أنا لا أكذب ، ولكني ...................... أتجمل:)

[نور الحور]

السلام عليكم ورحمة الله وبركاته ،،









من فترة سنتين تقريباً شفت فيلم عربي مغبر ومنتف بالصدفة << مع إني ما أحب الأفلام العربية :(

عنوانه :
(أنا لا أكذب ، ولكني ...أتجمل)

مأخوذ من قصة للكاتب الكبير إحسان عبدالقدوس بنفس العنوان تدور قصة الفيلم باختصار حول شاب جامعي متفوق (أحمد زكي)من أسرة فقيرة تسكن بمنطقة المقابر, يعمل مع أبوه في حفر القبور، وأمه تخدم في البيوت, لكنه يتظاهر قدام طلبة الجامعة وزملاء الكلية بأنه من أسرة غنية .
تنشأ علاقة حب بينه وبين إحدى زميلاته بالكلية (آثار الحكيم)، و هي من عائلة غنية وتسكن بأحد الأحياء الراقية, لكن ما يقول لها عن حقيقة الفرق بالمستوى المادي بينهما, ولا بطبيعة عمل والديه أو طبيعة حياته وعيشته، ولكن يتم كشف هذا الخداع على يد أحد زملاءه, فتفاجأ زميلته هذي اللي تحبه في البداية, ولكنها تلتمس له العذر, وتتمسك به أكثر, بالرغم من نصيحة والديها لها بعدم جدوى هذه العلاقة وعدم تكافؤها, وتقرر الارتباط به بعد أن يتخرج من الجامعة, فالفقر مو عيب معيب حسب وجهة نظرها
ولكن يتبين لها بعدين (بمساعدة والدها)بأن تمسكها بهذا الشاب بعد معرفة حقيقته هي ردة فعل مؤقتة, فتفسخ الارتباط بينهم ،لكنه يفاجأ هو بقرارها ويحاول أن يبرر لها بأن اللي سواه شي الكل يسويه , لأنه ما كذب عليها بمشاعره ولكنه كان يتجمل ويحاول تحسين صورته، لأنه إن صارح الجميع بوضعه بينبذونه الكل ولو كان شخص صالح أو طالب متفوق ...
.
.
.
اللحين بغيت آراؤكم .. هل تأيدون الكذب بغرض التجمل وتحسين الصورة ؟
وانتبهوا .. أنا لا أقصد الدبلوماسية فهي فن راقي يعتمد بشكل كبير على فن المحاورة ..
أنا أقصد الكذب للتعايش مع وضع معين حتى لا يتعرض هالشخص للنبذ ..
مثال : طالبة جامعية .. تشوف كل ربعها لابسين ماركات .. فتستعير ملابس وشنط وإكسسوارات ماركة وتزين شوي في الكلام مع شوية بهارات إن أبوها ما يبخل عليها ...الخ وهو في الحقيقة ما يلقى يمكن حتى قوت يومه ..

أو حتى في موضع غير المظاهر .. عضو أو عضوة في أحد المنتديات .. ماشاء الله كلامهم درر وحكم ..
مثاليات .. كل ما انطرح موضوع وتقرا رايهم تقول هذولا مو بشر .. هذولا ملائكة استغفر الله ..
المرة سنعة ، والريال شهم ، والعيال عباقرة، وكلهم هاي كلاس :secret:

ولي بقيت تشوف حياتهم على الحقيقة .. تصير جذي :rolleyes2:

ولما تسأله بيقول لك : (أنا لا أكذب ، ولكني ....أتجمل )!!!!

إن شاء الله فكرة الموضوع وصلت ..
أنا ما أقصد الدبلوماسية، ولا أقصد الكذب بغرض الدهاء أو التخريب أو لأي غرض ثاني ..
فقط أقصد ..رأيكم في الكذب بقصد التجمل وتحسين الصورة والتعايش مع المحيطين ..

<<<رأيي الشخصي بتكتشفونه من خلال ردودي على الموضوع ..يالله أنتظر مشاركاتكم .. تعبت وأنا أكتب :tease:

[بو الجوري]

موضوع حلو أختي :.. :)

لكن أنا أشوف عادي التجمل لكن من غير كذب :..:rolleyes2:

يعني المثال اللي قلتيه عن طالبة الجامعه :..
ممكن إنها تتجمل عشان ما تحس بالنقص :.. خاصة إن في بنات :.. مايقصور وهم يحسسونج بالنقص وإن هاي أبوي جابلي وهاي شاريتها بمادري كم :.. :anger1:
لو الله يشفيهم من مرضهم النفسي :.. كان مابتشوفين الطالبه المذكوره تكذب :.. ولا حتى تتجمل :..
و بتمد ريولها على قد لحافها :..:shy: لأن محد بينتقدها :..:nice:

عالعموم أنا مع التجمل من غير كذب :.. ومن غير تبرير للشخص الآخر :..:secret:

