أهل الخبرة ممكن أفضل جامعه في بريطانيا من قائمة المجلس الاعلى للتعليم

[بنت قطريه]

السلام عليكم ورحمة الله وبركاته ..


أخواني وخواتي أهل الخبرة واللي يعرفون بالجامعات ... لاني حاليا ادور جامعه علشان ادرس ماجستير محاسبه ومب عارفه احسن جامعه من حيث الشهادة والمكان .... إذا حد يقدر يساعدني وفي بعد جامعات في أمريكا لما دخلت الموقع أحس في جامعات ممتازة بس بعد ماقدر احكم من الموقع بس وشفت في دراسةMBA وشنهو الافضل والاحسن لاني ابي اتطور في شغلي أو القى منصب أحسن لان بالجهة اللي باتوظف فيها قالوا لي اذا جبت ماجستير بتكون الوظيفه أعلى .... وأنا بإذن الله قررت اخلص دراسة الماجستير بس متوهقه ..... وبعد إذا كان ممكن ابي اقوي لغتي الانجليزية قبل لاقدم اختبار التوفل من عنده خبرة ودرس بمعهد عندنا بقطر وشاف نتيجة ممتازة واستفادة .... أتمنى ما تبخلون علي بمعلوماتكم ..... أعتبروا اني اختكم وتساعدوني لاني والله مالقيت حد يساعدني .... واشكركم



وذي رابط الموقع :

http://www.education.gov.qa/section/sec/hei/sc_office/_out_programs

أنــــــــــــــــــــــــــــــــــتظر ردودكم :weeping:

[قطري !]

اعتقد جامعة اكسفورد و جامعة كيمبريدج



هم افضل الجامعات واقواهم

[نور الحور]

أختي أنصحج بالدراسة في كندا أفضل وأحسن من بريطانيا وأمريكا حسب ما سمعت ..
ميزة كندا هادية ومريحة من حيث السكن ، وقوية من حيث التعليم .. وأعتقد إن وحدة من مدنها (يمكن مونتريال) فازت بأفضل مدينة في العالم ..

بالنسبة لتخصصج ما أعرف بصراحة بس دعواتي الله يوفقج

[بنت قطريه]

اعتقد جامعة اكسفورد و جامعة كيمبريدج



هم افضل الجامعات واقواهم


مشكور أخوي وان شاء الله باشوف الجامعات اللي ذكرتهم وان شاء الله ربي يكتب اللي فيه الخير

[بنت قطريه]

أختي أنصحج بالدراسة في كندا أفضل وأحسن من بريطانيا وأمريكا حسب ما سمعت ..
ميزة كندا هادية ومريحة من حيث السكن ، وقوية من حيث التعليم .. وأعتقد إن وحدة من مدنها (يمكن مونتريال) فازت بأفضل مدينة في العالم ..

بالنسبة لتخصصج ما أعرف بصراحة بس دعواتي الله يوفقج

مشكورة أختي وان شاء الله باشوف كندا دام هاديه أنا بصراحة متخوفه وايد من أمريكا ماادري ومن الاشياء اللي نسمعها والله مب عارفه والمشكله اذا اخترت مااقدر اتراجع

[ابو محمد7]

انصح وبشدة في الدراسة في بريطانيا نظرا لقرب المسافة والدراسة فيها لاتقل عن امريكا وكندا

على الاقل الواحد اذا ضاق خلقه يقدر يرجع في اي وقت 6 ساعات هو بالدوحة واجازاتهم وايد

اما امريكا وبريطانيا يبي لك يوم كامل ورحلة طويلة ومتعبة على السياحية والبزنس مكلفة !!!

في طلاب كثيرين في بريطانيا من اهل قطر والخليج شباب وبنات بشكل اقل

مانشستر مدينة ممتازة ولكن جامعتها فيها شوية صعوبة

وفي بعد ليدز او برادفورد

افضل شي تسألين طالبات يدرسون هناك

اختاري جامعة قوية معترف فيها وماتكون صعبة جدا جدا

[ابو محمد7]

ايضا بريطانيا عندهم برنامج ماجستير في سنة وحده فقط اعتقد 12 شهر متواصل

بدلا من سنة ونص او سنتين

[(رمز المحبه)]

