لظروف إنسانية: مطلوب أسرع مكتب لجلب الخدم من الفلبين & أرتيريا.. يرجى الإفادة

[أبو عبدالعزيز]

والإفادة العاجلة
مع خالص التقدير
بالمناسبة: مكتب الشاهين اللي بالسد معطلنا من منتصف ديسمبر وللحين
مع إنهم الله يهديهم قالوا لنا 4 أسابيع وتجي!!

[أبو عبدالعزيز]

يضاف بعد ولا هنتو: سائق من الهند

[أبو عبدالعزيز]

Up.......

[مهل]

اخوي مشكله اذا الواحد مدح شي ،، احنا نجيب خدامه ولا دريول ولا عاد نحتك مع المكتب مره ثانيه


عموما انا جربت مكتب اسمه الحرمين في سوق العلي يفتح على الجسر جمب محلات التصوير .. كان تعاملهم ممتاز لا في شغله وحده ان اول ماجات الخدامه كانو يبون يبيتونها عندهم و انا رفظت و استلمت جوازها و بنفسي رحت استلمتها من المطار

[اهل قطر]

اخوي مشكله اذا الواحد مدح شي ،، احنا نجيب خدامه ولا دريول ولا عاد نحتك مع المكتب مره ثانيه


عموما انا جربت مكتب اسمه الحرمين في سوق العلي يفتح على الجسر جمب محلات التصوير .. كان تعاملهم ممتاز لا في شغله وحده ان اول ماجات الخدامه كانو يبون يبيتونها عندهم و انا رفظت و استلمت جوازها و بنفسي رحت استلمتها من المطار

الحرمين انا مقروصه منهم

جابوا ثنتين وانه ما يعرفون حد اتاري لهم اهل شوي شوي الا زوجي الا اخوي وكبرت السالفه
لما كملوا ست شهور قالوا يا نشوف اهلنا والا نسافر وحجزت لهم في طياره وحده مع اني جايبتهم من نفس المكتب , قال لهم لا تعلمون كفيل ان اهلكم هنيه لين بعد ثلاث اشهر
وراحت 15 الف جايبينهم بها

[مهل]

الحرمين انا مقروصه منهم

جابوا ثنتين وانه ما يعرفون حد اتاري لهم اهل شوي شوي الا زوجي الا اخوي وكبرت السالفه
لما كملوا ست شهور قالوا يا نشوف اهلنا والا نسافر وحجزت لهم في طياره وحده مع اني جايبتهم من نفس المكتب , قال لهم لا تعلمون كفيل ان اهلكم هنيه لين بعد ثلاث اشهر
وراحت 15 الف جايبينهم بها

لا لاااااااااااا صدمتيني بهالمعلومه ،، اذا اكس من قلب على هالمكتب الخايس .

شوفي شصار وياي .. ذكرت ان المكتب طلب ان الخدامه تبات عندهم مع انها بتوصل ٩ في الليل بحجه انه مايصير من الطياره تروح تنكرف !! الي يقول مانحس احنا

المهم اصريت اني اروح استلمها بنفسي بعد ماكلمت الجوازات و شرحت لهم السالفه معلموني انه من حقي استلم صوره جوازها من المكتب و انا استلمها بنفسي من المطار .
رحت و فعلا وصلت و لقيت مندوب المكتب هناك و طنشته و اقبظ خدامتي و اقولها يالله السياره .. يوم طلعت من صاله المطار و الخدامه تتبعني ،، قطعت الشارع ولا ذيك الخدامه العجوز لابسه دفه و شيله !! قابظه خدامتي و تقرقر عليها ،، و ارجع لها و ازقرهم الثنتين و اركب هذي السياره و اجيبها البيت .
يوم سوولها التفتيش الاحترازي في البيت ولا عند خدامتي كرت جديد فودافون :eek5:
من وين قالت لي العجوز ذيك عطتني اياه .. منهي قالت ما اعرفها .. يه شهالخرابيط
خذنا الكرت و قلنالها لاسافرتي عطيناه اياج و طبعا لقينا عندها جوال و خذته

بعد فتره ولا تقول الخدامه اخوي هنيه في الدوحه يشتغل ،، شوي شوي ولا تقول خالتي هنيه ؟؟ لحووول
سافرت وخليتها عند بيت نسيبي كم يوم رديت و بعد كم يوم ولا الخدامه عندها جوال خاشته و كرت ،، انا لله و كله ارقام قطريه
رديت خذته منها و قلت لها ان شفت عندج جوال حملتج و قطيتج في المطار ،، قالت لي اوكيه مافيه مشكله انا ابي اشوف عيالي ... هههههههههه اخر قهر اني بلفيت اهددها بالتسفير و هي مستانسه

اخر حل و كان هو الناجح اني مسكت عنها راتب شهرين و حولت لها الباقي و قلت لها تلعبين في ذيلج هذا قيمه تذكرتج ،، راحت امها في بلادها اشتكت علي في السفاره و كلموني مكتب الحرمين يقولي انت ليش ماتعطيها راتب .. قلت له انت باي حق تكلمني ،، لو الخدامه عدت ٣ شهور و طلعت فيها عيوب الدنيا ما قبلت ترها و الحين عقب سنه و شي ماتصلي تسئل ليش ما اعطيها راتب !!
المهم لاانها بتشتكي بالسفاره و انا ابي هالشي ،، ابي حد يقولي ليش ماتعطيها الراتب عشان افتح عليها باب ان الخدم باي لحظه يخربون اغراض البيت او مايشتغلون عدل عشان نسفرهم و هم مايخسرون ولا شي احنا الي نخسر كل التكاليف و بالاضافه للتذكره .

وحالينا انتظر السفاره تكلمني و ياذابح يا مذبوح و طبعا اوقع الخدامه على استلام الراتب ماعدا الشهرين ماخليتها اتوقع عليهم بحجه انه توفير لها بعد :rolleyes2:

[ام عزوز]

مرحبا اخواني الكرام
بخصوص موضوع الخدامات احنا مانقدر نحكم على مكتب معين من الخدم اللي يجيبونهم
للعلم ان الخدامات في بلادهم يقدمون في اغلب المكاتب وانا بعيني شفت طلب خدامه متكرر
في مكتبين ولمن سألت صاحب المكتب قاللي هالمعلومه
يعني المكتب نحكم عليه بالسرعه والامانه مش بشطارة الخدامه

[umhend]

في مكتب اسمه الافضليه او الفضيله جاب حق هلي خدامتين اندونسيه وسرلنكيه في اسبوعين
من بعد الجوازات طبعا وجاب لي اندونسيه خلال ثلاث اسابيع وثلاثتهم الى الان الله لايغير عليهم زينين
هو في شارع ال شافي الي يبي رقمه يكلمني على الخاص