بوسمرة مب كفايه الخط والتعب عليهم احنا نقطع يوميا رايح راد فوق 220 كيلو

دوام الصبح 7 + ساعة رايح وساعة راد هذي 9 ساعات

دوام العصر 8 مع الطريق 10 ساعات

دوام الليل 9 ساعات مع الطريق 11 ساعة

هذا وانا ساكن في الوكرة غيري ساكن في الشمال شيسوي

ولله حرام عليهم حسبي الله عليهم

[qatari911]

اخوي وحيد الشرق
انا سمعت الي عنده دوام اسبوع يقدر ينام عندهم
مخصصين غرف حق الموظفين الي يجلس اسبوع في دوام علشان مايروح ويرجع ويتعب نفسه
مادري اذا صح الكلام والا لا
بعدين اخوي لاتزع هذا راي وقلته
واسف اذا ضايقتك من غير ما اعرف
في حفظ الرحمن

[qtr.wolf]

انا اللي فهمته ان الدوام بيكون 6 ايام شفتات طبعا يومين صبح و يومين عصر ويومين ليل طبعا مع زيادة عدد ساعات العمل و 3 ايام اجازه اتمنى من حد يكون مسؤول في الجمارك يوضح لنا ذي الشي
الله يكون في عونهم مفتشين الجمارك شفتات و المدراء مرتاحين دوام صباح ومع هذا يداوم الساعه 9 كأن الدوام في شركته الخاصه ما جرب تعب الشفتات خل حد من الاداره المدراء يداوم شفتات كل شفت 10ساعات و بعدين يقول رايه بعد 6 شهور دوام ..
والسموحه على الاطاله

يعطيكم العافيه على الردود الطيبه ماقصرتو .... اداره كل يوم لها قانون !!!!! لا تعليق .. من القهر

[فارس قطر]

هذى عنصرية المدراء الجدد مب في الجمارك بس في قطر كلها

اول مايتعين مدير يقوم بتخبطات في الادارة

وتضييق على الموظفين لااثبات انة سيف القاطع

لعدم وجود رقيب ولا حسيب على المدير وخاصة عندما يكون المدير تم تعيينة بالواسط

ولايحمل شهادات جامعية تخصصية.

[حصل خير]

الله يوفقهم لمافيه الخير

[رجل الجزيرة]

هذى عنصرية المدراء الجدد مب في الجمارك بس في قطر كلها

اول مايتعين مدير يقوم بتخبطات في الادارة

وتضييق على الموظفين لااثبات انة سيف القاطع

لعدم وجود رقيب ولا حسيب على المدير وخاصة عندما يكون المدير تم تعيينة بالواسط

ولايحمل شهادات جامعية تخصصية.

بس إلي أنا سمعته مهوب المدير إلا قرر من نفسه وإنما مجموعة من مدراء الجمارك وهم إتفقوا على نظام الشفتات.

[رجل الجزيرة]

شنو ماعندهم سالفه

يجون لك بعد سنين طويلة ويغيرون الدوام ليش ؟؟؟؟؟؟؟؟؟؟

هذا جزاهم موظفين بوسمرة مب كفايه الخط والتعب عليهم احنا نقطع يوميا رايح راد فوق 220 كيلو

دوام الصبح 7 + ساعة رايح وساعة راد هذي 9 ساعات

دوام العصر 8 مع الطريق 10 ساعات

دوام الليل 9 ساعات مع الطريق 11 ساعة

هذا وانا ساكن في الوكرة غيري ساكن في الشمال شيسوي

ولله حرام عليهم حسبي الله عليهم
بس رواتبكم كم؟ إلي أنا سمعته 100% من الراتب وهذا عندكم علاوة خاصة بالجمارك على ما أعتقد 2000 ريال، وفيه سكن خاص للموظفين.

