استفسار عن لابتوب acer الـــmini

[قلب الدوحة]

عندي ايسر الصغير ووصلني هدية طبعا فاضي ومافي غير الوندوز7 وبرنامج الحماية وكله بالعربي وطبعا ماحبيته ووديته محل قلت له نزل لي فيستا بالانجليزي وحاول راعي المحل بس ماقدر ورجع الـ7 بس بالانجليزي وحط كل البرامج الاساسية المستخدمه بس للأسف صاير بطيئ وكل شي يفتح بالعافية ويوم وديته لهم قالوا مافيه شي واصلا الـacer الصغير بطيئ وكل انواع الــmini،،بطيئة صج هالكلام وشكرا

ووين احصل كمبيوتر mini فيه وندوز قيستا من الاصل

[قلب الدوحة]

للرفع

[ALA1574]

وعليكم السلام

اخوي ممكن تعطيني الموديل بالضبط Acer mini
بعدين تحصل رقم الموديل اقلب اللابتوب

[المبرمج صلاح]

اخوي ويندوز 7 افضل بكتيييير من الفيستا ولاب توب عادة يجي معه وندوز اكس بي في الموديلات القديمة

وويندوز 7 في الموديلات الحديثة هو لاستخدام الانترنت والكتابة فقط فقط اخوي يعني ما يجوز تشغل برامج كبيرة على هالجهاز مثل الفوتوشوب والالعاب والخ

لان الجهاز مواصفاته قليله حق الانترنت والكتابة وبس

[boamir]

اخوي ويندوز 7 افضل بكتيييير من الفيستا ولاب توب عادة يجي معه وندوز اكس بي في الموديلات القديمة

وويندوز 7 في الموديلات الحديثة هو لاستخدام الانترنت والكتابة فقط فقط اخوي يعني ما يجوز تشغل برامج كبيرة على هالجهاز مثل الفوتوشوب والالعاب والخ

لان الجهاز مواصفاته قليله حق الانترنت والكتابة وبس

صح كلام اخووي محترف

وانا عندي إيسر صغير
وكان عليه وندوز إكس ابي وهو الأفضل
بس الحين ركبت له وندوز 7 وماينفع حق الفوتوشوب والبرامج الثقيله
بس حق تصفح وكتابه ولا تطالع فيه فلم

وإذا عليه ضمان وده الشركه افضل يرجعونه عالوندوز 7 الأصلي حقه

بس إذا تبي شي افضل خذ لك سيدي وندوز اكس بي اصلي وخل راعي المحل يركبه
وعقبها بيكون احسن

بس لاتركب وندوز فيستا لأنه اثقل من ال 7 والاكس بي بوااايد


تحيااتي

[ابوفارس]

تبيعه ؟

[المبرمج صلاح]

تبيعه ؟

:eek5::eek5::eek5:

بيقول هدية يالغالي كيف يبيعه

:anger1:

ههههههههههههههههههههههههههه

[قلب الدوحة]

تبيعه ؟


لاتعليق

[قلب الدوحة]

ماقصرتوا بس ينفع حق برامج الجوال مثل النوكيا والبلاك بيري والايفون لأن هوايتي عمل التحديثات والباكب ،،،اذا ينفع انزل عليه هالبرامج خبروني

[المبرمج صلاح]

ماقصرتوا بس ينفع حق برامج الجوال مثل النوكيا والبلاك بيري والايفون لأن هوايتي عمل التحديثات والباكب ،،،اذا ينفع انزل عليه هالبرامج خبروني

طبعا ينفع اخوي لانها برامج لا تستهلك طاقة كبيرة كلها مجرد عمليات بيك اب وتحديثات

ما تحتاج جرافيك او قوة معالجة كبيرة

بالتوفيق ان شاء الله

[قلب الدوحة]

طبعا ينفع اخوي لانها برامج لا تستهلك طاقة كبيرة كلها مجرد عمليات بيك اب وتحديثات

ما تحتاج جرافيك او قوة معالجة كبيرة

بالتوفيق ان شاء الله

تسلم يالغالي وماتقصر والله يوفقك

[ماجد78]

عندي ايسر الصغير ووصلني هدية طبعا فاضي ومافي غير الوندوز7 وبرنامج الحماية وكله بالعربي وطبعا ماحبيته ووديته محل قلت له نزل لي فيستا بالانجليزي وحاول راعي المحل بس ماقدر ورجع الـ7 بس بالانجليزي وحط كل البرامج الاساسية المستخدمه بس للأسف صاير بطيئ وكل شي يفتح بالعافية ويوم وديته لهم قالوا مافيه شي واصلا الـacer الصغير بطيئ وكل انواع الــmini،،بطيئة صج هالكلام وشكرا

ووين احصل كمبيوتر mini فيه وندوز قيستا من الاصل

أختي العزيزة بالنسبة للابتوب الميني مصصم مثل ما قالوا الأخوان فقط للأعمال البسيطه بعيد عن الصور والفيديو وذلك بسبب المعالج ( Atom )
نصيحة لك خليه عربي مثل ما هو أفضل لك لأن في تغيير الويندوز يلزمك لابد من تعريف للبطاقات مثل كرت الشاشه وكرت الصوت والمودم وحتى الوايرلس بعض الأحيان يتأثر بالفورمات وتغيير الويندوز ...
إذا بتغيري الويندوز غيريه ويندوز 7 لأنه أفضل من الويندوز فيستا بكثير
بالتوفيق