انا ماحب اللي يكذب على حساب غيره :..
لأن في كذبات يتضرر منها الطرف الثاني :..:rolleyes2:

لي عوده يمكن :.. على حسب حرارة الموضوع :..:p

[نور الحور]

موضوع حلو أختي :.. :)

لكن أنا أشوف عادي التجمل لكن من غير كذب :..:rolleyes2:

يعني المثال اللي قلتيه عن طالبة الجامعه :..
ممكن إنها تتجمل عشان ما تحس بالنقص :.. خاصة إن في بنات :.. مايقصور وهم يحسسونج بالنقص وإن هاي أبوي جابلي وهاي شاريتها بمادري كم :.. :anger1:
لو الله يشفيهم من مرضهم النفسي :.. كان مابتشوفين الطالبه المذكوره تكذب :.. ولا حتى تتجمل :..
و بتمد ريولها على قد لحافها :..:shy: لأن محد بينتقدها :..:nice:

عالعموم أنا مع التجمل من غير كذب :.. ومن غير تبرير للشخص الآخر :..:secret:

انا ماحب اللي يكذب على حساب غيره :..
لأن في كذبات يتضرر منها الطرف الثاني :..:rolleyes2:

لي عوده يمكن :.. على حسب حرارة الموضوع :..:p

الأحلى مرورك وتعليقك بوالجوري..
وجهة نظرك معقولة جداً ..
كلام قميل
كلام معأوول
ماأدرش أأوول حاقه عنه :)
وانتظر عودتك حتى لو صار الموضوع (مثلج ) و (بايت).. أي عذر غير مقبول :telephone:

[بو الجوري]

الأحلى مرورك وتعليقك بوالجوري..
وجهة نظرك معقولة جداً ..
كلام قميل
كلام معأوول
ماأدرش أأوول حاقه عنه :)
وانتظر عودتك حتى لو صار الموضوع (مثلج ) و (بايت).. أي عذر غير مقبول :telephone:

:) مع إن الموضوع بارد :..

لكن لي عوده الأحد إن كان حاااااار :.. :tease:

[نور الحور]

:) مع إن الموضوع بارد :..

لكن لي عوده الأحد إن كان حاااااار :.. :tease:

:waiting::waiting::waiting:

[بوصلووح]

احس هالموضوع عند البنات اكثر شي
يموووتووون في المفوشر و شوفي ثيابي و شوفي اكسسواراتي
و تلقى الوحده تتفلسف انا شريت من هني و انا رحت هني
و في الأخير كله كوبي مال تايلند خخخ

بس عند الرياييل نادر يعني
اتخيل لو بييني واحد يقولي والله شوف ساعتي و زراري والله شوف موتري خخ بقوله يحليلك صج ياهل .
بس اذا انا حالتي على قدي مايحتاي اكذب , مب مرافج اغنياء و خلاص عشان ما احس اني اقل منهم , الا اذا كانوا متواضعين .

معن هالشي المفروض مايحسس بالنقص , قليل المال مب ناقص , قليل الدين هو الناقص .

قال عليه الصلاة و السلام : تعس عبد الدينار تعس عبد الدرهم تعس عبد الخميله تعس عبد القطيفه , تعس و انتكس , و اذا شيك فلا انتقش .

صج الناس هالأيام كل همهم الفلوس و الأشكال و الثياب و الموضات
و تلقاهم اتعس الناس بدعوة الرسول صلى الله عليه وسلم عليهم
تعس و انتكس الي كل همه في الفلوس و الموضه و آخر الصيحات و الصرعات .

الله يجعلنا نعتز بالدين , و الله يجعل الدنيا في يدنا مب في قلوبنا .

شكراً على الموضوع :)

[بو الجوري]

و الله أختي الموضوع حلو :.. :nice:
لكن صارله 3 ساعات و محد رد عليه !!! :waiting:

لو حاطه عن تعدد الزوجات جان بتلاقين زحمه :.. :shy:

وأنا لأني الويكند أكون في العـنّه فالأحد لي عوده :.. :nice:

[بنت ذياب]

نور الحور:(

بصراحة اندمجت مع الفلم ..

ماقلتي لنا شنهايته

افترقوا ولا غيرت رايها وارجعت له ؟؟؟


ذكرتيني بمسلسل روبي.. لما خدعها اليخاندرو وقالها انا راهي
وهو عالحديدة ولما درت اتركته :tease::tease:


مممممممممممم بخصوص الموضوع

هاي مب تجمل احس هاي كذب

يعني خل يقولها عالاقل انا على قد حالي.. ليش يجذب عليها !!

