شوركم يا اعضاء المنتدى الغالي .... نداء لمحبي المشورة

[يراعٌ فراتي]

السلام عليكم ورحمة الله وبركاته

يالربع الميزانية

حول 90 الف


ونبي موتر فورويل


ومحتار بين


جي اكس ار 2007
لكزس فورويل 470 موديل 2004
جي ستاندر 2008 تماتيك

شنو تنصحوني
مشورتكم

للعلم القلب ميال للكزس :nice:

[المستريح]

جى استاندر تماتيك احسن جديد بس مسكله المكيف خلفى مافيه

[يراعٌ فراتي]

والله ياخوي المستريح انا يوميا ماسك خط الشمال ولازم ادعس
واخاف اجيب لكزس وما يتحمل الدعس والمطامر

وفي نفس الوقت الستاندر مافيه ابشن بس يستحمل الكراف
و2008 اكيد افضل من لكزس 2004 لان الخربات تخاف تطلع علي بعد الدعس
وللحين محتار

[ALKUWARI-90]

خذلك ستاندر وتوكل على الله بر بحر خطوط ماعندك اي مشكله ^_^

واذا اتحصل واحد ع الضمان ابرك لك بعد

[qatar-uae]

استاندر

[الحجاجي]

على حسب استخدامك للموتر ؟


وهنا تجي المقارنة بين الجودة أو الجديد

اذا تبي جودة
وسيفتي وموتر قيمته فيه وماعليه كلام
فاكيد وانت مغمض اللكزس بغض النظر عن الموديل
ومن ناحية الشكل موتر راكـــد راعيه ..


اما اذا تبي موديل جديد
وشبابي اكثر
فعندك الاستاندر

الجي اكس ار خارج الحسبة شيء اكيد

بالتوفيق

[يراعٌ فراتي]

والله ياشباب ما قصرتوا

بس كم يسوى ستاندر 2009 تماتيك

يعني احصله ب 90
او فوق التسعين بشوي

[v_h3]

على حسب النظافة بس بتلاقي من 100 لي 115000 ــــ

[يراعٌ فراتي]

بارك الله فيكم كلكم
وفعلا ما قصرتوا


الكل ينصح بالجي وان شاء الله اذا ربي كتب لنا نصيب ناخذ 2008 تماتيك لان الميزانية ما تسمح ب 2009

بس شباب اللي عندهم ستاندرات

شتنصحوني فيه

علاق ولا سبير تحت
وبالنسبة للالوان تشوفون ان الابيض افضل؟

ادري طولتها عليكم بس ما خاب من استشار

واذا شريته باخذكم جولة فيه الى الاردن و سوريا ولبنان :nice:

ولاتحاتون الربع بيكونون بانتظارنا على الحدود ومعاهم العدة والعتاد :victory:

[nnoodd]

انصحك بالجي وطق من الجي اكس ار 2007 من اخس المواتر الله يعزك ثقيل ومايشيل عمره وقيره تسمع فيه طقه لازم
وعندك الجي 2008 مافيه كماليات بس حق دوحه اجوفه زين وبر وبحر مب لين اهناك لانه البدي وايد خفيف
وعندك الكزس حرام تاخذلك موديل 2004 وشكله بايخ وقطع غياره اسعارها اغلى من التيوتا وتدري 2004 ماتدري شبيجي فيه وترا وعر في البر وايد
وانصحك يالشيخ بالجي بس اتوماتيك القير العادي بيمللك مع الكلج الثقيل وعلى اي حركه بالكلج بيحترق وبتبدله بقيمه
انصحك اخوي اسبير علاق ورصاصي وايد حلو ومايروح صبغه مثل الاسود ههههه وشكلك راعي سفرات
ووقت البيعه بينباع بسعر حلو
وتسلم اخوي واسمحلوي يالربع على الاطاله

[بوصلووح]

اسمع الشباب يقولون ان السبير علاق اذا حطيت فيه بالون تسمع صوت الباب يزهقك .
و الله يوفقك .

بس علّقت على موضوعك عشان يشملني الدعاء الي دعيته للي ردوا ^ـ*

[يراعٌ فراتي]

مشكورين حبايبي اللي ردوا

ومشكور اخوي نود
واخوي بوصلوح

انا قلت شفيه مشتط

قلت يمكن تبي تروح معنا مقناص سوريا

هههههههههههه

طلعت تبي الدعاء ماشاء الله عليك

خلاص بدعي لك من القلب والله

الله يوقك ويرزقك ويستر عليك ويوسع عليك " ويزوجك "

انت وكل الاخوة في المنتدى اللي ردوا واللي راح يردون وجميع المسلمين يارب

[MR.STOP]

