مطلوب زوجه !

[الدبلوماسيـه]

السلام عليكم

مسا \ صباح الخير..

فعلا ( مطلوب زوجه ) عنوان صار يتكرر وايد الفتره الاخيره ..
سالفه الخطبه من خلال المنتديات ( النسائيه خاصه) وايد منتشره ..
تجي الوحده تخطب لاخوها ..ولا لوحده من معارفها (يمكن لها بس ماتبي تقول ) وتكتب مواصفات عامه عنهـ\ـا..والي يشوف الامر مناسب يراسلها ؟؟ عشان التفاصيل !!

مستغربه من هالموضوع.. هل ضاقت فيهم الوسيعه عشان تصير الخطبه من خلال المنتديات ؟؟ حتى لو مالك معارف وايد .. الواحد يسأل ؟؟هل هذا مبرر عشان اعرض المواصفات فالمنتدى يمكن وحده تشوفه مناسب وتختاره ؟؟ والخطابات موجودين ؟؟ والناس الي توفق راسين بالحلال وايد؟؟

والي استغربته اكثر ان في بنات يقولون انهم يعرفون ناس تزوجوا بهالطريقه!!:eek5:

سؤالي ..
ماهي وجه نظرك من خطبه المنتديات ؟
يمكن في وجهه نظر ثانيه ..لازم نتطلع عليها .. وتقنعنا !! مع اني ما اتوقع
اتمنى الموضوع ما يطلع عن اطاره =)

بقلم \ الدبلوماسيه
6-2-2011

[khaldoon]

اتعاطف مع من لجأت الى هذا الحل ان كان هذا هو الحل الاخير

الله يكون في عون الناس

التمسي لهن عذرا

[الدبلوماسيـه]

اتعاطف مع من لجأت الى هذا الحل ان كان هذا هو الحل الاخير

الله يكون في عون الناس

التمسي لهن عذرا

=) انا كتبت في نهايه الموضوع يمكن في وجه نظر ثانيه تقنعنا .. وانتظرها ..

لان في الف مليون حل وحل قبل لا افكر اني اخطب عن طريق النت .. والطريقه هذي ممكن توصلني لمشاكل وايد..يعني اقل مافيها ..كم وحده بتسالني من باب الفضول وبتوصلها معلومات شخصيه جدا





آتمنى اني اجد هذا العذر:secret:

[لافوشيا]

مسأله اشوفها عاديه واقل من عاديه
والله يوفق راسين بالحلال

[الزيبق]

بالنسبة لي انا ادور بنت الحلال واذا وجدت راسلني على الخاص والله ايوفقكم مو مهم الطريقه اهم الشخص وانااشوف ليش ما نستغل التكنلوجيه في شي مفيد وانسخره لهذا الغرض

[الدبلوماسيـه]

مسأله اشوفها عاديه واقل من عاديه
والله يوفق راسين بالحلال

شكرا لج عزيزتي =)

[مريومة]

لان في الف مليون حل وحل قبل لا افكر اني اخطب عن طريق النت ..


آتمنى اني اجد هذا العذر:secret:


لو في 100 حل من الالف مليون حل وحل اللي ذكرتيهم .. ما الجأت لهذه المواقع

التمسوا لهن العذر .. حتى وان لم تعرفيه

فالله اعلم بظروفهن

[sara jsm]

اختي من مايبي الستر !!
دام هالطريقة اخرها الحلال ليش مانقبلها !!
ماتدرين بظروف هذولا اللي يطلبون الزوج لـ نفسهم
اكيد في شي حادهم ,, ومالقوا الا هالوسيله ,,
الله لايحطج مكانهم عشان تحسين باحساسهم :(
كل التوفيق لج على هالطرح عزيزتي ,,

[الدبلوماسيـه]

بالنسبة لي انا ادور بنت الحلال واذا وجدت راسلني على الخاص والله ايوفقكم مو مهم الطريقه اهم الشخص وانااشوف ليش ما نستغل التكنلوجيه في شي مفيد وانسخره لهذا الغرض
للحين ما استلمت طلبات:nice:

الناس يخطبون حد يعرفونه معرفه شخصيه .. وبعد الزواج يكتشفون اشياء مغايره للشخصيه الي كانوا يشوفونها .. هالمره بعد عن طريق النت !

الله يوفقك ان شاء الله:victory:

[بوحارب]

زواج المنتديات

ضربة حظ :")

[الدبلوماسيـه]

اختي من مايبي الستر !!
دام هالطريقة اخرها الحلال ليش مانقبلها !!
ماتدرين بظروف هذولا اللي يطلبون الزوج لـ نفسهم
اكيد في شي حادهم ,, ومالقوا الا هالوسيله ,,
الله لايحطج مكانهم عشان تحسين باحساسهم :(
كل التوفيق لج على هالطرح عزيزتي ,,

تعرفين التلاعب اللي ممكن يصير.. والناس الي تسال من داعي الفضول بس ! اسال صديقتي .. صديقه صديقتي ..جارتنا ..إلخ ..

