سرقــة بالقــوة في واضح النهار فالدوحه , الكل يدش للعبرة والحيطه ضروووري

[بن جعران]

ادش بالموضوع على طول: موقف صار مع وحده من الاخوات (قطريه)

الاخت طالعه من البيت في امان الله رايحه الدوام في احدى الهيئات الحكومية

اللي يكثر فيها الجمهور, المهم الاخت وصلت الدوام توها بالمواقف هالشي الساعه 7 الصبح

العالم توهم رايحين دواماتهم وبدوامها يتواجد فيه الجمهور بعد الـ 8 , الاخت توها بتنزل من

السيارة وفجاة ماوعت الا باب العبري (احذى السايق) تبطل بقوه الا ذلك الاسيوي ويصارخ

و بلهجته والاخت مصدومه من الموقف وقام وشل الشنطة مالتها لانها كانت فوق

كرسي العبري وهالشي معروف عند الحريم اللي يسوقون شناطهم يحطونها فوق الكرسي,

وهالشي صار في اقل من خمس ثواني بلمح البصر

وشرد الرجال ونزلت الاخت عشان تصيد رقمه او تصوت على اي حد بالمواقف وشافت سيارته

بس مالحقت الا على اول رقمين 40 والموتر هوندا اكورد جديد, وراحت وبلغت الشرطة

والمشكله الشنطه فيها كل اغراضها بالتلفون والمحفظه وكل بطاقاتها هي وعيالها, والصراحه

هالظاهرة جديده بالدوحه واللي يغث انه وبقوة عين يسرقك ويعتبر سطو ونشل بالقوه, وشكله

المجرم مب اول مره يسوي هالشي والصراحه شي يقهر :anger1:, على الكل ياخذ الحذر

والحيطه وخاصه الاخوات الحريم تروا الحرميه يترصدون للنساء ويستغلون ضعف قوتكم وعدم

قدرتكم على التصرف الصحيح,, فا ياخواتي انتبهوا من هالـ........ , وكل اللي درا يعلم الغايب

وسوى خير في الغير وعلموهم ينتبهون على انفسهم,,

( الموضوع صار امس الاربعاء الموضوع صج ماينتصدق بس صج صااار )

[حقيقه]

:rolleyes2:
:(

لاتعليق

[السندان]

ماراح يروح بعيد بيصيدونه
لاكن المشكله بعد مايصيدونه شيصير معاه ؟..هو يدري ومتطمن

[مهل]

المجرم مب اول مره يسوي هالشي والصراحه شي يقهر

شلون عرفت انه السارق مش اول مره يسرق ؟ هل تكررت السرقه في نفس المكان سابقا و بنفس الطريقه ؟

انا على ثقه من الي اقوله .. وجود رقمين من لوحه السياره مع نوع و لون السياره كفيله ان تحضر السياره في اقل من ساعه للجهات المختصه.

[بن جعران]

شلون عرفت انه السارق مش اول مره يسرق ؟ هل تكررت السرقه في نفس المكان سابقا و بنفس الطريقه ؟

انا على ثقه من الي اقوله .. وجود رقمين من لوحه السياره مع نوع و لون السياره كفيله ان تحضر السياره في اقل من ساعه للجهات المختصه.



اخوي مهل الحرامي مايسوي السرقة الا وهو دارس الطريقة صح يعني انه قد جربها من قبل والا اشلون يكون له قوة قلب ويسوي هالشي مع وحده واقطريه بعد :eek5:

[طارق]

يعطيك العافيه على نشر التجربه عشان يحطاط الجميع
وعلشان انغير من عاداتنا القديمه الساذجه
وانصير اكثر حرص واهتمام بأغراضنا
مع التحيه
طارق

[بن جعران]

ماراح يروح بعيد بيصيدونه
لاكن المشكله بعد مايصيدونه شيصير معاه ؟..هو يدري ومتطمن



تسفيير والتذكرة على حساب الدولة :omg::weeping:

[طارق]

شلون عرفت انه السارق مش اول مره يسرق ؟ هل تكررت السرقه في نفس المكان سابقا و بنفس الطريقه ؟

انا على ثقه من الي اقوله .. وجود رقمين من لوحه السياره مع نوع و لون السياره كفيله ان تحضر السياره في اقل من ساعه للجهات المختصه.


