بيتزااااااهت وراتب موظف سنيييييييييييييييييييييييير

[kooool]

بسم الله الواحد الاحد الفرد الصمد والصلاة على اشرف الانبياء صلى الله عليه وسلم

الحين انا في مطار ابوظبي جاي الدوحة فقلت اعطيكم هالمعلومة .. رحت امس لمطعم بيتزاهت في ابوظبي في وقت متاخر ..تقريبا شوي وبيصكرون المحل , طلبت بيتزا وبطاطس وانا انتظر شفت المحاسب يحسب ايراد اليوم , فقلت خلني اساله :كم ايراد اليوم ؟؟؟ قال : 21000 درهم مثل المعدل الطبيعي بين 20 الى 22 الف درهم ..هذا فقط فرع واااحد وفي مكاااان عااااااادي جدا فكيف لو كان في مكان مميز .اضرب 3 مرات تقريبا ..الشاهد ان الواحد فينا اول مايتخرج يفكر في الوظيفة الحكومية وفيه شغلااااات ادخل ذهب واحسن للواحد من الوظيفة اللي ماتجيب في اليوم مدخول يوم واااحد من بيتزاهت ..بس طبعا اذا توفر راس المال ودراسة الجدوى المناسبة ..تحياتي

[الخنجر]

قل اعوذ برب الفلق ..

قول ما شاء الله..

وبعدين المطعم الي قدامك عليه مصاريف انت ما تعرفها رواتب واجارات وكهرب وماي واغلفة وتكلفة الأكل نفسه وووووو

[بوحارب]

شكلها ال 21000 بتصير 3000 :(

لاتنسى ان هال 21000 بيروح منها 17000 اقل شي للأجار والمعاش وشراء لوازم المحل !!

يعني اتم على راتبي واشتري راحتي ابركلي

قول فيلا وتأجرها انا معاك

بس محل بيتزا نووي هههههههه

[لوردغاليري]

بوحارب
محل كرك ابرك
خخخخخخخخخخخخخخخخخخخخخ

[fhd4]

خلاص افتح محل جنبه وسمه .... جــبــاتــي هـــت .. :omen2:

مب كل من فتح محل دخل ذهب ... كله توفيق من ربك ... وبعدين لا تنسى ان هذي شركات عالمية ... وعندهم إدارات تسويق بموظفينها يدرسون السوق وشغلتهم بس شلون يحققون ارباح ....

وبعد لا تنسى ان عندهم مئات الفروع ... إذا 10 منهم خسرانين ... الباقي يغطون الخسارة ...

[][ iMedia ][]

اللحين جاي تقارن راتب " فرد " في سلسله مطاعم ؟
هههههههه :)

[بوحارب]

لوردغاليري مطعم الكرك ابرك بواجد لأنه مشروع الشعب الأول ههههههه

[الكبير الله]

21000 30x = ركز في الرقم = 630000 ستة مئة وثلاثون الف (شهراً)

اجار المحل (شهري)

رواتب العمال (شهري)

تعليب و خلافه (بالكميات) والفرع غير مسئول عن توفيره

خلنا نقول الفرع يدخل (600000) شهري كم مدخول جميع الفروع ؟!

اذا فرع في السنة مدخوله (7200000) سبعة مليون ومئتان الف كم مدخول كل الفروع ؟!

اذا عندهم بس (5) فروع وانا وانت نعرف ان الفروع اكثر يطلع الناتج (36000000)

ستة وثلاثين مليون طلع منها اجارات المحلات ومعاشات العمال والتعليب والمواد الاولية

وسيارات التوصيل مع انهم هاليومين يستخدمون بطابط

بلا نقاش ولا تشاور (افتح محل بيتزااااااا)

[mohd89]

بيتزا هت يعتبر اشهر مطعم بيتزا في العالم تقريبا
يعني لو انت جيت تفتح مطعم مستحيل يدخلك 21000 ريال في الشهر مش في اليوم !
ابدا مافي وجه للمقارنه

[JCJJJ]