آمين حبيبتي .. ولا يحط احد فهالموقف ان شاء الله

شاكره لج مشاركتج

[الدبلوماسيـه]

زواج المنتديات

ضربة حظ :")

ندور لك وحده فنانه فالكرك:nice:

[بوحارب]

ندور لك وحده فنانه فالكرك:nice:

:unsure::yes::unsure:

[لاجل QT]

اشوفها عادي دام عقبها في سؤال عن الطرفين نفس الخطبة العادية

الحين محد يدور عوار الراس وروح دور ..بضغطة زر تلقي اللى تبية يجيك لين عندك..هذ هو عالم النت

[ام السعف]

لو في 100 حل من الالف مليون حل وحل اللي ذكرتيهم .. ما الجأت لهذه المواقع

التمسوا لهن العذر .. حتى وان لم تعرفيه

فالله اعلم بظروفهن

:nice:

[ام السعف]

زواج المنتديات

ضربة حظ :")

كل انواع الزيجات على مر العصور تعتبر ضربات من ضروب الحظ

لذلك الواحد يحاول انه يستخير في اختياره علشان ربنا يوفقه بحظ حلو :telephone:

[الأصيلة]

بس تتحمل اللي يجبها
من استغلال أو معاير بعدين من الزوج...
هو مادامه حلال عادي
لكن مش مثل ماتنخطب من بيت أبوها بدون ما ادور وتبحث..

[بـــــــنت النوخـّــــذه]

الله يستر عليهم دنيا وآخره

انا لا اؤيد الطرق الغير مرئيه والعالم المجهول الهويه والاحاسيس والمشاعر والنوايا :looking:

ولكن اؤيد العالم المرئي المحسوس الاكثر وضوحا" للنوايا وللشخصيه :yes:

بس بعد ماحط بذمتي واقول كلهم فاشلين حرام بعد ادخل النار عشان تخمين لالالا والف لا :omen2:

[بلوتنيوم]

النصيب غلاب :)

[امـ حمد]

بالنسبه لي انا ما أؤيد زواج النت

لأن بكره يقول لها مثل ما حبتيني على النت تحبين غيري

[ZURICH]

أشوفها صعبة شوي وماتوصل لدرجة ان الواحد يبحث عن شريكة حياتة ودربة بمنتدى

طبعا لأسباب كثيرة و عادات وتقاليد غير متطابقة يتجاهلها الطرفين لهدف الزواج

وفي النهاية يكون لها انعكاسات تنتج عن انفصال مبكر

وأفضل طريقة من وجهة نظري للبحث عن زوجة يكون في اختيار الأهل والمعارف بطريقة خاصة

[الدبلوماسيـه]

بالنسبه لي انا ما أؤيد زواج النت

لأن بكره يقول لها مثل ما حبتيني على النت تحبين غيري

عزيزتي ..احنا موضوعنا عن الخطبه عن طريق الانترنت وليس الحب:telephone:

[koko33]

الاستفادة من التكنولوجيا في الزواج مثل الاستفادة منها في مجالات أخرى
ولكن في مجتمعنا أظن ما يصير هذا الزواج ولوصار ممكن عدد قليل.

[الحياة حلوة]

http://up.arab-x.com/Feb11/Jp502572.jpg (http://up.arab-x.com/)

[**هـتــــــان**]

شوفي يالدبلوماسيه مثلما قالوا البنات الله واعلم شاللي حادهم على هالطريقه ..ولو اني مائيدها بس كلن ونيته وظروفه بعد مايندرى بوضعهم وصراحه الطريقه بكبرها تروع دام فيها نت ومجهول ...والرجال صراحتا عياريين وبيتم يعايرها ع الفاظيه والمليان لا وبعد بيقول لها احمدي ربج ومن هالكلام اللي يجرح عاد تحط ببالها هالشي واذا تتحمل الكلام اللي يسم البدن تكمل مشوارها ...مرات الواحد يدوس ع قلبه لو ايش ماكان ولا يذل عمرة وبالنهاية يلاقي كلام يسم البدن :(

الله يكون بعونهن لو انهن بايام الرسول عليه الصلاة والسلام جان اخطبوا حق اعمارهن ومحد كفوا يتمصخر عليهن تحياتي escape

[barod]

اختي انتي قلتيها بنفسج

الواحد يسأل

واعتقد المنتديات وسيلة مثل السؤال

ايش يفرق الواحد يسأل في المنتدى او يسأل شخصيا

بالاخير كلنا ديرة صغيرة وبالسؤال باي وسيلة الواحد بيوصل للي يبيه

وانا ادور لواحد قريب اللي يعرف بنات يقول لي:)

وبالنسبة للخطابات ترا حتى الخطابات صارت لهم مواقع ومنتديات ويجيبون البنات والشباب من خلال النت!!!! خطابات مودرن بس الفرق انها تاخذ فلوس وايد
اما بالنت مافي فلوس!

