ابي رايكم .....

[بوسيف الهاجري]

السلام عليكم
وصبحكم الله بلخير
شلونكم وشحالكم

ابي استشيركم في موضوع
و قولولي اذا انا غلطان ولالا

بداية القصه
معرفه عن طريق المنتدى لشخص معانا
جاني المعرض وخلصت له سياره عن طريق البنك
الهمه قصه طويله
والرجال قام يتردد على المعرض والحمدالله الرجال ما شفت منه قصور
شروا من يقرا الموضوع
الرجال جاته منحة دراسه عن طريق العمل لمدة سنتين
وكلمني يبي مبلغ من المال لين تنزل سلفة السياره الي مقدمها للعمل
قلت خلاص مر علي وعطيته المبلغ والرجال حلف وعطاني شيك با المبلغ
قلت له خلاص خلص موضوعك على راحتك وهات الفلوس
الرجال من يوم خذا الفلوس و لحد الان ما شفته ولا سمعت عنه
الكلام صار له سنتين
اتصل على جواله مغلق اسال عنه محد يدري عنه شي
يشهد الله اني ما احاتي الفلوس بس ابي اسال عن الرجال هو حي ولا ميت

المشكله انه موجود معانا في المنتدى واشوفه كل يوم واطرش له مسجات ولا يرد علي
بس مادري هو الي يدخل با النك ولالا

انا اخر شي هددته اني اقدم الشيك للنيابه
هل تصرفي هذا صحيح ولالا ؟؟؟؟؟

[هند88]

انا اشوف انك سويت الي عليك
وكنت تسأل عنه..

بس الي مايستحي لا تستحي منه
وحتى لو مو هو الي يدخل بالنك على الاقل يوصل له خبر او يقولك والله انا مو فلان

[نور الحور]

انا اشوف انك سويت الي عليك
وكنت تسأل عنه..

بس الي مايستحي لا تستحي منه
وحتى لو مو هو الي يدخل بالنك على الاقل يوصل له خبر او يقولك والله انا مو فلان

:victory:

[Only Me]

لو انا مكانك ماانتظرت كل هالوقت ترى سنتين وايد وهذا حقك لو اعرفك خذتك من يدك ووديتك النيابه عشان تشتكي على الرجال

الله يعينك اخوي يبين عليك وايد طيب وفي ناس ماتنفع معاهم هالطيبه

[هبوب الكوس]

سنتين ويتشرد

صرحه معاك حق انك تشتكي عليه ود الشيك العاصمة وبسحبونه على طول

.............................

مره صادتني قصة على ايام الكفالات كفلت صديق الي في الشغل ونهو خدماته مسوي مشكل

المراد البنك يسحب مني اقصاده

وصبرت عيله وهو عنده سيارة وسمعت ان باعها وسافر دبي ومن الاولا ان الفلوس يعطيني

اياها ولين شفته مطنش بعدها شتكيت عليه في المحكمة وردلي المبلغ غصب عنه

[وطن]

اخوي انت نيتك طيبه وكنت تبي تتطمن عليه وما همتك الفلوس

ما ابي اسيء الظن به بس ممكن يكون صار له شي وحد استخدم النك نيم ماله

الأفضل تروح الشرطه وتطالب بحقك دامه ما يرد عليه
ع الأقل بتطمن عليه حي ولا ميت بطريقه رسميه :)

والله يعوضك خير يا رب

[La Bella]

الله يعوضك خير أن شاالله

[بو خليفه 123]

بيض الله وجهك يابو سيف و مثلك قليل وجوده .. ولا يهونون الباقيين .

اتفق مع هند انك سويت اللي عليك و ماقصرت بحق الرجال و عطيته المهله الكافيه وهو ماحشمك ولا رد عليك سواءً بالعذر او بالوعد .

أنا اشوف افضل طريقه ان تخلي النيابه العامه تتطمن عليه بالطرق القانونيه و ان شاء الله انه هو بخير :)

[بوسيف الهاجري]

تسلمون طال عماركم
بعد التهديد بتقديم الشيك للنيابه
رد علي الي يدخل با النك وطلع واحد من أهله
الرجال بخير وبيرجع بعد 5 شهور
والله انا ما ابي المشاكل و وجعة الراس
اهم شي انه حي يرزق
وسلامتكم

[.:: القيصر ::.]