[Stars]

شنو ماعندهم سالفه

يجون لك بعد سنين طويلة ويغيرون الدوام ليش ؟؟؟؟؟؟؟؟؟؟

هذا جزاهم موظفين بوسمرة مب كفايه الخط والتعب عليهم احنا نقطع يوميا رايح راد فوق 220 كيلو

دوام الصبح 7 + ساعة رايح وساعة راد هذي 9 ساعات

دوام العصر 8 مع الطريق 10 ساعات

دوام الليل 9 ساعات مع الطريق 11 ساعة

هذا وانا ساكن في الوكرة غيري ساكن في الشمال شيسوي

ولله حرام عليهم حسبي الله عليهم

مع احترامي لك وللشباب اللي بالجمارك ولكن ارجو ان يتسع صدرك لما اقوله :
الواضح ان عندكم شوي عدم مبالاة بالمسؤولية وعدم الاحساس باهمية المكان اللي انتوا فيه
واللي يعد خط الدفاع الاول عن البلد .
قول لي ليش وبجاوبك ؟!!
بخصوص الدوام اعتقد وحسب ما جاني من اخبار ان مب دوام الجمارك اللي تغير بس بل جميع
ادارة المركز من جوازات وامن تغير دوامهم وما سمعنا الحنة والصجة اللي مسوينها شباب الجمارك
واعتقد ان الدوام ماتغير الا لظروف العمل حسب ماقالوه المسؤولين وذلك لافتتاح الرمبات الجديدة وذلك من اجل تسهيل دخول البضائع للبلد وانهاء جميع المعاملات للمواطنين والمقيمين من خلال المركز دون الحاجة للرجوع للدوحة وبالتالي توفير الوقت والجهد والمال عالناس .
واعتقد ان نفس الظروف اللي تكلمت عنها يعانيها نفس الموظف بالامن ولا الجوازات ولكن ونتيجة للحس الانضباطي اللي تعلموها نتيجة للعسكرية اثروا شباب الداخلية الالتزام لا لشيء
الا لخدمة الوطن وراحة المواطنين
هذي وجهة نظري ارجو انها تجد صدرا واسعا لتقبلها
وشكرا
ملاحظة : شوفوا موظفين الجمارك بسلوى اللي تقابلكم شلون دوامهم واحمدوا الله عالنعمة اللي انتوا فيها ودمتم سالمين

[بوحارب]

الصراحة ظلم ظلم ظلم ظلم

والله الربع مساكين متحطمين واللي يفكر يقدم استقالته بسبب النظام الجديد

لأنه صج يعتبر ارهاق في ارهاق

ويكفي ان الواحد منهم يقطع فوق ال 200 كيلو رايح وجاي وفي الأخير يطلعون لهم بهذا النظام المتعب

الله يعينكم يا موظفين الجمارك :)

[R 7 A L]

صراحة نظام جائر وظالم

موظفين جمارك ابوسمرا ماقصروا ولا راح يقصرون في وظيفتهم قايمين بها على أكمل وجه ولاعندهم نقص
ماندري هل يوجد لديهم نقص في العمل او ان عددهم قليل
اذا هذا السبب وظفوا شباب من الى مفلاتهم تارسة مكتب التوظيف لديكم


للعلم هذه الهيئة أقل هيئة في استحداث الوظائف على مستوى الدولة ككل
والتوظيف فيها اصعب من التوظيف في اي مكان اخرى لاسباب تبقى مجهولة !!!!

[ابو علاوي]

شركتنا كل اسبوع يجينا 3-4 تريلات حجر الى قطر من السعودية وسورية والاردن
والسواقين يوقفون عالحدود يومين رغم انهم اول مايوقفون حتى 5 ساعات
واللي سمعتو منهم ان الموظفين يشتغلون براحتهم احتجاجاً على زيادة ساعات العمل
والسواقين سوولي مشاكل يبون يحملوني عن كل يوم350ريال كتأخير

فعلاً مشكلة لابد من حلها
شلون عاد؟؟ المسؤولين اعلم

[Stars]

الصراحة ظلم ظلم ظلم ظلم

والله الربع مساكين متحطمين واللي يفكر يقدم استقالته بسبب النظام الجديد

لأنه صج يعتبر ارهاق في ارهاق

ويكفي ان الواحد منهم يقطع فوق ال 200 كيلو رايح وجاي وفي الأخير يطلعون لهم بهذا النظام المتعب