يعني لازم اسلوب التكذيب والتشكيك بالآخر

الله يهديك

[بن جعران]

يعطيك العافيه على نشر التجربه عشان يحطاط الجميع
وعلشان انغير من عاداتنا القديمه الساذجه
وانصير اكثر حرص واهتمام بأغراضنا
مع التحيه
طارق


الله يعافيك اخوي


وعشان يدرون العالم ان الامن والامان في قطر ماعاد صار نفس اول :weeping:

[مهل]

يعني لازم اسلوب التكذيب والتشكيك بالآخر

الله يهديك

صف نيتك الله يهدينا و يهديك .. سبب سؤالي وصل بوضوح لصاحب الموضوع و رد عليه . هو ذكر ان السارق مش اول مره يسويها فاذا فعلا تمت السرقه اكثر من مره و في نفس المكان هذي معلومه مهمه ممكن تفيد بالقبض على السارق بسهوله . هذا سبب سؤالي يا طارق :nono:

[بن جعران]

صف نيتك الله يهدينا و يهديك .. سبب سؤالي وصل بوضوح لصاحب الموضوع و رد عليه . هو ذكر ان السارق مش اول مره يسويها فاذا فعلا تمت السرقه اكثر من مره و في نفس المكان هذي معلومه مهمه ممكن تفيد بالقبض على السارق بسهوله . هذا سبب سؤالي يا طارق :nono:



اخوي مهل للاسف ماعندي خلفية عن اي سرقة صارت بنفس المكان,, ومن الاخر المكان

هو مواقف مستشفى حمد الطبي

[(رمز المحبه)]

الله يستر والله .. كثروو ونصهم بدون شغل مهملين فالشوارع .. والسرقه من الوسائل اللي يقدر يجيب فيها فلوس

الله ياخذهم ياخي هذا المفروض ينصاد وينحط في سجن كل يوم ينررررررن لين يتوب وعقبن يسفر

[بن جعران]

الله يستر والله .. كثروو ونصهم بدون شغل مهملين فالشوارع .. والسرقه من الوسائل اللي يقدر يجيب فيها فلوس

الله ياخذهم ياخي هذا المفروض ينصاد وينحط في سجن كل يوم ينررررررن لين يتوب وعقبن يسفر



صدقت ياخوي :anger1::anger1:

[قناص 787]

شلون عرفت انه السارق مش اول مره يسرق ؟ هل تكررت السرقه في نفس المكان سابقا و بنفس الطريقه ؟

انا على ثقه من الي اقوله .. وجود رقمين من لوحه السياره مع نوع و لون السياره كفيله ان تحضر السياره في اقل من ساعه للجهات المختصه.

شلون اخوي اول رقمين يقدرون يجيبون السياره .......... فرضا 300 سياره هوندا طالعه من الوكاله وكلهم اول رقمين 40 و100 حبه اللون ابيض والباقي الوان ثانيه ممكن تقولي شلون بيجيبون راعي السياره وهل تقدر تضمن ان الشخص اللي سرق هو صاحب السياره ياليت كلامك اخوي يكون واقعي والرجال نزل الموضوع قصده انه يحذر اخواتنا في المنتدى لا اكثر ولا اقل
مشكور اخوي راعي الموضوع

[بن جعران]

شلون اخوي اول رقمين يقدرون يجيبون السياره .......... فرضا 300 سياره هوندا طالعه من الوكاله وكلهم اول رقمين 40 و100 حبه اللون ابيض والباقي الوان ثانيه ممكن تقولي شلون بيجيبون راعي السياره وهل تقدر تضمن ان الشخص اللي سرق هو صاحب السياره ياليت كلامك اخوي يكون واقعي والرجال نزل الموضوع قصده انه يحذر اخواتنا في المنتدى لا اكثر ولا اقل
مشكور اخوي راعي الموضوع



العفو اخوي

[قلب صادق]

جزاك الله كل خير وبارك الله فيك على التحذير

[مهل]

شلون اخوي اول رقمين يقدرون يجيبون السياره .......... فرضا 300 سياره هوندا طالعه من الوكاله وكلهم اول رقمين 40 و100 حبه اللون ابيض والباقي الوان ثانيه ممكن تقولي شلون بيجيبون راعي السياره وهل تقدر تضمن ان الشخص اللي سرق هو صاحب السياره ياليت كلامك اخوي يكون واقعي والرجال نزل الموضوع قصده انه يحذر اخواتنا في المنتدى لا اكثر ولا اقل
مشكور اخوي راعي الموضوع

المعلومه هذي قريتها في المنتدى و اذا ماني غلطان كان ذاكرها جاجاسم او عنزي قطر اذا ما خانتني الذاكره .

