ابني ضعيف فالانجلش .. ابي حل اقويها فالاجازة هذي كييييييف ؟؟

[jassim]

السلام عليكم ورحمه الله وبركاته

ابتدي بالموضوع وان شاء الله الي عنده حل يطرحه جزاه الله عننا الف خيييييييير

ابني صف ثالث ابتدائي في مدرسه نظامها من نظام المدارس المستقله وكل شئ بالانجلش

فنزل مستواه بشكل رهيييييييييييب ويصدم لي
فانا لما شفت الشهاده قررت اني انتهز فرصه اجازة نصف العام

وانمي الانجلش عنده عشان اتفادى الضعف في الفصل الثاني
ان شاء الله

فكرت وفكرت

جات فكره انه اجيب له مدرس او مدرسه بس قلت بيدرسونه المنهج فقط وماراح استفيد
باضطر كل سنه نفس المنوال

الحل الجذري قلت اني ادرسه اللغه كامله تنفعه للابد وطوووول العمر باذن الله
شفهيا بس
لان الكتابه بتجي اسهل لو عرف يفهم ويتكلم

بس كيف مااااااادري
وتعرفون الاطفال الصغار يكتسبونها بسهوووووووله في غضون اسابيع وبالكثير شهر
وممكن لو بدات الحين ماتنتهي اجازة نصف العام الا وهو اخذها باذن الله
بس وين المجتمع الي يتكلم بها علطوول الي ممكن احطه فيه؟؟
لو فيه مدرسه اجنبيه ممكن تقبله شهر ؟؟<< احس اني احلم

المعاهد استبعدت فكرتها
لان المعاهد فكرت فيها بس نفس نظام المدارس ( اكتب - انسخ -احفظ) وهكذا
او ماهو الحل الافضل من وجهة نظركم ؟؟ ابي حلول جديه لو سمحتم او تجارب مريتو فيها

[][ iMedia ][]

الخاص يالغالي . . :)

[jassim]

iMedia
اشكرك عالرد والاهتمام

اترقب رد باااااااااااقي الاعضاء

[MAZEN37]

[ imedia ][;6906202']الخاص يالغالي . . :)
يعني الحين الموضوع سر مثلا
فيدنا بمقترحك الكل يعاني نفس معاناة اخونا

[jassim]

يعني الحين الموضوع سر مثلا
فيدنا بمقترحك الكل يعاني نفس معاناة اخونا

:weeping:
انتظر معااي الحلول الي اتمنى احد يطرحها
:weeping:

[][ iMedia ][]

يعني الحين الموضوع سر مثلا
فيدنا بمقترحك الكل يعاني نفس معاناة اخونا

ايش رايك تضربني كفين بالمره ؟
خلاص ما هي خاربه وخاربه هههه :)
.
ارسلت له رقم . . مش اكثر
ممنوع وضع الارقام في العام

[لافوشيا]

مدرسه قطر انترناشونال انصحك فيها عيال اختي مسجلين فيها وووووااااايد يمدحونها

[jassim]

مدرسه قطر انترناشونال انصحك فيها عيال اختي مسجلين فيها وووووااااايد يمدحونها

شكرا عالرد
لكن اظن ان هذا الحل اقدر انفذه عالسنه الجايه مثلا
بغيت حل الحين نصف العام احسن من مستواه في هذا العااام

[البدع]

عندنا نفس المشكلة

جابوا للولد برنامج كمبيوتر عن النطق

واجبروه يجلس نصف ساعة كل يوم مع البرنامج

ثم نصف ساعة تدريب مع الام

وبعدها صار يرطن انجليزي

ويسمي التفاحة ... (ابل)

[كود نمبر]

والله ياخوي نفس المعاناة الله المستعان
ولدي نفس ولدك صف ثالث تعذبت معه مع ها المستقله
امه من صوب وحاط له مدرسه ومع الامتحانات دعمته بمدرس بعد وللحين نفس المشكله

[كازانوفا]

جيبله مدرسه او مدرس يعلمه هذا احسن حل انا عيالي بالاجازه ادرسهم بس القواعد وباقي التدريس وقت الدراسه لان اساس تكوين الطالب بالقواعد

بالتوفيق ان شالله

[لافوشيا]

شكرا عالرد
لكن اظن ان هذا الحل اقدر انفذه عالسنه الجايه مثلا
بغيت حل الحين نصف العام احسن من مستواه في هذا العااام

اها اوكي اخوي

[آهـل شَـرق]

الموضوع ما يحتاج تعب ومدرسين ومعاناه .. عندكم التلفزيون في قنوات اجنبيه مخصصه للاطفال وبرامجها تنمي عقلية الطفل .. وبعد القرايه ومكتبة جرير موفره كتب اشكال والوان تناسب كل الاعمار .. هذي اسرع طريقه يقدر ينمي فيها الوولد لغته!!