الله يعينكم يا موظفين الجمارك :)
اي ظلم ونا اخوك خلونا نتكلم بمسؤولية واحساس وبلا اي تحريض
ليش متحطمين وين قالوالهم داوموا في (( خرخير )) !! ترى السالفة كلها 40-45 دقيقة على جي مسكرب بعد !!
هذا بخصوص المسافة اما الدوام فاعتقد انه ماتغير الا لظروف العمل والناتجة عن افتتاح رمبات جديدة وهو مؤقت كما قالوا الاخوان هناك من ادارة المركز الين تجيهم عددية فهم ايضا يحسوون بنفس احساسهم . وبعدين حتى الجوازات والامن في بو سمرة تغير دوامهم وصار بعد
6 ايام شفتات و4 اوووف فليش ماسمعنا منهم الحنة اللي صجونا فيها الشباب .
ثم تعال في الدوام القديم اللي يسمع الشباب يقول مساكين ذبحوا نفسهم في الشغل وماتدري ان
الدوام كله قعدة وسوالف وضرب قهوة وشاي وممكن انه الشغل المنجز يكون اقل من 20%
من اجمالي الدوام .
اكلمك من واقع انا مجربه جبت لي شاحنة محمل فيه اثاث للبيت من الرياض ولما دخلت الشاحنة للرمبة تصوروا وقوفها لاكثر من 40 دقيقة بالرغم من انها محملة اثاث شخصي مش بضاعة والفواتير تشهد ولين تفضل الاخ الموظف وجا لا والنفس تعبانة بعد (( كنت متوقع انه بيجردني جرد على هالنفسية ))
مااخذ التفتيش اكثر من خمس دقايق بالنظر يعني فعن اي شغل اخوي تتكلم وعن اي تعب وارهاق .
هذا ما اود ان اعقب عليك فيه وارجو ان يتسع صدرك فلكل منا رايه ودمتم سالمين .
سؤال : في مبنيين موجودين بعد ميزان المرور يقولون انه مبنى جهاز للاشعة ليش مايشغلونه
ويوفرون الجهد على الشباب هناك ارجو من الاخوان بالجمارك انهم يجاوبون ؟

[السهم الشمالي]

راتب الجمارك الأساسي
+
120% تقريبا إذا كان مهب أكثر من الراتب الأساسي
+
علاوة المنفذ للجنير 2500 وللسنير 3500
+
باقي العلاوات اللي هي تنقل وإجتماعية وبدل سكن ..الخ .
+
سكن مجاني وأكل مجاني في السكن وفي موقع العمل .

واحد من عيال عمي يعد علي سالفه موظف جمارك في سلوى
وش يقول أول شي تفاجأ يوم قاله أنه من سكان مكه وثاني شي مايروح يشوف أمه غير مرة بالشهر وغير ذلك تدني الرواتب .

وقولوا الحمد لله والشكر على النعمة .
وانتوا أبعد شخص عن الحدود هم هل الشمال ولاهو بشرط أن الموظف يروح ياخي أجلس في السكن وإرتاح وأمش على راحتك
بعدين لازم تعذرون الإدارة لأن الجمارك هي اللي في الوجه وعليهم الكثير من الضغوط .

[Doha Sun]

صار مدير بيتحكم بدوام الموظفين ..
لا حول ولا قوة الا بالله العلي العظيم

[al_Caesar]

السلام عليكم ورحمة الله وبركاته

في البداية بخصوص دوام جمارك ابوسمرة هو تغير مب محصور ع الجمارك

تم تغير دوام اقسام وزارة الداخلية ( الامن - والجوازات )
وفي نظرة انه يتم توحيد دوام جميع الجهات العاملة في المنفذ

والمركز ماشاء الله في رمبات ومشاريع جديدة تطلب موظفين وايد ...