الامر بسيط اخوي اولا اقل من ٣٠٠ سياره تباع و اذا انباع اي عدد صعب ينباع بوقت واحد و اذا انباع بوقت واحد بيكون حق شركه او جهه معينه و هذا يسهل الموضوع .
لنفرض ١٠٠ هوندا بيضا انباعت خلال سنه اقل شي ١٠ بينباعون بنفس بدايه الرقم .. ابحث عن سياره تبدا بـ ٣١ هوندا بيضا بين ١٠ يسوقها اسيوي سارق امر سهل اثباته اذا ماكانت السياره مسروقه .. بالتحقيق مثلا اثبت وقت تواجد اي شخص فيهم و ممكن جدا تتعرف البنت على السارق الي يملك السياره .

هذا تفسيري و انا ابعد مايكون عن التحقيق و الشرطه :)

[Amigo]

المعلومه هذي قريتها في المنتدى و اذا ماني غلطان كان ذاكرها جاجاسم او عنزي قطر اذا ما خانتني الذاكره .

الامر بسيط اخوي اولا اقل من ٣٠٠ سياره تباع و اذا انباع اي عدد صعب ينباع بوقت واحد و اذا انباع بوقت واحد بيكون حق شركه او جهه معينه و هذا يسهل الموضوع .
لنفرض ١٠٠ هوندا بيضا انباعت خلال سنه اقل شي ١٠ بينباعون بنفس بدايه الرقم .. ابحث عن سياره تبدا بـ ٣١ هوندا بيضا بين ١٠ يسوقها اسيوي سارق امر سهل اثباته اذا ماكانت السياره مسروقه .. بالتحقيق مثلا اثبت وقت تواجد اي شخص فيهم و ممكن جدا تتعرف البنت على السارق الي يملك السياره .

هذا تفسيري و انا ابعد مايكون عن التحقيق و الشرطه :)

لعبت :nice:
ما شاء الله عليك لاهنت والله
راعي الموضوع تسلم يالغالي :)
الله يرد الشنطه لصاحبتها

[نورالهدى]

حسبي الله ونعم الوكيل

[ضي البدر]

الله لا يوفقه هاي جزاة هالدولة الطيبة وأهلها.. اترسو البلد الله يبيدهم كراااهات وايد حارني اشلوووون يتجرأ

شكله كان يراقب المكان من زمان,, ان شاءالله يصيدووونونه ويطقووونه ويخسسوون فيه هالنذل..

وجزاك كل خير اخوي طارح الموضوع.. ماقصرت فيك الخير والله.. والله يكثر من أمثالك

ويرجع الحق لأصحابه..

[ALA1574]

الله يعوضها بكل خير

اللي اعرفه مواقف السيارات وخاصة الارضية مجهزة بكميرات مراقبة مع تصريح ( البطاقة الذكية ) لدخول المواقف الارضية

والله يحفظ الجميع

[مونديال]

يعطيك العافيه
وماوصي الحريم
لاتقفلون سياراتكم
الاحسن لاتشيلو شنط توفرون والعذر موجود نخاف من البوق

[R 7 A L]

غار الله علية
والله حتى لو فتح الباب على رجال واخذ شي من اغراضة جوالة ولا البوك مايحلق علية
خصوصاً ان هالوقت الواحد يالله يالله روحي مايقدر يجمع من التعب

[بنت^البحرين1]

هالحركة انتشرت من فتره عندنا فالبحرين خاصه عند الاشارات .. ومعروف البنات خوافات يفتح الباب ويسحب الشنطة على ماهي توقف وتفتح الباب الا من زمان اختفى

أأمن طريقة مثل ما انا اسوي مستحيل اتحرك من الطبيلة الا ومقفلة الابواب ..

وبشرونا ان شاءالله صادوه .. حرام مسكينة شنطتها وكل اغراضها فيها

[naklan]

هالحركة انتشرت من فتره عندنا فالبحرين خاصه عند الاشارات .. ومعروف البنات خوافات يفتح الباب ويسحب الشنطة على ماهي توقف وتفتح الباب الا من زمان اختفى

أأمن طريقة مثل ما انا اسوي مستحيل اتحرك من الطبيلة الا ومقفلة الابواب ..