للعلم شريحه كبيره من الشباب تعلموا اليابانيه من الانمي .. بس انا مب واحد منهم :(

[becauzah]

السلام عليكم و رحمة الله ،،
النصيحة هذي عشتها أنا بنفسي ، مب أقول لك أعرف واحد ولا قال لي واحد
حاليا للأسف لازم تفهم أن نظام العمل و الدراسة في دولة قطر و دول الخليج بالإنجليزي
فلازم يتقن كل واحد فينا هذي اللغة اللي صارت لغة العلم الحديث ، للأسف اللغة العربية كانت لغة العلم وكان من يريد يتعلم لازم يتقن اللغة العربية.
فالطريقة المهمة واللي أنا شخصيا سويتها لما كنت في المرحلة الإعدادية هو إني دخلت معهد انجليزي بعد العصر ، كانت أيام المعهد بشكل يومي لمدة تقريبا ثلاث ساعات ، طبعا المرحلة الإعدادية و الإبتدائية هم أفضل المراحل لإن الولد يكون مفتح في هالفترة ما يجونه ربعه يقولون له يا ريااااااال روح قناة الكاس صير مذيع بدون ما تعرف انجليزي ، ولا يقول له يا ريااااااال روح الخويا و معاشك 20 ألف ، يحسب العشرين هذي بتبني له بيته المسكين ،
عموما المعاهد في قطر كثيرة ، إحرص على المعاهد اللي سمعتها جيدة ، و يكون معاه في الصف ناس بعمره عشان ما يزهق أو يتعرض لتحرش من ناس أكبر منه.

أنا أنصح عن تجربة بمعهد إسمه els ، ما أدري اذا لا يزال فاتح أنا خبري به من عشر سنين ، أنا دخلت هالمعهد و لغتي تطورت بشكل ممتاز لدرجة إني انقبلت في جامعة قوية و جبت التوفل بدرجة 535 و أنا لم أكمل ثالث ثانوي ، فيعتبر إنجاز بالنسبة لي.

الله يوفقك و يصلح لك ولدك و يوفقه في دراسته

[khalifa160]

السلام عليكم و رحمة الله ،،
في البدايه1) عليك بالقصص القصيره والسهله وهذا للقرائه
2) الاشرطه السي دي او دي في دي وهذا للاستماع والنطق مثل اغاني بارني وعد الارقام وهذا كله موجود في المكتبات
3) واخيرا ممارسة اللغه في البيت مع الاهل او الخادمه اذا كانت فلبينيه او هنديه

والاهم ان يكون الطالب يدرس في المدارس الاجنيبه

[الصريحه]

فيه مدرسه اعتقد اسمها فارولد او شيء من هذا القبيل تعطي دروس مكثفه باللغه الانجليزيه
اسال عنه

[jassim]

عندنا نفس المشكلة

جابوا للولد برنامج كمبيوتر عن النطق

واجبروه يجلس نصف ساعة كل يوم مع البرنامج

ثم نصف ساعة تدريب مع الام

وبعدها صار يرطن انجليزي

ويسمي التفاحة ... (ابل)

جزاك الله خير

[jassim]

والله ياخوي نفس المعاناة الله المستعان
ولدي نفس ولدك صف ثالث تعذبت معه مع ها المستقله
امه من صوب وحاط له مدرسه ومع الامتحانات دعمته بمدرس بعد وللحين نفس المشكله

فعلا
فالبيت نتكلم معه انجلش
بس مايفيييييد

الله يعيننا ويعينك

[jassim]

فيه مدرسه اعتقد اسمها فارولد او شيء من هذا القبيل تعطي دروس مكثفه باللغه الانجليزيه
اسال عنه

شكرا
جزاك الله خير
افكر في هذا الحل :omen2:

[jassim]

جيبله مدرسه او مدرس يعلمه هذا احسن حل انا عيالي بالاجازه ادرسهم بس القواعد وباقي التدريس وقت الدراسه لان اساس تكوين الطالب بالقواعد

بالتوفيق ان شالله

:omen2:
افكررر في هذا ايضااا

جزاك الله خير

[jassim]

الموضوع ما يحتاج تعب ومدرسين ومعاناه .. عندكم التلفزيون في قنوات اجنبيه مخصصه للاطفال وبرامجها تنمي عقلية الطفل .. وبعد القرايه ومكتبة جرير موفره كتب اشكال والوان تناسب كل الاعمار .. هذي اسرع طريقه يقدر ينمي فيها الوولد لغته!!

