بشتري عقار لكن ماعندي راس المال؟؟

[مسمس12]

السلام عليكم


حابة اشتري فله واجرها لكن ماعندي راس مال كبير اي بنك او جهة حكومية يعطيني قرض بدون فوائد مرتفعة


للعلم راتبي 12 الف ولايوجد علي اي قرض او سلفية راتبي كل شهر ينزلي كامل

وجزاكم الله كل خير

[مسمس12]

استغفر الله

[مسمس12]

استغفر الله الذي لا اله الا هو الحي القيوم


الله عنده فكرة جزاكم الله كل خير

[المليونير الفقير]

اختي بخصوص البنك مايشتري لج فله الا بارباح عاليه ولازم يكون عندج شي ترهنينه او تدفعين 20%من قيمة العقار اتمنى اكون فدتج وبالتوفيق

[qatarlands]

اختي العزيزه على حسب خبرتي
معاشك مايغطي انك تشترين بيت لك ولو حتى شعبي
حاولي توفرين لك مبلغ من المال اول شيء وبعدها ان شاء الله بتيسر امورك

[حمد 2002]

الله ايوفقج

[ابو علي_ss]

الله يوفقك ويرزقك

[البدع]

الله يوفقك

سبحان الله

راتب طيب مثل هذا مايشتري عقار في قطر

حسبي الله على الهوامير

اتمنى يطلع قانون الضرائب للعقار حتى تكون شوكة في خاصرة هؤلاء الهوامير وبها تنخفض اسعار العقار

[مشتاقة لقطر]

اختي قبل سنة ونص لقينا عقار موجر بملغ حلو للبيع .. سعره كان بمليون ونص تقريبا 1500000ريال

ورحنا لمصرف قطر الاسلامي

وقلنا له فيه كفيلين ودفعة اولى 300 الف ونبي القسط 20 الف شهري ورهن العقار بالعقود اللي عليه ..

حسبناها حق 7 او 8 سنين تخلص .. مع ارباح البنك ..

طبعا رفض

وحسب لنا حسبة .. على 20 سنة وطلع ربح البنك بروحه مليون وزيادة .. صفى العقار مليونين ونص ومرهون 20سنة ؟؟؟؟؟؟؟؟؟؟


يعني بالعربي .. الله كريم ..

[QtrGate]

اختي عندي لج اقتراح احسن

حاولي تجمعين معاشج يعني لو تصرفين 5000 وتجمعين 7000

تحطينها في التوفير في سنتين بتوصل 168000

حطيها وديعه سنتين وانتي تجمعين نفس المبلغ لسنتين قدام

خلال ثمان سنين يتوصلين لمليون وبعدها بتجيب لج الوديعة شهرين 000 10 اقل شي

يعني راتب حلو جدا ويضمن لج حياة سعيدة باقي عمرج

واذا تبين تكملين تخلين الراتب مع ارباح الوديعة تجميعنها راح تدبلينها بأربع سنين