بسم الله الواحد الاحد الفرد الصمد والصلاة على اشرف الانبياء صلى الله عليه وسلم

الحين انا في مطار ابوظبي جاي الدوحة فقلت اعطيكم هالمعلومة .. رحت امس لمطعم بيتزاهت في ابوظبي في وقت متاخر ..تقريبا شوي وبيصكرون المحل , طلبت بيتزا وبطاطس وانا انتظر شفت المحاسب يحسب ايراد اليوم , فقلت خلني اساله :كم ايراد اليوم ؟؟؟ قال : 21000 درهم مثل المعدل الطبيعي بين 20 الى 22 الف درهم ..هذا فقط فرع واااحد وفي مكاااان عااااااادي جدا فكيف لو كان في مكان مميز .اضرب 3 مرات تقريبا ..الشاهد ان الواحد فينا اول مايتخرج يفكر في الوظيفة الحكومية وفيه شغلااااات ادخل ذهب واحسن للواحد من الوظيفة اللي ماتجيب في اليوم مدخول يوم واااحد من بيتزاهت ..بس طبعا اذا توفر راس المال ودراسة الجدوى المناسبة ..تحياتي
مش حسد بالعكس هو ينصح

ويحب لنا الخير عليكم بالتجارة كم اوصى الاسلام بالتجارة وإنك لاتسئل الناس واسئل مجرب

سنين وانا معتمد فقط على المعاش الى مايعيش:nice: وبفضل الله وحده توكلت ودخلت في

التجارة واصبحت ولله الحمد والمنة في خير كثير واهم شي الابتعاد عن اكل الحرام .

[نسيم الروح]

بصراحة كلامه منطقي بعكس بعض الردود راعي الموضوع يقول يوميت البتزا هت 21000 ,في الشهر 630000
من 630000 شيل المصاريف الي تبيها
كم يبقى
خليني بخيل 50000
تحياتي

[Mishari]

اخووي عليك بشغل المقاولات الصناعيه بقطاع البترول وهذي دخلنا ولله الحمد ذهب من وراهم تصور مدخوول شهر ما لا يقل عن 65 ألف .

الشغله تدخل عمال عادين مهنة عامل والساعه العامل 15.50 ريال لصااحب العمال طبعاً

اخذ نسبه على العاامل 1 ريال فقط للساعه على عدد على العمال

يعني 200 عاامل مثلاً وساعه العاامل قوول 15 ريال ظرب عدد الساعات الي اشتغل فيها ظرب عدد العمال

200*15 =3000 ريال للساعه قوول اقل شي بيشتغل 8 ساعاات 8*3000=24000 ريال باليوم

عاد عليك الحسبه .

[واحد ثقة]

اخووي عليك بشغل المقاولات الصناعيه بقطاع البترول وهذي دخلنا ولله الحمد ذهب من وراهم تصور مدخوول شهر ما لا يقل عن 65 ألف .

الشغله تدخل عمال عادين مهنة عامل والساعه العامل 15.50 ريال لصااحب العمال طبعاً

اخذ نسبه على العاامل 1 ريال فقط للساعه على عدد على العمال

يعني 200 عاامل مثلاً وساعه العاامل قوول 15 ريال ظرب عدد الساعات الي اشتغل فيها ظرب عدد العمال

200*15 =3000 ريال للساعه قوول اقل شي بيشتغل 8 ساعاات 8*3000=24000 ريال باليوم

عاد عليك الحسبه .


اخوي هل يجوز هذا شرعاً ؟

انا ماعندي علم ولكن خوفاً من الحرام ،،

الله يغنينا بحلاله عن حرامه ،،

[شمس]

[ iMedia ][;6902079']اللحين جاي تقارن راتب " فرد " في سلسله مطاعم ؟
هههههههه :)

ياليتك مارديت صراحه :(
مشكور صاحب الموضع ومثل ماقال بوحارب العقار ابرك لا عوار راس:rolleyes2: ولا شي واذا اراضي بعد ابرك:nice:

[مشتاقة لقطر]

شباب انتبهو للمكتوب

اليوم 22 الف يعني مال يوم بتطلع منه رواتب وتكلفة اكل

وباقي الدخل 29 يوم بيبقى صافي لك

مرة بعد انا جاتني لقافة على محل لملابس نسائية يحسبون دخل كمن يوم 40 الف يعني قول بالشهر كم بيطلعون شي خيالي

والله

الله يبارك

وللعلم انا جامعية وعندي شهادة مميزة بمعدل عالي فيزيا بس ولا افكر اشتغل مع ان زوجي مايدني اشتغل بس مابي لان التجارة تدخل لي اكثر من راتبي بوااااااااااايد الحمدالله

انصح الكل بالتجارة

[abdulla4u]

.... كل شي بتوفيق رب العالمين ..