والخطابة اذا انتي شايفتها ومتقبلتها كوسيلة عادية
النت يعتبر خطابة الكترونية:)

المهم نبي عروسة

:nice::nice::nice:

[خزامئ]

للمحتاج مافيها شي حالها من حال الخاطبه التقليديه
بس احس مافيها مصداقيه

[khaldoon]

كل انواع الزيجات على مر العصور تعتبر ضربات من ضروب الحظ

لذلك الواحد يحاول انه يستخير في اختياره علشان ربنا يوفقه بحظ حلو :telephone:

الزواج بشكل عام مثل ورقة اليانصيب بس الفرق انه ورقة اليانصيب قد تربح احيانا :rolleyes2:

[khaldoon]

شوفي يالدبلوماسيه مثلما قالوا البنات الله واعلم شاللي حادهم على هالطريقه ..ولو اني مائيدها بس كلن ونيته وظروفه بعد مايندرى بوضعهم وصراحه الطريقه بكبرها تروع دام فيها نت ومجهول ...والرجال صراحتا عياريين وبيتم يعايرها ع الفاظيه والمليان لا وبعد بيقول لها احمدي ربج ومن هالكلام اللي يجرح عاد تحط ببالها هالشي واذا تتحمل الكلام اللي يسم البدن تكمل مشوارها ...مرات الواحد يدوس ع قلبه لو ايش ماكان ولا يذل عمرة وبالنهاية يلاقي كلام يسم البدن :(

الله يكون بعونهن لو انهن بايام الرسول عليه الصلاة والسلام جان اخطبوا حق اعمارهن ومحد كفوا يتمصخر عليهن تحياتي escape

بكل بساطه لو انه الزوج اللي تزوج وحده عن طريق النت صار يعايرها انه تزوجها عن طريق النت تقدر تقوله جملة واحده فقط: لو لقيت وحده غيري تقبل فيك كان ما دورت النت و تزوجتني....الجزاء من جنس العمل


بخصوص صاحبة الموضوع: في مثل يقول امشي بجنازة ولا تمشي بزواجة...لانه لو تزوج احد بواسطة صديق او قريب و انتهى هذا الزواج بالطلاق لا قدر الله وما يسبقه من مشاكل و كيد و ضرر فراح يظل يقول لصديقه اللي كانت واسطة خير: كله منك انت اللي دليتني :weeping:

[روح الاطلس]

بكل بساطه لو انه الزوج اللي تزوج وحده عن طريق النت صار يعايرها انه تزوجها عن طريق النت تقدر تقوله جملة واحده فقط: لو لقيت وحده غيري تقبل فيك كان ما دورت النت و تزوجتني....الجزاء من جنس العمل


بخصوص صاحبة الموضوع: في مثل يقول امشي بجنازة ولا تمشي بزواجة...لانه لو تزوج احد بواسطة صديق او قريب و انتهى هذا الزواج بالطلاق لا قدر الله وما يسبقه من مشاكل و كيد و ضرر فراح يظل يقول لصديقه اللي كانت واسطة خير: كله منك انت اللي دليتني :weeping:

للاسف بسبب ان هذا المثل منتشر " امشي بجنازة ولا تمشب بزواجه" صار كثير من الشباب متعسر موضوع تزويجه الكل يخاف ان دل احد وصار مافي توافق او مشكلة قال هاااه فلان اللي دلني عليج ليته مادلني وممكن يتمشكل معاه

لذلك صار فيه حاجة لبحث الرجل بنفسه أحياناً وعدم سؤال احد بسبب خوف البعض من المستقبل او يلوم نفسه او يقول ليتني ماطعت شور فلان ولا علان!

[ابو علاوي]

في بلداننا العربية محد يقتنع بالزواج عن طريق النت
لأن النت يخفي وراه كثير عادات وتناقضات بين الطرفين
والاهل مستحيل يخطبون لابنهم اي بنت اذا ماسألو عن سابع جد
وعن طريق النت صعب تعرف تاريخ اي طرف

[بوخالد911]

باقي زوااج البي بي

:)

[العقل الحر]

اذا الرجال بيبحث بنفسه عن الزواج الصادق في قطر او الخليج بيضيع

وهذي حقيقه وواقع مؤلم

لذا وجب البحث خارج الدول الخليجيه لتسهيل المهمه والشفافيه