موظفين الجمارك اشتكوا من هالشي لانه تغير عليهم مفاجاء ولكن بعد مايجربون الدوام بيتوعدون عليهم

والتغير الي صار مب من المدير ومن لجنة درسوا الموضوع ومثل ماقال هاي تجربة ان شافوا ايجابياتها اكثر من سلبياتها وبيمشون عليها وان شافوا العكس بيتم التغير

وهالمدير يوسف أحمد المعضادي مب مدير جديد له اكثر من سنة في ابوسمرة

وفي النهاية التوفيق من الله

[راعي المها]

مساء الخير على الجميع الصراحه موظفين الجمارك مرتاحين نوعن ما الموظفين وايد ماشاء الله والدوام 8 ساعات وفي البديل اذا في نقص بس انظلمو في صرف طبيعة العمل من 60 في الاميه الى 40 في الاميه بس اشرايكم في الى يداوم 12 ساعة وساعه رايح وساعه جاى يعني 14 ساعه ونقص موظفين وطبيعة العمل 25 في الاميه بس ولا عنده بدل خطر ولاعمل اظافي مثل الجمارك

[qatari911]

قلت لكم
انا ابي اتوظف هناك
الي يبي يستقيل يقولي اقدم في مكانه ^ـــ^
ناس عايشه وتتحلط علشان زادو ايام العمل
الله يكون في عون الي يدورون وظايف ومو محصلين

[بوخالد911]

الله يووفق الكل

[مالي ومال الناس]

, , , , ,

استغرب من اللي يقارن قطر بدول ثانيه ويقول احمدوا ربكم

تطلعات دولتنا معروفة انها للقمة وللأفضل دائماً , ليش مانقارن جمارك قطر مع جمارك امريكا مثلاً

ممكن تقولون لي الفرق بينهم في القوة والامتيازات ؟ وليييش :)

الله يعطيهم العافيه وأفخر دائماً بوجود شبابنا القطري بوجه حضاري وأخلاق عاليه

لكم اجمل تحيه

[làst çhàncè]

الله يعينهم

[الدمعه]

اللي يده في الماي مومثل اللي يده في النار ..

صح راتبهم ممتاز وعندهم سكن هاي ماعليه اختلاف بس الاهم من ذيه كله نفسية الموظف ..

قبل لانحكم عليهم لازم نعايش حد منهم مب بالكلام ذيه احسن وذاك افضل ..

ورجاااااااااااااااء لحد يقار بلادنا ببلاد غيرنا ..


الاعتراض بس على نظام الشفتات في الاسبوع الواحد ..

قبل كان خمس ايام يداوم فيها دوام صباح ويفك خمس .. واللي عقبها عصر ويفك واللي

عقبها ليل ويفك ..

[ahsees]

صباح الخير

من المفروض من كل مدير قبل لا يحط اي قرار يشوف الوضع مع موظفينه ويشاورهم ويشوف ظروفهم قبل كل الشئ لانه للموظف راى هو لي يجتهد ويتعب والنفسيه لم تكون مرتاحه اكيد راح ينتج الموظف ..

بس الله يعين وربك كريم ..

[بوخليفة3]

اي ظلم ونا اخوك خلونا نتكلم بمسؤولية واحساس وبلا اي تحريض
ليش متحطمين وين قالوالهم داوموا في (( خرخير )) !! ترى السالفة كلها 40-45 دقيقة على جي مسكرب بعد !!هذا بخصوص المسافة اما الدوام فاعتقد انه ماتغير الا لظروف العمل والناتجة عن افتتاح رمبات جديدة وهو مؤقت كما قالوا الاخوان هناك من ادارة المركز الين تجيهم عددية فهم ايضا يحسوون بنفس احساسهم . وبعدين حتى الجوازات والامن في بو سمرة تغير دوامهم وصار بعد
6 ايام شفتات و4 اوووف فليش ماسمعنا منهم الحنة اللي صجونا فيها الشباب .
ثم تعال في الدوام القديم اللي يسمع الشباب يقول مساكين ذبحوا نفسهم في الشغل وماتدري ان
الدوام كله قعدة وسوالف وضرب قهوة وشاي وممكن انه الشغل المنجز يكون اقل من 20%
من اجمالي الدوام .
اكلمك من واقع انا مجربه جبت لي شاحنة محمل فيه اثاث للبيت من الرياض ولما دخلت الشاحنة للرمبة تصوروا وقوفها لاكثر من 40 دقيقة بالرغم من انها محملة اثاث شخصي مش بضاعة والفواتير تشهد ولين تفضل الاخ الموظف وجا لا والنفس تعبانة بعد (( كنت متوقع انه بيجردني جرد على هالنفسية ))
مااخذ التفتيش اكثر من خمس دقايق بالنظر يعني فعن اي شغل اخوي تتكلم وعن اي تعب وارهاق .
هذا ما اود ان اعقب عليك فيه وارجو ان يتسع صدرك فلكل منا رايه ودمتم سالمين .
سؤال : في مبنيين موجودين بعد ميزان المرور يقولون انه مبنى جهاز للاشعة ليش مايشغلونه
ويوفرون الجهد على الشباب هناك ارجو من الاخوان بالجمارك انهم يجاوبون ؟