[مونديال]

مشكور على النصيحه
بس اسمحلي صج فضول فيك

[لافوشيا]

بابا جونز يكسب اكثر منه

[رياني رهيب]

" اتوقع شركة تويوتا اكثر او يمكن البقالة الى عند بيتنا "
يالربع ترا الارزاق بيد الله .. اشكر صاحب الموضوع الى ماقدر يوصل الفكرة

[الخير كله]

يخي مشكلتكم التقليد

[صوت الضمير]

شفيكم الرجال ماقال شي

عادي انا اذا دخلت محل اسئل كم مدخوله

عشان يكون عندي خبره .. ويقول المثل اسئل عن اللي تبيه واللي ماتبيه

لانك بيوم بالايام بتحتاج الاجابه

احسن المشاريع المطاعم اللي فيها صالات عائلات

قليل اللي عندنا بقطر..

ابداع

[الطيبة كلها]

اخخخخخخخخ صج كلامك بس هذي ارزاق بس الانسان الذكي يختار تجاره جيده ومكان ممتاز ويراعي تجارته مب يتركها بيد اي حد بيروح فيها

[قهوجي]

لاتنسي شركه البيتزاهت تاخذ نسبه علي الارباح

[ANONYMOUS]

مايسوا عليه قاعد يحفزكم

اقول خلكم علا رواتبكم وتعالوا اشتكوا تاريخ ٢٠ من الشهر

[kooool]

الردود جات بين الفضول والنصح والتوضيح ..واشكر كلللل اللي رد وكتب تعليقه ..بس اوضح نقطه ..المقصود من الموضوع ان التجارة مجال تاركينه الشباب لغيرهم او اذا بدوا يكتفون باللي يعطيهم المكفول ويقعدون على نسبة او مبلغ مقطوع ..وهو الحبيب ماخذ الاولي والتالي ..واللي يتفرغ لحلاله ويعرف له عدل راح يعدي بالراااحة على الوزير نفسه من حيث المدخول ..وتحياتي ودعواتي للجميع بالتوفيق

[kooool]

مايسوا عليه قاعد يحفزكم

اقول خلكم علا رواتبكم وتعالوا اشتكوا تاريخ ٢٠ من الشهر

شفت شلوووووووون

[خزامئ]

التجاره فيها بركه وخير كثير
بس المشكله اعيالنا الناعمين مايبغون اي شي فيه تعب يبغون كل شي بساهل

[kooool]

التجاره فيها بركه وخير كثير
بس المشكله اعيالنا الناعمين مايبغون اي شي فيه تعب يبغون كل شي بساهل


المتكيسلين احسن

[المحقق كونان]

لوردغاليري مطعم الكرك ابرك بواجد لأنه مشروع الشعب الأول ههههههه

تدري مطعم الكرك مدخوله اليومي 2000 ريال :)

[بوحارب]

المتكيسلين احسن


الكيوت احلى واحلى :shy:

[بوحارب]

تدري مطعم الكرك مدخوله اليومي 2000 ريال :)

ادري

ومايبيله اي تكاليف او عوار راس

بس صيد لك موقع والخلطة السرية عندي :) وجيب كم واحد يوصل لك الطلبات والسلام :nice:

[ام عزوز]

مايسوى عليه الرجال ينصحنا شديتوا عليه كلكم
الله يجزاك خير على النصيحه يا كوووول وترى التجاره افضل بمليوم مره من انتظار الراتب
سواء محل بيتزا او بقاله صغيره وترى بيتزاهت بدى معجنات وبيتزا في مطبخ صغير وبعد كم سنه صار
مطعم عالمي يعني الواحد ياخذ العبره احسن من الطنازه والضحك بدون سبب