السلام عليكم

اخوي تبي تعرف اخباره

ان شاء الله عن طريق النيابه هم بيطمنونك عليه

ولما تاخذ حقك

قول له والله ودي اتطمن عليك والحمدلله تطمنت عليك الحين

ومايشوف شر ان شاء الله :tease:


وماعليك قصور في كل اللي سويته يالذيب :victory:

اتمنى اللي رد عليك واحد منه اهله هههههههههه

[بوسيف الهاجري]

تسلمون طال عماركم
:anger1:
والله عندي واحد لبناني
يبيلي اشوف اخباره عن طريق النيابه
خلوني ادور وين حطيت شيكاته

[be cool]

ههههههههههههههههه ,,, والله بالك طويل ,,, وعقلك داااااهيه مشاءالله,,

[سبشل بارتي]

تصرفك صحيح 100%

[@north_star@]

انت ما قصرت معاه ومن اللي يصبر سنتين على فلوسه بهالزمن وانت ما سويت الا الشي الصحيح بارك الله فيك

[نوفا91]

تصرف سليم :)

[بوحارب]

kill him

[الحياة الخالدة]

يا كثر اللي تبي اتطمن عليهم .. :eek5:

الحمد لله احنا بخير و أمورنا طيبة ..
حلفنا عليك ما يحتاج تروح النيابة الله يسلمك و يديمك ذخراً لهذا الوطن المعطـــاء ..

[الحياة الخالدة]

kill him


تعوذ من ابليس ..
ترا الشيطان ما مات ..

[لافوشيا]

ماعليك قصووووووووووووور يابو سيف

[حليتان*]

kill him

ههههههه كان انت ذبحت فلان هههههه



زين انه كاتب لك شيك يا بوسيف :nice:

انزين بقولك رايي بس ابي خصم 50% على كيان 2011 :tease: << واصفاار بعد

[مستر بن]

والله ان في ناس ما تستحي .. !!!


اهم شيء ,, وديت الشيك .. ,,

اموورك طيبة .. بس رااجع المركز داايما ..

لان اذا ما رااجعتهم .. بطنشوون لك ...

[بوسيف الهاجري]

تسلمون طال عماركم على الردود الطيبه

[بوسيف الهاجري]

ههههههه كان انت ذبحت فلان هههههه



زين انه كاتب لك شيك يا بوسيف :nice:

انزين بقولك رايي بس ابي خصم 50% على كيان 2011 :tease: << واصفاار بعد

ابشر خصم70% شتبي بعد اكثر

[boamir]

والله يالغالي المفروض إلي رد عليك تقوله ماتستحي على وجهك طول هالمده اطرش لك رسايل وولا مره رديت علي ؟؟

وثانيا دز له رساله ثانيه واطلب منه رقم الرجال حتى لو هو بره اكيد عنده رقم
على الأقل تطمن عليه مثلا وتسأله بالطيب بيرد الفلوس ولا لا

وعقبها يا تصبر عليه إذا قال إنه بيعطيك وعطاك موعد او تروح النيابه وتنهي السالفه

والله يعيينك وجزااك الله خيير على هالتصرف

[بوسيف الهاجري]

يسلمو

[naklan]

بل سنتين يتهرب هذا الي ما يستحي على وجهه :(

يابوسيف هذا المفروض يرد الفلوس ويحب راسك بعد :eek5:

اقول ابن عمي ما عندك سلف 15000 واردهم لك بعد سنتين :secret:

الوعد 7 فبرابر 2013 شمال الزغين بتاخذ فلوسك :telephone:

وش قلت :nice:

[بوحارب]

تعوذ من ابليس ..
ترا الشيطان ما مات ..
ترى بقول حق الشيطان انج تقولين عنه جيه :tease:







ههههههه كان انت ذبحت فلان هههههه



وين بيروح من رب العالمين :)

[نوره88]

ههههههههههههه اي والله مثل اخووي النيابه بطمنك

[بوسيف الهاجري]

بل سنتين يتهرب هذا الي ما يستحي على وجهه :(

يابوسيف هذا المفروض يرد الفلوس ويحب راسك بعد :eek5:

اقول ابن عمي ما عندك سلف 15000 واردهم لك بعد سنتين :secret:

الوعد 7 فبرابر 2013 شمال الزغين بتاخذ فلوسك :telephone:

وش قلت :nice:


شمال الزغين:con2:
تسلف من عند بن سلام :tease:

[مريومة]

الغايب عذره معاه

[alseef]

لا انت مب غلطان واللي سويته اهو الصح

بعدين انت سكت عنه فتره طويله المفروض يردها لك

[بوسيف الهاجري]

الغايب عذره معاه

الغايب شهرشهرين ثلاثه
اما سنه ونص

[بوسيف الهاجري]

لا انت مب غلطان واللي سويته اهو الصح

بعدين انت سكت عنه فتره طويله المفروض يردها لك

شاسوي قلبي ابيض
احسب الناس مثلي

[تركي الشهراني]

بصراحه يا بو سيف الي مثلك وشرواك قليل في هالزمن

قدم الشيك ولا عليك منه وهذا حقك صدق والله الواحد يقدم جميل او معروف في شخص ويتحسف

[jwar]