وبشرونا ان شاءالله صادوه .. حرام مسكينة شنطتها وكل اغراضها فيها


ومنتشره في دبي بعد وبنفس الطريقه

والطريقه الثانيه شخصيين على دراجه ناريه واحد يسوق

والثاني يخطف شناط الحريم الى يمشون في الشارع

ويهربون باقصى سرعه والدراجه بلا ارقام

[رجل مثالي]

في كتاب الله المجيد القران الكريم يقول الباري عز وجل "والسارق والسارقة فأقطعوا ايديهما".والاشارة هنا الى عقوبة قطع اليد ربما كان فيها معنى مجازيا، يتمثل في التأكيد على انزال اقصى العقوبات بحق من يتجازو على حقوق الاخرين ويصادرها لحسابه بطرق ووسائل غير مشروعة.فالسرقات لم تعد مقتصرة على استخدام الايدي في تنفيذها، فهناك سرقات فكرية وادبية واخلاقية

[ahad]

جزاك الله خير

[ولد قحطان]

للبوق فنووووووووووون

[باسكن روبنز]

حسبــي الله ونعـم الوكيـل ،

الله يحفظ آهــل قطــر من كـل مكــروه ،

[بن جعران]

ابشركم يا اخواني واخواتي اليوم وصلني خبر ان الحرامي امسكوه والخبر جاني من الاخت اللي انباقت لان الشرطة قالوا لها تيي تستلم اغراضها,, اللي يعجبني فالموضوع انهم امسكوه بسرعة وبفضل وحده ثانيه من الاخوات صادها نفس المواقف بس صادت رقم السيارة :victory: ماشاء الله عليها,, والاخت الاولانيه طلبوها واتعرفت على الحرامي وهو اعترف بسرقاته,, والسبب اكيد بعد توفيق الله وبدعاويكم يالغالييين ,,

[The Stig]

ابشركم يا اخواني واخواتي اليوم وصلني خبر ان الحرامي امسكوه والخبر جاني من الاخت اللي انباقت لان الشرطة قالوا لها تيي تستلم اغراضها,, اللي يعجبني فالموضوع انهم امسكوه بسرعة وبفضل وحده ثانيه من الاخوات صادها نفس المواقف بس صادت رقم السيارة :victory: ماشاء الله عليها,, والاخت الاولانيه طلبوها واتعرفت على الحرامي وهو اعترف بسرقاته,, والسبب اكيد بعد توفيق الله وبدعاويكم يالغالييين ,,

بشارة خير والله ...

وانشاءالله ينسجن سنة على الي سواه !!

[ziad1971]

انا فتحت موضوع السرقة قبل فترة لانه نفس الشيء تم السرقة قدام الناس والحرامي مو خايف من حد

شنو الجراءة اللي وصلوها حتى يفتح باب سيارتك ويسرق اغراضك قدام عينك

حسبي الله عليهم والله ينتقم من كل السارقين والله يسترنا منهم

[ميموري]

الله يعوض عليها بخير

حسبي الله ونعم الوكيل على هالوحوش الاسيويه

[ميموري]

ابشركم يا اخواني واخواتي اليوم وصلني خبر ان الحرامي امسكوه والخبر جاني من الاخت اللي انباقت لان الشرطة قالوا لها تيي تستلم اغراضها,, اللي يعجبني فالموضوع انهم امسكوه بسرعة وبفضل وحده ثانيه من الاخوات صادها نفس المواقف بس صادت رقم السيارة :victory: ماشاء الله عليها,, والاخت الاولانيه طلبوها واتعرفت على الحرامي وهو اعترف بسرقاته,, والسبب اكيد بعد توفيق الله وبدعاويكم يالغالييين ,,

يستاهل :anger1:

تتهنى برجوع اغراضها:victory:

[Doha Sun]

شي جديد على علينا ..

[fahad1]

وانا اسروقو من سيارتي 10 الاف ومسكو الحرامي من سنه وكل شهر ولا شهرين عندي جلسه في المحكمه ولا خذ شي لين الحين

[الـقـاسـي]

حسبي الله عليه بس الحمد لله انهم مسكوة اتمنى مايتساهلون وياه

[ميموري]

وانا اسروقو من سيارتي 10 الاف ومسكو الحرامي من سنه وكل شهر ولا شهرين عندي جلسه في المحكمه ولا خذ شي لين الحين

العوض على الله

[Nojoom]

احنا عشنا في مجتمع غير معتاد على مثل هذي المواقف

عشنا في امن طول عمرنا وتصرفاتنا مكتسبينها من الامن الي احنا عايشين فيه

تحصل الي ينزل ويخلي سيارته شغاله

والي يخلي مبلغ معين في السياره

والي يوقف سيارته وبوكه وتلفونه عند القير

كل هذي الاشياء في الدول الثانيه مايسونها ويكونون حذرين منها بس احنا على نياتنا وصيده سهله للي جاين من مجتمعات ثانيه ومتمرسين في السرقة

[آهـل شَـرق]

انا فتحت موضوع السرقة قبل فترة لانه نفس الشيء تم السرقة قدام الناس والحرامي مو خايف من حد

شنو الجراءة اللي وصلوها حتى يفتح باب سيارتك ويسرق اغراضك قدام عينك

حسبي الله عليهم والله ينتقم من كل السارقين والله يسترنا منهم

مـَن آمن العقـوبه آســاء الادبـ !!

