نقطة كهرباء في الحمام ؟ هل ممنوع من كهرماء ؟

[Chambray]

اليوم المقاول يقولي ممنوع تحط نقطة كهرباء في الحمام ( سوكت خاص بمكينه الحلاقه او بالاستشوار )
وان هذا ممنوع من قبل كهرماء ؟
اذا ممنوع ليش مايطبق على الفنادق مثلاً والشقق المفروشه ؟؟

[شموخ دائم]

,


,


مرحبا


اخوي الكريم


وضع نقط الكهرباء ممنوع في الحمامات هذا كلام صحيح
وهذي قوانين قديمه في قطر وما زالت موجوده
وكان السبب حصول حاله وفاة من ماس كهربائي مع الماء

بالنسبه للفنادق مسموح لان انظمه الامان عندهم متطوره جدا
في الحريق وفي الكهرباء والسيفتي

طبعا الان كهرباء البيوت في قطر فيها امان ويفصل الكهرب في اي تماس يحصل

تقدر تعمل نقطه نفس الفندق وتخلي الكهربائي يخبيها تحت قطعه سيراميك عند الباب من داخل
وبعد التفتيش ودخول الكهرباء يطلعها الكهربائي ويركب سوكت
ولا تقول اني علمتك الخطه
هههه



,

,


اخوك



شموخ دائم

[ايزو]

في سوكتات تكون عازلة للماء

[وهم قطر]

اخوي بامكانك تسوي السوكت وتغطيه بكور خاص وتربروف عادي

[Chambray]

شموخ دائم
اشكرك على الخطه هههههههههههههههه


ولا يهونون الباقيين ماقصرتوا

[بوفهد 5555]

انا سويته عادي والمفتشين ما يدخلون الحمامات واذا دخل ما ينتبه سوه وانا المسئول

[فواز1976]

فيه سوكت خاص حق الحمام والاماكن القريبه من الماء ...... بحيث يفصل اول ما يجيه ماء وينقال له GFCI
ground fault circuit interrupter

مطلوب بكود البناء العالمي على 120V فقط لانه 220 فولت يفصل من الطبلون

[Chambray]

فيه سوكت خاص حق الحمام والاماكن القريبه من الماء ...... بحيث يفصل اول ما يجيه ماء وينقال له gfci
ground fault circuit interrupter

مطلوب بكود البناء العالمي على 120v فقط لانه 220 فولت يفصل من الطبلون

مكينه الحلاقه تجي 240 ؟
شلون يشغلها هاي بو 120 فولت؟

واشكرك يا فواز

[ام عبدالعزيز]

انا بيتي..سويت فيه وكل الحمام فيها نقاط كهرباء

بس تكون بيعده عن بيبات الماي وووومغطاه...


يسلمو

[khaldoon]

اخوي تقدر تركب نقطه خاصه بماكينة الحلاقه من غير مخالفه ولا تخبيها ولا شي...

موافق عليها من كهرماء

تحياتي