للعلم شريحه كبيره من الشباب تعلموا اليابانيه من الانمي .. بس انا مب واحد منهم :(

حل ممكن يكون قوي
بس لازم امسح القنوات العربيه عشان اجبره يشووفهاا:omen2:
اما الكتب والسي دي هات
موجووووووووووده وخبر خير الله يهديهم

[jassim]

السلام عليكم و رحمة الله ،،
في البدايه1) عليك بالقصص القصيره والسهله وهذا للقرائه
2) الاشرطه السي دي او دي في دي وهذا للاستماع والنطق مثل اغاني بارني وعد الارقام وهذا كله موجود في المكتبات
3) واخيرا ممارسة اللغه في البيت مع الاهل او الخادمه اذا كانت فلبينيه او هنديه

والاهم ان يكون الطالب يدرس في المدارس الاجنيبه

اعتقد هذا هو الحل الوحيد
الجذررررري
شكرا عالمرور

[jassim]

السلام عليكم و رحمة الله ،،
النصيحة هذي عشتها أنا بنفسي ، مب أقول لك أعرف واحد ولا قال لي واحد
حاليا للأسف لازم تفهم أن نظام العمل و الدراسة في دولة قطر و دول الخليج بالإنجليزي
فلازم يتقن كل واحد فينا هذي اللغة اللي صارت لغة العلم الحديث ، للأسف اللغة العربية كانت لغة العلم وكان من يريد يتعلم لازم يتقن اللغة العربية.
فالطريقة المهمة واللي أنا شخصيا سويتها لما كنت في المرحلة الإعدادية هو إني دخلت معهد انجليزي بعد العصر ، كانت أيام المعهد بشكل يومي لمدة تقريبا ثلاث ساعات ، طبعا المرحلة الإعدادية و الإبتدائية هم أفضل المراحل لإن الولد يكون مفتح في هالفترة ما يجونه ربعه يقولون له يا ريااااااال روح قناة الكاس صير مذيع بدون ما تعرف انجليزي ، ولا يقول له يا ريااااااال روح الخويا و معاشك 20 ألف ، يحسب العشرين هذي بتبني له بيته المسكين ،
عموما المعاهد في قطر كثيرة ، إحرص على المعاهد اللي سمعتها جيدة ، و يكون معاه في الصف ناس بعمره عشان ما يزهق أو يتعرض لتحرش من ناس أكبر منه.

أنا أنصح عن تجربة بمعهد إسمه els ، ما أدري اذا لا يزال فاتح أنا خبري به من عشر سنين ، أنا دخلت هالمعهد و لغتي تطورت بشكل ممتاز لدرجة إني انقبلت في جامعة قوية و جبت التوفل بدرجة 535 و أنا لم أكمل ثالث ثانوي ، فيعتبر إنجاز بالنسبة لي.

الله يوفقك و يصلح لك ولدك و يوفقه في دراسته



جزاك الله خير عالدعاااااااااء
ولك بمثل

كما اشكرك على ذكر التجربه

واتوقع مادامو عيالنا فالمستقلالات مافيه غير المعاااااااهد

الله المستعان

اكرر شكري

[ام خليفة]

الحين المدارس المستقله مناهجها كل بالانجلش
اول شي لازم يكون في متابعه يوميه حق الولد
يعني نخصص وقت كل يوم حق المراجعه مب بس حل الواجب وخلاص
نراجع دروس اليوم ، عشان تثبت في مخ الولد ومافي مانع نعطيه لمحه سريعه عن درس بكره عشان يشارك في الصف
ومايجي وقت الامتحانات الا الولد فاهم المواد عدل تراجعون معاه مراجعه خفيفه وماتعبون معاه ..