بصراحه التوجع في السنوات اللي فاتت كله على بريطانيــا وأمريكــا .. بس هالايام بديت اسمع عن كنـدا وعن جامعاتها يقولون فيها جامعات قويه مب عارف اساميها بس ممكن تشيكين وتسألين عن جامعات كندا ؟؟ واخوي قبل فتره نفس الحاله كله مركز يبي امريكا او بريطانيا .. بس فجاه غير راايه وقال بدور في كنـدا وفي وايد يدرسون هناك ويمدحونها .. والدراسه قويه .. ومعتمده .. والاسعار من حيث المعيشه والسكن جدا مناسبه


الله يوفقكم جميـعا

[ابو محمد7]

بصراحه التوجع في السنوات اللي فاتت كله على بريطانيــا وأمريكــا .. بس هالايام بديت اسمع عن كنـدا وعن جامعاتها يقولون فيها جامعات قويه مب عارف اساميها بس ممكن تشيكين وتسألين عن جامعات كندا ؟؟ واخوي قبل فتره نفس الحاله كله مركز يبي امريكا او بريطانيا .. بس فجاه غير راايه وقال بدور في كنـدا وفي وايد يدرسون هناك ويمدحونها .. والدراسه قويه .. ومعتمده .. والاسعار من حيث المعيشه والسكن جدا مناسبه


الله يوفقكم جميـعا

كندا جامعاتها قوية جدا

لكن شتائها قارس جدا جدا جدا وتصل الحرارة الى -30 !!!

[مونديال]

يوفقك الله

[بو خليفه 123]

بحكم تجربه شخصيه جامعة باث هي افضل شيء حصل في حياتي في بريطانيا

لكن ماحددتي اي محاسبه راح تتخصين في ال MBA

Financial accounting
Political accounting

الخ الخ

[bos3eed]

هلا اختي, اول شي انصحج تنسين التوفل وتركزين على الايلز لانه اسهل وممكن تجيبين فيه درجه اعلى. اذا تبغين تدرسين ايلز, انصحج تشوفين مدرس خصوصي لامتحان الايلز نفسه, لانج اذا رحتي معاهد راح يدرسونج لغة انجليزية عامه ماراح تستفيدين منها وايد في موضوع الايلز, بس مدرس الايلز راح يفهمج طريقة الامتحان بالظبط ويدربج على نماذج حتى تتمكنين من الامتحان نفسه يالعني بالعربي (الاستاذ الخصوصي راح يعطيج المفيد المختصر اما المعاهد راح يلفون ويدورون علشان يشفطون فلووس) بتلاقين اعلانات مدرسات ايلز في الجرايد وانا عندي رقم واحد بس مادري اذا للحين موجود.

ال MBA تكون عامة وتغطي اكثر من فرع مثل:
Business accounting
Business economics
Business research
Corporate finance
Marketing
Managing people
Operations management
Strategic management

اما اذا درستي MSc في المحاسبه فراح تاخذين مواد المحاسبه بشكل اساسي مع بعض من الي فوق بشكل فرعي, وطبعا ها الشي يعتمد على مسمى التخصص لان العاده بتلاقين المحاسبه مقرونه ببعض التخصصات الاخرى, مثلا محاسبه وادراه او محاسبه وتمويل.

اما عن الجامعات ف انا اعرف عن بريطانيا بس بحكم دراستي هناك, اول شي, هذا تصنيف الجامعات البريطانيه في مجال البزنس الي من ضمنه المحاسبه:
http://www.guardian.co.uk/education/table/2010/jun/04/university-guide-business-and-management-studies

دراسة الماجستير في بريطانيا (الفل تايم) تكون مدتها سنه من سبتمبر الى سبتمبر
في التصنيف الي فوق كل ماكانت الجامعه ذات تصنيف مرتفع كل ماكانت الدراسه فيها اصعب ومتطلبات القبول بعد اصعب. مثلا عندج رقم 13 جامعة ليدز, متطلبات القبول فيها جيد جدا او ممتاز في البكالوريس و 6.5 في الايلز, للتفاصيل:
http://business.leeds.ac.uk/masters/masters-programmes/msc-accounting-and-finance/

اذا لقيتي الجامعات المناسبه من التصنيف اللي فوق لازم بعدين تختارين المدينه المناسبه الي تنفع ان الواحد يسكن فيها,
شخصيا ان انصحج ان ماتطلع خياراتج عن:
Leeds, Manchester, Bradford, Liverpool

السموحه على الاطاله

[بنت قطريه]

الله يجزاكم خير كفيتو ووفيتوا .... ربي يفرج همكم مثل مافرجتوا همي ويرزقكم من أوسع ابوابه