انصحك بالجي وطق من الجي اكس ار 2007 من اخس المواتر الله يعزك ثقيل ومايشيل عمره وقيره تسمع فيه طقه لازم
وعندك الجي 2008 مافيه كماليات بس حق دوحه اجوفه زين وبر وبحر مب لين اهناك لانه البدي وايد خفيف
وعندك الكزس حرام تاخذلك موديل 2004 وشكله بايخ وقطع غياره اسعارها اغلى من التيوتا وتدري 2004 ماتدري شبيجي فيه وترا وعر في البر وايد
وانصحك يالشيخ بالجي بس اتوماتيك القير العادي بيمللك مع الكلج الثقيل وعلى اي حركه بالكلج بيحترق وبتبدله بقيمه
انصحك اخوي اسبير علاق ورصاصي وايد حلو ومايروح صبغه مثل الاسود ههههه وشكلك راعي سفرات
ووقت البيعه بينباع بسعر حلو
وتسلم اخوي واسمحلوي يالربع على الاطاله

انا اخالفك الراي


اولا نفس قطع غير التويوتا ماعدا الاكسسوارات يعني ليت شبك الخ...

ثانيا من ناحية الوعوره شكلك ماجربت الموتر

انا استعملت 2005 و 2009 من اريف المواتر فالبر ولاتسمع قرقعه ولاتحس بمطب


انا انصحك باللكزس..فخم وله هيبه

[=المريخي=]

اخوي خذلك جي 2008 احسن حق الكرف

وبالنسبه لاحلى لون الرصاصي طبعا بس نادر تحصل بالسعر الي انت حاطه ومدام انك راعي بر ومطامر الافضل سبير علاق

[يراعٌ فراتي]

بارك الله فيكم

وما قصرتوا

شكلي نويت على الستاندر واذا حصلت لي جي لميتد بكون محظوظ

الله يبارك فيكم

[فهد111]

انصحك بالاستاندر وبالتوفيق

[حمد911]

أخوي صعب تحصل 2008 بالسوق لانة مرغوب بشكل رهيب واذا نظيف سعرة يوصل 105 بسهولة

بس الله يوفقك وتحصل شي حلو ومناسب

[المليونير الفقير]

شوري عليك تاخذ جي اكس 2011 بتقولي فلوسي ماتكفي بقولك ادفع ال90الف دفعه بيطلع القسط فحدود1200ريال ولاقراج ولاصيانه ماعليك الا الزيت والفلتر وبترول وبالتوفيق اخوي

[mazag]

جي استاندر

[يراعٌ فراتي]

اخوي المليونير اولا ان شاء الله تصير المليونير "الهامور"

والله الميزانية كلش ملش مب ناقص سلفيات ومديونيات
بالعافية نعدي الشهر

يعني اعطيهم ال 90 واقسط لهم 90 ثانية او اكثر
حزتها بتشوف موضوع على العام " مزاد علني على ستاندر وطقم كراسي " :)

صعبة يالغالي
واخوي مزاج وفهد شكرا على تاييدكم للستاندر

اخوي حمد خلك متفائل واذا ربي وفقني وخذيته بعزمك " كرك فالنعيمي لاتستانس وايد"


اخوي مستر ستوب
والله خاف مثل ماقالوا الشباب ما يتحمل الكراف ولاتنسى انه 2004 ومع الضغط تطلع عيوبه

وقطع الليكزس فوق
بس والله رزة يكفيك داخليته واللوانه المميزة خلها فالقلب ااااااااااااااااااااه

[M o T e C]

هلا الذيب

انا اشوف اللكزس حق الريافه مافي احلا منها

وانا اشوف العالم الحين ياخذون لهم لكزس قديم موديل 2000 الى 2006 حق المقناص لانه ريف ولا تحس فيه

بس بعد عليك بالستاندر
انا عندي استاندر 2009 ابيض اسبير علاق تماتيك
اقبض فيه خطوط وانزل فيه بر اسبوعين واطامر فيه وللحين مابدلت له الا ايل وفلتر وسفايف

[الـقـاسـي]

والله ياخوي اللكزس ماعليها كلام اولا ريفه وتكد اكثر من الفكسار والاستاندر لكن طبعا الجديد افضل خصوصا الفرق اربع سنوات مب شوي فانا انصحك خلك على الاستاندر ابرك لك على الاقل بتكده اربع سنوات او خمس وبيكون متحمل وجديد لو انت محافظ عليه ..

وعسى الله يوفقك ان شاء الله

[tager]

Gx.R 2007 وبس

[سلطان911]

السيارات اللي قلت عنها اسعارها فوق الميه
شوف لك جي اكس ار 2006 نضيف احسن منهم كلهم

[qatar_2022]

بالتوفيق اخوي ..