اما وقت الفراغ ، حاولو تشغلونهم في شي مفيد مثل الكمبيوتر والالعاب الترفيهيه والتعليميه والاهم ان في حد يكون معاهم عشان يتشجعون ويستمرون ومايملون منها
ودايما شجعوا الولد وامدحوه وقولو له اذا نجحت بنشتري لك .. ، واذا درست بنوديك .. ، استخدموا معاه اسلوب الثواب وليس العقاب
وان شاءالله تشوفونه من المتفوقين :)

[MAZEN37]

اقتراح للمدارس المستقله في كل منطقه ومرحله بانشاء صفوف تقويه طول السنه
وممكن تكون نفس الهيئه التدريسيه وبرسوم بسيطه على كل طالب
وقت العصر وانا متاكد من نجاح التجربه والمكان موجود والفائده للجميع
وتكون دورات طول السنه حتى بالصيف ليش ما نستغل المدارس والمدرسين
اشكر صاحب الموضوع

[ام السعف]

كانت عندي مشكلة مع ولدي الصغير ،، و المشكلة تفاقمت لأنه من الأساس ما يبي ينطق
خايف من العين اسم الله عليه ،، حاولت معاه كثر ما قدرت لكن في البيت ،،
خياري الوحيد ان احط له مدرسة ،، في الصيف خصصنا له برنامج كامل بما فيه الإنجليزي،،
3 ايام في الاسبوع وكل يوم لمدة 3 ساعات كأعلى حد ،، يتأسس في اللغة ،،
يعني يرد من البداية يتأسس على المنهج الانجليزي ،،
+ دروس المدرسة ( تشرح الاسامي وانواعها ،، والجمل و انواعها ،، ووشنهو يعني جملة ومب جملة )
+ يقرا قصص
+ يشتغل على برامج تساعده على النطق
+ يتكلم عن نفسه بالانجليزي
+ويراجع كل اللي يدرسه

اشوفه واايد تغير ولله الحمد لدرجة كبيرة جدا ،، بس بقت عنده مشكلة عدم
حب الظهور هي اللي مخليته ما يتطور وايد ،،

فالطفل لازم يتأسس صح علشان يمشي صح ،، وما انصح المدرس يكون لتعليمه
المنهج بس ،، الطفل لازم يعرف المنهج هذا ليش انوضع وكيف انوضع وعلى اي اساس انوضع ،،

ارجع اقول لك ( مدرس او مدرسة اتييه البيت تأسسه من اول وجديد كأنه طفل اول
مرة يدرس المادة ) وكل تطور منه عززه وخل كل شي متروك لمدى تطوره
سواء كانت هدية او لعبة او دكان حتى وشوفه ان ما لقيته يتطور قول ام السعف قالت ،،

ملاحظة : حاولوا انكم تتحدونه وتقرون القصة وياه،، و يكون سطر لك مثلا وسطر له
او انك فقرة لك وفقرة له ،، خله يكتب فقرة وينسخها ويظهر الكلمات اللي فيها حروف
متشابهة ويطلع معناها من جوجل وطريقة نطقها بعد من جوجل ،،


في المرحلة الأولى الطفل بحاجة الى دعم البيت وااايد فلا تتركونهم بروحهم
وان شاءالله بتشوفه عقب شهر او اثنين بروحه تبرمج انه يساعد نفسه ،،


بالممارسة الصعب يستوي سهل ،، وكل شي صعب في البداية لكن مع الأيام
تلقاه يصحح لك ان شاءالله ،،

[Navigator 85]

انا عن نفسي كانت عندي المشكلة

اهم شئ تودونهم افضل المعاهد انا دخلت els

والاهم هو الاستخدام شنو الفائدة اذا االطفل تعلم وما استخدم اللغة راح ينسى

عن نفسي قمت اطلع مع اجانب اخلاقهم ممتازة وحتى في بينهم امريكي اسلم

هذا الحل الوحيد اللي حصلته قدامي علشان استخدم اللغة وما انساها

[Coco Chanel]

انا انصحك انك اتدخله معهد els
ولو تحاول تغير مدرسته فالسنين الاولى واتدخله مدرسه انجليزيه لين الصف السادس تقريبا تخلي مستواه يرتفع وبعدها اتطلع واتدخله مدرسه مستقله ...
ولدك صغير ويقدر يكسب بسرعه في هالعمر ...
وبالتوفيق

[chillis]

اعتقد اي ال اس ممتاز