لو بدالها بتركه مب عشان حالته بس خدعها يعني وفشلها مع اهلها يعني لو قايلها عالاقل هي اقدرت تقنع اهلها .. مب تتفاجىء هي معاهم :omen2:

[نور الحور]

احس هالموضوع عند البنات اكثر شي
يموووتووون في المفوشر و شوفي ثيابي و شوفي اكسسواراتي
و تلقى الوحده تتفلسف انا شريت من هني و انا رحت هني
و في الأخير كله كوبي مال تايلند خخخ

بس عند الرياييل نادر يعني
اتخيل لو بييني واحد يقولي والله شوف ساعتي و زراري والله شوف موتري خخ بقوله يحليلك صج ياهل .
بس اذا انا حالتي على قدي مايحتاي اكذب , مب مرافج اغنياء و خلاص عشان ما احس اني اقل منهم , الا اذا كانوا متواضعين .

معن هالشي المفروض مايحسس بالنقص , قليل المال مب ناقص , قليل الدين هو الناقص .

قال عليه الصلاة و السلام : تعس عبد الدينار تعس عبد الدرهم تعس عبد الخميله تعس عبد القطيفه , تعس و انتكس , و اذا شيك فلا انتقش .

صج الناس هالأيام كل همهم الفلوس و الأشكال و الثياب و الموضات
و تلقاهم اتعس الناس بدعوة الرسول صلى الله عليه وسلم عليهم
تعس و انتكس الي كل همه في الفلوس و الموضه و آخر الصيحات و الصرعات .

الله يجعلنا نعتز بالدين , و الله يجعل الدنيا في يدنا مب في قلوبنا .

شكراً على الموضوع :)

مشكورة على مداخلتك يابو صلوح ..وما شاء الله عليك يمكن أنت تشوفها بعقل لكن بعضهم ما يقدر يتعايش إلا لما يكذب بقصد التجمل..
وترى المفوشر مو بس عند البنات شوف الشباب كل شوي موتري وموتري ههههه :eek5:
بس المقصد من الموضوع أكبر من جذي .. يعني ممكن الواحد يكذب مو بس في المظاهر والأمور المادية ..
الواحد ممكن يكذب حتى في إظهار طبيعة شخصيته بس عشان يتعايش ويتجمل مع الآخرين ..
يعني الموضوع كبييييييييييير مو بس مقتصر على المظاهر :)

[نور الحور]

و الله أختي الموضوع حلو :.. :nice:
لكن صارله 3 ساعات و محد رد عليه !!! :waiting:

لو حاطه عن تعدد الزوجات جان بتلاقين زحمه :.. :shy:

وأنا لأني الويكند أكون في العـنّه فالأحد لي عوده :.. :nice:

إن شاء الله رجعت بالسلامة ؟ :telephone:



الحمدلله على السلامة بوالجوري ..
بس تراها معروفة أي موضوع أو حديث عن المحرمات الثلاثة ((أكيد إنك عارفها)) أو حتى فيه ((ريحه منها ))بيولع الموضوع وكلها ساعات ويوصل المية صفحة :eek5:

ومو كل موضوع ((سُخن )) ينفع الناس .. أو على الأقل يكون فيه الحوار ممتع ومفيد ..
والتنويع والتجديد حلو ..
ذبحونا بقضايا التعدد والمرأة والرجل والسياسة واختلاف المعتقدات ...<<هالمحرمات اللي تولد اختلاف شديد في الرأي و ((جدل بيزنطي عقيم)) في أغلب الأحوال :(

[نور الحور]

نور الحور:(

بصراحة اندمجت مع الفلم ..

ماقلتي لنا شنهايته

افترقوا ولا غيرت رايها وارجعت له ؟؟؟


ذكرتيني بمسلسل روبي.. لما خدعها اليخاندرو وقالها انا راهي
وهو عالحديدة ولما درت اتركته :tease::tease:


مممممممممممم بخصوص الموضوع

هاي مب تجمل احس هاي كذب

يعني خل يقولها عالاقل انا على قد حالي.. ليش يجذب عليها !!

لو بدالها بتركه مب عشان حالته بس خدعها يعني وفشلها مع اهلها يعني لو قايلها عالاقل هي اقدرت تقنع اهلها .. مب تتفاجىء هي معاهم :omen2:


بنت ذياب :waiting::waiting:

ردي اقري الموضوع بتعرفين النهاية :weeping:

ورايج في أحداث الفيلم أحترمه .. بس ما قلتي لي .. شرايج في القضية المطروحة عموماً .. أقصد هل تؤيدين الكذب عموماً ((ومو بس في المظاهر)) بقصد التجمل ومسايرة المجموعة والتعايش معها ؟؟
يعني هل تؤيدين مثلاً إن عضو في المنتدى يغير من آراءه ويقول آراء مو مقتنع فيها بس عشان يقولون عنه ((شقردي)) و ((راعي مواقف )) أو ((ما شاء الله عليه مثالي ونادر في هالزمن )) هههه ؟؟؟؟
أنتظر رايج :)