ماشاء الله اخوي وايد شايل ع الموظفين
ترى الاجازة 3 ايام مب 4
لعلمك الخاص اخوي يوميا منفذ بوسمره يشتغل اكثر من شغل منفذ الغويفات وسلوى

ومب انت اللي تقيم شغل ناس يتحملون الشمس الساعه 12 الظهر في عز الصيف ويتنشق دخان ديزل التريلات لي ماينشق صدره ومن ناحية الجي المسكرب حسستني انك ماتركب الا بنتلي وتنزل منه وتركب الدروب هيد اللي صاف عند بابكم .. ووين 40 دقيقه المسافه !!!
واذا عن سيارتك ترى في دور وناس قبلك وحتى لو اثاث شخصي تعبر شحنه وعليها اجراءات
واذا عن الشغل وضغط العمل

محد اشتكى حق حد الشغل ماشي والامور كلها طيبه والشاحنات كلها اتخلص والشاحنه ماتبات فالمركز وتنتهي اجراءاتها باسرع وقت واذا كان في خلل فالخلل في القدرة الاستيعابيه للشاحنات حيث ان القدرة الاستيعابيه هي 20 سياره فقط بينما الاعداد التي تتوافد على المركز بالمئات والالاف

اتمنى اخوي انك ماتقلل من جهد حد او عمل حد واذا عن المقارنه بالاقسام الثانيه هم دوامهم من قبل غير عن الجمارك

واذا عن العدديه لازم يكون في توظيف اذا انت تبي تفتح اقسام جديده وياكثر اهل قطر اللي يدورون شغل

ورجاء لاتتكلم عن امور انت تجهلها لانك مب فالميدان وتقبل كلامي اخوي

[بوخليفة3]

راتب الجمارك الأساسي
+
120% تقريبا إذا كان مهب أكثر من الراتب الأساسي
+
علاوة المنفذ للجنير 2500 وللسنير 3500
+
باقي العلاوات اللي هي تنقل وإجتماعية وبدل سكن ..الخ .
+
سكن مجاني وأكل مجاني في السكن وفي موقع العمل .

واحد من عيال عمي يعد علي سالفه موظف جمارك في سلوى
وش يقول أول شي تفاجأ يوم قاله أنه من سكان مكه وثاني شي مايروح يشوف أمه غير مرة بالشهر وغير ذلك تدني الرواتب .

وقولوا الحمد لله والشكر على النعمة .
وانتوا أبعد شخص عن الحدود هم هل الشمال ولاهو بشرط أن الموظف يروح ياخي أجلس في السكن وإرتاح وأمش على راحتك
بعدين لازم تعذرون الإدارة لأن الجمارك هي اللي في الوجه وعليهم الكثير من الضغوط .

بخصوص العلاوات هذي اخوي علاوة المركز تصرف للجميع حتى الهندي اللي فالمركز

الشي الثاني انت اخوي الفرق كله 2500 ريال عن الدوحه
وهذي طبعا مصروفه على التواير والبترول والايل ووجه الموتر والسياره بكبرها

واذا عن السكن اخوي مب كل الموظفين عزوبيه في ناس متزوجين وعندهم عيال ومسؤليات انقولهم هدوا اهاليكم ايام طول السنه ؟!

ورجاء لاتقارن موظفين قطر بموظفين السعودية في فرق اخوي فالمدخول ككل والمساحه..

ترى الراتب كله13 مب مليون

[jeep-srt8]

ياحبي لضرب الخطوط :( في الصيف بقدم على الجمارك :(