الشيخ ممكن سلف؟ بارجعهم لـك آخــر الــقــرن اقصد اخر الشهر


ههههههه


الصراحه ماقصرت وصبرت عليه وايد

لاتكلمه ولا تسال عنه ولاتفتكر
على طول المركز

[بوسيف الهاجري]

بصراحه يا بو سيف الي مثلك وشرواك قليل في هالزمن

قدم الشيك ولا عليك منه وهذا حقك صدق والله الواحد يقدم جميل او معروف في شخص ويتحسف

شرواك الطيب طال عمرك
الله كريم

[متسلف وفي الاخير]

بوسيف من عرفناك رجال والنعم فيك يالغالي والله لو بنك مايصبر عليه يحمد ربه انك صبرت عليه

خسارة المال والجاه ولا خساره الروح

[عاشق الشهادة]

والله والنعم فيك اخوي بوسيف انك صبرت عليه كل هذه المده ,
وانتظر الرجال لين مايرجع وشوف ايش عذره لييش ما يردعلى اتصالاتك خلال الفترة الماضية ,
وحاول انك تخلص معاه بدون نيابة ومحاكم

[بوسيف الهاجري]

بوسيف من عرفناك رجال والنعم فيك يالغالي والله لو بنك مايصبر عليه يحمد ربه انك صبرت عليه

خسارة المال والجاه ولا خساره الروح

النعم بحالك
تسلم طال عمرك
والله انا كنت ابي اسال عنه فقط لاغير
المشكله انه سافر ولا بلغني ولا اتصل فيني على الاقل

[بوسيف الهاجري]

والله والنعم فيك اخوي بوسيف انك صبرت عليه كل هذه المده ,
وانتظر الرجال لين مايرجع وشوف ايش عذره لييش ما يردعلى اتصالاتك خلال الفترة الماضية ,
وحاول انك تخلص معاه بدون نيابة ومحاكم

تسلم طال عمرك
وهذا الي بيصير
ويشهد الله انه عزيز وغالي
ولا ابي المشاكل

[غزلان]

الله يعضو عليك ويعطيك على قد نيتك

[eXpert*]

موضوعي لا يختلف عن موضوعك ،،
رحت العاصمة قسم الشيكات أتصلوا فيه وقالوا له بترد الفلوس ودياً ولا نبدأ بالأجراءات مع النيابة ؟

ثاني يوم فلوسيّ عندي وشيكه رجع له وانتهى الموضوع .

أغلب الأحيان لازم تدخل الجهات المختصة علشان الشخص ان في نوع من الجديّة .
خصوصاً إذا الشخص مقتدر مادياً ، أموره طيبه .

[بوسيف الهاجري]

تسلمون

[abu abdulla]

مرحبا بوسيف ان شاءالله طيب او ل شي انت عمل خير لوجه الله وفرجة كربة محتاج والشي الثاني الرجال غايب وعذره معاه ....
الفتره الماضيه كثير من الناس تضرر بسبب البورصه وصارت لهم مشاكل مايتوقعونها ودخلوا دوامة الديون والبعض منهم يالله يتبقى له شي من الراتب حتى مايكفي مصروف عياله...
خلك يابوسيف مثل ماعرفناك واصبر على الرجال لين يرجع ماتدري مسافر او بالسجن او مريض نسال الله سبحانه بتفريج كربة كل مؤمن وان يقضي ديونهم ويشافي كل مريض ويهدي كل ضال ويوفق الجميع لعمل الخير....امين

[بنت^البحرين1]

الله أعلم بظروفه .. شي بينك وبينه .. ويوم أنك صابر طول هالمدة اصبر لين يرجع مافيها شي .. خاصة اذا ماكنت محتاج للمبلغ اللي هو ماخذه ..

كلكم قلتوا النيابة ؟؟ عجبني رد اخوي عاشق الشهادة .. الواحد يحل الأمور ودي أحسن من المحاكم والشرطة ..

[بوسيف الهاجري]

مرحبا بوسيف ان شاءالله طيب او ل شي انت عمل خير لوجه الله وفرجة كربة محتاج والشي الثاني الرجال غايب وعذره معاه ....
الفتره الماضيه كثير من الناس تضرر بسبب البورصه وصارت لهم مشاكل مايتوقعونها ودخلوا دوامة الديون والبعض منهم يالله يتبقى له شي من الراتب حتى مايكفي مصروف عياله...
خلك يابوسيف مثل ماعرفناك واصبر على الرجال لين يرجع ماتدري مسافر او بالسجن او مريض نسال الله سبحانه بتفريج كربة كل مؤمن وان يقضي ديونهم ويشافي كل مريض ويهدي كل ضال ويوفق الجميع لعمل الخير....امين

هلا وغلا والله
انا ما قلت ابي فلوسي ولا فكرت اودي الشيك النيابه
انا قصدي ليه التجاهل انا ادري انه مسافر ولا كلف عمره يتصل
كنت ابي اعرف هو حي ولا ميت