كيوتل والنخبة ... راح تضحك

[المرحب]

اليوم تقريباً الساعه 11 صباحاً وردني مكالمة من الشركة الوطنية الوحيده عندنا في قطر للاتصالات ((( كيوتل )))
وبصراحه ما عرفت سبب الاتصال هل هو استغفال العملاء وخصوصاً القطريين ؟ هل هي سذاجة من كيوتل ؟
وهناك عدة اسألة راح تحضر لذهن الجميع !
المهم الموضوع بإختصارهو وردني الاتصال من موظفة في كيوتل وقالت لي أنت عميل النخبه من عام 2009
قلت نعم ! قالت هناك 3 شروط يجب ان تستوفيها حتى تبقى عميل نخبة في عام 2011
والشروط هي :
1- لديك أكثر من خدمة مسجلة بإسمك .
2- ليس لديك متراكمات أو متأخرات.
3- يجب أن تنفق أكثر من 3000 ريال شهرياً على الخدمات <<< هذا الشرط لم يستوفى " قالت الموظفه "
بصراحه قلت لها عسى ما شر لازم أدفع شهرياً هذا المبلغ ؟؟؟ خذوا النخبه لكم ومشكورين !!!
شرايكم بطريقة كيوتل الحلوة الجديدة ؟؟؟

[alrheeb2020]

اعتقد هالخدمه يبون يوفرونها ل ولي امر عنده اسره عددها لا باس فيه ..

والله يوفقك ويعينه على احتكار شركه وحده للاتصالات

[مرتبش]

نفس الطريقة من البداية.

[Abdulraman]

خخخخخخخخخخخخخخخخخخخخخخخخخخخ
ياخي ادفع 3000 ريال بالشهر عشان تكون من النخبة الناخبة ويعطونك مسجات بالمجان
والله كيوتل لاعبين علينا واحنا ياغافلينكم الله

[آهـل شَـرق]

هـههههههههه شـر البليـه ما يضحـك !!

[بو رااكان]

بلا نخبه بلا بطيخ

[بنت قطريه]

معروف عن كيوتل ومب شي جديد انا اللي صج ذبحني من الضحك سالفه الباقات اللي عندهم وحراميه يسرقون الناس لا ويخلونك تدفع حق فاتورتين فاتورة الباقه وفوقها فاتورتك الشهريه زين شالفايده ولما تهاوشت معاهم وقلت لهم باشتكي عليهم لانهم نصابين وكان عندي اثبات فاتورتهم اللي مطرشينها رجعوا لي الفلوس :)

[حيهور]

ياخوان الي يبي الدلع لازم يدفع


ولا كل شي مجانا

تبون الرخيص روح لفودا كوالتي داون ورخيص

والغالي يرخص لنا هههه

[(رمز المحبه)]

نصابين يا رجال .. انا قبل عطوني البطاقة مالتهم مالت النجوم وكانت على قولتهم احسن بطاقة اللي معاي .. بعد فتره غيروها للي اقل منها .. قلت ليش قالوا ما تنفق وايد لازم لمت معين تتعداه عشان تصير من هالطبقه من الناس .. قلت مالت على خدماتكم ما عاد ابيها .. كنسلووو هالخدمه بكبرها

[La Bella]

الا على طاري كيوتل
من فاز بالبورشة مالتهم

[واحد ثقة]

هذه شركة تسعى للربح ولديها مساهمون وليست جمعية خيرية ،،

من حقهم كشركة اتصالات أن يقدموا مايشائون من العروض مادام المجلس الأعلى للإتصالات قد وافق عليها ، ومن حقهم أيضاً أن لايكون العملاء لديهم سواء ، فمن يدفع لأي شركة 3000 آلاف شهرياً ليس كـ من يدفع 500 أو 1000 ريال فقط ،،

هي مسألة ربحية فقط شأنها شأن أي شركة بغض النظر عن موقفنا منهم ،،

[ahad]

من اسمع كلمة النخبة اتذكر قناة الساحه هههههههههههه

[العقل الحر]

استوفينا الشروط من قبل ولا قدرونا كيوتل

دفعنا بالالاف ولا فيه فايدة

لا نخبه ولا كحيتي ولا هم يحزنون

[العقل الحر]

الا على طاري كيوتل
من فاز بالبورشة مالتهم


ربحتها بس لا تقولين حق حد :)


مصدقه انتي ياهندي يافلبيني بكون راعي البورش


المفروض يسوون جوائز حق المواطنين فقط مثل الامارات

[SmartMan]

هذي كيوتل والأجر على الله ،،،


يكفي أن الكلام عندهم بفلووس والحسابة تحسب....! ! !