عيـل سنـه سجـن وبعـدها تسفيـر .. والزيـن يقـدر يسـوي آبـ قريـد ويرجـع ديرتـه ع البزنـز :nice:

والله وصرتـوا مجرميـن يالقريقـا في الشـوارع وبيـن البيـوت !!

[qatari555]

اذا هوو ولد ابوه خله يسرق شي مني

[mooona]

اخوي مهل الحرامي مايسوي السرقة الا وهو دارس الطريقة صح يعني انه قد جربها من قبل والا اشلون يكون له قوة قلب ويسوي هالشي مع وحده واقطريه بعد :eek5:

لان واثق ان محد بيسويله شي والقطرية اسهل بالسرقة من الاجنبية لان الاخيرة بتركض وراه
وعارف ان السرقة بالبلد سهلة واكثر الاسيوين يبقون ومحد يصيدهم فعادي عندة لو بدبي الوضع مختلف البلد مراقب بالكاميرات مب بس الشوارع حت الاماكن العامة

[وطن]

الله يعوضها خير

الصراحة المفروض باب السيارة يكون مقفول وما ينفتح الا اذا هي بتنزل من السيارة

[مهل]

الله يعوضها خير

الصراحة المفروض باب السيارة يكون مقفول وما ينفتح الا اذا هي بتنزل من السيارة

نظام السيارات الامريكيه عند الضغط على الريموت لفتح السياره يفتح فقط باب السائق و اذا بغيت تفتح كل الابواب لازم تضغط على الريموت مرتين ورى بعض عشان تفتح الابواب كلها

ناس تخطط :nice:

[وطن]

نظام السيارات الامريكيه عند الضغط على الريموت لفتح السياره يفتح فقط باب السائق و اذا بغيت تفتح كل الابواب لازم تضغط على الريموت مرتين ورى بعض عشان تفتح الابواب كلها

ناس تخطط :nice:

والألماني من تحرك تنقفل كل البيبان
وما تفتح الا اذا صفيت وفتحت الباب

:victory:

[aziz92]

والألماني من تحرك تنقفل كل البيبان
وما تفتح الا اذا صفيت وفتحت الباب

:victory:

والتيوتا 24 ساعه الابواب فاتحه :tease:

[بو خليفه 123]

يلوموني يوم اني احط العجرا تحت الكرسي ليته دخل سيارتي بس والله لا اخلي العجرا تسرق منه حليب امه ..


اخوي هل هناك كاميرات مراقبه عند المواقف ؟ اتمنى انها تبلغ مقر عملها لعمل اللازم لأنه يعتبر حاصل اثناء تأدية العمل .

الله يعوض اختنا بالخير و ان شاء الله مال حلال مايضيع

[وطن]

يلوموني يوم اني احط العجرا تحت الكرسي ليته دخل سيارتي بس والله لا اخلي العجرا تسرق منه حليب امه ..


اخوي هل هناك كاميرات مراقبه عند المواقف ؟ اتمنى انها تبلغ مقر عملها لعمل اللازم لأنه يعتبر حاصل اثناء تأدية العمل .

الله يعوض اختنا بالخير و ان شاء الله مال حلال مايضيع

على طاري كاميرات المراقبه في المواقف

عادي يقولون لك الكاميرا مو موجهه على المكان اللي انت صاف فيه

سووها فيني

بس وين بيروحون من حساب رب العالمين

[درع الوطن]

أولاً الحمد لله على السلامه
ثانياً ,, صحيح أنهم أمسكوا الحرامي ,, بس السؤال المهم الحين هو وشلون يخلونه عبره لغيره علشان اللي قاعد يفكر في السرقه يلغي هالمشروع؟؟؟؟

(( أتمنى من الجهات الأمنيه التفكير في طريقه أكثر فاعليه تتناسب مع التغيير الحاصل في التركيبه السكانيه والتعدد الثقافي الذي أصبح متغلغل في جسد هذا الوطن ))

** اللهم أجعل هذا البلد آمناً مطمئناً وسائر بلاد المسلمين **