((لحد يلوم كيوتل لأن هذا زمان الثرثرة والكلام الفاضي....... والأفعال الحين تحتضر أو بالأحرى ماتت ))

[وطن]

عادي اخوي
انا متصلين لي مرتين يقولون لي عن عرض باقة الألف ريال

وهم لو يشيكون فواتيري بيلاقون اني احول دقايق من شهر للثاني اكثر من اللي استخدمهم
هذا واشتراكي بو 300 ريال !!!!

[المرحب]

اعتقد هالخدمه يبون يوفرونها ل ولي امر عنده اسره عددها لا باس فيه ..

والله يوفقك ويعينه على احتكار شركه وحده للاتصالات

شاكر لك مرورك يا الرهيب يا رياني

[R 7 A L]

اليوم تقريباً الساعه 11 صباحاً وردني مكالمة من الشركة الوطنية الوحيده عندنا في قطر للاتصالات ((( كيوتل )))
وبصراحه ما عرفت سبب الاتصال هل هو استغفال العملاء وخصوصاً القطريين ؟ هل هي سذاجة من كيوتل ؟
وهناك عدة اسألة راح تحضر لذهن الجميع !
المهم الموضوع بإختصارهو وردني الاتصال من موظفة في كيوتل وقالت لي أنت عميل النخبه من عام 2009
قلت نعم ! قالت هناك 3 شروط يجب ان تستوفيها حتى تبقى عميل نخبة في عام 2011
والشروط هي :
1- لديك أكثر من خدمة مسجلة بإسمك .
2- ليس لديك متراكمات أو متأخرات.
3- يجب أن تنفق أكثر من 3000 ريال شهرياً على الخدمات <<< هذا الشرط لم يستوفى " قالت الموظفه "
بصراحه قلت لها عسى ما شر لازم أدفع شهرياً هذا المبلغ ؟؟؟ خذوا النخبه لكم ومشكورين !!!
شرايكم بطريقة كيوتل الحلوة الجديدة ؟؟؟


طيب ليش زعلان خلاص قول لها مابي النخبة

غيرك عندة عشر خطوط شغالة بأسمة ولو حسب الى يدفع عليها في الشهر بتطلع فوق 3000 وهو مستفيد من ( النخبة )
الموظفة ماقصرت شرحت لك الشروط على شان تكون في الصورة

[موضي قطر]

ربحتها بس لا تقولين حق حد :)


مصدقه انتي ياهندي يافلبيني بكون راعي البورش


المفروض يسوون جوائز حق المواطنين فقط مثل الامارات


الله يهداك ياخوي الحين بيتهمونك " بالعنصرية " الله المستعان :(

[بوخالد911]

الله يعيين

[almaf1a]

استغرب اقحام كلمة شركة وطنية او حكوميه في الموضوع ومطالبة جوائز خاصه للمواطنين
يجب ان نعلم جميعا ان بالرغم من مساهمة كيوتل في المجتمع القطري بجوائز وبرامج وانشطة
الا انها لديها كامل الحق ان لا تلتفت لموضوع الوطنية والمواطن
شئنا ام ابينا فشركة كيوتل شركة ربحيه تقدم عروضها كمنافسيها والعميل لديه الحق في القبول او الرفض

صاحب الموضوع المفروض تشكر كيوتل انها اشعرتك بعدم توفيك للشروط ببقائك في النخبه هذي هي الشفافيه بدل من اخراجك من برنامج النخبه بدون علمك

[فاروع]

اللهم إني لا اسألك رد القضاء ولكن اسألك اللطف فيه

[ابو علاوي]

انا صرت نخبوي على كلامهم من 3 سنين يمكن
ومااستفدت شي للحين
النخبة يمكن اسم على ورق

[intesar]

انا اللي فزت بالبورشه
بس متى كان العرض

[المرحب]

نفس الطريقة من البداية.

:nice:

[abdulla4u]

:nice::nice:

الا على طاري كيوتل
من فاز بالبورشة مالتهم


ههههههه اظن هندي عندهم ولا احد من عيال عمهم
مايبي لها كلام بورش هاي مب لعبه خخخخ صراحه ساعات قمت اشك بمصدقيتهم ليش مادري...

[MAZEN37]

والمشكله بالبورصه سهمهم فوق